［家庭觀眾切勿模彷］LVMH買唔到Tiffany，咪買Pandora咯，三份一價錢咋

又係多圖，建議你睇medium版。其實出medium文用多好多時間，所以只會係有必要時我先咁出。幾時必要？多圖多表多片時就會。

1. 哈哈，Pandora股價大插（穿珠珠嗰間，唔係聽歌），唔知做乜好心涼，其實唔關我事。當然又係業績麻麻地，仲話下年都唔掂。唔知關唔關示威事。應該唔多關，因為香港應唔佔好多，況且你睇LVMH，香港銷售係大跌，但全集團一樣超勁（http://bit.ly/2PP3Kpz）。

2. Pandora真係一隻港女（OK，其實係大中華女，或者亞細亞女）概念股。記得當年（2015）我睇時，澳洲佔7%收入，其他亞洲（包埋中國同香港）都只係9%，冇細分。事隔三年，中國（當然包埋香港）就已經佔9%，加埋其他亞洲（包括澳洲）就超過兩成。而家中國收入已經高過澳洲50%。

3. 再深入啲睇到，其實絶大多數地方銷售都係倒退嘅，真係靠中國（再講一次，包埋香港）一命救全家，先保住成個收入唔使跌。又，你見到，在原產地丹麥，就真係冇人買的。咩話，丹麥丁屎咁大可以有幾多生意？我好相信香港鼻屎咁大，生意多過丹麥好多，可見香港人幾咁有錢（或者幾咁窮，因為聞說有錢就唔買Pandora）

4. 亦都留意，Pandora在中國，其實都仲係不入流的，講緊市場佔有率1%都冇。但，中國業務都夠一命救全家。可以睇到中國市場有幾重要，亦好難怪啲公司要跪低。你根本唔使做market leader，食餅碎都多過你丹麥成罐曲奇餅。

5. 當年最經典嘅場面，就係每年情人節前夕（又名小三節，所以其實應該2月12日去影，因為係小三節前夕）（http://bit.ly/33kTU2K），我去啲大商場，見到一個個港男排隊，臨急抱佛腳，個個面色蒼白眼神散渙咁。為乜？梗係為全年其他日子嘅幸福啦。成班好似睇聖鬥士星矢，中咗「積屍氣冥界波」等落黃泉啲中陰身咁（有冇話你知埃汾係巨蟹座的？）。而我本人就真係一次都冇買過。又，眼利嘅你應留意到，其實張相入面好多係女人。最尾解。

6. 然後我見到，嘩，Pandora開到屯門元朗都有（OK，交易廣場係冇的，Fact check撚可以休矣），甚至拉脫維亞斯洛伐克都有（！）。望下隻嘢先。

7. 先講講，官方當然好多講法，但對我嚟講Pandora就係朱義盛穿珠仔扮名牌。諗呢條橋嘅真係天才。你可以想像到，Pandora嘅profit margin相當高。有幾高？純利率講緊22%。你覺得唔係好高？咁的確低過麥當勞好多。不過LV講緊都不過係15%，Kering（姑池母公司）都係咁上下，Tiffany講緊12%。可見Pandora食水幾咁深，同埋買嘅有幾咁水魚。唯一可以匹敵嘅係名牌中嘅名牌，愛瑪士，純利率近25%的。當然買家唔會覺得搵笨，講過N次，貴嘢靚嘢就唔會抵的。

8. 然後睇下股價，Pandora真係來回地獄又折返人間。2012–2016年，升咗廿倍咁滯！但到2016年到而家，跌七成幾，五十蚊升上一千蚊跌返落嚟三舊水。未慢慢睇，但你大約估到，呢啲咁朱義盛嘅玩法，唔持續得好耐，因為人地識得抄。人地見咁多水魚，窮買窮賣之嘛，窮人冇嘢多，但人口多。廿蚊成本買你三十蚊，只要夠多人，可能好過八百成本買一千蚊。Tiffany本身已經唔係好高檔（埃汾買得嘅可以有幾高？），但一樣再出啲再平嘅嘢，咪搶到你生意，你cheap我都cheap，cheap到你都驚。

9. 上篇寫Fitbit寫過啦，公司再垃圾去到某個位就吸引（http://bit.ly/2C4jeOy），我懷疑都遲早有人諗買Pandora。LVMH買唔成Tiffany，可以諗諗佢（http://bit.ly/36hKK9h）。太cheap？扯，Tiffany 都唔係貴嘢啦（埃汾買得嘅可以有幾貴？），就係貪佢唔貴，補足返LVHM未有嘅砌圖。怕唔怕影響集團形象？咪就因為咁所以要保留原本品牌咯，東海堂都貴過美心西餅啦，幾時見美心西餅搵架妹賣廣告？

10. 講返，Pandora一年收入講緊近34億美金（下同），純利就7億半，市值50億美金。Tiffany呢？其實收入45億，純利甚至得6億左右，市值就150億。（順手講埋，Swarovski一年收入都係咁上下，但純利唔知，冇上市，家族嘢）

11. 你睇，幾有趣？Tiffany收入高過Pandora 三成，但落袋嘅純利仲要低過Pandora少少（都話利錢低），但又市值等於人地三倍。當然係因為收購炒咗上嚟，但仲有好多其他嘢。Or something is wrong？

12. 當然亦見到，Pandora係單位數市盈率，Tiffany廿幾近三倍。固然不能直接Pandora Charms同Return to Tiffany比。但，係咪完全乜都冇得比？收購者錢就得一舊，買得邊個（當然可以why not both），等於港男錢就得一舊，買得邊樣（當然可以why not both）。但女嚟講，亦可以係一條受Pandora一條受Tiffany，但點冇咁易why not both啦下話？

13. 我個人嘅直覺係，Pandora係幾抵買的。唔係指啲貨（又一好公司不等於好產品嘅例證）（http://bit.ly/2mgSztv），亦唔係指隻股票，我指係作為收購對象。固然梗係經營有啲問題先搞到股價跌七八成，但去到呢啲位啦喎。你唔識經營，唔緊要。LVMH識嘛。你班管理層咪袋錢走人，由更識得玩呢盤嘢嘅人上咯，係咁架喎。

14. 買唔到Tiffany，咪買Pandora咯，你係LVMH可以咁，當然亦可以why not both。港男就唔好試了。我指唔好買唔到Tiffany就買Pandora，why not both係可以的

15. 呀，彩蛋，in case 有人唔知，Pandora係……丹麥公司（其實上面有提）。所以股價係丹麥克郎（未用歐元咯），亦係哥本哈根指數20隻成份股之一。由公司名嘅Pandora A/S亦睇到丹麥嘢，嘉士伯馬士基等都係A/S。等於德國嘅BMW AG，法國嘅Hermès International S.A.，意大利嘅飛甩雞毛S.p.A. (唔好讀成spa，亦留意大細階），英國嘅HSBC plc，日本嘅任天堂株式會社咁

16. 彩蛋2，都係知咗冇耐，日文嘅株式会社其實直譯德文（而唔係英文或中文或自己作出嚟）AG．日本以前（講緊戰前了）讀醫全部用德文教，必學德文，聞說而家醫科仲保留好多德文字。如是我聞

17. 彩蛋3，真係曼德拉效應，我成日講，但發現原來自己冇影過小三節（或小三節前夕）嘅港男相。倒係在日本見過。港男小三節積屍氣冥界波買Pandora，日本仔一樣白色情人節前買排隊買Godiva。講緊小倉咋，都咁Q多人，唔係福岡唔係東京。不過，買盒Godiva斷估點都平過買Pandora

18. 彩蛋4: 原來囡囡有張Pandora嘅卡！但我冇買過！好可疑！仲要睇下個編號！仲可疑！（不過聽聞其實唔係順冧把嘅，亦可能只係咁啱嗰期revamp新會員制，或者係咁啱續會）

【👶🏻湯丸報唔報N班好❓】#屯門幼稚園 #開放日
同媽媽達成共識，湯丸唔讀N班喇！
N班有佢好處，亦有家長鼓勵我報定interview先再考慮
只係，既然我決定一星期有4日陪佢玩
同埋都會報playgroup，自己直接湊最好 😉
我又覺得無必要太早學咩適應呀、社交呀、自理呀
。
Anyway，今日，我哋去屯門2間🏫幼稚園open day
橫掂下年先報K班，今年預早了解吓先
(應該呢幾星期六都去)
。
其中🆕️新校欣田邨馬陳家歡幼稚園，只設K班
媽媽話東華三院旗下，設施私資好，校本支援好
雖然我對小學銜接有些少concern，都照去先

一入去，我個人好鍾意，校園空間夠大夠新
中間有自選區活動，有攀石牆，有STEM等
區內唯一一間以 #繪本 教學
K1廣東話授課
K2~3英語授課，每日1.5小時有NET授課
透過台灣、自訂繪本學生字，品德
同埋今日NET.英語劇場 Mr. Crocodile 🐊
👱🏻‍♀️ NET帶領得幾生動，俾小朋友估動物
又用肢體扮唔同動物 🐘🐒又唱遊，氣氛好好
但湯丸瞓著咗 🤣🤣🤣
燈泡瓶都無整就走喇！

一諗起係港島區食嘢一定覺得好貴，呢間餐廳夠晒「貼地」，只要比$68就有得任飲「紅酒白酒啤酒??」，啱哂成班朋友gathering or 拍拖? 仲有呢度嘅嘢食都好正～試咗兩個套餐，「海鮮拼盤」超高質新鮮，想食肉又想食海鮮可以試吓「斧頭扒X生蠔套餐」都好吸引！快啲tag 朋友一齊去試吓啦?
祖葉 Joe Yip 十八廿二
＝＝＝＝＝＝＝＝??店鋪資訊??‍♂＝＝＝＝＝＝＝＝
Cafe 2 Oyster n Grill
西環皇后大道西371號地下

＝＝＝＝＝＝??食玩訓資訊??‍♂＝＝＝＝＝＝
【#祖琪試食】特色陶板燒肉+放題低至$228 食勻牛舌牛肩胛牛小排 小食甜品任食?
https://youtu.be/iFtYmTRhJuA
【＃祖琪掃街】「掃街食勻全香港????」 屯門篇
https://youtu.be/LIv-gdCl_Ok
【＃祖琪極速試食】 合味道樂怡杯麵 究竟伏唔伏?！？
https://youtu.be/bQSxgbinm2s
【#祖琪搵食】?一飯三食 銅鑼灣日本鮮味釜飯?
https://youtu.be/xjJ0hWJThiY
【#祖琪搵食】尖沙咀✨低至 $248任食和牛x刺身x海鮮??
https://youtu.be/RhgSybQloBU
【#祖琪遊澳門】天浪淘園衝浪? 試玩刺激滑梯＋巨型雪碧沖身機??
https://youtu.be/vxh6rm6W3YE
【#祖琪搵食】試韓式熨烤燒肉 必食濟州黑毛豬＋半熟牛沙律?
https://youtu.be/0MGA-C6tEpw
【#祖琪jetso】堅抵?$68.9嫩滑燒hite雞?
https://youtu.be/7PxtoQ0oEpc
【#祖琪搵食】將軍澳一田開幕X熊本熊? 祖琪帶你睇有咩好食?
https://youtu.be/-j_tT_YIvI4
【#祖琪飯局】三人行試抵食二人燒肉套餐? 任食芝士粟米爐邊蛋 7-8月份生日有優惠
https://youtu.be/-zf6goA1fqA

法式甜品一試就好易迷上
路專員旭婷同凍豆腐比間舖頭嘅店面吸引住
雖然店面唔大，但係擺設裝飾好用心
要整好食嘅法式可麗餅、班戟都幾巧功夫架
試過真係有意想不到嘅驚喜！:)
Crepe N Cream

想知多啲就Click入嚟：
http://www.roadshow.hk/120320/

一 [路]追貼我地
FACEBOOK： https://www.facebook.com/RoadShow.hk/
WEBSITE： http://www.roadshow.hk
INSTAGRAM：ROADSHOWHK