#貓奴去偷歡 #超多可愛貓貓的貓café

早陣子去了太多戶外活動，
想稍稍躲開一下猛烈的陽光🌞
於是帶小火子第一次去貓café。

對於每天也與貓咪共處的貓奴，
可以與不同的貓貓一起玩也超興奮🤩
當天我們的節目安排於荃灣一帶，
逛完 #南豐紗廠
並於 #王牌冰室 吃 #特濃沙嗲牛肉麵 後
便前往 貓之茶房 Cats Tea Room

我們大概2時抵達，café內的人也頗多，
還好早一步到達，我們坐下來不久，café已滿座‼️
Walk-in的人要先留電話待有位才可以再來，
不肯定是否可以預約，假日先致電查詢比較安全啊☎️

#收費 包一杯 #飲品，飲品選擇頗多🍹
我們還點了cheese cake，都蠻好吃。
Cafe內有很多不同的貓咪，都很可愛與友善🥰
想得到貓咪關注，手持 #貓零食 是有效的辦法😆

不過貓零食 #每小時限售⚠️
避免貓貓吃太多也是好事😜
#餵貓 時要把零食放於心口，
不可以餵戴有領巾 #正在減肥 的貓咪啊！

場內有board game供應，
不過在那裏我眼中只有貓🐱
待了個多小時，買了一個 #貓咪時匙扣 留念，
共花費 $300多，給大家參考一下😉

🐱貓之茶房
📍地址：荃灣大河道45號樹勳樓1樓
☎️電話: 2149 6261
✨尖沙咀也有分店，可以看貓之茶房Facebook專頁的資料

💰收費
🔸首小時每人$68, 包一杯飲品,
🔹其後每小時半價$38
🔸閒日可享 $165 無限時任坐優惠 (不適用於每年7月及8月)

#貓之茶房 #貓 #貓cafe #親子 #好去處 #荃灣 #室內好去處

《尖沙咀草地上開餐啦。草民》

早前同朋友邀請我嚟到尖沙咀呢間幾特別啲Cafe食生日飯，佢聲稱可以響草地上食飯幾得意，攪到我幾期待，多謝朋友先😁

去到發現原來空間唔大，真正有草嘅空間不大，剩係得三張枱，而且佢嘅草係假草😅摸上去同埋坐上去都係好假嗰種，坐得又唔算好舒服，同我想像中嘅有啲出入🙄我以為全間鋪頭都係舖滿草添。

不過好在佢啲嘢食都唔錯，第一次幫襯，我哋當然要點佢嘅入門級，你網上好多人點去嘅車仔飯($138)，我哋都點一份啦！佢有好多種配搭可以選擇，肉類豆類同埋糙米飯，我哋最後揀咗雞肉配番茄粟米法邊豆同埋南瓜糙米飯。其實佢整個餐都係非常之健康，我覺得有啲似嗰啲減肥餐😂，不過雞肉係好味嘅似慢煮雞胸，其他嘅食材都算新鮮同埋盡量保持原汁原味，配上柚子油醋，感覺清新不過$138/份我哋就覺得賣得貴左少少喎🙄

63度溫泉蛋卡邦尼意粉（$88）就真係唔錯，佢用上我最喜愛嘅扁意粉，意粉煮得啱啱好硬度適中，佢嘅溫泉蛋汁和醬汁好完美咁樣結合，好均勻咁沾上每一條意粉！加上火腿和小蘑菇，整體味道亦很好，我幾推薦這道意👍

我們再點一個小食鮮茄蓉芝士焗肉丸（$66）呢個有驚喜啵，肉丸上面鋪左鮮茄蓉芝士再去焗，香濃得來好滋味，佢啲肉丸一開始我哋expect好似IKEA嗰啲細細粒，點知佢係大大粒好似乒乓波咁有五粒，而且覺得又唔會好乾！幾好味喎👍😆

另外佢嘅紫薯鮮奶幾正！紫薯味幾香甜唔假！拿破崙蛋糕中間勁多吉士醬，真係我最愛，抗拒唔到啊，咳都要食😝😝整體來講呢間cafe嘅食物質素係幾好, 食物都相當有誠意，係啲假草令我有少少失望🤔。小小題外話，同場隔離兩張草地嘅枱比一班好嘈嘅女人霸占左，佢哋講嘢真係好大好大好大聲，有啲大煞風景，本身佢另一個賣點就係冇限時任坐，我哋仲諗住慢慢傾，我哋真係比嗰班女人嘈到想快啲食完快啲走😣，不過唔關呢間cafe事😟
____________________________________
店名：草民
環境🏝：8/10
服務💁🏼‍♀️：7/10
價錢💰：6.5/10
食物質素🍝：8.5/10
整體🙆🏻‍♂️：7.8/10
地址:
尖沙咀厚福街12-12A號藍馬商業大廈9樓

#吃貨玩樂
#草民

《尖沙咀文青輕鬆好去處。香港郵意》

尖沙咀比我嘅感覺就係shopping和自由行，我真係估唔到喺呢度可以搵到一個隱世勁chill的大型樓上cafe。

雖然話隱世但係一啲都唔難搵，喺尖沙咀B2出口一出直行到盡頭嗰個大型商場樓上3樓就係，因為佢新開嘅關係樓下中放滿好多花籃，上到去3樓原來是全層有一半都係屬於呢一間Cafe，另一半就係啲精品店和扭蛋機。

有邊個會諗到到3樓開咗間咁正的Cafe，啱晒我呢啲偽文青。佢空間非常之大，而且環境好舒服好自在，重點係唔同區域有唔同嘅枱櫈你可以自己選擇，席地而坐又得，圖枱，長枱，唔同嘅座位都可以坐，重點係佢係無限時，只需要最低消費一杯野飲就OK，平時約三五知己來呢度hea一個晏晝都冇問題！

佢呢度呢係自助形式，唔會有侍應服務，攞餐到食完擺番啲盤都係自己，不過見到大家都好自律，可能係比成個氣氛環境所影響。

至於食物方面都算係非常高質，因為通常Cafe嘅嘢食我哋都預咗麻麻地，點知佢呢度嘅嘢食性價比算很高，我哋點左all day breakfast都係$88，有德國腸煙肉炒滑蛋牛角包沙律菜同埋蘑菇，滑蛋够滑，牛角包仲係暖㗎，而且一set都幾大!

卡邦尼意粉($58)同樣一樣咁有誠意！唔會話太多汁，加上大量嘅洋蔥，配以蘑菇煙肉感覺好夾幾香口，加上佢呢度用扁意粉爽彈煙韌我鐘意呀！

另外佢嘅嘢飲都好得！我因為傷風唔舒服叫左一壺熱嘅有機檸檬薑茶($58),佢都幾足料而且幾大喎，我飲咗喉嚨好舒服啊😌二朋友就點咗一杯名爲小確幸的smoothie($48), 即係士多啤梨加香蕉！味道唔錯喎，亦都唔會太甜，幾清新！

佢呢度仲有好多款唔同嘅明信片可以即買即寄，我諗係target on 旅客多，不過啲明信片都幾得意。整體來講，佢呢度真係幾好坐，我同朋友不經不覺由晚上七點傾到11點，只需要最低消費一杯野飲啦就可以唔限時任坐！後來我仲見到原來佢夜晚9點到11點會推出甜品放題,只係每位$88就可以任食佢自家製作嘅甜品，今次比我發現咗呢個咁正嘅地方！我下次又要來食！😍
—————————————————
店名：香港郵意
環境🏝：8/10
服務💁🏼‍♀️：8.5/10
價錢💰：8/10
食物質素🍝：8/10
整體🙆🏻‍♂️：8.3/10
地址:
尖沙咀漆咸道南61-65號首都廣場2樓80-82號舖

#吃貨玩樂在尖沙咀
#吃貨玩樂
#香港郵意