【地球防衛】中國研究用長征5號火箭撞開小行星 科幻電影中常見嘅題材係隕石撞地球，而解決辦法無非就係搵嘢炸咗佢。而中國官方團隊最近就係計掂數，只要用23支長征5號火箭同時撞落粒隕石到，就可以改變其方向拯救地球！ 據《路透社》報導，中國科學家計過數之後認為，以太陽系內最有機會撞擊地球、平均直徑492米嘅小行星「貝努」為假想目標，只要於適當位置將23支目前中國最大型嘅長征5號火箭同時撞落去，就能夠將其路徑推開1.4倍地球直徑，簡單啲黎講就即係能夠將貝努由「命中地球正中心」變成「擦身而過」。 除咗中國之外，美國亦有研究緊同類計劃。2018年時美國NASA曾同樣提出火箭撞擊方案，需要用75支三角洲4號火箭，而且預警時間雖然25年 (即係要喺粒小行星撞擊地球前25年發現佢先夠時間作出反應)，相對之下中國提出嘅火案需要少啲火箭、預警時間亦只有十年。 另一邊廂，當中國方面仲停留喺理論階段，美國NASA就準備於2022年初前，發射無人駕駛太空船嘗試攔截 (簡單黎講就即係撞落去) 兩粒與地球距離夠近嘅小行星，去測試對小行星軌跡嘅影響。如果成功，將係人類首次成功改變天體軌跡。 資料來源：路透社 #科技 #太空 #小行星

【我畀埋条命你好冇？】⁣ ⁣ 綜藝節目的「死亡行星」環節，引得哄堂大笑，但你又有否想過真實的行星死亡是怎麼一回事？⁣ ⁣ 科學界將行星死亡分為三類，分別是毀滅（Destruction）、出現大型生物滅絕（Mass Extinction）或絕種（Sterilization）。⁣ ⁣ 行星死亡看似難以想像，但其實早於 6,600 萬年前，小行星撞地球導致恐龍絕種，地球已「死」過一次。專家估計，地球如果第二次死亡，失控溫室效應（Runaway Greenhouse Effect）或是其中一個原因。當大氣中二氧化碳累積速度快過被岩石吸收，便可能加劇火山活動，令地表溫度飆升至 100°C，海水完全蒸發、大量生物死亡。最嚴重者，大氣層可能會消散，熱力無法積聚，地球終成一個凍土死星。⁣ ⁣ 另一個死法，是電影的常見橋段 —— 彗星撞擊。在太空之中，一旦有大型彗星來襲，除了會對行星造成物理上的破壞，彗星的冰凍岩石碎片，亦可能令局部地區出現迷你冰河時期，繼而改變整個行星氣候。⁣ ⁣ 科學家估計，太陽系最大行星的木星可能面對另一種死法。專家預測木星的星盤（disk）或在數百萬年後蒸發，遂令引力出現變化，打亂鄰近行星軌跡。而木星向來是地球的守護者，為其抵擋不少彗星和小行星撞擊。一旦木星引力變化，牽動的不止地球安危，甚至整個太陽系的生態亦會大變。⁣ ⁣ 恆星體積會隨年月膨脹，產生的巨大引力，足以撕裂距離較近的行星，導致行星最終或只剩下內核，尤如 Thanos 彈指一下頓成飛灰。這或是行星最轟烈的死法，科學家估計，目前太陽剩下 50 至 60 億年壽命，距離最近的水星和金星或會成為犧牲者，屆時地球亦恐怕凶多吉少。⁣ ⁣ #茶杯天高海闊

【科技】NASA模擬小行星撞地球 科學家：完全無法改變撞擊結果 近年有唔少小行星掠過地球事件，幸好都只係掠過，並唔係直接撞落地球。最近NASA做咗一項模擬小行星撞地球演習，結果顯示以人類目前科技，除非有阿寶出現，否則完全無法阻止小行星撞擊地球。 早前NASA同ESA（歐洲太空總署）展開一項為期一周嘅小行星撞擊地球演習，假設一顆距離地球3500萬英里（約5600萬公里），名為「2021PDC」嘅小行星將於6個月內撞擊地球。 （圖2） 據演習資料，小行星「2021 PDC」尺寸設定為35-804米，首次發現於4月19日，當時科學家預計小行星只有5%機率喺10月20日撞擊地球。演習第二日（模擬時間為5月2日），科學們重新計算小行星軌道後，發現「2021 PDC」極有可能撞擊歐洲或北非地區，科學家隨即研究各種方法阻止「2021 PDC」撞擊地球。佢哋曾經就打算發射核彈炸毀小行星，但因為核爆不確定性因素太多，所以否認方案，最終研判人類無辦法喺短時間內改變小行星軌道。 （圖3-4） 演習第三日（模擬時間為6月30日），「2021 PDC」預測軌道顯示將會撞擊東歐地區。演習第四日，科學家確認「2021 PDC」有99%機率落在東歐地區，並帶嚟相等於大型核彈嘅爆炸威力，唯一能夠做到嘅只係疏散撞擊區域民眾，盡可能減少傷亡。 為避免演習成真，NASA將於下半年展開防禦系列測試「DART」（Double Asteroid Redirection Test），準備發射一艘宇宙飛船撞擊一顆名為Dimorphos嘅小行星，藉此研究能否改變小行星軌道。 #NASA #小行星撞地球