之前同大家介紹過性價比超高嘅小米 Airdots 青春版，近嚟香港小米就引入咗喺內地叫紅米 Airdots 嘅小米 Airdots 超值版，價位仲要只係百五蚊左右，
究竟用落又得唔得呢？ 今日就同大家做個開箱！

呢隻小米 Airdots 基本版以黑色設計，包裝入面除咗有 Airdots 之外，就只有多兩對唔同大細嘅耳套，方便耳窿比較大或者比較細嘅用戶更換。
對比青春版同埋超值版，最大嘅分別除咗超值版用咗黑色嘅設計之外，外型大致都係差唔多，不過超值版充電盒就無青春版咁圓滑喇。
插入 Micro USB 充電嘅時候，充電盒會顯示紅燈，表示充電中。
小米方面就表示，耳機喺正常操作之下，單次可以用到4個鐘頭左右，而配合充電盒使用，
一共就可以為耳機提供額外兩次，亦都即係一共有12個鐘頭嘅電量。

睇埋隻耳機本身喇，外型雖然同青春版差唔多，不過睇真啲，原來比青春版仲細隻少少，
官網亦都表示基本版比青春版輕 0.1克，不過戴上耳仔其實分別就唔大。反而最大嘅分別，就係青春版以觸控操作，但係基本版就保留實體鍵。
雖然好似無咁High咁，但係其實實體鍵反而就無咁容易唔小心撳到，操作上好似仲好用咗！

試下做個配對先。我今次就試下同 iPhone 做配對。首先打開手機嘅籃芽功能，之後打開充電盒，拎右面嘅耳機出嚟，白色嘅閃燈喺度閃嘅時候，
就喺手機配對番呢隻 AirDots，之後再拎埋左面嘅耳機出來，唔駛一陣，就搞掂晒成個配對嘅程序喇！
同青春版唔同，基本版唔會有人聲提示開機同埋配對嘅狀況，反而用咗音樂嚟分別，不過對整體使用就無乜影響。

可能你會以為呢對平一百蚊嘅耳機音質就會將貨就價，但係試落兩款耳機嘅音質都唔算太差，亦都無好大嘅分別，睇番網頁嘅介紹亦都相若。
我用基本版睇咗兩個鐘劇集，中間冇斷過線，亦都無明顯嘅唔對咀情況。
總括嚟講，呢對 Airdots 基本版可謂喜出望外，唔駛百五蚊港幣嘅價錢，絕對稱得上係高性價比嘅產品！

《Z世代達人》
麥卓華

之前同大家介紹過性價比超高嘅小米 Airdots 青春版，近嚟香港小米就引入咗喺內地叫紅米 Airdots 嘅小米 Airdots 超值版，價位仲要只係百五蚊左右，究竟用落又得唔得呢？ 今日就同大家做個開箱！

呢隻小米 Airdots 基本版以黑色設計，包裝入面除咗有 Airdots 之外，就只有多兩對唔同大細嘅耳套，方便耳窿比較大或者比較細嘅用戶更換。對比青春版同埋超值版，最大嘅分別除咗超值版用咗黑色嘅設計之外，外型大致都係差唔多，不過超值版充電盒就無青春版咁圓滑喇。插入 Micro USB 充電嘅時候，充電盒會顯示紅燈，表示充電中。小米方面就表示，耳機喺正常操作之下，單次可以用到4個鐘頭左右，而配合充電盒使用，一共就可以為耳機提供額外兩次，亦都即係一共有12個鐘頭嘅電量。

睇埋隻耳機本身喇，外型雖然同青春版差唔多，不過睇真啲，原來比青春版仲細隻少少，官網亦都表示基本版比青春版輕 0.1克，不過戴上耳仔其實分別就唔大。反而最大嘅分別，就係青春版以觸控操作，但係基本版就保留實體鍵。雖然好似無咁High咁，但係其實實體鍵反而就無咁容易唔小心撳到，操作上好似仲好用咗！

試下做個配對先。我今次就試下同 iPhone 做配對。首先打開手機嘅籃芽功能，之後打開充電盒，拎右面嘅耳機出嚟，白色嘅閃燈喺度閃嘅時候，就喺手機配對番呢隻 AirDots，之後再拎埋左面嘅耳機出來，唔駛一陣，就搞掂晒成個配對嘅程序喇！同青春版唔同，基本版唔會有人聲提示開機同埋配對嘅狀況，反而用咗音樂嚟分別，不過對整體使用就無乜影響。

可能你會以為呢對平一百蚊嘅耳機音質就會將貨就價，但係試落兩款耳機嘅音質都唔算太差，亦都無好大嘅分別，睇番網頁嘅介紹亦都相若。我用基本版睇咗兩個鐘劇集，中間冇斷過線，亦都無明顯嘅唔對咀情況。總括嚟講，呢對 Airdots 基本版可謂喜出望外，唔駛百五蚊港幣嘅價錢，絕對稱得上係高性價比嘅產品！

《Z世代達人》
麥卓華

小米於早前推出咗Airdots 青春版藍牙耳機，以港幣$249一
嘅超平價錢開賣，不過一直都賣斷市。不過新一批Airdots已經陸續到貨，今日就等我同大家做個開箱！

Airdots秉承一貫小米產品嘅包裝，開箱之後見到耳機充電盒同埋一對Airdots藍牙耳機，另外就跟咗一條Micro-USB充電線同埋兩對唔同大細嘅耳機套。

今次我就試吓將佢連接我部 Iphone Xs Max。首先就當然要幫Airdots充電啦！充滿電之後，打開充電盒，之後同時將兩隻耳機拎出來，未被配對嘅耳機白燈就會快速閃住，呢個時候、只要在部開咗藍牙嘅Iphone入面嘅藍牙選項，搵番Airdots進行配對，咁就搞掂晒！

好喇，試下聲先！我大約試咗半個鐘左右，無論聽歌定睇劇、暫時都唔覺有左右耳唔同步嘅情況。另外，官方就表示，Airdots在充滿電嘅情況下可以用到最多4小時、而根據我嘅經驗，大約用咗兩個幾鐘、都未有出現低電量嘅情況。以平價藍牙耳機來講，絕對合格喇。

接聽電話亦都好方便個喎。當電話響起，想聽就點一下耳機，如果唔想聽，你亦都可以連續點兩下已經拒絕來電，唔使下下攞部電話出嚟，司機大佬就方便好多啦！