#優惠分享
https://shp.ee/9akta2f

史上最輕薄、拍照優異、性價最高、最漂亮的小米手機來了！
●小米史上最輕薄的5G手機——159g 超輕量、6.81mm 超纖薄
●6.55吋FHD+ AMOLED 90Hz 更新率大螢幕
●6400萬像素AI三鏡頭+2000萬畫素前鏡頭，隨手拍出美顏自拍
●4250mAh大電量，支援33W快充
●薄荷綠、柑橘黃、松露黑三款亮眼色系

※留言你最喜歡文章內的哪個特點並公開分享就有機會抽中遊戲藍牙耳機，共有三個名額。

小米11 Lite開箱囉！

小米11 Lite重量只有159g、厚度6.81mm
是小米史上最輕薄的5G手機

薄荷綠、柑橘黃、松露黑三款機身顏色超亮眼！
其他包括6.55吋FHD+ AMOLED大螢幕
看片玩遊戲都更爽快😎😎😎

6400萬像素AI三鏡頭+2000萬畫素前鏡頭
無論是拍風景、拍食物📷📷📷
或是美顏自拍都信手捻來！

電池容量4250mAh，33W快充
實測的續航力表現非常不錯！👍👍👍

#小米#Mi11i#開箱評測

小米嘅 Mi 11系列一直都受市場歡迎，而小米新推出嘅 Mi 11i 更加擁有超高性價比，今日就同大家做個開箱睇下！

呢部 Mi 11i 使用雙玻璃面設計，配備高通 Snapdragon 888 處理器，同採用 6.67 吋嘅 FHD+ AMOLED 開孔式屏幕，最高支援 120Hz 更新率同360Hz 觸控採樣率。機身上，佢嘅右側設有音量鍵，同可以用作指紋感應器嘅開關鍵。而佢嘅下側就擁有支援 5G 雙卡雙待嘅 Sim 卡槽同Type-C 充電口。

等我哋試下用嚟睇片先！喺 120Hz 嘅更新率之下，畫面睇落好流暢，而且整體色彩自然。開多個有多行走馬燈嘅新聞資訊節目睇下！無 lag 之餘，畫面都依然保持到流暢度，認真唔錯！
再睇埋 5G 上網嘅速度！喺室內嘅情況下，都有呢個水準，就算打機、煲劇都可以輕鬆應付喇！

Mi 11i 其中一個主打賣點就係佢嘅拍攝功能，佢嘅後置三鏡頭由 1 億 800 萬像素主鏡頭、800 萬像素廣角鏡頭、同 500 萬像素微距鏡頭組成，等我哋睇下影相出到嚟嘅效果！佢嘅AI拍攝功能都好出色，等我再試幾個俾大家睇！

好喇! 同你試多個特效，如果你用呢部手機拍片嘅時候慢慢放大影片嘅畫面，你會聽到我講嘢嘅聲音都會越嚟越大聲，效果就好似而家咁！

Mi 11i 擁有 4520mAh 嘅電量，支援 33W 快速充電，即使全日使用 5G 網絡都足夠應付。

呢部 Mi 11i 香港已經正式開賣，8GB RAM + 128GB內置儲存空間款賣HKD$3,999，而8GB RAM + 256GB 內置儲存空間款賣 HKD$4,399，有冰霧白、太空銀、同宇宙黑 3 款顏色選擇。

小米旗下嘅 POCO 喺 2021 年 3 月 22 日嘅發佈會上，發佈咗 POCO X3 嘅升級版－POCO X3 Pro，呢部機喺處理器及讀寫速度方面，都有唔少嘅升級，等我哋一齊睇下！

POCO X3 Pro 採用 6.67 吋 FHD+ LCD 開孔屏幕，支援 120Hz 更新率同埋 240Hz 嘅觸控採樣率，無論打機定睇片，都會有順暢同低延遲嘅表現。佢配備咗 2021 年旗艦級嘅 4G 處理器－高通 Snapdragon 860，比起 POCO X3 嘅高通 Snapdragon 732G 處理器更好。呢部 POCO X3 Pro 支援臉部解鎖，而機身側面嘅電源制，亦可用作指紋辨識解鎖。佢預載 MIUI 12 for POCO 介面，而儲存方面，佢選用咗存取速度更快嘅 UFS 3.1，大大縮短大家 load Apps 或遊戲嘅時間。

另外，呢部機備有 3.5mm 耳機插頭、雙喇叭、同埋紅外線發射器，支援 NFC 技術。同時佢亦使用咗 LiquidCool 1.0 Plus 液冷技術，有效降低使用時候機身嘅溫度。

手機鏡頭方面，POCO X3 Pro 嘅前置鏡頭有 2000 萬像素，而後置四鏡頭就由 4800 萬像素主鏡頭、800 萬像素 119 度超廣角鏡頭、200 萬像素微距及景深鏡頭組成，支援夜景模式，及前後鏡頭同時錄影等等功能。

呢部電話擁有 5160mAh 嘅電量，支援 33W 快速充電，官方稱 59 分鐘內就可以差滿 100% 電，滿電後可以連續玩 11 小時遊戲，或睇 18 小時嘅片，對日常生活綽綽有餘。

POCO X3 Pro 有內置 6GB RAM + 128GB 儲存空間、同 8GB RAM + 256GB 儲存空間兩款版本，顏色方面，有幻影黑、金屬青銅、及藍色 3 款選擇，官方建議售價為 199 歐元及 249 歐元，香港會唔會推出同埋賣價就有待官方公佈。

小米旗下嘅紅米喺 3 月 4 號嘅晚上舉行咗發佈會，一口氣宣布推出 4 款手機，分別係 Redmi Note 10、Redmi Note 10S、Redmi Note 10 Pro 同 Redmi Note 10 5G。等我哋一齊睇下！

佢哋4款機嘅外觀相似，都係採用曲面機背設計，喺外觀上最容易分辨佢哋嘅就係螢幕尺寸。Redmi Note 10 同 Note 10S 都採用咗 6.43 吋AMOLED 開孔式螢幕，Redmi Note 10 5G 採用 6.5 吋 90Hz 嘅 AdaptiveSync 開孔螢幕，而 Redmi Note 10 Pro 嘅螢幕就最大，採用咗 6.67 吋 120Hz 嘅 AMOLED 開孔式螢幕。

喺處理器上，採用高通及聯發科嘅各佔一半。採用高通嘅喺 Redmi Note 10 Pro 同 Note 10，分別配備 Snapdragon 732G 同 Snapdragon 678。而Redmi Note 10S 同 Note 10 5G 就分別使用聯發科嘅曦力 G95 同天璣 700。佢哋4款都預載基於 Android 11 嘅 MIUI 12，一致採用側置式嘅指紋辨識器，有 3.5mm 耳機插頭。而除咗 Redmi Note 10 5G 可以支援 5G 雙卡雙待之外，其餘都係支援 4G 雙卡雙待。

嚟到鏡頭，擁有最高規格嘅當然喺 Redmi Note 10 Pro，佢嘅前置鏡頭搭載 1600 萬像素鏡頭，而後置就由 1 億 800 萬像素主鏡頭、800 萬像素超廣角鏡頭、500 萬像素 2 倍光學變焦鏡頭，同 200 萬像素景深鏡頭組成，支援 Super-PD 自動對焦、雙原生 ISO 技術，同多項功能例如魔法分身、及長曝光模式等等。可以話係市面上鏡頭最好嘅中價機。

Redmi Note 10 同 Note 10S 嘅鏡頭硬件配備亦相似，唯一唔同嘅係後置主鏡頭，Redmi Note 10S 採用 6400 萬像素主鏡頭，而 Redmi Note 10 就採用4800 萬像素主鏡頭。其他一樣嘅鏡頭分別係 800 萬像素超廣角鏡頭、200 萬像素微距鏡頭同景深鏡頭，及 1300 萬像素前置鏡頭。

Redmi Note 10 5G 嘅後置鏡頭就由 4800 萬像素主鏡頭、200 萬像素微距及景深鏡頭組成，而前置鏡頭就有 800 萬像素。

電量方面，Redmi Note 10 Pro 有 5020mAh，Redmi Note10、Note10S、同Note10 5G 都有 5000mAh，除咗 Note 10 5G 支援 18W 快速充電外，其他都支援 33W 快速充電。

Redmi Note 10 Pro 同 Note 10S 提供 6GB Ram + 64GB 或 128GB 內置儲存空間，同 8GB Ram + 128GB 內存一共 3 個版本。Note 10 Pro 售價由 USD$279 起，而 Note 10S 售價就由 USD$229 起。Redmi Note 10 同 Note 10 5G提供 4GB Ram + 64GB 或 128GB 內置儲存空間 2 個版本，售價同樣由USD$199 起。小米官方正在評估緊佢哋喺香港推出嘅可能性，大家就要拭目以待！