食完飯，當然要散步上山搵宵夜醫飽另一個胃，而且，呢度開到凌晨2點，的確貼心。 呢度有飯有麵有烏冬有甜品，無論係麻甩地想食碟飯定係食份甜品滿足吓，都某問題！ 次次去完泳棚影完相/放咗學，餓餓地一定要食《五色冷麵》$36，芝麻醬撈蟹柳、蛋、鴨胸、青瓜同火腿，零失誤，就係飽足嘅感覺。 一系列嘅經典木糠布甸，好似士多啤梨、朱古力、芒果，必點是但一款是常識吧。PND最愛嘅《Oreo木糠布甸》($21)，雪到實實地，食落布少少食緊雪糕嘅感覺，布甸嘅忌廉打得幼滑，加埋3層Oreo碎確係好那些年。 宜記甜品 電話：29741333 星期一至日 17:00-02:00 @西環士美非路12S-12T號新發大廈地下 #PND西環 #PND港式 #PND甜品 #PND宵夜 鳴謝潮友溫馨推介：無你ig呀～見字相認 --------------------------------------------- PND中西區搵食、玩樂地圖： 中環裕記大排檔早餐(三文治)/勝香園茄牛麵(公假唔開)→永樂園熱狗→ChumChumMiBox外賣韓式炸雞→IFC Garrett爆谷→香港站1號小巴往山頂→買齊野食去山頂柯士甸山公園野餐/影相→特麗愛Trickeye Museum(出面平台為免費日落觀賞點，可互選)→1號小巴往中環地鐵站→ Instagram pier路線： HKU站b1出口往Instagram pier(日落觀賞點，可互選為西環泳棚)→電車/徒步/行人扶手電梯上西營盤第三街→Crispy Bistro→晚飯推介NOODIES→阿元來了/uncle Padak→Seoulmate Cafe (韓式甜品) 西環泳棚路線： 西環泳棚→Lex Coffee→「Sunday's Grocery」→可可店→「宜記」