前排整理舊相，終於可以搜查番自己逐步變成抹茶控嘅契機同過程😆一重溫完d相片，即時召喚番好多原本已經淡忘左嘅記憶，好有親切感，歡迎你陪我一齊踏上呢段回憶旅程⏳ 1️⃣時間軸要由2010年開始講起。原來香港首次出現令我怦然心動嘅抹茶食物，係菓匠茶屋抹茶軟雪糕🍦佢擔當好重要角色，顛覆左我多年來對抹茶等同好苦嘅負面觀念，完全刮目相看，成為左一個好大轉淚點。 2️⃣2011年由Sweets House Cha Cha接力出場，雪糕杯進化到有窩夫筒選擇，亦都新增一系列高水準抹茶飲品。當時覺得左下角杯抹茶軟雪糕沙冰配黃豆粉蕨餅係天堂級享受🤩睇番menu原來索價$50杯，以十年前黎講真係超貴！ 3️⃣2012年抹茶粉聚腳點一定係川善茶居，遇見香港較早期出現嘅高質抹茶latte，一試鍾情，連續幾年無限loop，配桂花果杯係我飛佛🌼 4️⃣2013年就黎到戲肉啦，相信單係呢年都吸納左大量抹茶愛好者！首先上半年有宏，佢杯抹茶芭菲簡直令我眼前一亮，係當時市面上難得一見優質選擇（輕易打敗抹茶館）為左佢成世人未試過去佐敦去得咁密😂😂 5️⃣對和櫻屋有份情意結，欣賞店主果種專注認真只做好一樣產品嘅執著同完美追求🍮食左幾年但喺呢年先咁遲第一次試特濃抹茶豆乳布丁，頓時突破左我一直以來嘅盲點，令我見識到抹茶唔係淨係同牛奶匹配，原來揉合豆奶別有一番風味，自此愛上呢個組合。 6️⃣2013年下半年輪到Via Tokyo粉墨登場，應該成功令好多Cha Cha粉絲移情別戀，一山還有一山高嘅好例子，到底高峰時期一年內翻啅左幾多杯雪糕你講🤣 7️⃣同年終極大佬茶之環來港插旗，仲好記得初次食倒招牌抹茶卷蛋果份悸動同震撼🥰相信去到今時今日，佢仍然喺唔少抹茶擁躉心中佔一重要席位，可謂元祖級人馬，地位屹立不倒。 8️⃣呢年仲有個重大發現‼️喺Oisix訂左丸久小山園抹茶蛋捲，一食發覺一鳴驚人！令我需要對抹茶零食質量重新估計！回購時候係誇張到要掃十包嘅程度🤘🏻 然後2014年打後抹茶界逐漸百花齊放，去到2015年我純粹想搵個空間分享下抹茶美食就開始左用ig，呢份初心保持到而家☺️唔知你成魔之路又同我相唔相似呢？🍵 #抹茶#matcha#matchaholicshardow

. 令人失望既抹茶蛋捲😭😭😭 本身已經食左麵包磚 但見寫咩A級認證同埋好評不少 決定食埋佢 可惜就大大失望😵 蛋糕幾軟熟但同鬆軟仲有一大截🙄 抹茶味並唔突出 無論蛋糕同忌廉都好微弱👎🏻 點解咁多人讚佢好食😾唔差但毫無驚艷呢!! 唔值呢個價….. . . #小山園抹茶蛋捲 $42 推介指數: 4/10 📍BEANS . . #黑洞jenjen #jenjen覓食在荃灣 #荃灣 #icecream #matcha #dessert #foodstagram #friends #followme #instadaily #like4like

除左上oisix網站同搵代購之外，而家再多一個便利方法購買丸久小山園抹茶蛋捲，就係黎荃灣買！☝️😁#抹茶#matcha#eggroll#matchaholicshardow