【 睇波先啦！／傑志 ╳ 理文決戰旺角 】 _ 香港運動員繼「東京奧運」奪得一金、兩銀、三銅的歷史佳績後，又在隨後舉行的「東京帕奧」（又名東京殘奧）勇奪兩銀三銅，總計兩項大賽，合共獲得11面獎牌，為本地體壇寫下光輝一頁，全港觀眾親眼見證運動員博到盡，在此興奮情緒帶動下，很自然會覺得「身痕」，加上快將揭幕的「全運會」，以及2022年舉行的「世界盃」和「亞運會」，相信這股近年難得一見的「全民做運動」熱潮會持續一段時間 ── ViuTV覷準時機製作大型運動綜藝節目《力圖打排球》（節目已於9月4日播出）、梁朝偉因電影《尚氣與十環幫傳奇》（Shang-Chi and the Legend of the Ten Rings）接受「Do姐」鄭裕玲訪問時提到自己「每天都做兩小時運動」引起網民討論，已足證上述見解。運動項目跟電視節目一樣有好多種，這邊廂觀眾為「劍擊F4」、「鄧謝配」打氣尖叫，照道理，當下是推廣港足最佳時機，何解球壇仍然「靜過太空」？ _ 參考「香港足球總會」網站公開的「香港超級聯賽」（港超）數據，2018年至2020年賽季（2020至2021年暫沒數據），除了部份較矚目的賽事，例如2018/2019賽季，傑志對東方龍獅，吸引幾千人入場，但更多情況是冷清得只有二、三百人買飛睇波，埋單計數，平均每場大概只有700至900名觀眾，每月門票收入總額只得40至50多萬（港幣，下同）。以小學程度的乘除數去平均計算，8支港超球隊，即每隊每月能夠帶來約５萬至6.3萬門票收入（未扣除成本和開支）。 _ 但原來未算最殘酷。「足總」數據顯示，2019年9月10日香港大球場舉行了「世界盃外圍賽 ─ 香港對伊朗」賽事（伊朗世界排名26，香港排名147)，當日的總入場人數有13,942人，淨門票收入總共有198萬多，相當於大約4至5個月「港超」賽事門票銷售的總收入。 _ 「世界盃嘛，梗係要支持啦！」「輸梗㗎喎！」「輸都要踢，呢啲咪體育精神囉！」 _ 結果，當天有接近1.4萬人親身入場睇波，由於香港佔主場之利，粗略估計觀眾席上逾八成都是現身撐「港隊」（斷估唔係支持伊朗啩？）。 _ 同年11月19日，「世界盃外圍賽 ─ 香港對柬埔寨」在香港大球場上演（柬埔寨世界排名：179），當天約6500名觀眾入場，結果港隊以2:0擊敗柬埔寨，球迷情緒高漲，下半場84分鐘，中場球員羅拔圖（Roberto Orlando Affonso Júnior）在禁區頂起腳射入奠定勝利的第二個入球掀起了全場高潮，與在上半場較早時間入球的夏志明雙雙成為香港隊取得勝利的功臣。 由於世紀疫情關係，這一屆的世界盃外圍賽由2019年踢到今年，除了上文提及，兩場於大球場舉行的「香港對伊朗」和「香港對柬埔寨」之外，2021年6月3日另外有一場外圍賽在巴林上演，香港再一次對戰伊朗，港隊雖於半場落後一球，但港隊前鋒安永佳沒有放棄，終於在85分鐘以頭鎚破蛋建功。 _ 回到「東京奧運」期間，若商場有直播賽事的話，都會迫滿人，就連平日不怎運動的三姑六婆，都忽然暫時放棄追劇，變成游泳、劍擊等賽事的小粉絲，約齊三五知己見證歷史時刻，就算單人匹馬走到商場睇直播也不會覺得尷尬，與陌生人分享喜悅，或互相安慰，因為「港隊」二字抵萬金。 _ 「何詩蓓吖嘛，好叻女！係香港人嘅驕傲！」 _ 但何詩蓓成為「香港人的驕傲」之前，只是「港隊游泳選手」； _ 夏志明和羅拔圖成為代表港隊，於國際賽事入球功臣之前，只是分別效力港超聯球會「冠忠南區」（擔任前鋒）和「R&F富力」（已於2021年加入「傑志」）；至於安永佳，現時跟羅拔圖一樣都是效力「傑志」，擔任前鋒。冇錯，是過往幾年，每個月大約只帶來「幾皮嘢」門票收入的香港本地足球球會；他們都是有能力在國際賽事為港爭光的香港足球員，但普羅大眾對他們的了解其實一般。 _ 換句話講，其實香港人極之撐「港隊」，只是那股力量不是用來撐「港足」。「足球」是一項非常講求團隊合作的運動，「香港隊」的成就亦倚仗本地足球的發展。兜咗咁大個圈，只係想講，要撐香港運動員，就要身體力行，唔好得個講字！今個星期六（9月11日），旺角大球場將會上演傑志（2020-2021年度港超冠軍）對理文（2020-2021年度港超季軍）戲碼，承接「東京奧運」的「撐港隊」餘溫，大家別只做「節慶球迷」或「勝利球迷」了，除了「英超」、「西甲」，「港超」更需要自己友支持。喂喂喂，畀啲「體育精神」，由撐本地波做起，球場見啦大家！ _ 《Nike呈獻：傑志90週年挑戰盃 ─ 傑志對理文》 日期：2021年9月11日 時間：下午5點半 地點： #旺角大球場 票價：$120（成人）#、$50（特惠票）# 網上直播收費：$50（on.cc直播） *挑戰賽收入扣除成本後將全數撥捐「傑志慈善」用作舉辦公益活動 購票連結：https://bit.ly/2X6k1fZ _ （09092021） _ #游大東 #游大東影視筆記 #kitchee #香港足球 #kitchee90thanniversary #安永佳 #賓紀文 #何振廷 #09092021 @mrdan91 @tsz_hold @official_huiyin @ilovemyoq @berlinhooo. Hu@footballnewsexpress @footballdaily_hk

【加拿大足球：Vancouver Whitecaps FC】 . 去咗加拿大一段短時間，除咗面對新地方嘅適應，當然要去感受吓佢哋對足球嘅氛圍。話說加拿大有三個球會係踢緊美職聯，分別係Vancouver Whitecaps FC，Toronto FC以及CF Montreal，而阿靴今次就去睇Vancouver Whitecaps嘅主場比賽，畢竟佢係最近自己生活嘅地方。 . 話說Vancouver Whitecaps非常重視今場賽事。因為疫情嘅關係，Vancouver Whitecaps上季度嘅大部份賽事，只能夠於美國嘅Portland同Salt Lake City進行；而今場賽事，可以話係接近一年嚟，首次重返主場BC Place比賽，並結束整整31場嘅作客賽程。 . 當日嘅比賽係Vancouver Whitecaps主場迎戰擁有卡路士韋拿嘅LAFC。比賽於晚上七點舉行，阿靴就大約早約一小時到達，球場附近有一個美食區，區內有數架食物車响度，俾大家叫嘢食同嘢飲。 . 氣氛最正嘅係响開波前，一班Whitecaps球迷手持藍色煙霧，同埋球會旗幟，嗌住打氣口號步入球場。阿靴一直以為加拿大唔係太重視足球，真心估唔到呢度嘅足球氣氛都幾唔錯。 . 阿靴正式進入球場，正式開波前，Vancouver Whitecaps邀請咗加拿大女子足球隊進入球場繞場一周，接受大家對佢哋嘅歡呼，原因係佢哋於奧運會上勇奪金牌。比賽前，賽會亦安排咗歌手獻唱美國及加拿大國歌。 . 於睇波嘅位置上，由於阿靴預算唔多嘅關係，只能夠選擇最便宜嘅位置，亦啫係龍門後面嘅位置。不過好嘅地方係，佢係主場球迷區，自然可以充分感受到球迷嘅激情，而再次估唔到嘅係，因為今次係重返主場，球會贈送每人一件印有Homecoming嘅白色Tee。 . 講返比賽，LAFC於大部分時間拎到主導權，可惜往往未能轉化為入波，阿靴最期待嘅卡路士韋拿更加早早於上半場15分鐘傷出。LAFC上半場補時階段博到12碼，以零比一進入更衣室。下半場比賽仍然係LAFC嘅主導，不過Vancouver Whitecaps嘅反擊奏效，最後以2：1反勝對手，當中後備入替嘅蘇格蘭快翼Ryan Gauld表現相當耀眼，佢更加於89分鐘射入致勝嘅一球。 . 於外國，阿靴發覺會有唔少足球場上嘅共同語言，例如前鋒浪費咗單刀機會，有球迷會大叫：「我退咗休嘅阿媽都踢得好過你！」，又例如，如果對方嘅球員倒地，又會有球迷會大聲講：「唔跌得嘅話打乒乓波囉！」，感覺相當親切。 . 比賽後，球隊球員會前往主場球迷區一齊合唱老歌 “Stand By Me”，相信佢係一個球會嘅傳統，而Homecoming贏波嘅一眾球員同球迷亦相當興奮。 . 前往加拿大前，阿靴一直留意著各地嘅足球文化。自己一直都覺得，足球嘅互動同影響力可以係好大，佢可以團結到一個社區，令社區有自己嘅歸屬感；不過當然，背後亦同當地嘅政治社會生態有絕大關係。於這裡，自己能夠感受到足球嘅力量，對整個社區嘅正面影響，的確令自己有點感動。 . 於比賽後，阿靴戴著Whitecaps FC嘅頸巾去快餐店食飯，有一個Local問阿靴，「球隊贏波嗎？」 . 雖然只係來回咗一兩句，但已經感受到，大家都係社區嘅一份子。 . ——————————————— Follow me🔹 @hkfootballreview ——————————————— #vancouverwhitecaps #whitecapsfc #whitecaps #vancouversoccer #vancity #vancouvercanada #vwfc @whitecapsfc

🎬 新片上線 華裔混血－Chris Schlesinger SummerMix 有關心世界籃球趨勢的球迷，可以發現日本籃球正迅速崛起，他們的混血軍團都是在美國打過NCAA學生籃球！ LIKE MIKE SPORTS 也一直在尋找海外混血球員，希望為台籃發展增加競爭力。 這次介紹的球員是 #黃鈞廷 Christopher Schlesinger 17歲195公分，場上擔任控球及小前鋒，球風全面！目前已受到科羅拉多州不錯的D1及D2學校關注，未來發展令人期待🔥 Stats： Christopher Schlesinger 6'5'' (195cm) PG/SF Rock Canyon High School class of 2022 2020-21 Junior year stats: 10pts 3.9ast 5.1reb 0.9blk Continental league- All league Continental Second Team / #basketball #ncaa @cschlesinger12