經過數小時搶救，已由櫻桃小丸子的山田同學變回Mike子，自拍一張為紀念還有頭髮在，thank you my 搶救師 呀Din!!! < 佢剪得好好㗎 @hairdenovo

喂呀～唯展你咁識揀㗎！🤡知道永澤同學係好嘢！😍😍😍 @siupongoscar 召喚：有冇人識永澤君啊？小丸子裏面我專鍾意啲side track角色，野口同學、山田同學、藤木同學同永澤同學！永澤同學好好笑㗎，你睇佢包上面個斜眼樣就知佢係衰嘢啦～😏佢呀賤賤格格咁，成日都放負，一副經常被陰霾籠罩的樣子（原來因為佢屋企曾經失火），佢犀利到櫻桃子係特登畫咗一本佢嘅外傳就係叫《永澤君》㗎！🤩🤩🤩 見返細個鍾意嘅嘢真係好開心，今晚嘢都講多咗🤪自high完畢。😌 #鍾意永澤君揮手區❤️ #有冇人一樣咁識貨 #今次生煎皇識貨呀😎 #岀咗永澤包😍 #勁正仲有永澤壓力包 #我見到佢壓力已當堂減半😌 #記得睇埋尾圖妹之嘅包面與包😛 #tammuig #tamjai #堅信號上海生煎皇 #永澤同學

•••••••••••••• 在初夏的放學時間，在小丸子3年4組的班房內，全班同學也安坐在自己的座位上，除了那個叫丸尾末夫的男孩，他是這班的班長，他站在老師桌前，正準備宣布班房內的新規矩。 • 丸尾：「各位同學，今次叫大家放學留低，係想討論吓近排大家返學遲到嘅問題。」 • 小丸子聽後，心裏涼了一涼，因為她知道這件事情一定和她有關。 • 丸尾托一托眼鏡，繼續說：「鑒於大家遲到嘅問題嚴重，身為班長嘅我決定喺課室實施新嘅規矩：以後邊一位同學遲到，將要罰款$1000 ，而收到嘅總額會喺學期尾用嚟買一份名貴禮物送俾班主任户川老師。」 • 小丸子大叫：「吓！ $1000 ？」 賓治同學亦不禁叫囂：「你唔好去搶？ $1000咁貴！」 野口同學陰森的笑了一聲，再悄悄的說：「丸尾同學果然係一個擦鞋嘅班長，嘻嘻嘻嘻⋯」 • 課室內的不滿聲此起彼落，但丸尾同學彷佛不以為然，因為他知道，他擁有的是權力：「總而言之，我已經決定咗啦。各位同學，由今日開始記得準時返學啦！」 • 丸尾同學面帶微笑的準備離開班房，憤怒的永澤同學也不禁發聲：「我要向户村老師投訴你！」 • 丸尾同學回頭看着永澤同學，冷靜回答：「投訴我？無任歡迎啊，你哋可以喺班入邊嘅投訴小組發表意見，」再冷笑補充一句：「但係唔好唔記得，我就係嗰個投訴小組嘅組長，歡迎大家嚟投訴我。」說罷，便離開了班房。 • 如今，班房內遺下的，除了是一片靜寂，還有無數同學心內的憤怒和不忿。 • 小玉同學無助的打破沉默：「咁我哋應該點做呀？」 • 個性熱血的衫山同學說：「唔好諗啦，直接衝入去教員室同户村老師講啦！」在旁的大野同學亦立即站起，附和的說：「係囉！咁唔公平，仲等咩啫？」 • 個性膽小的藤木同學拉着大野同學的袖口說：「唔好咁衝動啦！會唔會有其他方法啊？」 • 小渚同學認同的說：「係囉，不如我哋寫信俾老師或者校長？」 山田同學說：「一係我哋一齊坐喺學校門口抗議啦！」 • 怕事的豬太郎，結巴地說：「吓……抗議？咁大件事？我驚咁搞法，會影響我哋嚟緊個考試同埋畢業旅行喎……」 出身貴族，有專車接送返學放學的花輪同學說：「Hey baby~ 其實大家準時啲，唔犯規咪唔使驚囉。」 • 小丸子皺着眉頭說：「根本唔係犯唔犯規嘅問題！係個規則本身有問題，一啲都唔公平！」 小玉亦回應：「其實個源頭喺丸尾同學到，不如我哋搵佢傾啦。」 • 衫山同學氣沖沖的說：「傾嚟有咩用啫？佢持著自己係班長，有權力，從來都唔會聽我哋講嘢。下次班長選舉，我一定唔會投佢一票！」 • 「咩話？」班房房門突然打開，原來丸尾同學一直在門外偷聽同學的對話：「唔投我一票？」 • 這一刻，曾經友好的關係不在，丸尾同學與民為敵，全班同學也怒視着他。但畢竟，他只是一個小學三年級生，他面帶委屈，說出心內的原因：「我……我……我只不過係想户村老師開心咋嘛，我有做錯咩？」說罷，丸尾同學亦流下淚來。 • 小丸子雖然懶惰，但她的內心絕對是善良的。她拿着一張紙巾，走到丸尾同學的跟前，遞給他說：「你想户村老師開心係無錯，但係，你唔好忘記身為班長嘅職責：係 服 務 同 學。」小丸子微笑說：「我哋從來都無當過你係敵人，只係你俾權力沖昏頭腦，當左我哋係你敵人。」 • 丸尾同學回想起自己當班長的那一天，向同學們許下過的承諾，心中除了慚愧，就只剩下歉疚。 • 第二天的早上，準時的繼續準時，遲到的繼續遲到，而那不公的惡法終於撤回。班房內一切看似如常，但丸尾班長卻得到前所未有的尊重，因為，他學會尊重同學，亦學懂尊重自己身位「班長」這個服務大眾的職位。 • 學生的心是善良的，不要以為他們年輕便不懂事，其實從學生身上，大人們更需要向他們學習。故事始終是故事，反觀現實，看似簡單的道理總是不被明白，或是，總被某些人裝作不明白。 • 但願卡通片的美好，有天在香港也能看得到。 就用《櫻桃小丸子》主題曲內的歌詞，為這篇文章畫上句號： • 「問題天天都多，明日到底會像怎麼⋯？」