終於有時間搞返今日(定尋日)下晝去左DON DON DONKI小西灣藍灣廣場新店PRVIEW時拍的影片 XD

・全店約2萬呎，一層過，比將軍澳店好逛
・非24小時營業，但開到半夜1點也算幾夜，始終入口在商場入面
・門口相對較細，附近也有其他鋪及餐廳，無其他商場店咁歸一
・無鐵道直達，最近可在柴灣或杏花村站轉小巴
・每間店都有不同主題，小西灣這間以日本一年四季做主題
・沒有美食廣場，熟食區也沒有將軍澳店的大，但就有即叫即做的「情熱食堂」，推介A4和牛牛丼
・跟將軍澳店一樣主打區內家庭客，一入門口就是玩具部、零食部及寵物部
・區內最大型的寵物用品區
・店內也有「神秘」的成人專區，入口應該是全港各店中最隱閉的
・五蚊十蚊起的超特價ONE COINS家品及零食區也是有的
・美妝區產品豐富亦極好行，今期推介新登場的日清上個月才到港的「HYAL moist W+ White」美肌膠原蛋白乳酸酵液，無錯，係賣杯麵嗰間日清
・大量大量的口罩及防疫用品，主打SANRIO及美少女戰士系列，還有跟Medicom合作的聯乘版口罩
・肉食區主打新開幕優惠只售77蚊100克的和牛肩胛肉片
・繼續有大量的近江牛
・生果區主打草莓，主攻情人節市場，還有日本蘋果，及配合新年的水果禮盒等
・設有日本製造新年禮盒專區，不過今年大家應該唔會周圍去拜年
・外帶食物區有多款新推出單品如日式叉燒及草莓大福，還有初登場的自選壽司卷物，由每件$10起；因疫情關係，暫時會由職員代「夾」
・名物烤蕃薯當然是不能缺少的
・開幕優惠請睇返DON DON DONKI官方FB

明天正式開幕，商場方面已經嚴陣以待，在地下大堂設置了排隊區了

【龔成問答信箱】（Q15361-Q15380）

Q15361：

老師你好，好奇想問，
點解你咁好肯免費答人問題？

龔成老師：

我在讀書時期，已經好想賺錢，但完全唔知點做，後來去到圖書館，狂睇有錢人相關的書，得到好大得著，我知道這些資源是社會免費比我，我當時已想，如果有日我真的有錢起來，我都想貢獻下個社會。

到今日，我財富逾千萬，雖然不是大數目，但對我來說已有一點點成績，我地想幫下一D，好似我過往情況的人，所以我不斷出書、答理財問題。

而我好明白一點，當我不斷貢獻自己，我反過來會得到愈多，我知道我長遠來說，又會間接在某些地方，但得了社會給我的野。

因為係我累積財富的過程中，好明白知識的重要，我利用知識賺到錢，幫我由月薪$1萬到今日的財富，我知道唔少人，其實都可以做到，只不過是佢地無相關知識，所以我明白知識的重要性，而最重要的是，我不斷分享知識，並不會因此而有損失，反而會有得著，因此我會繼續做。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15362：

老師，我經常聽你說，等到恆指24000以下才是真正的平，到時才用餘下的現金掃貨。但以估值來計算（你上堂教嘅市盈估值法），現在某些零售股已經到平，如：六福、利福國際。

那麼，我是否可以掃貨？定係仍然等24000以下才出手？

龔成老師：

24000是整個大市，你當然可以對個股作估值。

六福（0590）在合理區中下部，有投資價值，分注已可以進行，但未算平，市場對佢的恐慌情緒未算好高。利福（1212）都有類似的情況。

所以，暫時仍建議你分注入，同時留翻D現金，如果再跌少少你可以動用部分現金，到大跌先用盡。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15363：

成哥，自從2018年中無意遇上你Facebook, 我就跟你建議開始左月供股票，加上自己本身的股票，現時組合+平均買入價如下：

3@$15.14 qty2780
66@$28.46 qty2094
270@$15.88 qty1121
823@$82.42 qty372
939@$5.44 qty4000
941@$63.5 qty1000
1211@&47.05 qty 1914
1928@$36.56 qty 1370
2388@$28.4 qty 1474
2800@$27.79 qty 1634

大約50萬左右，除左港鐵+建行係大約6-7年前買入，其餘都係呢一年半入市

自問投資經驗仲好需要改善，例如823、3呢兩隻股在不合理高位時

唔識賣出/停月供；1928、1211平時唔敢入....仲有手多多買左啲中移動。多得投資之前都會睇一睇你Facebook, 依家個組合雖然有點分散，但感覺都唔係好有問題

嚟緊打算買你啲書開始增值下自己

而家撇除供樓+生活款項，月儲$13000左右，月供股票$10000，另有45萬可隨時動用資金。

打算用多30萬在平價時入市，15萬做生活儲備，咁樣可以嗎？

未來兩年內想有小朋友，有小朋友前應該係儲錢黃金時間
加上今年似乎會出現入市良機，心情難免有啲興奮
希望依家努力，25年後退休時可以財務自由

龔成老師：

你的方向正確，月供股票是一個長線投資，往往要5年以上先有效果，你保持進行就得，上述持有的，基本上都是有質素的股票，長線就得。

至於現金，相信今年是一個投資時期，你要好好運用，分注投資是較好的策略，無人知大市升跌，但我地可以運用策略平衡回報與風險。

你用$30萬入市，可以，分注同時留現金等平先入，是較好的策略。

加油，你這刻是儲資金的黃金時期，我相信你唔需要25年就可以財務自由的！

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15364：

Hello~我之前43.7賣左1211點知佢而家升返好傷心

我另外上年開始都有keep住月供823平均價都88.78，而家佢跌到78.2...黎緊我有筆錢用完定期大概十萬，你覺得我好唔好買幾手823？你覺得佢會唔會繼續跌？

我應該點分配個十萬？我自己無乜另外既儲蓄可以用
Thanks~

龔成老師：

我地永遠唔會知中短期股價升跌，只可以話優質股長期會向上，因此盡量唔好輕易賣出。

月供是長期進行的，一般5年，因此，你可以繼續月供（反而你應期望佢中短期跌多D，比你多入平貨，期望遲D長先升）。

不過，你要睇翻你這刻的財富分配組合，如果領展（0823已佔一定的比例，這刻就唔好再一手手買，而是只月供就算。

$10萬要小心運用，唔好急。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15365：

啊 sir 你好，我近來留意緊維他奶，345。既優質，又同生活相關，營業額年增長，ROE 高，回落到28 蚊左右，算係合理偏低，所以唸住入，但係看到PE 50 倍，非常高，所以請教一下你看看點為止平

另外，中央用這種力量救市，未來一年係咪預計會有「劑」賬，好似十年前美國咁，令實物上升，但貨幣貶值？

龔成老師：

維他奶（0345）是很優質的股票，這個我在2016年出版的《50優質潛力股》已推介，但這股近年升得太多，唔少時間都處於貴的水平，因為佢中國業務發展得唔錯，市場對佢期望好大，有時甚至期望過大。

所以，股價回到合理區是必然的事，就算現價，仍處略貴水平。

如果有貨，這股可長線，但如果無貨想買，這刻只建議做何供，或小小注分注模式投資。要去到$25以下先開始合理區。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15366：

你好，1610中糧肉食可因豬肉價格上升令股價受惠嗎？這股潛力如何？

龔成老師：

中糧肉食（1610）會因此而受惠，但市場已經一早反映左當中因素，甚至已在高位回翻。唔好太因中短期情況而投資，要睇翻企業的長遠質素與前景。

整體來說，這企業不差的，但業務有點波動，之前出現過虧損，會有風險。你預這股現時的投資價值，算是不過不失，但去到好有潛力。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15367：

想問下如果想做到財務自由
而且又係岩踏入社會做準備

其實係咪現階段最好唔好買車?

龔成老師：

對，這刻不應買車。

因為買車會持續產生支出，我地會稱為「負債項」。

你現時是累積財富的黃金期，應該盡力買資產，累積財富，唔好這一刻增加負債。

你要「先投資，後享受」！

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15368：

阿sir 你好！睇完你嘅書，先知道買樓係要以小資產追大資產，同埋可以用leverage 去加快擁有資產。

我今年終於儲夠首期買樓，但睇完樓之後有啲問題諗唔通，所以想請教下你

我先講下自己嘅背境：

我同太太年約30，有兩個小朋友，家庭月入$65000，人工會按年資遞增。依家同家人同住，三年內無住屋需要。依家無物業。

現時有120萬現金，所以想買樓收租，或將來有需要時用黎自住。

睇完樓之後，有兩個問題想請教你：

1. 因為東九龍(九龍灣和觀塘)逐漸成為第二個核心商業區，不斷有新落成嘅商業大廈，所以我覺得呢區放租應該唔難。睇完淘大之後覺得唔錯

但依家淘大樓齡係33至39年，咁我供10-20 年之後樓齡就會超過50，會唔會到時好難揾人承接？(因為不能做30年按揭)

2. 第二個心宜嘅區係將軍澳，因為樓齡較新，同多大型屋苑，但最近日出康城有多個新樓盤落成，令到突然有大量租盤，係咪會令到將軍澳區嘅租金受壓？咁我係咪應該唔考慮將軍澳？Million thanks

龔成老師：

雖然你這刻無自住需要，但這刻，首先置業，然後放租，到之後才自住，是較好的做法。

1）如果是質素有問題的樓，就有這類機會，所以，你要睇翻佢維修等方面，是否有大問題，相反，有些有質素，如美乎新村，就算好舊，仍是有質素的。而淘大本質不差的，不用太擔心。

2）因為當區的供應太多，加上交通始終一般，因此，質素不算高。

另外，香港樓在中短期有可能跌，但長遠會向上，你可以把握這個機會入市。你可以不斷睇樓，同時大力還價，目標是一個心急恐慌的業主，買平貨。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15369：

老師，匯控擬未來3年將裁員3.5萬人　佔員工總數約15%

我月供緊匯控，平均價格69.62，516股，老師你覺得我還應該繼續供嘛？這個股票還有質素嘛？
謝謝。

龔成老師：

匯豐（0005）的質素仍算有，但增長力，以及賺錢能力，都比過往有轉弱情況。這股類持有無問題，但你預佢只是收息，唔好對股價有特別期望。

如果匯豐佔你的財富組合不是過多，你保持進行無問題，但就唔建議金額太多。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15370：

龔SIR你好,我己報了五月股票入門班,好慶幸在大半年前開始跟你FB學習價值投資法,近半年順利入了一些合理價位低部的股票長線持有,

你寫的書己經睇到第八本,相信跟你學到的投資方法將會終生受用,非常感謝.

小弟有個置業問題想請教,大富翁致富藍圖內有指大圍有重點鐵路項目值得投資,我剛好住在大圍,眼見近日樓價下跌己出現實用四百多尺五百萬盤,

由於我做小生意公司約廿人,自己亦有供MPF和報薪俸稅,去中銀問過樓按問題,指可以僱員身份借六成,但我要做返高三個月人工MPF和等稅單出,可能要三四個月後,

我計過留返幾萬生活費,股票約六十萬不動,公司有二百萬夠運作,手上可以拿出五百六十萬現金,如果現在FULL PAY買一層約五百萬樓,之後再做返摟按套現出來等機會投資,
請問這方法可行?

因為有點怕到年中役症回穩後,樓價可能會昇返,錯過今次投資樓市機會,希望阿SIR指教一下,萬分感激

龔成老師：

你唔好心急FULL PAY，利用正常按揭去做。

首先，FULL PAY買樓好易引起稅局注意，佢可能會找你傾計，為免無謂的麻煩，唔好咁樣做，凡做生意都有機會有這情況。

另外，你FULL PAY後，點都會影響左中短期資金，所以，唔建議。

加上，香港經濟轉弱，中短期樓價好大機會會向下，但不會大跌，而長遠會向上，這是機會，但不要急。

所以，你這刻盡力做到收入等現金流的記錄，然後先買樓會較好。5月見！

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15371：

老師你好，我現在28歲，之前一直都沒有投資，看了你的專頁後，想開始月供股票，我每月可存$20000，打算其中$15000按以下組合作月供：

2800 $5000
823 1038 66 2388 各$2000
1211 1177 各$1000

沒有投資經驗，以上組合可以嗎？另外有儲蓄約$40萬，會建議我投資哪隻股票嗎？

龔成老師：

你上述所選的，都是有質素的股票，金額方面適合，基本上可以進行，但緊記，月供是長期策略，唔好轉來轉去，要長線。

你可以這刻先開始月供，至於現金$40萬，由於你未有經驗，這刻唔建議太多動用，你最好在這段時間，增加投資知識。這刻最多用$10萬，可考慮盈富（2800）、恆基（0012）、希慎（0014）等。

以你的年齡，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15372：

龔sir 你好 本人今年26歲 份工做左就3年算幾穩定 月入27k 。依家大約有35萬現金 但冇乜投資經驗 係新手

我目標係3-4年內儲到首期上車 想問下我應該點投資好？
謝謝！

龔成老師：

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先。

你可以分注買入股票（即是每隔一段時間入一次，同時要留有現金）。又或做月供股票，每月$10000，以這方法去投入資金。

你可以考慮盈富（2800）$4000。

另外再加3隻（每隻$2000）：銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）等，你可以了解下這些股票，然後從中選股。

如果你不懂股，就集中供盈富$10000。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15373：

老師,我想問盈富基金跟隨恆指上落那麼是否表示除了派息以外,他的實際增值有限?另外想問平保/友邦/騰迅適合月供嗎?

我現在20歲剛開始接觸投資,現時月供1500煤氣,打算月供多一隻股票,我知道長揸比短炒好,但不太明白長揸可以如何做到複利的效果?是否代表把利息再放在同一隻股票上?

由於我現時的本金有限,如果長線的同時做一些短線投資滾大本金可行嗎?

龔成老師：

盈富（2800）是平穩增長股，每年除了有派息外，都有基本的增（不算高，但以長期來說，仍有的）。

至於這3股，都是有質素的，值得月供。

如果要做到複息效果，就要將股息再投資，即是收到股息後，再投入買相同股票（由於初期，你收息不會多，因此可以先儲起，等多D先入市）。

至於短線，這是賺不到錢的，我過往做銀行及證券行，見到100客有90個都有你這種想法，想短線去增加孫本金，但當中有89個都是輸錢的。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15374：

老師，我26歲，未開股票戶口，月入$35K，有同保險公司做儲蓄plan，月供緊11k大概兩年半後完不過要五年後(2027)先攞返。未有買樓需要。

近日想買月供股，減晒支出大概有16k 淨。我想用10k 平均二千元買2800, 0066, 0003, 0388, 0823，淨低6k儲住先之後再買其他港股或海外市場。

想問老師呢個plan ok嗎？月供股會唔會同保險嗰份重疊？同埋自己手動月供會唔會比銀行plan好？

龔成老師：

保險公司的計劃，大多是增長力不多（但風險不算高），以你的年齡，是財富增長的黃金時期，這類產品不用投資太多。

至於你的月供計劃，可以。

你所選都是有質素的股票，都是有質素，可月供的，計劃已經可以開始。不過，你都要留有一定的現金等機會，這刻要有足夠的現金，喻大市波動，有資金就有機會。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15375：

老師，我係股票班舊生，請問roe個計算方法，其實係唔係將盈利除總股本就係roe,另外roe低係咪一定代表佢賺錢唔強，冇投資價值?thanks

另外，當年你點樣克服到打工果時，同朋輩之間，人工差太遠，好似我依家咁，自己先搵到萬幾蚊，人地已經搵3，4萬，雖然自己有做投資，人地冇，但好似同人既距離相差好遠咁，自問自己又冇太大能力搵得更多，睇下老師有冇咩心得，解決呢d心態上既問題
thanks

龔成老師：

初步可以咁講，其實我會在進階班再深入講ROE，你會更加掌握。

每個人都唔同，唔好太刻意比較，你做好自己的目標就得，我當年是「5年儲$100萬」為目標，這目標是我自己的，別人的收入與財富，多過我，少過我，都唔會影響我的目標！

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15376：

老師 我地應該點樣去估算/分析一隻股票既現價係咪處於一個合理價錢？

另外，課堂係咪只有港島區 同埋想問下會唔會有星期六班？
最近開始睇你本股票聖經 學投資知識！

龔成老師：

首先你要明白，「價格」與「價值」是不同的兩回事，價格是每天波動的股價，這只是一個成交價，而價值則是企業的價值，由於計算企業價值，要花較長時間去解釋，就算是我的股票班，都要花5小時去講述，所以好難在這裡三言兩語講到。

簡單來講，企業價值由資產價值及業務價值組成，我地會分析企業的生意、盈利、賺錢能力、前景、資產負債等，從而計算出企業的價值。

當計算出企業的價值後，下一步就是比較現時股價，就能得知是平是貴。

股票班在2月開左星期六班，相信下次再搞星期六班都要半年後。暫時都會在港島區。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15377：

龔老師，好多謝你的回覆，並好感激你之前的提示
其實,幾個月前我的心情在谷底,沒有生活目標, 不知道生活在世上為的是什麼, 無聊而無意義的生活中

偶然看到你的facebooks ，感覺到你的正能量,真的被你啟發,開始有番啲目標, 希望上完你的堂後能學以致用，並希望能退休後能財務自由

在此好多謝你浪費咁多時間睇我的告白,告訴你的原因只是想令你知道你的大能力,真的能感染到人及幫倒人..
多謝你的分享及回覆喔

龔成老師：

每個人都有佢自己的目標，這是個人化的，你唔需要理會別人，做好自己，做自己想做的事就得！

財務自由是一個很好的目標！你有了目標，我相信會更積極，但你要明白，追求目標的過程中，一定有困難，但你都要克服，這是過程之一，加油！

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15378：

老師，感謝一直分享個案，令到我呢d唔識股票或者經常被大市波動牽動情緒，影響決定既人淡定左好多！

本人而家35歲，有250萬現金

150萬預留為下年買樓之用，而家當中100萬做緊定期，就快夠期喇！

剩下100萬，其中有60萬係股票
分別為 5號 *2000/ 9988 *1200/ 66 * 1500

現想再用1萬做月供股票，全部月供2800可以嗎？

應該點樣先可以長遠做到2萬被動收入？

另外，匯豐最近一份業積差，作為長期投資者是否應該繼續長期持有？謝謝回覆

龔成老師：

你的年齡是財富增值的時期，定期並不是好選擇，如果你買樓的$150萬已計好，就可以好好利用$100萬定期，如果這筆資金無特別用途，可將其中$50萬，分注投資優質股，長線投資。

但如果你本身經驗知識不多，就先動用$25萬，分注入優質股。

月供股票方面，你月供$10000盈富（2800）是可以的，已經可以開始進行。

如果你每月投資$1萬，預期回報10%，15年就可$380萬，到時投資6%收息股，每月大約有$20000。你可以用這為方向。

匯豐（0005）的確有點失望，不過並不是無質素。作為收息股，佢仍是可以的，但就唔好對股價有太大期望。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15379：

龔成老師您好，我今年30歲，每月收入扣除mpf後有2萬元，再扣除必要開支、保險後，剩下13300左右。

我打算把這些錢分成3部份，分別為月供股票（現時月供8000元，分別月供3，12，66，1211，2800），投資用備用現金，其他備用現金。請問該如何分佈。

龔成老師：

你現時月供的，都是有質素的股票，適合長線月供，盈富（2800）的佔比可以較多。

每月$8000，適合，你可以保持進行。

現時大市在合理區，你以一邊月供，一邊儲現金的模式進行可以，暫時盡量儲更多的現金。如果這刻的現金數不算多，就持有現金先，等跌市就可以投資優質股，如無心水投資盈富都可以。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q15380：

老師，請問2778冠君值得買入作收息用嗎？

現價是否可以分段買入呢？
謝謝！

龔成老師：

冠君產業（2778）有質素，這是不錯的收息股，不過中短期一定會弱，股息都會弱。但長期睇，佢仍是不差的，同時有投資價值，現時已經可以分注，只要同時留有一定的現金就得。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。

另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

💫泰式料理 - 冬蔭公公 👴🏻
✿✿✿✿✿✿✿✿✿✿✿✿✿✿✿✿✿✿✿✿✿✿✿
小編嚟到久違嘅荃灣，係時候又要出動去 #食好西 啦‼️ 行左陣見到間開揚式嘅泰式餐廳，望到菜單好似都幾多選擇咁，就決定左食呢間啦✨
#泰國冬蔭公湯豬頸肉幼薯粉
其實呢個餐係 #自選公公特色湯粉 ：湯底、麵類、配料都係自己揀㗎🤓 小編揀左中辣泰國冬蔭功湯，湯底呈橙紅色，飲落又唔算好辣，辣中帶酸，酸中有咸，既濃郁又好開胃，仲有少量炸花生，咬落好脆好香口！而麵類就揀左幼薯粉，咬落好似食緊飯咁😂 無咩彈性，但份量都幾多，食極都仲有咁🤣 而豬頸肉食落不過不失，咬落無咩味，可能係比冬蔭功湯底嘅味掩蓋咗☹️
#秘製滷水豬手飯
呢個套餐係包埋餐湯、白飯同當日指定小食，都幾抵食下🤤 餐湯係冬瓜湯，飲落無咩味😅 而配菜有 #青瓜紅蘿蔔魚片，食落幾爽口，幾新鮮～ 當日嘅指定小食係 #炸蝦棒，無咩特別。主菜豬手就幾好食，好易咬，入口即融，但豬皮就同肉分開左，啲豬皮好滑，好嫩，夾埋一齊食就好正好好味😋
#酥炸軟殼蟹
軟殼蟹係成隻上㗎，配合埋酸酸甜甜嘅泰式辣醬，簡直係一流！軟殼蟹炸得好香口，又唔會話好油淋淋，點埋辣醬又幾夾，中和返炸嘢嘅油膩感。而且同平時出面食嗰啲軟殼蟹相比較濕身，唔會乾同硬，入面仲有蟹膏tim😳
✿✿✿✿✿✿✿✿✿✿✿✿✿✿✿✿✿✿✿✿✿✿✿
#泰國冬蔭公湯豬頸肉幼薯粉 $56
#秘製滷水豬手飯 $76
#酥炸軟殼蟹 $54
✿✿✿✿✿✿✿✿✿✿✿✿✿✿✿✿✿✿✿✿✿✿✿
餐廳：冬蔭公公
地址：荃灣大壩街4-30號荃灣廣場地下115號舖
📞：2882 4268
營業時間🕐：11:30-22:30
其他分店：
📎將軍澳坑口重華路8號東港城2樓238號舖
📎沙田沙田車站圍1號Citylink 1樓106號鋪
✿✿✿✿✿✿✿✿✿✿✿✿✿✿✿✿✿✿✿✿✿✿✿
🍽 #Ourfoodstoryhk荃灣
🍽 #Ourfoodstoryhk泰式
🍽 #Ourfoodstoryhk推薦
✿✿✿✿✿✿✿✿✿✿✿✿✿✿✿✿✿✿✿✿✿✿✿
#hk #hkfoodie #hkcouple #eat #food #alldaybreakfast #café #matcha #lunch #dinner #desserts #852food #foodpic #相機食先 #食好西 #香港 #荃灣 #泰式餐廳 #冬蔭公公 #豬頸肉 #豬手 #軟殼蟹 #ourfoodstoryhk #🇭🇰 #🍽 #👫

打大佬試伏,試過江龍店
過江龍最容易就係品質上控制唔好
好多時因為太熱門,客多做唔切,為求出貨變左品質好快走樣
新鋪我唔會同人爭,一定係等佢開左一排,睇左真實評價先再去食
咁見佢開個陣比人鬧得咁勁,而家再去明顯改變返少少
起碼見到牛肉唔會全熟上菜先
https://www.mrlamsan.com/2021/05/CCC.html
元祖炸牛排套餐 $158
翼板牛排套餐 $168
兩杯特飲 另加10%服務費
平均消費$220一個人
如果以炸物+日本品牌,賣百幾蚊貴唔貴,其實合理,以前十年前炸豬排專門店都賣呢個價,定價唔算超貴

佢沙律同飯任食,但牛扒份量唔足夠你食兩碗飯,反而係沙律可以食多轉
沙律夠爽脆,加醋或芝麻醬食

配埋鹽同醬比你沾牛肉食,但我覺人試過最夾既味道都係用鹽最好
炸牛扒無初開時比人影到全熟既賣相,今次合格,只係稍稍炸熟
頂盡得3成熟,對於好多食開日式炸物既人,牛肉3成可能會唔夠熱
佢都有塊熱板比你煎一煎保溫,我自己就無煎,用返原本個溫度去食

兩份牛扒控溫都合格,唔會失手全熟,總算無人令失望
因為有朋友開幕時食過,好失望係食到全熟牛肉
麵豉湯唔夠濃,味好淡,有改善空間

整體上水準中上,沒有最初開幕時的劣評現像
除左塊炸牛,配料包括飯同湯都係唔多掂
可以一試但無吸引力再試,除非減價或有優惠
聽講遲D會出便當外賣,如果100蚊以下就會考慮

https://www.mrlamsan.com/2020/05/wagyu-more-2020.html
牛摩 wagyu more 一鍋兩吃放題 和牛 澳洲牛肉 海鮮 佐賀和牛 最新優惠
牛摩 wagyu more
鍋燒放題,食足120分鐘
只要選特級牛肉+海鮮以上級別即可享受
先食鍋燒,再打邊爐,的確好正
所以同大家介紹一下,佢都推出了一段日子了
有興趣既朋友可以睇下點食法啦~!

每日供應有限,最好預先查詢店員
黎得食牛摩,當然先食牛肉
另有自助區,自己拎配料,各種蔬菜丸類
雞,豚肉,海鮮,牛預排,黑豚肉,澳洲牛肉
一家大細來吃,一定滿足到全家人口味
鍋燒,牛肉夠肥,直接放去鍋煎熱食得
仲可以有三種醬加埋入去炒,食起黎好惹味
黑咖哩燒肉醬汁,蒜蓉燒肉汁,麻辣燒肉醬
建議先由唔辣食起,最後食辣,唔係會蓋過味道
牛小排肉質細緻,油花平均分佈
無論火鍋或鍋燒都好合適,不會太過油膩
加上濃郁既醬配搭,牛肉食起來味道更加突出

可以在鍋煎既同時加燒肉醬汁拌勻
也可以煎熟後再沾醬汁,但煎炒過既味道更濃
食到七分飽,就可以同店員講換火鍋
自選湯底,呢個時侯就可以出去自助吧拎鍋料
各式丸腸,貢丸,牛丸,龍蝦丸,麻辣丸芝士腸等等
仲有少量款式壽司,沙律菜,甜品選擇
各式各樣的火鍋配料任選款式非常多
食完咁多肉,最好緊係搵返一些新鮮蔬菜中和下
咁先可以再食過架嘛!
值得一提,蔬菜好新鮮,食到尾都會有新貨添加
食到最後,都有幾款小甜品供應
最吸引人當然係自助雪糕機啦
今日有原味同朱古力雪糕食
另外仲茶水,咖啡任飲,汽水機任飲
冰沙都任飲,清酒就要加錢先有任飲
總結
兩個字,抵食
一鍋兩吃,滿足香港人最鐘意一個價錢多種享受
任飲,任食,有甜品,有雪糕,配料選擇多
價錢合理,200多一位起！
官網
http://www.gfc.com.hk/wagyu-more/
分店地址
https://www.openrice.com/zh/hongkong/restaurants?chainId=10003324&chainName=%E7%89%9B%E6%91%A9
#放題 #任食 #火鍋 #牛摩 #wagyumore #和牛 #將軍澳美食 #任食火鍋
#鍋燒放題 #和牛放題 #牛小排 #晚市優惠 #佐賀和牛
#HKG #HKIG #HKIGFOOD
#hkfoodblog #hkfood #hkfoodblogger