美容初哥血淚隨筆（二） - 5/12/2019

我去咗做 Facial⋯ 冇錯，我真係去咗做 Facial﹗

男人老狗嚟講，做 Facial 並不可恥，但會羞於啟齒。Any肥，因為工作需要，乜都要試下。

入到房，嘩，乜成個維港海景咁誇張，甲過甲級寫字樓，尖沙咀最新嗰幢。護理員姐姐問：「第一次做呀？」我紅都面曬：「係呀⋯請問痛唔痛㗎？」我唔係怕痛，但係唔知有冇人同我一樣，有嘢整痛塊面就好易打乞嚏，超尷尬。

「唔痛嘅，我地先會用螺璇探頭，深入清潔毛孔，去除老化角質及油脂污垢，再導入保濕精華同控油因子，30分鐘左右就得⋯」

我一個字都聽唔入⋯因為真係有啲淆⋯

好，開始咗一陣，真係唔痛，仲有啲爽。尤其是吸鼻翼嗰陣，隱約 feel 到好多污糟嘢出緊嚟。不知不覺，因為近排唔係好夠瞓，我竟然瞓著咗。

做完，姐姐畀枝水我睇：「你塊面又唔算污糟喎，你睇吓入面？」嘩，你真厚道，入面一粒粒咁，都唔算污糟。不過望住成支本來喺我塊面上面嘅污糟嘢出曬嚟，係有種莫名變態嘅滿足感。然後摸一摸塊面，又真係幾爽幾潤。

介紹返，呢個 treatment 叫 Hydrafacial，上網 search 吓，原來好多人都做過呢個 treatment ，包括柳太，佢話佢好鍾意，不過佢又警告我，美容院會迫你賣package㗎，唔好上當﹗然後我解譯，我去嘅並唔係美容院，而係 Hydrafacial 嘅官方體驗中心，所以唔存在 Package 呢樣嘢。而我想傾個 Deal 返嚟：就係 Fluz Beauty 獨家網上購買 Hydrafacial 服務。

我出馬，當然傾成咗，仲要係滿載而歸嗰隻：Hydrafacial 會提供 50 個免費 treatment 畀 Fluz Beauty 嘅客戶﹗（原價每次$1980)

想知點樣可以得到免費 Hydrafacial ？就要留意 FLUZBEAUTY 嘅 Instagram ，下星期一嗰度會率先公布﹗

P.S. 琴晚講完 ZO Skin Health ，好多用家留言推薦，我地亦即刻推出咗冬日限定優惠，有興趣可以去睇下： https://www.fluzbeauty.com/categories/zo%C2%AE-skin-health-by-dr-obagi

【漸凍】

對《聖鹿獵殺》有不尋常的沉迷，不是一般看過便可以隨便遺忘的電影。除了警醒做人別行差踏錯，一旦得罪天外來客，就算你矢口否認，報應可以株連冚家老幼。其中看得最氣餒，是男主角的小兒子鮑率先仆倒在地下身癱瘓，作為外科醫生的父親史提芬，動用了整個醫院的人力資源，使盡六壬包括最精微的掃描系統，莫說醫治，竟然連半分緣由狀況也查不出所以來。除了數據和X光鏡，西醫從來不承認看不見的經絡和陰陽。然後孩子不願意進食，父親失心瘋到把冬甩塞進兒子口。孩子明顯失去了胃氣，有沒有想過拿塊乾薑給他含著，振奮一下脾胃，他可能不用七孔流血。對了，講求陰陽五行的中醫，本來就有巫術的成份，使用得高明，或可對抗掃描機X光片也查證不出的惡毒詛咒。

早陣子看到前無綫藝人，慣演小人物的吳博君患病新聞。他早在九七年金融風暴被無線裁員，四十歲才開始學習另類謀生技能，包括做麵包、紙紥、寫字樓清潔，即是他從前在劇集經常扮演的角色，結果在現實他都一一再演上。今年三月，他忽然手腳無力再不可動彈，情況像中風，原來他患了罕有的運動神經細胞疾病（MND），即俗稱「漸凍症」。他沒有機會像幾年前大家輪流表演把冰水淋在身上，已經真正成了漸凍人。在醫院住了個多月，吳博君身體的每個臟腑都幾乎接受過詳盡檢驗，然後不斷從醫生口中傳來耳熟能詳的判斷：「不知道原因、內情好神秘、每幾多個人就有一個遇上。」「而且無得醫、無藥救，目前醫學科技乜都做唔到，只能夠等。」「不過目前床位好滿，麻煩你地家人盡快安排病人離開。」「係！係！真的沒有事可以做到，可以安排入住安老院或請工人姐姐，不過唔係呢個部門負責，你可以問番負責的社工。」「係！係！會有物理治療上門跟進。」而且他們説這番話時，雙眼很多時只望著手上文件。這兩三年出入醫院頻繁，親身收過大量同類型的回應，雖然床位好滿是事實。

吳博君的情況比中風更壞，是他身體完全不能動彈，頭腦卻完全清醒。他的飲食大小二便完全只能在床上進行，他的太太必須瞓身侍候。那幾乎就是犧牲一個人的靈魂肉身，來修補病者的無能為力和痛苦。一個人的不幸，其實永遠就是兩個人的不幸；一個人的癱瘓，也就是兩個人的癱瘓。所以沒有情感牽連的第三者，可以的話保持一個近距離的鐵石心腸比較獨善其身，某程度我不是完全責備醫護人員的慣常心態。可幸幾位圈中人劉德華和素不相識的薛凱琪都願意作出經濟援助，舊老闆(不是TVB)又願意每月支助五千元的安老院費用，吳博君的漸凍才沒有真正讓他凍僵。但看著太太為他奔波勞累，他想過尋死，即使能力做不到，他心目中已經有了這個意願。

好在吳博君認識另一位知名度較高的綠葉演員艾威。艾威太太介紹吳博君看中醫，他沒有一般「西醫都說過醫不好就是醫不好！」的想法，抱著死馬當活馬醫心態，吃過黃姓中醫師的兩劑中藥，他竟然恢復些微體力，就只是那丁點兒能量，至少讓他可以扶著支架緩步行走，至少可以自己拿著筷子吃飯、抹身、大小二便。無意說黃醫師如何神通廣大，他只是努力搶救事實證明可以救回的小部分。最終吳博君亦沒有健步如飛，但就是那兩三成的恢復舊觀，已經把兩顆本來絕望透頂的心挽救過來。

無法想像西方昌明醫學，只要驗不出腫瘤，沒有東西可切除，就好像沒有辦法可以讓吳博君重新危顫顫走路。也不管中醫西醫，如果只懂按照冷冰冰的檢查報告宣讀，就判定一個人的頹敗，未免過份因循苟且。不知道黃醫師開的是甚麼方，也不知道他的造詣高到那個程度，但他必然用心去替吳博君斷症，好中醫最重視那個症而不是報告，然後很細緻很精微地理解那個漸凍病的來龍去脈，才可以開準藥方，把他身體的瘀塞癱瘓貫通。沒有醫生是神，也沒有一種醫術保證起死回生，對於無藥可救的病者，醫生的用心善待比行神蹟的能力更珍貴。