嘻嘻～ 又到 #拍拖日～ #唔該晒奶奶～ 梗係要食好啲！今次揀咗 #銅鑼灣 嘅 Mini Friday
响銅鑼灣廣場二期，地鐵站一出行幾步就到～ 好方便～

Menu雖然唔係一巨本，但都勁多選擇，散叫又有set dinner又有，都係2百零蚊有交易，區內嚟講真係好經濟實惠～而且仲好闊落，唔會聽到隔離枱傾計～

我地入去一坐低就送上 #墨西哥脆片 同埋點醬～ 脆卜卜勁好食～ 嗰陣已經小小餓嘅我忍唔住食完一塊又一塊👍🏻 Book得呢度食，梗係有心水招牌菜啦～ 我第一件事就係order咗 #芒果黑松露鮮蝦沙律🥗同埋 #火焰脆燒德國咸豬手 先！另外仲叫咗一個 #香烤美式BBQ豬肋骨套餐，仲有我為佢而嚟嘅 #時代抗翼 - #黃到金雞翼💛 最後再加多個 #水牛城雞翼, 侍應哥哥好好人, 溫馨提示我地好似叫得太多野食, 驚我地食唔晒, 建議食晒都唔夠飽先再叫, 因為我地叫嘅份量, 2個人真係難食得晒~ 好貼心呀~ (最後係有叫到, 因為我地為食🤣)

好快就上咗跟餐嘅 #沙律 同 #南瓜忌廉湯, 沙律菜都好新鮮啊～ 仲有爆珠珠～～ 好正呀！！！

芒果黑松露鮮蝦沙律 $98👍🏻👍🏻👍🏻 座住响冰，咁夢幻咁上枱，唔係間間餐廳做到㗎～ 仲有呀～ 冰底賣晒就冇，記得一坐低就order咗先呀知冇！
時代抗翼 - 黃到金雞翼 $58(4隻) 香脆嘅雞翼由 #咸蛋黃 包住，每一啖都充滿住咸香酥脆！
水牛城雞翼 $78(6隻) - 我為咗影相靚啲，強行將黃到金雞翼放咗落去🤣 老公話好似前年去美國出trip時食嘅口味呀👍🏻👍🏻

食完前菜，就到主菜（嚟到呢一刻，我地已經飽咗7成。。。。。。痴線㗎前菜同小食嘅嘅份量都咁慷慨）
先上枱嘅，係我揀嘅 火焰脆燒德國咸豬手 $238 - 上枱後淋啲酒落去，再即場點火🤩🤩🤩正到爆呀～～
影完相之後，侍應哥哥就拎返入廚房，切好先再上枱～我想講，佢個皮係脆到食薯片咁樣！！！！！！！！我都算食得多德國咸豬手，但薄脆到呢個程度，真係第一次！！！（我地食唔晒打包咗半隻走，第二晚氣炸返，同堂食一樣咁脆！）

做乜要pack走半隻豬手？因為我地仲有份香烤美式BBQ豬肋骨 $208 嚟緊呀🤣
咪睇佢好似好細份咁，厚肉到爆！！！！！而且bbq汁有好香嘅煙薰味，睇得出廚師較個醬嘅功力👍🏻👍🏻而且火喉都控制得好好，成件ribs都好juicy, 唔會乾真真硬柴柴👍🏻👍🏻

最後我地跟餐要咗甜品（加$1咋唔係唔食呀？）同埋一杯熱咖啡～

臨走之前，記得去門口打吓咭呀～～ 520～ 13～14
💛

#MiniFriday #西餐 #酒吧餐廳 #HappyFriday #TGIF #MiniFriday銅鑼灣 #MiniFriday觀塘 #MiniFriday旺角 #樓上餐廳 #威靈頓牛柳

[清道短打遊ep.2-3：在地老味道 70年豬腳飯老店]

《同大家一樣，其實我都好鍾意去旅行㗎嗚嗚嗚⋯⋯喺無得飛嘅時候，唯有同大廢出車去吓清邁近郊，短打遊系列第二炮係距離市區約75分鐘車程嘅Chiang Doi(清道) ～》

在地朋友推介，呢間喺鎮中心、開業接近70年嘅元祖級豬腳飯店，唔少村民都由細食到大，算得上係簡單、快捷、實惠嘅午餐之選～

🐷菜式選擇：
招牌菜就一定係秘製滷水豬腳啦，另外提供接近20款嘅小菜，有肉有菜又有湯，擺晒出嚟任揀～

👩🏻‍🍳食物質素：
呢度嘅滷水汁特別在色水偏橙紅，帶八角嘅香氣，味道鹹中帶濃甜，好泰國人口味，肉軟嫩唔乾嚡，啲皮炆到好柔軟，食嗰陣加埋蒜頭同辣椒可以中和肥膩，撇除醬汁對我來講甜得滯，肉質係唔錯嘅，但我最鍾意其實係佢啲小菜，雞蛋炒筍絲好簡單、好家常，竹筍爽脆清甜，呢個真係好好食，大推；涼瓜豬肉湯料仲多過湯，入口好夠甘～同其他賣𢳂𢳂餸嘅地方一樣，小菜都係預先烹調好，只係微暖，不過白飯係熱嘅XD～

🏡用餐環境：
老店通常都係又殘又舊，呢間豬腳飯店兩年前喺原址後方興建咗一幢兩層高嘅新舖面，望落一啲都唔老，成間店好企理，用餐區光猛寬敞，放有多張大圓枱，洗手間亦都好乾淨，去得過^^，阿姨們超Nice超好笑容，加分～

💰平均消費：
好實惠，滷水豬腳飯40THB/HK$10，其他小菜每款平均都係30THB/HK8，我哋除開每人都只係70THB/HK$18～

最後都係嗰句，雖然大家呢刻可能用唔着，不過bookmark定先，話唔埋好快就可以去到呢～

==========

📌【清邁活動+行程推介】
https://chiangmaijourney.com/page-products/

👨‍👩‍👧‍👦【清邁親子玩樂景點】https://www.facebook.com/1670726726478331/posts/2181160405434958/

🏨【2020版清邁酒店推介】
https://chiangmaijourney.com/chiang-mai-hotels/

==========

📍Pornpen 2498 Braised Pork Legs
地址：63 Moo 6 Chiang Dao, Chiang Dao District, Chiang Mai
營業時間：7am-2:30pm
FB：
https://facebook.com/pornpenkhamoosavoey/
地圖：https://goo.gl/maps/sGNfzH1nhShBkCMJ6

==========

▼Follow us▼
IG: instagram.com/chiangmaijourney/
FB: fb.com/chiangmaijourney

#清邁 #清邁包車 #清邁美食 #清邁攻略 #清邁旅遊 #清邁自由行 #廢氏清邁私生活 #清邁司機 #清邁租車 #清邁自駕 #chiangmaijourney #chiangmai #CMJ474

🌊慢活休閑海邊西餐廳🍻
-
話說係復活節嘅時候去左愉景灣一日遊，感覺上好似冇長洲，大澳依啲咁多人，但睇嚟都係睇少左香港人嘅威力🤣 平日嚟係絕對有度假feel，空氣清新而且仲有沙灘配無敵海境⛱️ 玩攰左都有唔少餐廳選擇，今次去嘅依間為熱門之選，經濟實惠，仲感受到陣陣海風😆
-
Zaks Nachos 招牌粟米薄脆 ($153) 另外加牛肉$30。份量大到一上枱邊圍嘅人望哂過嚟😂 面層係海量嘅sour cream，芝士，牛油果醬同 蕃茄salsa，另外仲有啲olive，墨西哥青辣椒。每一啖都沾滿哂醬汁，好頂癮😍 而且夠三至四人share，配埋啤酒真係chill到一個點！
*
Fettuccine Carbonara 煙肉芝士闊麵($150) 唔係食法國菜個碟都勁大🤣 滿滿嘅碳水化合物，唔叫friend share係絕對食唔哂~ 食落好creamy，都幾重芝士味，意粉偏闊身，沾得比較多醬汁！
-
見到有船票優惠，係指定餐廳消費滿$120就可以免費坐船返去，都慳返$46㗎😎 仲見到有新商場開，入面會有更多餐廳外，仲有個溜冰場添! 有冇人資助🍔係個到住返一頭半個月？😚
-
ZAKS (愉景灣)
愉景灣D'Deck 地下G04及1樓103 @ Zaks

「香港是個商業化的社會，很多人想賺最多。但對我來說，錢當然重要，無錢難以生活。」麺処一家老闆Tim Lai說。活到四十一歲，他經歷過事業與家庭的起跌。「最大滿足感，非來自賺許多錢。而是工作上有滿足感，做人有承擔。」

小店只賣三款麵，其實只有一款湯底，豬骨魚介鮮味平衡，質感濃稠。兩款叉燒，慢煮豬肩肉及火炙豬腩肉。可二揀一，亦可以食晒。麵，由居港日本人製作，日日新鮮送到。開店前他總會跟助手試味，「過鹹或過淡，可以在醬油方面調校，如果水準相差好遠，那就是另一回事。」這天湯底質素有異，「我們一班同事變了做清潔。」

不開門，對許多人來說損失慘重。Tim卻說，「不開店做少一天生意，總好過讓人有機會以為我的出品差。」他過去十多年做紅酒生意，味覺敏感。加上他愛吃，近年迷上日本拉麵，「不需要花很多金錢，就可以有很大的滿足感。」Tim笑說。


愛吃日本拉麵，專注於日本Tabelog最高分那二三十間。原本打算請日本拉麵師傅回來開店，做特許經營，但屢遭拒絕。「因為我去的拉麵店，並非連鎖店，都是一位師傅，頂多有兩三位徒弟。後來遇到現在的拉麵師傅，他都拒絕了我，說沒有可能放棄家庭，放棄自己的拉麵店。但他繼續死纏難打，可能誠意可嘉。忽然有天師傅說，「Tim不如我教你吧，那一刻知道，這可能是唯一的出路。」日籍師傅說。

「每逢星期二、三、四，全日都在師傅的拉麵店，做免費員工。每朝6:40am去到，準備妥當。收鋪就清潔乾淨廚房，維持約三個月。」出力之餘更不惜工本，請師傅來港進行特訓，廚房不夠地方嗎？索性搬屋。「這個廚房，主要讓我盡量逼真地模擬專業廚房的效果。」

第二階段，師傅來港。「師傅每月他抽十天至兩星期來我家，由早到晚，兩人一起煮。」新居廚房百餘呎，有專業爐頭。「每天都有失敗的經驗，那些我不會視之為失敗，每次失敗我都會嘗試找出原因。例如有天煲得好好味，過了一段時間，用同樣的爐具、同樣的食材，為甚麼無滋無味的？」原來條件不一樣，當時是冬天，用細火圈煲，熱力無法擴散開去。「每天都面對好多事，慢慢就累積很多經驗。」Tim說。


用料也是大考驗。「日本雖然不是用新鮮的材料，但質素好高，價錢實惠。」Tim說。「在本地用冷藏的肉和骨，根本煮不出滋味。」
最後他決定去街市，用新鮮材料，煲湯用新鮮筒骨，每兩日用270斤。做叉燒每兩日用上脢頭20斤、腩肉25斤。「他要的貨很刁鑽。」九龍城街市志興肉枱老闆盧生說。豬腩、脢頭用本地豬。「五花腩只用其中最嫩三層，脢頭是中心有雪花部分。」盧生說。過去一年，他嘗試做了百多款拉麵。

塵埃落定，二月初開店。別以為做老闆好輕鬆，阿Tim日做十六小時，每朝八時開檔。首要是準備明天用的豬骨湯，下欄工夫如替豬骨汆水是他，洗煲也是他。「做飲食業，沒有分甚麼是下欄工夫。因為每個步驟都很重要，如果汆水這步驗馬虎了事，湯有腥氣，味道就不好。」
洗鍋，他比喻作駕駛。「如果你永遠不洗車，跟車子很難建立感情。一個廚師怎麼對待自己的廚具，令它們乾乾淨淨，不單是一種紀律，亦是一種愛的表現。」

準備妥當，開市！他負責的崗位，是要把拉麵三大基本元素集合在一起。「即是湯底、醬油和油。」他說。每個分量都要極之準確，每一勺舀出來都剛剛滿，不多也不少。「但本地好像沒有這概念。」所以暫時由他擔當。

質素至上。忙完午市，他匆匆食個快餐。「七八分鐘吃完，就趕回去工作。」例如豬骨湯的火候、拉麵用的醬汁，甚至筍絲湯汁的烹調，都由他決定。夥計阿紹，曾任職於四五間拉麵店亦另眼相看。「他要求很高，所要東西都要很新鮮，很準確。就像叉燒一樣，午市如果賣不完，就會立即丟掉，消耗很大。」阿紹說。勸也勸不來，因為老闆質素至上。「這些都是我在他身上學到的。」阿紹笑說。

為了盡善盡美，員工福利很不錯。「假期每星期兩天，其餘有醫療保險、勞工假。每年最少有十天有薪假期，生日那天有假期。」背後有一種理念，就是希望人人工作得開心。「如果工作得無癮，可能清潔差一點，做事馬虎點，慢慢對品質有直接影響。」阿Tim解釋。
一家小店，如此不惜工本，可能許多人都笑他傻。但他認為這樣才過得人，過得自己。

Tim紅着眼睛說，「我是一個很簡單的人，有四個小孩。如果很久以後，當他們四個都老了，驀然回首記起我這個爸爸，因為透過我的生活、工作，灌輸給他們一個好的價值觀，令他們有美滿的人生，對我來說，就不枉此生。」

麺処一家
地址：尖沙咀厚福街11號地鋪
電話：2360 1212
營業時間：星期一至六12nn-2:45pm，6pm-10pm
詳情： http://bit.ly/2SMYLs5

採訪：關廣恩
攝影：陳秉謙、鄧廣基(部分)

更多新店食評
立即免費下載《飲食男女》App ： http://onelink.to/etwapp
《飲食男女》網站 ： http://etw.hk

自問刀功很差，拿着刀時總是心慌慌，切得一枱凌亂，如兇案現場，更有可能切傷自己。以下這把美國廚刀或許可幫到你。

二合一設計，外形像鉸剪，實際是把廚刀與砧板合二為一。不鏽鋼廚刀，刀鋒銳利，手柄能貼合手形，使用時如用鉸剪般操作，即能輕鬆把蔬果、熟食、芝士、腸仔、香草等等食材剪碎或剪成片。小型砧板可以把食物固定，剪切時更加方便。尾端設有安全卡鎖，不使用時可把刀與砧板扣好，以防割傷，亦適合帶往野餐或露營時使用。

採訪：劉明慧
攝影：葉天榮

// Clever cutter美國不鏽鋼二合一廚用剪刀$39.9//

售賣點：實惠

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)

月兒半彎，沉寂地映照着某三岔路口。街燈不如她低調，偶偶嘎嘎的打破静謐。一片昏夜之下，惟獨一家小店亮起小白燈，光澤了殘白的老招牌，八個招牌大字倒也風韻猶存，尚露幾分燦紅，「叁去壹」，好古怪的名字。
解讀店名之時，某路口冒出了一丁點的豆影，揉揉惺忪，他，漸近，漸近⋯⋯是名瘦小的大叔。濃密頭髮，架着黑框眼鏡，灰背心配短褲，褲管內，是一雙又乾又幼細的小腿。凝視着瘦小的雙腿，正向着光明之處走，輕巧的身軀，步履間，卻帶點沉重。也對，這家迄今四十年的小茶樓，每天折騰人十來個時辰，任誰都吃力。叮叮噹噹，門外已不見大叔蹤影，店裏則傳來碗盤清脆的碰撞聲﹑明爐火雄之音﹑機器引擎隆隆，綿密有致，彷彿正上演一齣交響樂。
百般堅持，這沁人心脾的樂曲，方能伴隨柔光，一解深宵的幽清。

最美的伴奏
時針踏正三時，雨露開始俏皮地灑落於門前，宛若奏伴。往店內一瞧，裏頭早已炊煙四起。方寸之地站了四位大叔，既是小店的店主，亦是夥計，他們默言不語，各自奔波。
步入小店，首先經過左邊的蒸檔，略胖的大叔站於檔內，洗擦着蒸籠用具。他髮根參白，粗眉大眼，卻有着親切的笑容，他是耀哥，負責企蒸檔，見他把東西擺放好，就急急移步至中央的圓桌，與另一名赤裸上身的大叔並列，這位大叔叫阿羅，是小店最舊之人，主力做樓面。舀起一盅盅待蒸的滑雞飯﹑鳳爪排骨飯﹑窩蛋牛肉飯，整齊地置好於鐵盤上。此時，後方的廚房傳來鏗鏘鑊聲，又夾雜了絲絲爐火之音，靠近一瞥，身穿白背心，戴着白框方鏡的瘦削大叔，專心地備着廚房用具，又點了明火預熱蒸爐，他是水哥，負責廚房事宜及炒鑊工作。倏地，一個黑影迅捷地於身後竄過，往鋪末的方向走。隨之來到轉角處，竟有一條樓梯往上層。一樓是個老式製作工場，古舊的木地板感覺不太牢固，牆邊擱放了高架﹑攪拌器﹑雪櫃﹑桌子等物品。


眼前的大叔正是方才門外那位，他是發仔，負責點心出品。只見，他先來到攪拌機旁，把各種麵粉與水倒入機器內，開機，不時用手搓搓，好調校分量，待麵粉拌好成麵糰後取出，再於長桌上搓勻。他說，一種包皮，就能做出很多款的廣東包點，目前最難尋的，要數雞球大包了。因為大包餡多，一塊雞肉﹑一塊叉燒﹑雞蛋﹑豬肉碎，沒甚麼利潤，故很多店都不再做了。他們嘛，不就是念個舊而已。發仔雙手熟練地裹起大包，靦腆的他推說這是工多藝熟，畢竟他做點心已經五十多年，接手這家小店前，更受邀到日本教授做點心技術，可是不折不扣的老師傅。說着，身旁突然冒出了個人，是阿羅。他們誰也好，只要顧好了自己的工作，就會上來幫忙做點心。二人手照揑，嘴裏則說起往事來。

小店年四十，起初的十年，都沒有發仔的參與。第一任的事頭，是他的兩個朋友，啊不，本來是三個人開的店。三名點心師傅，一心想要興家闖天下，於是租了鋪位，合資當老闆，其中一人正是阿羅。當一切準備就緒，卻出了點小岔子，阿羅的父親怕兒子做生意有風險，着他還是安安穩穩地打工好了，他不敢忤逆父親，於是向兩位拍檔坦白不合資，但以打工身份來工作，兩名老闆於是起店名為「叁去壹」。十年後，記得是八九民運那一年，二人舉家移民，湊巧發仔剛從日本回來，就決定接手小店。只是，做生意不是件容易事，請師傅更是難，於是他就找來耀哥及水哥兩個老朋友，再湊合阿羅一起合資：「我哋細細個就識，大家一齊做點心，請佢哋請唔到㗎，大家合資先有心機做。」四個大男人，既是夥計，亦是老闆，這麼一做，便是三十年。平日凌晨兩時半就要回來作準備，做點心，直至下午三時許，清潔完畢方下班，工作時間長，天天十數小時，沒有休息天。「佢住柴灣，一點半就要出門；我仲慘，住屯門，直情要喺度瞓。」水哥不知何時冒出來，邊說着，邊執起包好的數籠大包，一口氣搬到樓下去。一旁的阿羅苦笑一下，慨嘆為了養家，也沒有其他選擇。


隨着水哥的腳步聲漸遠，發仔見做好雞球大包，於是又跑到攪拌機旁，倒入另一種麵粉：「呢啲係澄麵，做蝦餃皮要用嘅。」說發仔是蝦餃專家，一點不為過，想當年，他就是被看中了做蝦餃的技術，才受邀到日本授徒。他指做蝦餃最重要是餃皮，要做到煙韌透明，不論揑皮還是包餡的過程，都相當講究。搓好麵糰，他接着做蝦餃餡。他們的餡料有點不同，棄坊間常用的竹筍，改用沙葛。一來竹筍貴，有時比蝦更貴；二來很多老人家不喜歡，覺得濕毒。加入原隻大蝦後，又倒入炸香了的乾葱油，這樣會香口些。餡料準備好，發仔挖來一把菜刀，鬧着玩地往自己手臂劈下去，掩眼之際，他卻絲毫無損。他打着趣表示刀子只是負責壓皮，不需要太鋒利，接着便示範把一團團的麵糰壓薄，放上餡料，用兩指封口後放到小竹籠內。一天做六十至七十籠，做好蝦餃就做燒賣、雞扎、鳳爪、山竹牛肉，做夠一天的分量，日日如是，幾乎沒有停下來的時候。看着他瘦削的雙腿，久站似乎挺吃力，而且有靜脈曲張的迹象，他笑言：「由得佢啦，我試過約咗時間做手術，但都冇時間去，咁就遲下退休先去醫啦。」他壓壓腿，看了看手錶，四時許，所有點心也都做好了，可以開店。

曲終就人散
移步到樓下，店外依舊是半夜天，然而，點點喧鬧聲卻擾了寧息。甫有食物供應，就立即迎來今天的第一位客人，是一位晨運伯伯。跟站於最前線的耀哥打了招呼，拿了一籠叉燒包，便隨便坐下，嘟噥着這個下雨天令人心煩。阿羅問也沒有問就到茶水位沖茶，邊道：「我哋三蚊一位茶芥，有普洱﹑壽眉﹑水仙﹑香片，如果係熟客就唔使問啦，你問他反而畀佢鬧，有冇搞錯？我飲乜茶你都唔知道？」語畢，遞上一壺普洱給伯伯。接着水哥又從廚房走出來，於伯伯面前放下一碟牛肉腸粉。第二位客人隨即到達，是個夜冷佬，又是自個兒到蒸檔拿了籠雞球大包，坐到伯伯對面，枱面已擺好一壺水仙，眾人開始高談闊論，阿羅站於桌旁、耀哥佇於蒸檔、水哥索性坐在一塊兒，好不熟稔。反倒是剛才多言的發仔沉默在旁，他坦言：「我慢熱啲，聽到啱傾話題先埋去。呢度啲客好熟㗎喇，你唔同佢傾佢就自己傾。」熟客多是男人，通常來吃點早餐就開工，吃一盅飯﹑一碟點心，又或一碟腸粉，二十來元，經濟實惠兼有水吹，這些小茶樓，正是如此，才受歡迎。幾十年，不論客人還是諸位事頭，都由壯年步入暮年。講起這話題，跟客人最相熟的耀哥很是唏噓，年紀大的熟客，如果一個星期不見其人，要不就是進了醫院，要不，很快就打聽到他已經離開的消息：「人年紀大咗就係咁，都要睇化，我自己都老啦，唔捨得班客，冇咗間鋪就見唔到啦。」

終於迎來午市，水哥開始埋首於廚房炒粉麵飯。其餘三人則招呼着滿座的客人。各人各司其職，頗有默契。當然，間中也會有爭吵﹑有磨擦，但不消一會兒就和好，大家的共識是，一起完成工作，一起收工就好了。說到底，都是老相知。縱沒天長地久，此情，卻勝人間無數。
時至中午，他們疲態盡現，人啊，還是不得不認老。他們四人都六十來歲，靠着小店，算是把兒女捱大了，如今確有了退休的念頭。發仔對此直認不諱：「做呢一行做咗好耐啦，唔做都好唔慣，但人始終要退休，冇理由做到死為止。」合約還有一年多，如果沒有人頂手，合約結束之時，小店也就終結。
聽着，聽着，人聲倒如哼歌，為清音樂點綴。只是，曲終，人總要散。

叁去壹點心粉麵飯
地址：西環薄扶林道11號
電話：2547 3917
營業時間：5am-2:30pm
詳情： http://bit.ly/2Mv0kmL

採訪：黃寶琳 拍攝：胡浩賢﹑謝本華

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)