第二回－房事

【2021年香港房事排名位於亞洲倒數第二，平均每月3.7次，一星期不足一次，僅比日本的三次多一點，離婚之夫妻房事數值均低於平均數，擁有一個健康和穩定的性生活是每對夫妻不可為缺的部份。

檢測到過去一年，劉俊文及李倩盈夫妻只進行過六次房事，達到滿足標準的次數為零，危機級別是最高等級，發放特別新手任務。

任務目標：達到一次雙方滿足級別的房事一次
任務獎勵：新手特別禮包
任務時限：一星期
失敗懲罰：婚姻系統將宣告二人失敗，建議離婚處理】

比起系統發放嘅任務，劉俊文更在意嘅係，原來過去一年嘅房事，竟然連一次滿足都無：「李倩盈你都幾好演技喎，唔係系統話我知，我都唔知原來你一直都係唔滿足嘅，即係有幾次你都係扮出黎啦！」

「劉生，我唔滿足你怪我啊？點解你唔檢討下自己？我唔滿足仲要扮滿足去令你有成功感，講我都覺得自己可憐兼偉大啊！你估我做戲唔攰啊？明明唔開心仲要扮到好享受，你次次都問我黎未啊黎未啊，爽唔爽啊，你勁唔勁啊，大佬啊，你依家係做訪問定扑野啊？我要答問題定要享受啊？唔通你問我黎未，問我爽唔爽，我答你有排啊！！唔爽啊！！！你唔勁啊！！！！咁啊？依家好啊，系統幫我講出心底話，我只可以同你講，劉俊文我真係對你無期望好耐喇！」李倩盈將心底說話完全講出，個人係咁震，係激動同舒暢嘅震，呢堆說話佢想講好耐，只係無機會同無勇氣去講出黎。

劉俊文都激動咁講：「你唔舒服唔享受，你講啊，你唔講我點知，你講我咪改，我可以慢慢黎可以跟你意思做嘛！我又未做過女人，點知點先為之舒服，點先為之滿足啊？男人好簡單，射左就係完成，女人無路捉喎，你演技又咁好，呃我之餘呃埋你自己，咁你對於呢件事嘅解決方法咩？」

「其實你知唔知你有咩問題呢？成日都要預約先至做，點解要講明聽晚要搞？有心情都比你搞到無心情啦？呢種事係自然發生，唔係要約嫁！」

「喂小姐，我返工好攰有時又要OT，我知道聽日得閒可以收早，我同你講定你又唔喜歡，然後有時我突然同你講話想要，你又話我變態，話聽日要返工，唔想，咁即係幾時？我係男人黎，我有性需要嫁，你知唔知有時我喺你訓左之後喺你身邊打飛機係幾唔開心，我有老婆都仲要打飛機，連朋友都唔敢講啊，我怕講出黎會比人笑啊！」

「你返工攰又唔比我攰嘅？女人唔係要發洩，係要情調要情趣，你突然間話想要就要，你當我係咩啊？飛機杯啊？」

「講真我真係用飛機杯都好過求你，起碼飛機杯唔會又呢又路，比人拒絕你估開心啊？其實你係唔係有性冷感呢？如果係嘅我都易理解少少。」

「我性冷感？不如話你自己毫無情趣又無耐性，點解你從來都唔檢討下自己，將所有問題都歸咎比其他人呢？」

【經系統評測，劉俊文先生性能力係正常，而李倩盈小姐亦無性冷感問題。】

「嗱，你就性冷感啊！」

「我夠性能力正常！」

【資料上顯示兩位宿主都曾經享受過滿足嘅房事，希望宿主可以搵出原因，達成任務】

「哈，要做唔係問題，但滿唔滿足唔係我可以控制，劉生如果你想完成任務就麻煩你比少少心機檢討下自己。」

「我檢討？好啊，不如按你方法去做，我跟足你要求去做，咁你滿意啦！但麻煩你講得清楚少少，唔好講到模稜兩可！」

「痴線，我可以點講啊？喂，你咁樣入，你加速20％，個拍子要點點點啊？對唔住，我真係講唔到你知點做。」

「用我方法你又唔滿意，但你又講唔出應該點做，我有理由懷疑你係有心為難我！即係你同你學生講做得唔啱，你都要講要點做去改正先啦，你平時係咁教你班學生咩？」

「要我一步一步教你點做，你覺得咁真係會令我覺得開心咩？女人需要嘅係你做左一種我哋需要嘅野，唔通你教住我點同你做，我跟住你做你就會好開心？」

「喂如果你肯，我真係好開心啊，但平時我叫你轉個姿勢你都唔肯，你覺得我開心咩？你頭先聽唔聽到，滿唔滿足係你同我都唔滿足啊！唔係叫射左就滿足，男人都唔係咁簡單就打發到啊！」

「算喇算喇，我唔想同你去爭執落去，唔會講得你明嘅，呢點我呢一年唔清楚咩？完成唔到咪完成唔到，依家你叫我同你上床，我真係會喊住咁做，肯定唔會滿足。」

「你覺得我想講咩？我想解決我哋之間嘅問題，但你明唔明我一路做都發現好似改變唔到咁，你覺得我唔難受咩？」

【系統偵測出爆發臨界點，請兩位宿主暫時分開冷靜，好好思考雙方感受。】

兩人暫時分開，因為佢哋都好清楚再嘈落去無結果，呢種情況發生得太多。

然後兩個分別係自己嘅兄弟，同閨蜜群組裡面求救。

「兄弟們，認真問，到底點做先可以令伴侶得到滿足嘅性愛呢？」

「嘩，咁簡單嘅問題你都問，三點，靚仔，有錢，大揪，就係咁簡單，但劉生你好似無樣中喎。」

「妖，認真啊，我真心求教，麻煩你哋比實際可行嘅方法我好唔好？」

「做乜啊？你俾老婆彈鐘話你唔掂啊？」

「印度神油同偉哥可能幫到你！」

「不如我講白少少，如果解決唔到呢件事，我會同老婆離婚，所以唔該你哋求下你哋唔好玩膠！」

「情況咁嚴峻，我收聲，其實我同老婆都好少行埋，Sor Bro，比唔到咩Advice你，同求解決方法。」

「其實你哋結婚三年，少行埋好合理喎，講真，日見夜見仲邊有咁好心情搞野呢？我都係大時大節應吓節就算……」

「你咁問得，即係你老婆唔滿意，咁佢唔滿意邊部份先？你太細？你太快？你太悶？你唔比多少少背景資料我哋好難幫你分析喎。」

「唔……呢一年我同佢行埋十隻手指數得晒，講真，我都覺得好唔滿足，每次都係同一地點，同一流程，同一時間……」

「呢個問題好明顯，對手悶喇，不如你幻想吓，如果同你做嘅係一個未做過嘅女人，所有問題都唔會係問題。」

「雖然肥仔講嘅係好刻薄，但佢帶出一個好好嘅方向，既然你都知時地人流程都係一樣，咁不如搞下新意思，例如出去Staycation換個地方，玩下角色扮演同玩具，又或者飲吓酒睇吓AV，情趣呢樣野幾時都係咁重要。」

「會唔會係前戲唔夠嘅問題？試吓用按摩油，用完再手口並用，之前我同老婆試過好Work……呃……就係太Work所以又有一件……諗起都有少少後悔，記得戴套啊兄弟！」

「前戲唔單止係接觸嘅，你做好晒家務，買個包包，播吓歌，點吓香薰蠟燭，有Mood自然就會有好心情。」

「兄弟們，其實你哋講嘅有好多我都試過，除左買包包……但買包包先會有滿足嘅性愛會唔會太傷荷包呢？照你哋咁講我一年最多咪扑得兩次……你哋都知我老婆唔太飲酒，佢最憎我睇AV，要佢同我一齊睇咪盞死多兩錢重，唔好話玩玩具，佢連角色扮演都話變態……上次我話扮學生，佢即時話我侮辱佢嘅工作，嬲左我足足兩個星期，唔好玩我啦……」

另一邊廂……

「姐妹們，到底點先可以令男人知道點滿足自己呢？」

「無可能，死左條心佢！」

「咪就係，男人只係識得大力同快，佢哋係唔識分痛到叫同爽到叫嫁！」

「之前你咪話你老公想離婚，今日去簽紙，做乜啊？依家又唔離喇？咁我都安心啲！」

「係喎係喎，你今日離婚，搞掂未？我應該恭喜你定安慰你好？」

「無簽到啊……個衰佬話想同我再試下改，咁我都唔想離婚……咪同佢再努力一吓囉。」

「你決定再努力都好，我哋成班姐妹都會支持你，但點解咁突然唔離婚又想探討點先滿足，係唔係你老公想要分手炮，喂，咁真係又食又拎，你唔好信啊！」

「唔係啊，一言難盡，總之當務之急係我需要知道點先可以有一場雙方都享受嘅性愛，如果搵唔出呢個方法，我就應該會離婚喇……」

「如果用你呢個定義去決定離唔離婚，咁我同我老公都應該離婚啦，個肥仔佢成日大爺咁訓係度，唔好話滿足，我仲要出力啊，諗起我就嬲！」

「班男人最大問題就係佢哋睇左十幾廿年AV，睇到覺得AV入面嘅係真，班女優每次拍都收錢，十萬十萬咁收，梗係落力同開心啦，試下我老公比錢我，我都叫到拆天啊！」

「咪就係，又要護士又要空姐又要學生，睇到壞腦，仲要跟足佢哋流程做，攰過湊仔，我敷吓面膜訓吓仲舒服，我已經無慾無求喇，反正湊仔都夠我攰，上次同佢做做吓個仔醒左，上半場都勉強叫開心，點知我氹完個仔訓之後，見到個死佬都訓埋，個次之後我就嬲到唔肯同佢再搞！」

「你湊仔都好，我同老爺奶奶一齊住，夜晚要偷偷摸摸咁搞，仲要忍住唔好嘈親人，我同老公講要搞就出去酒店搞，但奶奶又話我嘅有屋企唔返，晒錢出去租酒店，我就係唔想同佢同屋先出去住啊！！！！！！」

「認真最開心嘅真係初初相識熱戀個時做，對方做嘅一切都好令人期待，有時氣都未回就突然再戰，唉……真係往事只能回味啊……早排我試過突然錫我老公，佢好驚咁問我發乜神經，咩料啊！」

「姐妹們……我係想尋求解決方法啊，唔係鬥慘大會，Cheer up girls！唔通你嘅唔會覺得咁落去你下半生同下半身都好慘咩？」

再返返去男士們嘅對話……

「嗱，我問左全能嘅Google大神喇，夫妻重燃情趣方法有，Staycation、性玩具、性愛大富翁、轉換場地、改變情調、角色扮演、增加情趣細節，呢個係性治療師比嘅Tips，你參考吓啦！」

「我都睇左有關身體方面嘅方法，每日做深蹲、做運動、唔好打飛機、食含有鋅嘅食物好似生蠔、黑朱古力嘅苯乙胺都對性方面有幫助，至於偉哥呢樣野你就要問醫生喇！我仲搵到清水健嘅壯陽餐單，你參考吓啦！花椰菜、紅蘿蔔、菠菜、小番茄、山藥、秋葵、南瓜、地瓜、水煮蛋、雞里肌肉香腸。有時也會有菇類、芽菜、高麗菜等。他也會隨身攜帶高蛋白低脂肪的雞里肌肉棒、雞里肌肉香腸、高蛋白飲料、蛋白棒，肚子餓時就吃一點來補充能量。」

「事前準備都好重要，沖涼、剃鬚、噴少少香水或者爽身粉、剪指甲、用漱口水、換床單、播音樂、點蠟燭、最好時間係晚餐後兩三小時。」

「咩九淺一深、螞蟻上樹、神之手你都識啦，我就唔重提喇，大家咁耐兄弟，我傳授我最有用嘅一招比你，你好好記住，忍唔住就記得係心入面讀 看看威風的他 雙腿好似摩打 扭波踢波頂瓜瓜 有嘴巴的都讚他 身手最啿誇 小子志可嘉 陣法腳法日練夜練 真功夫冇花假 攻呀攻 快搶攻 射呀射 射它吧 扭得好 踢得鬼馬 可稱霸只有他！至於個Beat你都識啦！」

「嘩……真係唔夠兄弟都唔會教你呢招，劉生下次你見到佢有乜要我幫手嘅即管講，正義只會遲到，從不缺席！」

「我從來都未見過你哋班死仔咁認真，除左死肥仔之外，點都好，多謝你哋，我會盡量做，祝我性福啦！」

「講真，扑野要搞到咁複雜，我真係寧願打飛機算喇……」

「X2」

「我已經打緊了！」

「諗返起當年我講過，結左婚一齊住之後要日做野做，我真係覺得自己好傻好天真……」

再返返去女士們嘅對話……

「咁多年姐妹，呢套睡衣成二千銀我自己都唔捨得買，但為左你嘅下半生，今次我大出血都要喇！」

「我幫你Book左四季今個周末嘅海景套房，個浴缸好大，夠兩個人一齊浸，祝你成功啦，幫到你嘅唔多，加油啊盈！」

「呢排我手頭緊緊哋，但我都送支靚酒比你啦，你唔飲得，比佢飲多少少，唔係醉左訓左就弊傢伙喇！」

「姐妹們……突然要你哋破費真係唔好意思，小妹將來一定報答返你哋，Love you all，有你哋我就算點都唔怕喇！」

「倩盈，其實女人要嘅係愛，有愛就會開心同舒服，我哋幫你嘅只係輔助，如果你同一個唔愛嘅人做，你準備再多都無用，你明啦。」

「係啊，我老公有時突然間講句肉麻情話我已經會好想要，但偏偏呢種事係可遇不可求，祝福你！」

「講得無錯，唔好太刻意，隨其自然啦，越急越慌只會令自己緊張到享受唔到，Relax！」

「今晚等我幫你問吓我老公點先最開心，如果有參考價值嘅我再話你知！」

「唉講起我真係好耐無同老公行埋喇……唔知佢今晚會唔會對我有表示呢？」

「著返套戰衣先啦！」

「我依排肥左好多，都唔知著出黎有冇反效果……」

兩邊嘅討論開始進入閒聊狀態之時，劉俊文同李倩盈都分別收到系統嘅通知。

【叮，恭喜宿主，因為你為對方著想去做準備，獎勵積分100分，希望宿主知道無論方法係好係壞，只係你係為對方著想，希望兩個人有更好嘅未來，就已經值得獎勵！」

劉俊文望住唔知有乜用嘅分數心不在焉，佢忍唔住問：「系統，頭先我班兄弟講嘅野有冇用？係咪我跟住做就會令倩盈得到滿足啊？」

【除咗唱足球小將之外，其他方法都未嘗不可，會有效提升身體、心情、環境等因素，宿主請繼續努力。】

「喂，系統你答非所問喎，即係你覺得唔一定有用啦，咁我可唔可以問你我到底應該點做先會成功？」劉俊文並唔蠢，如果係有用，系統點會講呢種模稜兩可嘅答案。

【章博士設計嘅系統並唔會提供直接答案，需要宿主從了解同思考中得到真正屬於你同伴侶嘅答案，但你可以用一半積分換取一個提示錦囊，溫馨提示，積分清零同時等於任務失敗，請小心運用分數。】

劉俊文望一望唔知有乜用嘅200積分，剛剛突而奇來賺返100，依家用返100分去買提示，都只不過係打回原形姐，咁總好過唱足球小將嘅：「系統我決定換錦囊！」

【成功換取錦囊，劉俊文現時積分為100分，錦囊生成中……請稍等……是次提示為，需要】

空氣變得寧靜，劉俊文開始覺得唔對路：「喂，系統你……唔係已經講完喇嘛？需要？需要咩啊？你正奸商，仲姑寒過我課金抽蛋，喂，喂，應下我，你係唔係死左機啊？」

【成功掃描系統，一切正常，請宿主放心，章博士講一半唔講一半嘅作風，係唔同時空都係出晒名，希望宿主明白並非系統玩野，比起閣下兄弟提出嘅意見，本系統覺得更有價值，請宿主盡早參透。】

而李倩盈方面，佢都忍唔住問系統一個問題：「到底我享受唔到，係唔係我嘅問題呢？」

【宿主請勿自責，章博士提過，夫妻之間出現問題從來都唔係一個人責任。】

「唔係一個人責任……咁即係我都有責任啦。」女人嘅直覺好敏銳，抽出系統字句上嘅重點。

【對，就房事方面，兩位宿主均有責任。】

「咁我責任係咩？」李倩盈心急地問。

【章博士設計嘅系統並唔會提供直接答案，需要宿主從了解同思考中得到真正屬於你同伴侶嘅答案，但你可以用一半積分換取一個提示錦囊，溫馨提示，積分清零同時等於任務失敗，請小心運用分數。】

「依家我有600分，換一個錦囊係300分……好啦……換啦換啦……」李倩盈無奈地講。

【成功換取錦囊，李倩盈現時積分為300分，錦囊生成中……請稍等……是次提示為，被動。】

「吓？被動係我嘅問題？即係我要主動咁去同佢做先叫好？性格嘅野點改啊，我真係唔鍾意主動咁去奉承佢囉，咁我算乜啊……」李倩盈紅住面咁講，佢一向都係被動地做，亦係好多女人對性嘅方式。

【宿主請自行理解提示，兩性關係在於思考，並非提供做法照做，請宿主努力。】

「我終於知道平時劉俊文聽到我講似有還無提示嘅感受喇……有時唔想就係唔想，你叫我主動我真係會開心咩？到底阿章博士明唔明白女人啊？」李倩盈對於呢種提示下意識就係唔想接受。

【章博士生理上係百分之百男人，對於女人心理係從日積月累理解之中形成經驗，請宿主努力解讀提示，本系統從來都唔會對宿主不利。】

「好喇好喇……咁我可唔可以再買一個提示？我想知道點先可以過到呢關。」李倩盈計計自己分數，仲有300分，再買一次得返150分，都比劉俊文多，係無辦法之下，佢唔想單靠姐妹們嘅分析，因為以佢所知，佢哋嘅房事都唔係太愉快。

【成功換取錦囊，李倩盈現時積分為150分，錦囊生成中……請稍等……是次提示為，最後一次。】

「喂啊！系統你講白少少好唔好啊！咩最後一次，你係指我應該用最後一次同佢做嘅心態去做？定我同佢真係最後一次做啊？」李倩盈開始覺得系統嘅提示聽完仲令人煩惱，有少少後悔買錦囊。

【既然宿主無信心完成任務，即將面臨離婚，咁不如盡情去享受同一個曾經愛過嘅人最後一次嘅性愛，如果呢次係最後一次，你會想同佢點做，呢個問題你需要考慮清楚。】

兩個人終於各自返到屋企，劉俊文只係對李倩盈講左句：「返黎喇？」

然後相對無言，今次嘅任務，對於好多人講係一種秘而不宣嘅問題，減去好多身體上有問題嘅夫妻，好多有能力又有需要嘅係房事上得唔到抒發，最後演變出唔同嘅問題。

床上兩人各自思考，諗得再多，都只不過係自己嘅一廂情願。


【現時劉俊文及李倩盈夫婦的狀況如下：

婚姻等級：新婚夫妻
共同積分：250
劉俊文積分：100
李倩盈積分：150
階段：零
特別新手任務進行中：兩人於一星期內需進行一次雙方都滿足的性愛
成功獎勵：新手特別禮包
失敗懲罰：離婚
劉俊文錦囊提示：需要
李倩盈錦囊提示：被動，最後一次
第一階段任務：尚未發放
第一階段緊急任務：尚未到達開啟條件
積分任務：尚未開啟】

－－－－－－－－－－－－－－－－－－－－－－－－－－－－

下回預告：

有人話，新對手就係最好嘅對手，每個人都喜歡新鮮感，所有第一次都係令人期待，但一次生兩次熟三次大結局，對於一個同你走埋下半世嘅人，新鮮感真係最重要嗎？

有人話搞搞新意思，當你一次用一招，一百零八招用過晒之後，玩具同角色扮演都試過，仲有幾多野對你講係新鮮？

呢個世界有兩類人，第一類係食飯最緊要好食，另一類係食飯好唔好食在於你同邊個食。

人嘅性慾只會隨時間減低，以五十歲更年期為標準，用你呢個月做過嘅次數去做乘法，你人生仲餘下幾多次性愛？

而呢個數字之中，有幾多係你真正享受？有幾多係交差？

如果連愛都未搞清楚，性愛就只餘下性，何來圓滿？

－－－－－－－－－－－－－－－－－－－－－－－－－－－－－

作者的話：

性呢個問題，曾經只係困擾我地無對手同無地方，但可悲既係好多人有地方有對手之後，都仲有問題。

蔣薇已經步入第十個年頭，初初睇我既讀者好多都結婚生仔，或者我地既題材已經唔可以再維持係單戀苦戀暗戀情侶相處既階段。

猶豫好耐都係決定寫呢個敏感既問題，大家成年人，我亦唔當大家小朋友，希望大家可以係性呢個問題上思考，亦希望接下來既睇法會令你地有新體會。

第一回得到接近300like既成績，都算係令我有所鼓舞，希望大家唔好吝嗇Like and Share，當然係你覺得好睇先比啦

如果覺得唔好既，真係懇請大家留言表達

－－－－－－－－－－－－－－－－－－－－－－－－－－－－

第二回有獎問答活動：

題目：對你講，一場令雙方都滿足既性愛係有咩因素？（無正確答案，大家可自由發揮）

禮物：我無乜野多，書最多，可以任揀我五本作品其中一本（不包郵），如果呢個故事都出得成書的話，亦可以選擇期貨

四個答得最好既可以得獎，兩名得獎者由我選擇，另外兩個最多like既都可以得獎，為推動更多人討論，讀者之間回覆得最好既都可以特別得獎，設兩名

－－－－－－－－－－－－－－－－－－－－－－－－－－－－

支持作者可以：

訂購我過往的作品，連結如下
https://bit.ly/3fL9QUH

由於最近比較忙，需要周末先可以處理訂書，希望大家見諒

深夜無人睇，靜靜雞講故仔……
　
《我老婆由細到大都鐘意玩紙紮公仔》
　
「嗚也！！嗚……呀呀……！」
　
我每日都會發出痛苦嘅呻吟聲，每一日都受到地獄般嘅煎熬。特別係護士每隔一個鐘幫我換紗布時候，由於大部份呈碳黃色嘅皮膚沾上整塊紗布，令撕開期間連埋我皮膚都一併撕開，呢種痛苦令我生不如死。
　
「劉生你嘅情況係二級燒傷，即係話已經傷到真皮層，由於無咗外層皮膚嘅保護，令到你神經綫外露，所以千其唔好亂郁，因為就算郁少少……你都會好痛。」醫生喺身旁安慰著我，但呢啲廢話我唔想聽，我只係想知我幾時先可以好返出院，因為我個女需要我。
　
基本上長期住院期間，起初好多身邊嘅朋友都會嚟探我，但我其實心底裡面唔想見人，我知道自己個樣變成點，我已經毀咗容，每個朋友探我時候都不經意露出一副睇怪物嘅臉容，即使佢地扮到幾唔在意，但實質上佢地對我係好恐懼，久而久之就再無人嚟探我。
　
而外母不時都會帶個女嚟睇我，但每次靜妍見到我都會好驚咁捉緊外母，雙眼展露出對我充滿恐懼，因為我真係搵唔到有咩嘢可以證明我係佢老豆，我樣同皮膚都已經毀了，連我把聲都失去，難怪突然有人話呢個人就係你老豆，靜妍一定接受唔到。
　
「靜…………妍………」每當我用盡最大力氣去叫靜妍並向佢伸出左手時，靜妍都會被嚇得退後數步，然後細聲地問外母：「我地可以走未？」
　
即使外母多番解釋眼前呢個人就係爸爸時候，靜妍更加對我感到恐懼，我都係第一次見到靜妍咁驚對住我，呢種冷漠同恐懼嘅眼神，比起我皮膚傷痛更加痛得入心入肺，每次眼見佢離開，我都哭成淚人，痛不欲生。
　
有一次，阿傑嚟咗探我。
　
我望一望佢，由於我對佢無咩感情可言，就算佢嚟探我，我都唔想理佢。
　
而阿傑見到我咁，竟然露出令人心寒嘅笑容，佢不斷欣賞我嘅皮膚，雙眼好似見到寶藏咁碌到大一大，然後輕聲對我說：「你燒到啲皮膚凹凹凸凸，仲見到幾條紅根郁下郁下，真係好特別，原來燒傷就會變成咁，嘻嘻！」接著，阿傑閉上眼，再近距離大力用鼻索一下，然後精神地說：「份燒焦味仲喺到！好爽呀！」
　
我本來就覺得佢份人古古怪怪，呢幾下舉動比著平時嘅我一定將佢打到半死，但呢刻嘅我竟然無任何情緒，連嬲都無，只係咩都唔想理，猶如一個已死嘅人。
　
因為我覺得對比靜妍對我嘅恐懼，呢種侮辱算得係咩意思。
　
「你成日喺醫院一定好悶，就好似我當年比你地打到唔敢返學，日日都喺屋企瞓……所以我帶咗個朋友嚟陪你！」然後阿傑周圍望下，見無人留意佢之後，就將一個好似手掌咁大嘅紙紮公仔塞落我張被入面。
　
當我見到「紙紮」放咗落我張被入面，我激動得不斷發出叫聲，再用一個兇狠嘅眼神瞪住佢，示意佢叫即刻同我拎返個公仔出嚟！
　
「你唔好咁激動住先喇！我都知你好開心！要多謝我就遲啲先！唔阻你！你慢慢抖下喇！嘻嘻！」說罷，阿傑就轉身走人。
　
我不斷搖擺身體意圖想掃掉個公仔出嚟，但我一郁就頓時感到極大痛楚，令我痛不欲生。護士見到我咁都叫我唔好再亂郁。
　
呢刻我咩都做唔到，委屈到喊出嚟，我連將一個紙紮公仔拎走嘅力量都無，我真係想死咗去。
　
…………
　
夜晚，醫院一片寂靜，情緒稍為冷靜落嚟，我呆呆咁望住天花板，諗返起我自焚嗰晚發生咗咩事，我好似被鬼迷咁，無啦啦迷迷糊糊咁走返屋企，又迷迷糊糊咁將白電油淋喺自己度……
　
但雖然當時意識模糊，但我仍然好記得我被水淋熄時，見到老婆傷心咁企喺廁所門到望住我。
　
係佢救咗我？老婆，我真係無用，明明係你頭七回魂，我竟然令到你咁擔心同失望。
　
突然間，我見到老婆企喺我身旁，一臉憂鬱咁望住我。我望一望佢，可能日有所思，夜有所夢，竟然比我發夢見到老婆。
　
「老公，對唔住。」老婆開口了，第一句就係對我道歉。
　
道歉嗎？點解要道歉，要道歉嘅人應該係我吧。
　
老婆慢慢伸手輕輕摸摸我隻手，但我竟然無感到絲毫痛楚，而係感受到老婆嘅溫暖體溫，令我有一種舒服嘅感覺。
　
個天可能可憐我，安排老婆同我夢中相見吧？嘿，總算待我不薄。
　
老婆然後輕輕摸一摸我臉容，更流下眼淚，十分傷心。
　
老婆，對唔住，你一定認唔到我吧？畢竟連靜妍都唔願意接受我呢個臉容。
　
「老公，我地一家人受到紙紮嘅詛咒先攪到咁，靜妍大個咗之後會遇到更大嘅挑戰，你一定要好好保護我地個女，知唔知呀？」
　
靜妍大個會有更大挑戰？老婆預測到將來個女會出事？
　
不過，對唔住老婆，我攪成呢家咁已經無可能再保護到靜妍，我已經變成廢人，咩都做唔到。
　
老婆輕輕吻了我，然後說聲：「係我害到你同個女咁，我甘願做陰間嘅奴隸，換返你嘅皮膚返嚟。」
　
奴隸？咩陰間奴隸？老婆點解要咁講呀？老婆？呀？點解我講唔到嘢？好想安慰老婆，好想伸手抹掉你流緊嘅眼淚。
　
老婆最後說聲：「好好照顧個女。」然後慢慢消失了。
　
見到老婆慢慢消失，但我就無辦法出聲， 甚至連身體都無得郁動，感覺好似被鬼壓住咁。突然間，我覺得我被入面有樣嘢爬緊出嚟，係蟲？究竟係咩嚟？
　
然後無數個紙紮公仔突然喺我被入面出現了，嚇得我即時大叫，但卻叫不出聲。
　
一個……兩個……三個……目測已經有三十幾個手掌般嘅紙紮公仔不斷爬到我身上。
　
係阿傑留低嘅紙紮娃娃！
　
其中一個紙紮娃娃跳上我塊臉，然後用一把流利嘅普通話說：「你老婆已經答應了，作為交換條件，我們現在來幫你換皮膚。」
　
換皮膚？隻嘢究竟想點？
　
轉眼間，一大堆紙紮公仔已經佈滿我全身，然後露出令人心寒嘅笑容。
　
「給我拆！」其中一個明顯係佢地大佬，一聲令下，各紙紮娃娃開始拆我嘅紗布，然後鑽入我皮膚裡面，呢種痛，比起護士幫我換藥更加痛，但我叫唔到，又郁唔到，只能夠默默承受呢種痛苦。
　
最後我痛得失去意識昏迷了……
　
直到第二朝早，護士想準備幫我換紗布，驚見我全身紗布都被撕開，更驚訝嘅係，我皮膚竟然慢慢好起來，於是連忙急召醫生，而一輪嘈雜聲音下，我慢慢醒來。
　
見到身邊有好多護士醫生圍住我檢查，佢地臉上充滿疑惑，但又為我高興，於是主診醫生對我說：「我地發現你皮膚竟然慢慢回復，我地都解釋唔到咩原因……但點都好，你應該好快出院。」
　
聽到醫生咁講，我即刻要求要鏡睇下自己個樣，而護士即時緊張地搵鏡比我。
　
一照之下，我臉上已燒焦的疤痕竟然消失了，雖然仍然幾條紅痕外，但我幾乎回復面貌。
　
我頓時醒起老婆琴晚出現講過，佢同人交易嚟換返我皮膚，原來唔係發夢而係真？
　
雖然我唔知點解咁，但最近老婆頻頻出現嚟幫我，似乎佢知道我陷入危機之中，仲甘願做陰間奴隸嘅代價換我皮膚，亦預示個女將來會有危機，仲希望我可以好好照顧個女，免受紙紮帶嚟詛咒。
　
我傷感得哭成淚人，醫生同護士以為我喜極而泣，但我卻為老婆嘅苦心而喊。
　
……
　
抖咗一晚後，第二日我就已經執嘢出院。我第一個地方就係返番去屋企將個女拎番嚟我身邊。
　
到咗屋企用鎖匙開門後，但發現屋企已經裝修過，亦配咗另一條鎖匙。
　
我不斷按門鐘，屋內嘅外母慢慢開門，當見到係我時驚訝地說：「你做咩出咗院嘅？仲有你啲傷……？」
　
我無回應佢，因為我只係想睇個女。我推開佢走到大廳前，見到阿傑竟然喺到陪緊靜妍玩，而且成地都係紙紮玩具。
　
「你知唔知呢個人叫咩名？ 佢叫傑仔呀！ 而呢個人就係你爸爸！阿明！」阿傑拎住一個手掌般大，貌似自己同我，同著住校服嘅紙紮公仔，然後喺到做話劇，睇到靜妍好入神好吸引。
　
「有一日，阿明帶住成班同學，係咁打呢個傑仔～係咁打！係咁打！打到佢喊哂口！」阿傑邊說邊將自己嘅紙紮公仔不斷用拳頭打落去，攪到個公仔被打到支離破碎。佢竟然將當年佢比我地欺凌嘅故事用紙紮公仔形式呈現出嚟比靜妍睇。
　
我即刻走去拉開靜妍，然後對住阿傑兇惡地說：「你同我即刻走！」
　
阿傑見到我突然出現，一時之間比唔到反應，只係驚訝咁問：「吓？點……點解呀？我地玩得好開心喎！」
　
我捉住佢講：「以前係我對你唔住，係我同班人打到你無再返學，但你都唔洗咁樣嚟攪我個女呀！」
　
阿傑一臉無奈，然後不斷說：「我無呀，我只係陪你個女玩……」
　
「你同我走！即刻走呀！以後唔好比我見到你！」我大叫。
　
阿傑見我情緒激動，即刻收拾返地下嘅紙紮玩具，然後離開。而靜妍可能比我嚇親，走咗去攬住外母不斷喊，而外母見到咁，正想勸我冷靜時，我已經對住急不及待咁向佢發炮：
　
「佢做咩比呢個人入嚟呀？你知唔知佢係嚟做咩架？」
　
外母解釋說：「佢話係你嘅中學同學又係你好朋友，所以佢話想探靜妍同佢玩……我咪比佢入嚟。」
　
「你都唔知你係有心定特登，你知唔知佢喺到同靜妍玩緊咩？紙紮公仔呀！你個女就係比呢啲嘢害死架，我呀！我攪成咁都係呢啲嘢害架！你竟然仲走去比個孫玩？」
　
「我都知唔係拎嚟玩，但靜妍佢真係好想玩，佢日日喊住話要玩，喊到我個心都痛埋，唔比佢玩嘅話，你叫我點算好呀？」外母一臉哭訴。
　
但我無理，我繼續瞪大雙眼連珠炮發：「外父講得岩，你根本就係有問題！你比呢啲紙紮落咗詛咒！你害死你個女仲唔夠，仲想害埋我個女，你真係一個惡魔，你點做人老母呀！」
　
此時，靜妍喊得更大聲，不斷喊住叫我唔好再罵外母。
　
「我聽日就會叫外父幫手湊返，你唔洗指意可以騷擾到我地！」
　
外母本來一臉無奈，但聽到我一講到外父，佢即刻變得好驚，然後不斷求我：「你唔好叫佢湊呀！佢先係攪到我同個女咁咋！你唔好信佢呀！靜妍比佢湊一定比佢害死架！」
　
「你仲想屈外父？你真係無得救！」我搖搖頭不禁相信外母竟然係一個咁嘅人。
　
然後我捉住外母不斷拉佢到門口大叫：「你同我走呀！唔好比我見到你！」接著，推佢出去門外後便大大力關門。而外母則不斷喺門外拍門大叫：「唔好搵你外父呀……求下你！」
　
我將地下剩返嘅紙紮物品通通收起，並整爛佢塞落垃圾袋入面。而靜妍見到我，都已經無之前咁恐懼了，但佢仍然堅持要玩紙紮公仔，於是我將佢鎖落廁所入而反思，無論佢點叫點喊都好，為咗介咗佢惡習，亦唔會比佢出嚟。
　
我決心將靜妍脫離迷上紙紮嘅詛咒，以免老婆死後都要繼續擔心。
　
下午五點，街市入面人來人往，嘈吵非常。剛被阿明趕走嘅阿傑氣衝衝咁走入舖頭入面，然後將喺阿明屋企帶來嘅紙紮公仔通通撕爛，情緒十分激動。
　
「仆街明！！！！你以為自己係邊個呀！！！！敢嚟教訓我！！！！」阿傑不斷踢爛撕爛舖頭紙紮公仔發洩情緒。
　
當阿傑嬲嬲地望住店內嘅無數個紙紮公仔望住佢時候，阿傑愈睇愈唔順眼，於是大叫：「做咩呀！睇我唔起呀！你班用紙造嘅垃圾！」然後隨手拎起幾個公仔不斷撕爛佢。
　
突然間，店內其他紙紮公仔突然慢慢郁動，佢地互相對望，然後望住正在撕爛緊紙紮嘅阿傑。
　
「這個瘋子，想把我們怎樣？」其中一個紙紮公仔竟然用流利普通話出聲。
　
阿傑聽到有人講嘢後，頓時停手，然後轉身一望，心諗邊個喺到講嘢？阿傑只見數個紙紮公仔企喺佢面前，於是行前望一望紙紮公仔，再望望周圍，正想轉身時候，其中一個紙紮公仔竟然伸手將阿傑把口封住，嚇得阿傑大驚，於是用手想將紙紮公仔隻手撕開，但無論點撕點甩開佢，隻手仍然緊緊咁將佢把口封住。
　
「嗚嗚…嗚…嗚……」阿傑不斷掙扎不斷叫喊，但完全發不出來。
　
突然間，其中一個紙紮公仔竟然拎起一把用紙造嘅刀，然後說：「這個瘋子，該去死吧。」
　
阿傑碌大雙眼望住，然後激動地叫喊，只見個紙紮公仔慢慢行到阿傑面前，再用手上嘅刀一下子插落阿傑肚入面，鮮血好似噴泉一樣不斷噴出。
　
阿傑非常痛苦，然後想跑到店外求救，但無數個紙紮公仔一個接一個跳到阿傑背上，亦將阿傑壓倒喺地下，然後一刀又一刀地插落阿傑背上。
　
阿傑不斷捱住刀傷咁痛苦地爬去店口，見到有個師奶喺門口望一望，然後師奶問：「我要兩袋香呀！有冇人呀？」
　
阿傑正想伸手求救時，其中一個紙紮公仔將佢隻手壓住，並繼續用刀一下又一下斬落阿傑身上。
　
「嗚……嗚……嗚……」阿傑痛苦地叫喊，但聲音被紙掩蓋。而師奶見無人回應就轉身離去。
　
雖然好多人經過阿傑門口，但無一個人聽到阿傑嘅求救聲。
　
最後阿傑身中百多刀，瞓喺血泊之中。而紙紮公仔笑著說：「活該的瘋子。」然後所有紙紮公仔都慢慢退後一角， 一動也不動地望住阿傑條屍體。
　
…………
　
「叮噹…叮噹…」門外鐘聲響起。將我從睡夢之中驚醒，起身時候即時望望身邊嘅靜妍，見佢瞓得好淋，我就放心。然後我再落床開門。
　
開門後，見到幾個警察，我問：「咩事？」
　
原來外母今朝早六點，喺屋企跳樓身亡，亦留低一封遺書比我。
　
《待續》
　
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
今集超多字，大家可以慢慢睇喇！
我知道唔會篇篇都超過7000 like嘅，所以我勇敢地承諾多次，如果呢篇又超過7000like，我會即刻打文！
　
記得狂like 狂留言 狂share！你地每個留言我都會睇！
　
另外，未買書嘅讀者，希望可以支持我
如果多人買，我就可以貼埋大結局同大家一齊睇！
我嘅網店：https://homingming.boutir.com/
　
知大家買書可能遇上好多問題，但我只有一個人，所以處理好慢，大家耐心等我……感謝大家！

唐代詩人孟郊：高天厚地一詩囚

歷史春秋網
　　　　
作者：王開林

眷眷者，慈母之意。拳拳者，遊子之情。《遊子吟》總共三十字，竟無一字不是催淚彈。
　　
慈母手中線，遊子身上衣。
臨行密密縫，意恐遲遲歸。
誰言寸草心，報得三春暉？

十歲前，孟郊喪父，他與兩個弟弟孟酆、孟郢由母親裴氏辛苦養大。在這個單親家庭裡，父恩天高，已摸不著邊際；母愛地厚，才立得住單薄的身體。
　　孟郊，這位大唐詩人，以詩風矯激而著稱。一千二百年來，無數遊子的淚水都源自他的筆下!我猜想，他寫完那首《遊子吟》後，一定泣不成聲，頃刻間淚濕襟袖。
　　年輕的孟郊抱負不凡，他揮灑筆墨，徬彿運斤成風，全是顧盼自雄的豪言壯語：「丈夫四方志，女子安可留？」還未見識世路上的風波險惡，還未遭遇命運之神一記小指頭的輕敲，此刻，他胸中跳蕩的是一顆將以有為的少年心。

我願分眾泉，清濁各異渠。
我願分眾巢，梟鸞相遠居。
此志諒難保，此情竟何如？
　　
「情」也好，「志」也罷，日後皆與世事圓枘方鑿，難以吻合。善惡相羼，美醜莫辨，最是人間常景，誰能了了分明？誰又能獨秉公正？濁水遍地橫流，梟鳥盡佔高枝，清泉因此遠避，鸞鳳為之低徊。孟郊是赤子，也是痴子，他對外面的世界抱有極高的期望值，認定「物皆備於我也」，徬彿舉目可見，唾手可得，殊不知，海面雖遼闊，可取飲者無一勺。
　　
現實有時比盛氣凌人的繼母更冷漠，也更苛刻。年逾不惑，孟郊遵從母命，遠赴京師。大唐禮闈的門檻比踵其後塵的任何朝代都要高得多，滿打滿算，單科進士名額不足三十人。李白不肯嘗試，是明智的。杜甫偏不信邪，結果在京師困居十載，飽嘗悲辛，苦無所獲。
　　
孟郊的運氣如何？他一入長安，空手而返；再游西京，鎩羽而歸。似乎命中注定，他面前不會出現一條平坦的仕途。只能放歌詠詩，「劌目鉥心，鉤章棘句」，「神施鬼設，間見層出」，一腔怨氣化作滿紙哀聲：「曉月難為光，愁人難為腸。誰言春物榮，獨見葉上霜。……棄置復棄置，情如刀劍傷!」
　　
忽忽多年，懷才不遇，孟郊對於冷酷的現實有了切膚之痛，「惡詩皆得官，好詩空抱山」。他索性結廬嵩岳，過起了白雲為田、絳雪為飯的隱居生活。衣褐懷寶者，既然得不到當途者的賞識，那就將一腔孤憤訴與群山去聽：「本望文字達，今因文字窮。影孤別離月，衣破道路風。」

在大唐帝國，貧寒書生的出路有限。倘若孟郊的政治前途受阻，就多半會淪為涸轍之鮒，那頂「詩人」的桂冠固然光鮮好看，但它兌現不了現世的安穩。一方面，命運薄待孟郊；另一方面，則給他補償。儘管時乖運蹇，孟郊有志難伸，但他與韓愈結下的深厚友誼不失為高山流水的華彩樂章。
　　
孟郊比韓愈年長十七歲，按理說，這條代溝又寬又深，然而他們一見如故，惺惺相惜，結為了比忘年之交更好的忘形之交。在唐人傳奇《龍城錄》中有一則《韓退之夢吞丹篆》，可謂奇談：「退之常說，少時夢人與丹篆一卷，令強吞之，傍一人撫掌而笑，覺後亦似胸中如物噎，經數日方無恙，尚可記其一兩字筆勢非人間書也。後識孟郊，似與之目熟，思之乃夢中傍笑者，信乎相契如此。」人生如夢？人生如戲？人生如傳奇？命運歸定數，情誼續前緣？信也由你，不信也由你。
　　
韓愈二十五歲登進士第，此後數年，參加過三次吏部考試，均未能通過銓選，他的官運如何？尚在未定之天。孟郊羈旅長安，一介布衣，詩才固然不薄，但要在仕途上軟著陸，找尋到一個可靠的落腳點，殊非易易。韓愈在京師大名鼎鼎，毅然以古文運動的旗手自任。他為孟郊延譽，難度很小。他為孟郊解憂，難度很大。
　　
韓愈的神作《與孟東野書》述及了兩人的知己之情：「與足下別久矣，以吾心之思足下，知足下懸懸於吾也。……吾言之而聽者，誰歟？吾唱之而和者，誰歟？言無聽也，唱無和也，獨行而無徒也，是非無所與同也，足下知吾心樂否也。」若非至交，無此深言。精神吸引，靈魂映照，世俗的計慮盡拋，方有此一番告白。
　　
韓愈賦詩《醉留東野》，其真摯熱烈的情誼於字裡行間呼之慾出：「昔年因讀李白、杜甫詩，長恨二人不相從。吾與東野生並世，如何復躡二子蹤？……我願身為雲，東野變為龍。四方上下逐東野，雖有離別無由逢!」

杜甫一生寫過《夢李白》《天末懷李白》等傳世的詩篇，韓愈對其風義景慕不已，但他也扼腕嘆息：李、杜二位前賢未能常相過從，遂成千古憾事。
　　
憂戚傷人，勝過鉛刀割肉。孟郊之憂是謀生，孟郊之戚是落第。莫非長安真就不是他安身立命的福地？沒有上策，只有中策，韓愈送孟郊去謁見徐泗濠節度使張建封。貧寒書生做幕僚可算一條入仕的捷徑，倘若能得到封疆大吏的力薦，袞袞諸公或許會對他另眼相看，頂不濟，生活總歸有個著落。臨別時，韓愈再三慰藉好友，賦詩鼓勵道：「卞和試三獻，期子在秋砧。」卞和獻玉，稀世之寶無人識得，被誣為欺君而慘遭刖足之禍，可說是天下有名的苦人兒，但他最終獲得了楚王的接納，所獻之玉也被視為天下重寶。韓愈用這個典故激勵孟郊，是提醒他：衣褐懷玉者終必有遇。
　　
命運肆虐，禍不單行。孟郊三次得子，一一夭殤。落第之悲尚可轉念，失子之慟如何釋懷？至此，孟郊被逼入了「積怨成疾瘳，積恨成狂痴」的絕境。
　　
總會有否極泰來的那一天，天公鐵石心腸，也有歇手消停的時候。貞元十二年(796)，孟郊四十六歲，終於榮登進士第，喜赴瓊林宴，置身在一群志驕意滿的青年人當中，其滿頭華發格外引人注目。這一天，他等待得實在太久了，徬彿等待了整整一百年。孟郊賦詩《登科後》，意氣洋洋，但知情人讀了無不為之泫然淚下。
　　
昔日齷齪不足誇，今朝放蕩思無涯。
春風得意馬蹄疾，一日看盡長安花!
　　
宋人尤袤的《全唐詩話》評論此詩：「一日之間，花即看盡，何其遽也。」元人辛文房的《唐才子傳》據此而議，更進一層：「識者亦證其氣度窘促。卒漂淪薄宦，詩讖信有之矣!」莫非真的是「勢不可使盡，福不可享盡，便宜不可佔盡，聰明不可用盡」？居然連長安城的鮮花也不可一日看盡。李白朗吟「人生得意須盡歡，莫使金樽空對月」，同樣晚運不佳，這似乎又額外添出了一個強有力的佐證。
　　
一生中，孟郊難得有如此極情盡興的日子，夙願已酬，懸而未決的功名終於到手，真是莫大的慰藉，在老母親裴氏眼裡，這不僅勝過人間的錦衣玉食，而且勝過仙界的靈丹妙藥。
　　
四年後，孟郊出任溧陽尉。城東，古木蓊鬱，孟郊常去林中，棲息在積水旁，飲酒彈琴，徘徊賦詩，終日不倦。他厭煩曹務和案牘，請人代理，將自己那份微薄的薪水分給對方一半，終於窮到辭職。此後，由韓愈舉薦，孟郊追隨尚書留守鄭餘慶，輾轉數地，依舊沈淪下僚，毫無起色。正如韓愈所言，「物不得其平則鳴」，孟郊歷盡坎壈之後，昔日的樂觀悉數歸零。「出門即有礙，誰謂天地寬？」「男兒久失意，寶劍亦生塵!」他怨恨命運，悵觸西風，終極的解決之道，唯有幡然覺醒。
　　
「願存堅貞節，勿為霜雪欺!」從迷失的地方回到原點，孟郊依舊貧寒，依舊孤苦，但他參透了生之榮枯，心境遂如一泓秋水，波瀾不興。昔年，孟郊憤然絕叫過「我欲橫天無羽翰」，現在想來，皆因心中迷障太多。天穹猶如一張大幕，受苦的靈魂匍匐在蒼茫的原野上，吮吸清露，踐履嚴霜，就算所有的夢想凋落於眼底，只要能找到內心的寧靜，即可瞬間脫困。既然孟郊以鳳鳥自居，以俗世的功利為羅網，他久在羅網中苦苦掙扎，又豈能自由翱翔？
　　
所有滴落的同情之淚都無法逆流到唐朝去，否則，它們將匯成大河，載起一葉又一葉擱淺之舟。孟郊病逝於元和九年(814)，韓愈召詩人張籍會哭，出葬前，張籍說：「先生揭德振華，於古有光。賢者故事有易名，況士哉!如曰貞曜先生，則姓名字行有載，不待講說而明。」眾人無異詞，於是朋友們私謚孟郊為「貞曜先生」。孟郊的忘年詩友賈島賦詩《哭孟郊》，頗有兔死狐悲、物傷其類的意思，其中那句「故人相吊後，斜日下寒天」，讀者品咂再四，苦澀無比。
　　
蘇東坡能夠在豪放派與婉約派之間從容來去，衣不沾塵，鞋不沾土，這門絕技罕有傳人。他瞧得起隱逸派，迷戀陶淵明的詩歌，無以復加，但他不喜歡苦吟派，對於孟郊的詩歌不無微詞，「初如食小魚，所得不償勞。又如食蟚蟹，竟日嚼空螯」。誠然，依照美食家的標準來欣賞孟郊的詩歌，不免大失所望，他的詩歌太苦澀，太生冷，能供人大快朵頤的「魚肉」、「蟹肉」少得可憐。孟郊的詩歌更像是毫不起眼的芥末，待它把你辣得倒吸一口涼氣，淚水奪眶而出，頓時忘記了盤中的魚和蟹，才會覺得它真強，認為它極好，微量品嚐才是王道。
　　
金朝詩人元好問作《論詩絕句》三十首，其中一首針對孟郊：「東野窮愁死不休，高天厚地一詩囚。江山萬古潮陽筆，合臥元龍百尺樓。」有人說，這是對孟郊的貶低。也有人說，孟郊就是詩囚，評價恰如其分。其實，做詩聖、詩仙、詩魔也好，做詩囚、詩丐、詩癲也罷，匆匆都是一生。千古愁也得放下，萬古悲也得放下。

本文由「歷史春秋網」授權「知史」轉載繁體字版，特此鳴謝。）
網站簡介：
歷史春秋網（www.lishichunqiu.com）成立於2010年6月，是一個以歷史為核心的文化資訊門戶網站，提供中國古代歷史、政治軍事、經濟文化、中醫養生、書畫藝術、古董收藏、宗教哲學等內容。致力於傳承國學經典，弘揚中華優秀傳統文化。

#歷史 #中國歷史 #孟郊