兩個鐘，一中一英，攰？同喺前線嘅手足相比，算得啲乜？

Medium Link: link.medium.com/h4flIh6In0n

//

2019 年 9 月 29 日，全球多個城市舉行「全球反極權大遊行」，香港當然都唔例外。警方冇發出不反對通知書，下晝兩點幾見人群聚集就已經出動胡椒噴霧，為漫長而暴力嘅一日揭開序幕。

於是，我今晚寫咗呢篇文 (https://link.medium.com/7EZ7423En0) ，希望外國保持對香港嘅關注。 Twitter 我都 tag 咗 Solomon Yue ，不過唔知佢幾時睇到。

- - -

但我好想講嘅係，香港人經過三個幾月，一百幾日，仍然堅持緊嘅「五大訴求，缺一不可」，其中一樣叫做「成立獨立調查委員會」。

一如 Ellan Ou 牽頭製作嘅獨立調查報告書 (https://docs.google.com/…/1N1rzVWFW0EnJugLGNkY…/mobilebasic…) 結語所講，香港政府已經錯失成立獨立調查委員會嘅最佳時機。正如林鄭唔喺六月中宣布正式撤回《逃犯條例》修例，等到九月初先講，其實同留返重陽清明拜山講冇乜分別。

香港市民，但凡對眼同心眼都未盲嘅，都對於警隊濫權、濫暴、濫捕以及重重複複地講大話、否認外界一切有根有據嘅指控，係有目共睹。但係，警務處副處長劉業成九月中仍然向同胞致函，信入面咁樣講：

根本上是沒有「黑警」，本來亦沒有「仇恨」。指控是「虛假的」、仇恨是「不真實的」。

睇完封「警隊家書」，我真係諗起陳奕迅嗰首《富士山下》，「何不把悲哀感覺假設是來自你虛構，試管裡找不到他染污眼眸」。嗰種夾硬迫自己轉念，即係自欺欺人嘅感覺，直迫世界級嘅邪教組織。

回想起 9 月 26 日林鄭喺伊館同市民「對話」，當晚一樣有警民對峙，但氣氛大致平靜，林鄭亦髮膚無損地坐車離開。好明顯，當晚警隊領導層嘅指示係戒急用忍，唔好搞到老闆要聞催淚氣體咁醜怪。

- - -

「對話」三日後，當日嘅克制變成今日嘅放題。防暴同速龍喺夏慤道放肆使用武力，制伏咗示威者仲要繼續用警棍毆打，甚至用膝頭壓落示威者嘅頸椎，當事人嗌埋出嚟話「透唔到氣」都話撚知你。有示威者眼部中彈流血未獲救護員治理，有警員笑笑口喺天橋向街道開槍，有警員笑住咁向記者噴胡椒噴霧，有女示威者被警員除咗上衫，剩返件背心底衫坐喺街邊任男警員喪𥄫⋯⋯

正所謂上樑不正下樑歪，警隊貴為「紀律部隊」，冇上級嘅許可，又點敢為所欲為？打從前任處長曾偉雄一句「你哋冇做錯到」同埋另一句「執法要道歉，天方夜譚」，就知道警隊為咗維持高壓、鐵腕統治，必須自我催眠，示威者係萬惡 (所以有後來「曱甴」之說) ，自己替天行道、儆惡懲奸，係正義之師。

如果唔係咁，如果警員對於自己執行嘅職務有半點懷疑，試問又如何保持隊形同埋執法標準一致？再講，「同胞」嘅嘢，有福同享，有難同當，係咪？大家都好似簽撚晒投名狀咁，邊個將警署內或拘留所內嘅暗黑歷史爆出去，就註定攬炒。雖然，他朝一旦被清算，高層都係會推啲散仔出去死先。

- - -

警隊既然係由上至下都徹底腐化，官官相衛而且洗撚晒腦，除非香港往後繼續奉行「警察都市」統治模式，即係差人仲惡過解放軍、納粹德軍同日本皇軍，否則，要挽回市民對警隊嘅信任，將警隊嘅害群之馬連根拔起，坐監嘅坐監、返大陸嘅返大陸，送去海牙戰爭法庭嘅送去海牙，係無可避免。

我當然都有諗過，大喇喇三萬幾人，你炒 Q 晒佢哋魷魚，佢哋食乜？咪又係撈偏，甚至成為白衫人、藍衫人嘅生力軍，堂而皇之喺港九新界追斬𡃁仔？

但我諗漏咗，香港仲有懲教署，仍然有監獄，可以困住呢班使用過份武力甚至對示威者使用酷刑或性暴力嘅人渣。咁都市傳說話，干犯某啲罪行嘅犯人入到監倉會受到特殊對待，咁一物治一物，聽落，順理成章吖。

林鄭月娥瀆職，冇履行好行政長官嘅職任，妥善處理政治問題，固然要被問責 (可惜香港冇死刑，但問吊都太便宜佢啦) ，但警隊即使聲稱被政府當作磨心，被迫喺前線同示威者搏命都好，每一幕殺得性起、打你鹵味嘅鏡頭，以及喺鏡頭以外，只能靠受害者企出嚟、或者經由口耳相傳流出嘅酷刑、慘案，知法犯法嘅警員，冇一個係無辜嘅。

解散警隊，厲行處分，重新編組，先係政府同警隊重新取信於民嘅第一步。

入秋後露營癮起，第一時間想起風景優美的日本，單是東京附近的營地都有不少選擇。奄尖聲悶、對食住有要求的，有酒店級glamping豪華營；尋求野外生活樂趣，以風景行先的，亦可選富士山下的營地。今集Video Talk請來經驗露營友分享日本露營心得，推薦即使不自駕，乘公共交通也可方便前往的營地。

富士山河口湖一個新營地，於去年7月開放，由大堂設計、酒店級膳食到設施都屬豪華級，完全符合glamping之條件。透明圓頂野營設兩張床可容納四人，入夜後可觀星，在營外可生火燒烤。另外亦設精美小木屋，屋外木平台有完善燒烤設備，兩層兩房設計，連客廳梳化也是Sealy床褥梳化，方便一大班朋友入住，做廳長亦有覺好瞓。住宿連餐膳每位消費約10,000-12,000日圓左右。

果籽 ： https://hk.appledaily.com/realtime/lifestyle/

相關影片:
【瑞士最靚學校】30萬一年酒管學校讀啲乜？同總統子女做同學 五星級宿舍有情侶房 （果籽）(https://youtu.be/0fspyD1XI7s)
【白化病】全身白色途人見到即彈開 白化三兄弟：變相唔使排隊都幾好 (果籽) (https://youtu.be/eZfM1wgm84w)
【肝臟權威】唔使食補肝品 72歲港大教授黎青龍飲酒兼夜瞓 「我個肝仲幾好」(果籽) (https://youtu.be/c3ik8wTN1g8)
【臭豆腐烈女】喪母後拜師成全港唯一女師傅 獨門醃法不授徒：如果佢反骨我點交代 (https://youtu.be/nOnn7uQCxIw)
【灣仔燒味老字號】17歲做大廚 自立門戶35年 油雞酒味濃 老闆：好做嘅食物唔會好食(飲食男女) (https://youtu.be/svAF8pKszw0)
【筲箕灣東大街】魚蛋河名店對決！名廚食評人實試 王林記魚蛋有水準 安利切腩似湯渣(飲食男女) (https://youtu.be/vYjGxQtbgxU)
【大廚出軌實錄】居酒屋大廚挑機做小炒 堅持飲住酒開工 蟶子炒到又燶又韌 自家製辣霸鮑魚好惹味 (飲食男女) (https://youtu.be/hdKT95_zh3E)
【借貸逾10億】葉玉卿以愛共闖「面子關」承認老公申請破產 (蘋果日報 ) (https://youtu.be/3Gle3Uo0WzI)


#果籽 #日本 #露營 #富士山 #東京 #營地 #StayHome #WithMe #跟我一樣 #宅在家