#gfmurmur9197 交代一下背景 我同男朋友一齊左7年，16歲就一齊。 我地冇同居，不過地已經習慣咗有大家係身邊嘅日子，而且我哋都成日見面，大家真係唔得閒就可能約下自己朋友出街。基本上一齊咗咁耐都好小再有嘈交情況出現，不過我心情成日大起大落，佢好就我，會體諒、包容我。 重點來了。 我同佢一齊頭幾年嘅時候，意外懷孕，因為金錢、時間、環境問題，我哋決定落。 不過14/5歲嘅時候，我同ex都意外懷孕過一次⋯⋯當年我未成年，所以雙方屋企人都知道，就帶我去左家計會再轉去私家醫院落，我媽媽係我落咗之後當我生咗bb咁照顧，係屋企“坐月”一個月。 當初私家醫院檢查子宮嘅時候，話我卵巢唔好，有可能係卵巢多囊，應該係好難會有bb，點知我咁好彩⋯⋯ 同男朋友意外懷孕，我從來都冇話過佢知我以前落過一次bb，因為我知道唔係所有男仔都可以接受，我一直唔想去香港醫院同家計會，因為一去的話我男朋友一定知道⋯⋯ 所以最後我哋去咗唔正當地方落，當日做完，做完兩個鐘後就走。今日因為我都係瞞住屋企人落，因為如果俾我屋企人知道我又有咗，一定想殺咗我⋯⋯今次落完，男朋友冇買補品俾我，冇調理身體。 一兩年後開始我發現身體唔太好，好易膝頭痛、頭痛、我就好易會下面會紅腫發炎、記憶力差(一次全身麻醉一次半身)同埋因為驚會再有bb、我已經落咗兩次(佢唔鐘意帶套)、我唔想以後冇得生，我開始有小小性冷感⋯⋯由以前一星期兩三次，慢慢慢慢⋯⋯一個月可能一兩次⋯⋯ 佢不嬲性需求大，我滿足唔到佢，身材又唔好，我好怕佢離開。 佢開始成日同fd互sd啲咩搞野嘅偷拍片，女仔自拍自摸片，俾我發現左之後我即刻就發脾氣，因為我真係好介意⋯⋯你睇av咪算，點解有尼啲癖好睇尼種片。佢開始del對話，驚我發現⋯⋯不過我覺得你del得就一定有野囉，我點會估唔到！？之後又同啲fd講話尼啲大波妹好啱佢⋯⋯ 我明白男仔有尼啲係好正常，但係我真係接受唔到！總之我就過唔到自己⋯⋯到底我要點做⋯⋯ 冇性嘅愛，到底可唔可以維持⋯⋯ 我係咪應該同女人拍拖⋯⋯ ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig

#gfmurmur4598(part1) 超長文慎入 係我15歲個時，同一個我最深愛既人有左BB… 有BB本身係件開心事，但對於我地泥講，甚至對佢泥講，我既BB係絕對唔可以留。 一直以泥，我係一個責任心好強既人。我唔鐘意有責任係手但我唔盡力去完成，但今次我反而做左個好不負責任既決定。 墮胎，呢個字對所有人都非常敏感，係自己親手斷送自己既BB，從此掛起殺人兇手呢個名。 是咁的，我同ex total一齊左半年，當中分過4次。一開始，佢有問過我可唔可以俾佢，當然唔得。我仲問左佢一句:如果有左點丫。佢答我:落左佢。唔通我將自己既第一次俾一個我完全感覺唔到佢愛我又咁唔負責任既人？但 係第3次復合個時，係一個冇安全措施下(冇内射)，我俾左佢(半推半)。 後來，我地分左，經期遲遲未到。我同佢講，佢講左一句令我好心痛既說話:我唔想為左你而坐監。佢既朋友都睇唔過眼，叫佢:如果我有左，留住BB！落仔好危險，佢身體咁差一陣死左點算！佢只係話:佢死好過我死。我親耳聽住佢講，佢唔知原來佢班好兄弟駁線俾我聽住。當時，我估唔到呢句說話竟然係出自於曾經話爱我一生一世既人既口中。試問又有邊個人可以頂得住呢句。之後好好彩，終於泥返m，冇事。 但我衰心軟，最後又一齊返。仲要搞出左一件足以令我後悔一生既事。佢冇經我同意，内射。我地都唔知有事後丸(射後三日內食，避免懷孕既藥丸，但副作用好大)呢樣野。最後，驗到我有左。 點算？一係留，一係墮胎。可惜，佢冇諗過留。個個係我既BB，我點落手。我好鐘意BB，BB既天真可愛真係好吸引到我。細細過仲幻想過大個要生幾多個BB啊等等。當初既我冇諗過原來墮胎係咁恐怖，亦冇諗過我所深愛既人可以無痛無癢。 不過，好在佢仲有少少尊重我。唔會貪平快而叫我返大陸/黑市落，我決定去家計會做手術，佢都話好。 但佢從來冇關心過我，大多既人有BB必定經歷冇胃口，痾嘔呢一Part。我有同佢分享下(係wts)，希望佢可以比個些少既關懷我，意想不到既係佢只係答:。。。 佢話佢好驚。佢驚咩？佢驚佢坐監炸。唔通我唔驚架，佢只係負責俾錢炸。我要忍受以下一連串既痛楚，將來男朋友如果知道我落過仔唔通唔介意？第一次去檢查，姑娘將一舊野插入我下面，我痛到忍住唔叫出聲，流哂牙血，喊埋。我呢啲既壓力，佢冇嘗試去體諒，連佢唯一可以做到既關心都冇俾過我。 我並唔堅強，無可奈何只可以獨立去面對，始終自己有一定既責任。手術前夕，我摸住個肚，嘗試去同BB講野。我一直講一直喊，內容大約係話對唔住我咁不負責任，自己帶佢泥左呢個世界後仲親手殺左佢。希望將來佢可以做返我既BB，我愛你，對唔住… 終於到左個日，晨早流流去到，但晏就先做手術，叫我一直唔可以食野。個日好辛苦，要我條脷含住兩粒超苦既藥，含到係咁流口水，脷又痛又訓唔到。係張床挨住餓呆等既我，一直拎住手機，只昐佢係臨做手術前既最後一刻，可以比返D安全感我同一絲既關心。但，一樣冇。做完手術，麻醉針未完全散，好暈咁爬上床想繼續訓。反而，我忍住個種攰，迷迷糊糊咁即刻拎起手機睇，都係冇佢既訊息。當我醒返啦，我媽媽買左盒飯比我，我並唔餓。我只係想揾被蓋住自己大喊，我完全冇胃口食。原來係我迷迷糊糊個時，姑娘幫我量血壓，發現異常低，比其他做完手術既女仔低好多。當時，真係嚇死我媽媽，好彩最後冇事。我媽媽之後仲問我:你男朋友有冇關心你啊？我咬住啖飯笑住講梗係有啦，佢好關心我。後來佢去左洗手間，我含住啖飯一路喊一路喊。當我就走，佢先send泥一句:係咪今日做手術？我話係。就係咁，冇下文啦，直接已讀。個下真係火爆，問佢:點解你可以一句關心我都冇。佢之後先問我我點。都冇用啦，叫你講先講。 -- #hkig #couple #murmur

-----I have something to say----- I'm pregnant 👶🏻 yes I'm PREGNANT! 今日雖然係1/4 但都係第十二週 終於可以講呢個消息✌🏻️有少少野想同大家分享 希望係女人既你地一定要睇哂 始終我經歷過 係心路歷程😉以前成日覺得 愈細個做媽媽 大個同小朋友就可以無隔膜 但係當發現有左果一刻 我承認真係好不知所措😂發現懷孕係第八週 即係已經兩個月 (醫生以對上一次經期第一日計 所以一定係唔準 要之後照超聲波睇bb size先可以確定週數😊) 我先發現自己無黎過M😑仲要係日本返黎之後先肯去check 真係慌死bb吸收唔到咁 果六日入面日日食生冷野又海鮮 全部大肚婆掂都唔掂得 加上自己本身身體差 又煙又酒 理所當然bb既身體健康係我最擔憂。去睇醫生 上網睇 我既生活習慣根本對bb百害而無一利 所以我去左家計會諗住唔要。比哂錢做哂檢查見心理醫生又見婦科醫生又種菌又抽樣本 醫生比埋封落仔信我 叫我得閒去仁安排期就可以做手術😶臨走前 我照左第一次既超聲波 個感覺好奇妙 原來一直以黎我個肚成日咕咕聲 夜晚又訓唔到覺 又去唔到💩 就係因為呢粒類似腰豆既野係度搞事👊🏻我唔捨得 係房入面係咁喊 醫生問我 點解決定要落 我將所有擔心既野同佢講 佢都好好咁將每件事分析比我聽 其實bb身體健康固然係同媽媽息息相關 不過其實有好多家長雙方都正常 生出黎個小朋友都係弱智有問題既(無意侵犯) 點解唔比個機會自己比個機會bb 如果生左出黎係身體健康係正常既 你會覺得呢十個月有幾辛苦都好 乜野都係值得☺️因為時代唔同左 宜家有好多女仔一聽到有bb就衝去落仔 其實做醫生既每出一封信都好似有份扼殺小朋友既生命 佢以為bb無爸爸/我地養唔到 我話唔係 我地有能力既 so why not ? 冷靜落黎諗深一層 其實個仔係我既 我點解會捨得唔要? 就係咁 返到屋企 喊完一輪我都係同老公講我要生 一定要生👶🏻好彩一直佢都好支持我 無逼過我做任何決定 我去做檢查又會陪我去 bb展又陪我去買bb野😍仲有最幸運 係雙方家長都支持同意 呢個真係好大既鼓勵 我完全無諗過羅太竟然肯未夠五十就做呀婆😂又無諗過羅生已經話又裝修過間屋😳it's really way too far daddy lol 陀仔咁耐 我返得幾日工 其餘時間就係係屋企 因為真係好攰 我本身唔夠營養 又比bb吸埋 攰到我夜晚十一點訓 訓到第日兩三點 精神既時間都唔夠八個鐘--想去遠少少都唔得 仲攰過返工🙁終於都明mammy講既 生仔條路唔容易.. 大佬要我即刻剪頭髮 唔準再gel甲 玩少啲電話 全部都係為個仔 為個仔 成日攞bb黎大我🙄個仔又唔生性 成日搞到un住好唔舒服 雖然辛苦 但係 一個人 兩個心跳 種感覺真係好奇妙👪 我打咁大篇野 係希望大家對生命都有個關注 而唔係要哂命。同我同期懷孕既我知都有兩三個朋友 有一個小朋友已經無機會出世 聽到係好唔開心 當然 有能力緊係希望你地可以考慮清楚 畢竟小朋友係因為有你同另一半先會出現 真係結晶品黎 人心肉做 點會捨得唔要佢.. 另外 都希望大家唔好好似我地咁😂如果出左名孱仔果啲我真係建議你地補好個身先好搞出人命 我已經係一個樣板🙄乜野營養都唔夠 慘就慘在飲唔到啲mammy奶粉 日日要食藥去補返啲營養 血液又唔合格搞到老公無啦啦又要捱幾針抽幾枝血😕 Anyways, Mama to be ❤️ 唔好問我幾時擺酒果啲喇 一切等bb出左世再算 ✌🏻️ sorry for 1999 仲有 今朝唔信我果啲 我無呃你地架今個愚人節😛 #第一張全家福😂 #mommytobe #pregnancy #陳小豆成長日記