(圖片是轉載的) 今日話題係…包皮的去或留…不捨得都要走～ 我啱啱食飽飽lunch，醫生未返到～正想開劇睇… 有位媽媽帶住一個廿幾歲嘅男仔… 媽媽問:ummmm…請問有冇小手術做？ 我:乜嘢小手術呢？ 媽:ummm…例如割包皮 我:冇啊～ 媽:知唔知邊度有得做？ 我:er…er…小朋友嘅去兒科，...
(圖片是轉載的) 今日話題係…包皮的去或留…不捨得都要走～ 我啱啱食飽飽lunch，醫生未返到～正想開劇睇… 有位媽媽帶住一個廿幾歲嘅男仔… 媽媽問:ummmm…請問有冇小手術做？ 我:乜嘢小手術呢？ 媽:ummm…例如割包皮 我:冇啊～ 媽:知唔知邊度有得做？ 我:er…er…小朋友嘅去兒科，可以ref去政府做～ 媽:大朋友呢？廿幾歲呢？ (嗰個男仔即刻擰轉面，hey，姨姨好pro咖嘛，怕乜啫？) 我:有！家計會！如果包皮過長影響到日常生活，係絕對有需要割～你可以先去家計會預約檢查，俾姑娘同醫生評估咗你有冇需要做先～如果係要做，放低2千定3千排期做手術就得，做完即日走得～ 媽:家計會都有得做？唔係得女人可以去？ 我:當然唔係啦，你去預約咗先啦 媽:其實有冇必要做？痛唔痛？ 我:er…如果成日發炎就最好做啦～廿幾歲做就點都痛過小朋友嗰陣做…因為後生仔有可能充血，傷口難埋啲… 媽:你幫我睇下佢要唔要做呀？ (stop！！！！你唔係真係想咁呀嘛) 呢個時候… 一直擰開面嘅仔終於出聲:你痴x線咖？喺度除？ 媽:咁多個人幫下眼睇下你有冇需要嘛 仔:你都痴x線！都唔知你做乜老母！細個就應該一早搞掂佢啦！ 媽:塊包皮你㗎！我點話事？ 仔:咁你有冇問我出唔出世呀？ (靜哂…真係好尷尬，個媽媽對眼…好似想喊咁…) 我:其實…割包皮好小事，好多男仔都三十歲後先去做，好普遍㗎咋…去家計會好多人都咁做，唔駛太擔心嘅… 媽:咁你睇下佢要唔要做？ (妖！你真係傻的嗎？) ---珍寶豬2014-5月的事
