有關打第一針 因為英國有老人家，而似乎疫苗passport將會成為全球trend，我哋怕萬一有乜急事要過去又要隔離，咁急事好急都搞唔到，於是打定英國recognise嘅復必泰先。你知一打要成一個月先打完兩支，再加14日先係fully effective，到時有乜policy改變，起碼都已經打咗去迎接。另外我係睇外國，尤其係全打biontech嘅以色列、同好多人已打針而好多係打biontech嘅英國嘅成效同side effect 等先去打，而且依家香港呢批仲係德國廠做，安心D。如果大家真係考慮緊，我建議大家睇多D外國research同實際數據，同埋咩廠開始生產、運去邊等等。因為日日都有更新，google大把，睇清楚先決定是否適合自已。如果有長期病，就最好問吓醫生，因為邊D病，食緊邊D藥唔打得，都係會不斷update。問清楚就安心D。另外我亦問咗起碼十個打咗嘅朋友有乜反應，心理上打個底先，知道數據上所講同識嘅人講有冇出入。 以下係我打針嘅流程同反應，比考慮緊打唔打嘅朋友參考吓： 我係同我老公約同一時間貺，本身約咗但因為packaging有問題，再arrange嘅果批。收到sms再約我昨日朝早8點，咁我同我老公大約7點40分去到門口，喺出面排時要show SMS同留個人資料或安心出行，先可以入去，排咗一兩個字，好快。其實一入去我諗起以前考會考同A Level，因為我個centre係個室內運動場，所以以前考試有D緊張嘅感覺返哂嚟。入去個埸先show身份証同SMS 登記，然後工作人員叫我哋先坐低，佢一group group人咁叫護士講解今日打咩疫苗，會有咩可能副作用同反應，仲有D咩人唔打得之類。各人在leaflet 上tick明白及同意打，之後就去另一個area等打針。 到我打時入去，護士會再check你身份証等資料，同double confirm你有冇D咩病唔打得。當佢問我有冇敏感症，我話我對蝦有敏感，於是佢就mark落張紙要我打完等三十分鐘先走。（正常唔係老人家冇特別嘢，坐15分鐘就走得）打時係唔痛，血都唔見。貼咗個膠布就行出去30分鐘休息區坐。我老公雖然只被要求等15分鐘，但可以陪我一齊坐30分鐘休息區。 坐咗大約5分鐘，我就開始見頭暈，即刻叫姑娘，我坐咗喺度除咗口罩一陣，忽然出咗身汗，就冇事了。同我以前細個，一年總有一次經期無啦啦暈一暈出一身汗還原正常嘅情況係一樣。護士問我要唔要叫醫生，我見冇嘢了就話唔駛。其實有一位女性朋友之前同我講過佢打完暈咗一暈，所以都係我意料之內。就係因為呢位朋友，我帶定支水以防暈，我回復正常後飲咗半支，等到夠鐘就走。其間護士都有來睇吓我，走時都問我係咪冇嘢了。其實佢哋都一路昅住。但成個centre好似得我一個暈... 之後我就去麥記食嘢，仲去埋超級市場先返屋企。我老公揸車嘅佢話ok呀係有感覺似有D light headed但不影響。打針個位下午開始痛痛哋，但冇腫，只是一般痛。四點幾頂唔順太眼瞓瞓咗個幾鐘。夜晚大約10點又瞓瞓到今朝7點起身。個針口手已經痛少咗(或者已習慣？)，今日好精神，未至於好興奮，可能我打呢隻不是興奮果隻啦... 至於我老公，其實所謂反應都係攰同針口痛。佢昨日因為係work from home所以冇得午睡，但佢夜晚瞓得比平時多兩個鐘，如果唔係鬧鐘響唔會醒果隻。(佢平時係一定知醒唔賴床果隻)今日精神狀態正常，冇攰只係針口少少痛。 D人話第二針反應勁D，到時再報告一下！ #biontech #vaccine #covid #復必泰 #pfizer #mrna

🏃🏻‍♀️A Healthy Life Balance makes us stronger💪🏻 . 疫情期間，有健康嘅生活習慣是非常重要 . 雖然所有室內運動場所都暫時關閉🙈但唔好忘記係屋企都可以做運動🙆🏻‍♀️ . 我琴晚決定趁人少嘅時候出外跑步🏃🏽‍♀️雖然戴住口罩跑步好困難，但係為咗保護自己同身邊嘅人，戴口罩是必要的😷 . 不過請相信我！開始10分鐘之後就會慢慢習慣😊如果我可以，你哋都一定可以🔥 . 大家一同加油💪🏾 . In order to get fit and avoid the crowd, I tired late night running near the harbour with my mask on. It was hard at first... it became easier after 10 mins 😳 I even completed 8km run~ #achievement . 😂FYI good lighting - I’m going to work harder to reduce my fat % 🥊 . #stayactive #staysafe #stayhealthy #takecare #running #homekong #misshongkong2020 #jogging #hongkongharbour #hktravel #yancywong #黃婉恩