【龔成問答信箱】（Q18561-Q18580）

Q18561：

老師，我係進階班學生，想問下隻京東健康如何以數據分析呢?

網上資料如2019年市銷率，京東健康目標估值1560億港元，市銷率14.4倍；阿里健康25.8倍；平安好醫生22.3倍。所以數字上京東賺錢能力較強?

而營業額阿里又高過平安好醫生。我想知點解你會覺得平安好醫生較平衡。因為數據上佢又似三個中表現最差。

但如課堂你提過平安好醫生係市場先行者，同時擁有大數據庫, 這刻未賺錢因為支出資金投放於業務發展，所以有爆發潛力？請問分析時重點你會放在那幾點呢？謝謝

龔成老師：

其實要正式分析招股書，就有更多資料可以睇到，財務數據，發展等。

你利用市銷率去比較，都是其中一個估值的方向，不過，如果上述數字假設能反映出這3間公司的合理價值，反而代表市認為場京東健康賺錢能力及增長力，未必及另外兩間公司。

市銷率數字較低，的確代表較平，但我地分析時，要思考「為甚麼市場覺得佢比另外兩間公司較平？」

因此，一定要重點分析佢的業務，比較大家的經營模式那個較賺錢，以及增長力那個較強，如果大家都是接近，而京東健康較平，就反映佢的投資值博率較高。

至於你比較營業額，見到阿里（0241）又高過平安好醫生（1833），其實在這個行業，最重要是「長遠的潛力」，因為那間公司的業務較好，最好長遠吸引客戶，就能成為贏家，而這刻的數據未必是最重點。

在業務上整體來說，平安好醫生會較強的，當然，佢同阿里都會成為勝利者，只是平安各方較平衡。

------------------------------------------------

Q18562：

你好龔老師。想問吓：

1. 而家我月供港鐵金沙各二千同埋中生小米各三千都差唔多有兩年，而家個市升到咁就唔需要停一停留返多啲現金等機會呢？

2. 最近買左1337出既電競滑鼠要成千蚊，佢算唔算一間可以播種既公司呢？

3. 其實你做左股票分析咁耐，講真有冇人叫你收聲？

謝謝

龔成老師：

1）有些升得較多的，已經升過了合理區的，如小米（1810）、中生（1177），你可以減金額或停一停，餘下就保持進行。

適當儲下現金都是重要的。

2）雷蛇（1337）有潛力，但本質好波動，盈利不足，所有的市值，都只是基於「將來預期」去產生，這個預期可以變得好快，因為大家都只是「估」。

同時，電競行業的真正營運模式，賺錢能力如何，充滿了未知數，一個遊戲可以好受歡迎，亦可以好快無人玩。

另外，佢近年都有發展一些新興業務，潛力度有的，但仍左有不確定性。

因此，這股有前景，但有風險，無人知真正的價值。而佢另一些業務較是較新興，同樣有危有機類，所以，佢有可能有潛力，但風險方面就要注意。

3）我成日叫人唔好短炒，加上搶左某d多行家生意，同時有時會講某些問題上市公司，叫人小心老千股，我相信已得罪左好多人。

試過有上市公司直接比電郵我，反擊我的文章，不過就無叫我收聲。過往試過寫專欄，編輯唔比我登某些對某上市公司不利的文，怕得罰人。

其實直接叫我收聲的，就唔多，但我知出面已有人，暗中打擊我，例如在不同討論區等派打手唱衰我。不過唔緊要，我做好自己就得，有智慧的網友會知是打手，無智慧的網友，我都無辦法。

------------------------------------------------

Q18563：

你好，龔成老師！我係超級投資新手，之前從未買過股票！因為第一無興趣，第二，我自己無尼方面既認知，完全[0]概念，亦聽過好多人炒賣都輸多，所以更加吾敢掂同接觸，驚輸哂D$！

但我都深明靠打工無岀路，所以決定儲錢買磚頭較為實際，8年前我開始迫自己儲錢，最終係4年前成功置業一層細價樓 (現在仍然持有)，首期不多，做高成數按揭，因此租金吾夠cover供款，每月要補貼幾千蚊屬負現金流!

真的認識得老師你太遲，相逢恨晚！我在今年年頭才留意到你的貼文同文章，覺得你所講既野非常貼地，加上我本身都係80後，亦係公屋出身，所以感覺更加大，因為大家年紀相若，見到你甘成功，我都好想仿效你，就算一半都好，好想好想可以財務自由！

幾個月前，我開始買你嘅書睇(本人從中學畢業之後也沒有閱讀的習慣，可以話係厭惡)，我都唔敢相信自己會睇書！

但我明白唔改變自己，吾去增值自己增加投資知識，係無可能達致財務自由！所以我迫自己睇你既書學股票，希望做到股樓並行，因工作關係，一直就不到時間去上你股票班堂，唯有睇書學習住先！

疫情關係，被迫停工前後足足3個月，收入大減所以暫時未入市！好後悔錯過咗之前好多入市良機(前幾年既大牛市同今年三月見底既熊市反彈)，唯有急起直追，靜靜再等待機會！

而且我覺得現在個市好難入，好多新經濟股都好貴，你介紹嘅潛力股都倍升左好多，所以我唔知從何入手好！
希望你可以俾少少意見我，指點迷津

多謝你推介好書同你所寫的實用書籍，獲益良多

亦好佩服阿Sir你每日都耐心回答網友問題，有問必答！我一定繼續支持你

龔成老師：

第一，你要了解自己的財政、風險承受程度、投資目標等。

然後就設計一個長遠的財富比例方向，例如潛力股比例，平穩增長股比例，如果你投資知識、經濟唔多，就唔太建議投資潛力股，又唔只投資少少就算。

這刻，我會建議你先投資優質，平穩增長類股票。

第二，你如果收入不穩，中短期有風險，就應該多留現金，我地投資要攻守兼備，你做好防守先，之後先進攻，投資只能動用「閒錢」。

例如你擁有$20萬，可能要留$8萬作備用。餘下$12萬投資，而這$12萬並不是一次過買入，而是分注進行，同時要留一定的現金。

你可以考慮盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

------------------------------------------------

Q18564：

你好呀成老師，我係最近先開始學投資既新手，而家二十七歲，最近開始追讀你既文章 我自己整左一個投資組合想請教一下老師

現持有
9988 阿里巴巴2手 @279.5=$55900
388 港交所 1手 @380=$38000
3331 維達國際 2手@25.5 =$51000
778. 置富產業 1手 @6.81 =$6810
410 SOHO中國3手@2.47=$3705
Total cost= around 150k
可上資金=400k

現時的投資粗合會否缺乏平穩增長型股票和太高風險嗎？

手上的股票和價位適合長遠地持有嗎？如果想增加平穩收息嘅股票應該加入那一種股票？Thanks a lot

龔成老師：

現時持有的股票，基本上無太大問題，你可以長線持有風險唔算高。

你27歲，其實唔需要加入太多收息股。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

27歲這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。

你可以好好利用持有的$40萬，但這刻大市未平，因此不能一次過用，要分注，同時留現金。

你可以考慮盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：華夏恆生科技ETF（3088）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。部分要等回少少先入。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q18565：

老師你好，屋企人好耐之前買咗以下股票，想問係咪應該止蝕轉去其他收息或有潛力股？想請教應該點部署？

806 （$7.06 買入）
2600 （$5.75 買入）
604 （$3.6 買入）
665 （$5.7 買入）

龔成老師：

首先你地要明白一個概念，我地持有一隻股票與否，關鍵位是企業質素、前景，不要被買入價影響。買為我地買股票就是買企業。

買入價，你的賺蝕，只是一個心理因素，該企業長遠的發展，才是我地是否值得持有的重點。

如果企業有質素，但股價短期下跌，就不用擔心。

如果企業無質素，但你現時蝕錢中，繼續持有只會令你財富繼續貶值，因此要賣出。

惠理集團（0806）質素中等，這股唔建議持有太多。

中國鋁業（2600）質素一般般，長遠宜賣出，可以等有反彈時賣出。

深圳控股（0604）可持有。

海通國際（0665）質素中等，這股唔建議持有太多。

之後將資金轉去盈富（2800），亦可考慮：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

------------------------------------------------

Q18566：

龔sir，本人今年36歲，收入尚算穩定正識$22000
Pt $3000-6000，沒有積蓄，一家三口
租屋$8000，扣除所有開支機本上入不敷支。

負債30多萬，仲要還多3，4年。
手持788 152000股
136 32000股
1762 4000股

買股票經驗1-2年，都係學人炒炒賣賣，都輸左20多萬，成日都想追返。

自從一生第一次投資學人炒仙股輸左15萬，我都有諗我輸左係咩地方度。直至有一次係屋企搵到你第一本出嘅書80後百萬富翁，先開始去了解金錢係咩，可謂資產，可謂儲蓄，係思維上開始有所改變，先多謝你對我的啟發！

只可惜自己賭仔性格，成日都想搵快錢，所以一路都係輸多贏少。

我好想脫離現狀，有時候都會覺得好累，所以想請教你，我應該如重整我的理財。
請指點迷津

龔成老師：

理財要一步步，不能急，你最缺的就是耐性，你要學正確的理財方法。

首先，心態上唔好成日想「追翻輸的錢」，理財要合理，要一步步。另外，要明白投資方向，唔好再炒炒賣賣，要做好配置。同一隻股唔能夠太集中。

由於你現時有負債，因此唔能夠太進取，加上你有家庭，有負擔，理財上要小心。

你這刻要做的，就是收支平衡，這是重要的第一步。

除增加收入外，控制減出都重要。

第二，你要持有基本的現金，你唔能夠完全無現金。

中國鐵塔（0788）有質素，但太集中。

恒騰網絡（0136）有危有機類。

現時企業盈利不多，但市值極高，市場對「前景」有無限幻想，有時炒作會升好多，但跌都可以好勁。

如果長遠業務成功，會爆得好勁，但失敗，會跌得好勁。因此，長線投資不是不可，但唔建議你持有太多。

萬咖壹聯（1762）不過不失。

佢幫助企業與中國智能手機用戶建立聯繫，向尋求移動廣告、網絡視頻產品分發及遊戲聯運服務的行業客戶提供安卓內容分發服務。

集團專有的平台，設有數據挖掘、數據分析及場景分析等技術，以定位於智能手機用戶，並通過智能手機製造商自帶移動應用程序及用戶界面發佈行業客戶的個性化、實時及基於場景的內容。

不過，業務就較為波動，過往雖然有增長，但近年的中期業績出現生意與盈利下跌的情況。業務波動。

這類股有危有機，可能有潛力，但唔建議你持有太多。

------------------------------------------------

Q18567：

龔成老師你好 近一年於股市因不了解衍生工具加上貪心想賺取急財

輸了全部資產接近30% 請問應該如何調節和建立心態呢？ 可以如何回本...

另外想問 我早前在高位@$26買了小米的認購證（三月到期） 請問建議擺多一陣等佢升番嗎？ 現時已蝕5-60%

龔成老師：

我20年前，都是短炒者，玩衍生工具，用左幾年，輸足幾年，之後長線投資，就開始不斷賺錢。

之後做銀行同證券行，見大部分輸錢的客，就是玩衍生工具的一群！這是我10年見到的情況，這是行內的秘密，根本大家都衍生工具一定輸，但業界一定唔會講！

這是好多投資者都會經歷的一課，發行商食價多到你唔信，有人會醒，有人唔識醒。

你要立刻停止再玩衍生工具！

下一步，就是好好學習，正確的理財、投資方法，明白理財是一價長期配置的過程，並不是炒賣。

------------------------------------------------

Q18568：

Hello 龔Sir，我係一個大學生，呢兩個月先開始接觸股票，想問一啲基本問題同意見

1. 我宜家做PT有$3000左右一個月，我打算開始月供盈富2000同港交所1000，請問咁嘅組合有冇問題？

2. 我本身仲有儲到幾萬蚊，打算用2萬投資，我會有咩選擇或者選股技巧？同埋普遍長期投資係幾耐叫長期？因為見到好多人短炒，但自己試過好似唔work...

麻煩晒你呀！Sorry問嘅問題可能好無謂

同埋想問埋月供要去到咩情況會選擇停供同放？麻煩晒！

龔成老師：

1）可以，這些都是有質素的股，你可以長期進行月供。但建議你手上點都要有基本現金，唔能夠100%股票。

2）短炒無用的，我20年前試過，你用長線投資，原理就是將現金轉為真財富，長期持有。

我會建議你留基本的現金，等到大市有較大下跌先用，唔好太心急。

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。

3）如果該股一直都有質素，有增長力，可以長線，甚至永遠持有。

月供股票一般5年以上。

如果這股已貴，又或對你組合佔比已夠，就可以停。到倍升，明顯貴時，可考慮賣。

------------------------------------------------

Q18569：

你好，本人今年43歲，持有以下的股票，有些已經持貨多年，一直不捨得沽。由於好擔心滙豐持續下跌，勁心痛，我是否應該沽出一部分，再重新作投資？

0005 買入$72.5 持 4000股
945 買入$252 持 700股
2628 買入$35.8 持 2000股
6886 買入$24.8 持 400股

由於經常坐艇，所以盡量不夠膽買細股。我有點想將部分沽後入盈富或電能，你認為值得嗎？希望你能指點一下，感謝

龔成老師：

基本上，你上述持有的所有股票，都是金融保險證券類，當中都有一定的相關性。

我地理財，要設計一個適合自己，優質股，以及平衡的組合，同一股不能過多15%，同一行業不能多過30%，雖然嚴格來算上述不是同一行業，但對金融與投資市場的相關性高，因此，合共佔比去到40%已是上限。

你賣出部分持股，轉其他，是大方向。轉盈富（2800）及電能（0006）是可以的。

這是大方向。

問題是如何轉，因為你最大問題是匯豐（0005），而這股近期股價較弱，這刻賣出未必是最好時機，相信已中短期仍一般，但如果見到有反彈時，其實應減少少先，然後等到過1、2年，經濟好翻D後，再減部分，目的是令這股佔你合比例，去翻合適水平。

------------------------------------------------

Q18570：

龔Sir你好，你嘅書我已經買左好幾本，遲下會再上埋你啲堂，因為你徹底改變左我人生。

今年三十五歲，跟隨你嘅指導，數年前由一個月光族變成今天都叫做有三十五萬現金同二十五萬股票嘅廢中，老實講對比起你，屋邨大變成千萬人士，中產家庭出生嘅我真係自愧不如。

情況如下:

現時收入四萬左右，可儲兩萬，月供一萬至萬二左右，視乎大市再改動個別股票月供金額-
1. 中電 1000
2. 中煤 500
3. 港鐵 1000
4. 港交所 500
5. 阿里巴巴 1000
6. 騰訊 1000
7. 越秀REITS 500
8. 冠君REITS 500
9. 宏利 500
10. 匯控 500
11. 恆生銀行500
12. 銀娛1000
13. 比亞迪1000
14. 盈富 500
15. 恆生ETF 500
16. 長建 1000
17. 電能 500

若想在四十歲擁150萬，該如何處理?
請龔Sir繼續引導!

Thanks so much Mr Kung!
永遠感激你的小弟上

龔成老師：

第一，你持貨太散，隻數太多，這會出現管理上的困難，我地買入股票，要經過仔細研究，買入價要持續檢討，你持有太多管理較難，要調整翻。

第二，你唔應該投資太多收息股。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

你35歲，應該以「增值」為主。

上述很多銀行股都只是收息股，無乜增長力，可停。部分公用股雖然有質素，但同樣未必適合你這刻，可停。

另外，我會建議你加大盈富（2800）金額。

同時你這年齡，加多少少潛力股都可以，可考慮：華夏恆生科技ETF（3088）、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177），你可從中選股，但就要明白波動性比上述會高左，同時風險大左，你要自己平衡。部分要等回少少先入。

------------------------------------------------

Q18571：

龔老師你好！
40歲， 女性，單身，月薪$33K， 沒有物業。

上年才接觸股票，一直都係向保險公司買儲蓄保險，儲蓄基金一筆過基金同MPF自願性供款

現有資產：

股票:
HSBC(00005) 4800股 （平均$62入）
領展(00823) 900股 （平均 85入）
阿里巴巴(09988) 100股 （180入）

保險：

Plan 1: 月供保險（人壽+ 醫療+少少儲蓄成份）
Plan 2: 月供保險（人壽+危疾+ 少少儲蓄成份）

基金投資：

Plan 3 ：一筆過基金，東歐基金買2013年用$80K買一手， 但到宜家都仲蝕緊， 我應唔應該放咗佢或轉買其他基金？

Plan 4: 之前月供額外強積金計劃，已有$90K (現在沒有再供，放係等價格上升，由2018年停供一路放要宜家都有25-30%升幅）

Plan 5: 一份剛剛供完的純儲蓄保險：全數供了$130K (要放多三年才開始break even ）

Plan 6: 另外有一份月供$5000 純儲蓄保險，仲要供多四年，供完都要放多幾年才會break even , 之後才收息。

Plan 7: 一份要供30年的基金plan : 2006年開始月供$1800， 大約仲有16年才供斷。呢份單由2008年開始一直都蝕，直到今年才有升幅， 應該退保攞返出來嗎？

現金:

外幣戶口： $150K
港幣：$500K

扣除必須開支同現在仲要借的保險同儲蓄計劃，我大約可以額外攞多$9000儲蓄

目標：

好想買樓 （好想擁有自己的小天地）
三年內將所有資產總和增加3倍，可行嗎？會否不切實際
希望每用被動收入有$30000

我應否終止plan 3, plan 4 同plan 7 ，然後買股票嗎？

我已買了你的股票勝經，還有什麼書可以介紹？

謝謝你抽空閱讀我的提問。
一位讀者敬上

龔成老師：

我地理財，要攻守兼備，要建立一個平衡的財富配置，同時，你現時年齡財富仍有增長力，可投資一些平穩增長型的工具。

你上述買了大多保險儲蓄計劃，其實應該調整翻。

另外，匯豐（0005）只是收息股，以你年齡不應太多，同時你唔應該同一隻股票，太過集中。

首先，你要想清楚自己是否買樓，目標是幾時買，起碼有大約的方向，因為這個計劃，會影響你之後的配置。

如果你打算1、2年內買，你就要開始準備現金，賣出部分保險儲蓄計劃，持有現金，等機會買樓，同時唔好在這段時間買入太多股票。

相反，如果你打算3年後才買樓，你現時就要投資翻一些股票，目標是平穩增長股，等你財富有基本增值。

你可以考慮盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

另外，你可以睇《80後百萬富翁》《財務自由行》，之後再睇其他。

------------------------------------------------

Q18572：

Hello~成哥~想問下你意見呀!
我27歲,手頭上有以下股票,
（1） 303-偉易達/2手/$51
（2） 857-中國石油/1手/$3.41
（3） 788-中國鐵塔/1手/$1.6
（4） 405-越秀房託/2手/$3.62
（5） 1830-必瘦站/2手/$2.47
（6） 152-深圳國際/1手/$12.66

請問成哥,我D股票係咪優質股呀?算係水桶幾呀?可長線嗎?

我現在可用現金有5萬,應唔應該加注係呢幾隻股到呀?

定投資其他好呢?我有留意阿里同小米~但現價有點高~可入嗎?

唔該成哥!!!!

龔成老師︰

水桶1︰(3)。而阿里（9988）、小米（1810）都是
水桶2︰(2)(5)(6)
水桶3︰(1)(4)

上述都是有質素的。

我地選擇投資邊個水桶時，會因應自已架年紀。如果你年青，應集中在一些有增長力股（水桶1和2）。相反，你將近退休，但應該集中一些收息類股份（水桶3）。

你可以因應翻自已年紀，去慢慢調節。

阿里巴巴（9988）和小米（1810）現價計都係偏貴，要回2成多才算合理區，到時才用分注模式去入貨會較好。

------------------------------------------------

Q18573：

成哥你好

1）請問638，你點睇。。我係你舊生，跟你教我知識同點分識同上網篩選，搵到依隻，問你意見如果

2）638，成交量超低，有時係無，跟好定唔好？

3）如上，有638既貨，但市場又零成交，甘有貨係身放唔放到貨出去架？

唔該成哥。

龔成老師︰

1） 建溢集團（0638）主要從事設計、製造及銷售電器及電子產品、摩打驅動產品、其他製造業務，以及房地產發展。

佢都有一定業務，但睇翻佢過往幾年，盈利都幾波動。再加上負債上再有點偏高，都係會被扣分架地方。

整體而言，質素只是中等。

2） 若成交不多，代表股票流動性低。買賣差價一般會較高，影響到你利潤。

3） 如果成交量零，唔一定代表你放唔倒。有機會只係"買家最高買入價"和"賣家最低賣出價"依然有差距，所以未能成交。只要你賣出價，能配合倒買家出價要求，咁就會成交倒。

但此股成交量好低，加上市值唔大，個價好易會出現較大波動。唔建議持有太多此股，同時你要明白當中風險。

------------------------------------------------

Q18574：

老師你好，想問下香港電訊（6823）為何股價跌了咁多？

我在11.64價位買入作收息用途，但見最近股價跌到10.40之下，有點擔心，請老師指點一下，謝謝。

龔成老師︰

就算再優質企業，中短期股價都會有機會波動。原因不一定是本質出問題，可以係一些與其本質無關的因素。只要長線質素無變，中短期波動我地唔需要理會，長線持有就可以。

香港電訊（6823）在2020年中期盈利出現下跌，由於疫情關係令各國實施的旅遊限制及其他預防措施，導致漫遊收益大幅下跌。

但這個只會係中短線影響，長期業務穩定，加上用100%派息的政策，雖然增長力不強，但類收息，這股絕對不錯。

暫時睇唔倒佢長線質素有大改變，長線持有無問題。

------------------------------------------------

Q18575：

老師 想問下8153法諾集團 我$0.25 買入160000股
應該止蝕嗎？

呢隻股算唔算是炒股？
感謝你耐心回答我們

龔成老師︰

法諾集團（8153）主要於中國從事提供數字電視廣播和廣告服務；提供按揭貸款及短期貸款；證券投資及買賣。

見佢之前出現過"四合一"、"十合一"，係典型財技股。

過去多年，核數師意見都係"不表示意見"，代表佢盤數好大機會有問題，我建議你盡快沽出較好。

------------------------------------------------

Q18576：

你好龔sir，閱讀過你的著作後獲益良多，對財富管理有了基本的概念，非常感謝！

我今年25歲，持有一層7.2M的新樓 （借銀行4M，每月還14.5k），下年年尾才收樓，所以每個月只能騰出8000-10000作儲蓄投資。下年收樓後放租，應該可以騰出15000-18000作儲蓄投資。層樓將來會收回自住，現在和父母同住。

另外
- 180k cash放在高息戶口 （H按）
- 150k 放在股票
- 由於工作性質，人工雖然穩定，但不會上漲，一定跑輸通脹的。
- 我可以承擔中度的風險。

1） 以我的情況，你認為只買平穩增值股可以在50歲前達到財務自由嗎? （我暫時的財務自由目標是30k一個月）

連利息，年回報有10%的可能性有大?

2） 我預計租金回報率有2.66%，利息cap是2.35%，但扣除雜費後每個月仍然是負1k現金流，你看好康城區的發展及其租金升幅嗎？

需不需要換樓提高回報率呢？

以現時的政策，幾多年後買第二層物業較好，還是買股票的回報率會更好呢？

3） 現持有
兩手2800 （25.04買入，佔倉17%）
兩手1928 （34.3買入，佔倉18%）
一手823 （62.85買入，佔倉5%）
一手9988 （267.8買入，佔倉18%）
兩手1137 （9.64買入，佔倉14%）
美股 （佔倉13%）

非常感激和佩服你為我們解答疑難，改變到很多人的生命，在此祝你生活愉快，身體健康!

龔成老師︰

1） 以你年紀計，係財富增長架黃金時期，唔應該咁保守。你應用"平穏增長股" + "潛力股"，去做一個的組合。現在你每月儲到的錢，可以5成去做月供，其餘先儲起，用一邊月供一邊儲蓄的策略。

月供方面，你可以選擇投資在平穏增長股︰盈富（2800）、金沙（1928）、恆基（0012）、中銀（2388）、港鐵（0066）、煤氣（0003）、港交所（0388）、粵海（0270）、領展（0823）、希慎（0014）、太古地產（1972）或潛力股︰比亞迪（1211），中生（1177）或福壽園（1448）。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

如果想退50歲有3萬現金流，以5%股息率計，需要720萬資金。

以恆指過去年平均回報10%計（連股息再投資），你每月投資$15000，25年後大約會增值至1700萬，故這樣安排相信很大機會達至你的財務目標。

2）坦白講，當區大多供應，投資價值不算高，不過，我唔建議轉來轉去，因為香港買賣物業成本高，你照持有先，反正啟德發展會增加就業機會，加上將軍澳區有新路出九龍，因此並不是完全負面。

另外，第二間物業，最好跟今年相隔5-8年左右，會較理想。除非中間出現很吸引價錢，否則相隔些時間，會較為穏當。

3） 這個組合可以，但留意翻香港電視（1137）業務雖有前景，但有兩點都存有風險的。

第一，佢都會依靠人的因素，王維基成為了公司最值錢的資產，佢的想法好多，有生意頭腦，但我對這類太依靠個人的企業，不建議太過大注。

第二，這企業現時搞網購，有增長力的，但同時存有一定的未知數。疫情過後的增長力會否減慢？另外就是估值方面，我都好難講這刻的估值，只能話唔算平。你可以持有，但唔好太大比重。

------------------------------------------------

Q18577：

老師，本人30歲，月入2萬，平時都有儲錢習慣$5000左右，前排先開始研究股票，最近買左80後百萬富翁，令我對資料產生興趣。

1.問了解下月入股票可以減少風險，但同我係合理位置/低位買貨有咩分別？

2.優質股票我當有10手，佢高位時我放一半或2/3，等佢回落我再入貨，不過最少擁有1手就可以？

3.本人有1810 $19.45 三手，1928 $34.55 一手，應該放定留？

4.點解睇一隻股票既合理位置？
多謝老師指點

龔成老師：

1）例如，每月以相同金額$10,000 買入盈富基金（2800），假設第一個月股價為$25，就能買入400股；第二個月升至$35，就能買入286 股；第三個月跌回$30，就能買入333股。

總結這三個月，投入了的資金為$30,000，累積股票為1019股，平均買入價為$29.4。

由於月供股票每月投入的金額相同，因此當股價上升時，買入的股數自然減少，而當股價下跌時，就自然會買入較多股數，如同自行調節一樣。

因為你自行買入，未必知這刻是否合理，事後睇可能是高位，如果用月供的策略，就可以減少一次過在高位買入的風險。

2）都可以，但不建議賣出太多，因為你永遠唔知佢個價會唔會跌翻落去，因此，我一般只建議賣出一半。

3）都是優質股，可持有。唔需要理中短期股價波動。

4）要知合理價，就要計企業的價值，但過程比較複雜，好難三言兩語就講到，就算在我的股票班，都要講5小時，裡面會講3種估值方法，有難有易，但同學都用到的。

簡單來說，你要考慮企業的生意、盈利、現金流、資產、負債等財務數據，同時要比較行業，考慮這企業的經營情況，之後的環境又會如何。這都是計算的基礎。

如果要深入計算，基本上要好仔細的研究企業，要分析好多財務數據用比率，先至有較完整的答案。

------------------------------------------------

Q18578：

龔成先生你好,係上年好早時間唔小心入左少少股一隻叫00996 嘉年華國際，估價已去到0.01所以不能出售，近兩日有新聞話會再重組

但新聞內容唔係太明白，我
地小股民有啲咩要注意？？thank

龔成老師：

初步睇佢的通告，將會進行25股合1股，因為現時股價太低根本無法進行買賣，佢合股就可以令股價增加，從而可以買賣。

舉例說，你現時持有10000股，現時股價0.01。

佢合股後你會變成持有400股，而股價會上升至0.25。當然如果佢現時的實質價值低於0.01，到時的價值都會少過0.25。

------------------------------------------------

Q18579：

HELLO 龔成,朋友介紹我睇你的PAGE, 發現很有啟發性, 有一些問題想你俾下意見請教一下, 多謝!

我依家36歲, 月入$42K, 每月可儲約$13K. 兩年前因搞小生意損手失掉約30萬積蓄.

之後重新再儲錢, 依家每月供緊 $2K (0003) 同 $2K (0006)供左差不多兩年. 再有2手823. 現金大概有8萬
想問, 月供的組合可以嘛?

還是要加碼/換其他組合
亦想早日儲到100萬去為屋企裝修, 組織小家庭等.感謝!

龔成老師：

以你的年齡，其實可以投資高少少增長力的股票。

你現時月供，領展（0823）無問題，但另外兩隻都只是收息股，增長力不強。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

因此，你之後可以將資金，月供盈富（2800）及其他較有少少增長力的股。

------------------------------------------------

Q18580：

老師 1076 呢隻仙股我留意左好耐 佢已經系0.01價位好耐 但每日既成交量都好多 系咩原因？

龔成老師：

唔清楚，博華太平洋（1076）無研究過，但佢年年虧損，投資價值不高。

你永遠唔知成交多的原因是有人收貨，還是造假像。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q16801-Q16820）

Q16801：

老師，我過往投資輸好多錢，所以有幾年唔敢買股票，到最近又開始投資，想請教你我的方向。

我之前高位買入494、330、1478等等。買多年股票都是輸，好少贏？點解？次次買都是高位。

最近入了2342、3690、981。我應該點做？

龔成老師：

我發現你最大的問題，就是你跟市場的「熱炒類版塊」去投資，這是有風險的！

我相信你過往都是因為投資當時的「當炒股」。你最近買的股票都無問題，但「買入時機」是最大問題！

你永遠是股票已經在市場熱炒，你見好多人買這類股賺到錢，你先投資。長遠來說，這模式一定會令你出現虧損，所以，唔建議你再加這類股。

因為當市場已當炒這些股，大部分都會處貴的水平，你輸錢的機會多過贏錢，這就是你的致命傷！

我會建議你穩穩陣陣，投資盈富（2800）。以及其他較穩陣的股票，如中電（0002）、港鐵（0066）、領展（0823）、希慎（0014）、太古地產（1972）等。

另外，可以以月供模式投資，就可以減少一次過在高位買入的風險，因為月供的好處是「平均買入價」，能有效減少風險。

------------------------------------------------

Q16802：

龔老師，我居住在澳門，較難到HK上老師的課。故想諮詢一下，在您的著作裡，那本書會有評估股票價值（未來股價或合理股價）的方法，以作參考學習

及澳門哪裡可以購買到您的書籍呢？
謝謝。企業價值方面

龔成老師：

你可以睇《股票勝經》、《年報勝經》，裡面有都教少少企業估值的，另外，有關巴菲特的書你都可以睇，相信會有一定的幫助。

你可以去水坑尾宏達買我的書。如果見唔到就可以同書店職品講話要訂。

至於股票班，我間中都會在澳門開的，之前都有開過2次，有機會在9月再開，你可留意我的FB。

------------------------------------------------

Q16803：

老師你好，本人已經月供388有八個月，但當時只係月供$1000。現在發現手續費十分昂貴而且手頭上嘅股票增長速度太慢，有排都未夠一手，因為388本身價格相對高啲。

本人只有諗到兩個對策：

一. 增加月供嘅金額，但又未到我心目中加供嘅價錢，而家呢一個價位加供，會令到平均成本價增加
二. 沽出全部碎股（我的月供計劃可以正價沽出碎股）

希望老師俾點意見

龔成老師：

你可以增加月供金額，去到$3000以上，這樣成本比例就會有效減少。

當然，希望你不要將全部資金只集中一隻股，同時你要每月除了月供股票外，要同時留到一些現金。

如果你現時現金好少，加上港交所現價又較高，你其實可以先停一停，儲下現金先。

------------------------------------------------

Q16804：

龔老師你好，本人48歲，女，冇結婚。想請教你有關退休計劃問題。本人資產如下，想知道要如何投資，才可在55歲前好好準備資金作退休之用。

現時月入: $47,000
物業: 市值约780萬，每月供款8000，尚有42萬才供完
現有股票: 約4萬

月供股票: 每月供約1萬
~ 388: 月供4000
~ 2638: 月供3000
~ 2800: 月供3000
每月儲蓄: 1萬

年金: 去年開始供，每年供约6萬，共供5年，第10年，62歲可取回約41萬
MPF: as of now 約有43.5萬
謝謝

龔成老師：

你這刻有7年時間，其實已開始為退休做準備，但同時，財富仍有增長力（但不是進取），因此，你可以投資「平穩增值股」+「收息股」。

如果現時的物業是自住的話，就可用有太大的變動。至於年金，你可以保持去供。

反而每月要加大儲蓄，利用每月儲蓄去作股票投資。你可以做月供股票，或自行分注投資，供「平穩增值股」+「收息股」，但就隨著年齡增加，慢慢增加收息股的比例。

平穩增值股，例如盈富（2800）、金沙（1928）、長建（1038）、中銀（2388）、港鐵（0066）、恆基（0012）、港交所（0388）。

同時，可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、匯豐（0005）、置富（0778）、陽光（0435）都可以。

------------------------------------------------

Q16805：

龔SIR你好，我上年先開始買股票，都係諗住長揸，現在手頭只有上有大約10萬蚊價值既股票到，分別係3988中行，12恆地，同2800盈富，分別都係各佔30幾％左近，之後個個月都供緊3988同12各$1000，2800就$2000

同埋我上個月開始有用大約$2000買可口可樂美股，買到幾多就幾多

我係諗住一直買10年，港股收到股息就會買反落去2800到，美股就落反去美股到，目標係想10年後會有小小比較穩定既現金流，當買資產，請問咁樣既方法有冇問題，唔該你

因為自己唔識分析股票，覺得呢4隻股票係有能力搵錢，同埋業務廣泛，如果長線持有有冇問題

龔成老師：

你最緊要計算，長遠組合的比例。

上述持有的，都是有質素的股票，盈富（2800）由於是組合，因此可以持有較多。至於個股，就唔能夠佔比太多，每隻去到15%已是上限，否則會有集中風險。

上述股票都可以長線投資，但就要留意比例。

另外，中行（3988）增長力不強，只是收息股，要注意翻這股是否適合自己。

------------------------------------------------

Q16806：

龔成老師：想問你會否知道一般的儲蓄保險回報與投資2800的回報分別大嗎？

我有一份儲蓄保險已供了15年，好像還有10年才完結，但查看，發覺回報很少，如以複息計算，可能只有1.5%利息。經紀說回報要日後才多的，但聽你講解多了，發覺日後回報多只是正常現象。

故不知應否不再供下去。請問你有這方面的見解嗎？

龔成老師：

一般的儲蓄保險，回報都是好低的。但這不是無價值，因為我地進行理財，應該「攻守兼備」，而這些產品就是防守部分。

這類產品，你可持有，但不用過多，因為當我地做好防守後，之後應該集中力量去進攻。

你預盈富（2800）的長期回報，大約為8%-10%。

------------------------------------------------

Q16807：

你好！我和女朋友在銀行儲蓄大量現金港幣，準備明年買樓。

由於近日社會動盪，萬一有一天港元兌美元不再掛鉤，我怕港幣會貶值，所有的儲蓄泡湯。請問我應該將部份現金兌做外幣嗎？那些外幣適合一年持有保值？

龔成老師：

首先，我相信港幣在可見將來，仍會行聯匯的。

如果真的要脫勾，不會在動盪時期做，只會在「大部分人都安心，認為脫勾反而更好的時候」，才會做。

因此，其實不用擔心。

如果你真的擔心，可以買D外國的股票，做更平衡的配置。

------------------------------------------------

Q16808：

老師，想請教，現時28歲，月入4萬，有定期約85萬，每月須供樓1.8萬，平均每月儲蓄1萬，現持有股票：

0552。$5.54。6000股
0788。$1.64。10000股
0823。$80.35。500股
0945。$97.25。200股

2800。$27.19。2909股(月供$3000)
3988。$3.56。2000股
9988。$194.2。300股

請問：

1. 現時組合會否偏頗？

2. 2800現價低，應否買入？還是加大月供額度？

3. 823 應否溝貨？平宜價位？

4. 945跌穿5年低位，長揸需要溝貨嗎？平宜價位？

5. 內地將大力發展5G，788、552等應會得益，是否股繼續加重注資？平宜價位？

龔成老師：

1）大致無問題，你可以加大盈富（2800）的比例。

2）可以。你現時現金多，其實可以更有效運用。

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先。做月供股票，每月$5000
。

3）可以加注，因為你持有股數不多，加注後所佔的比例仍無問題。你預跌多10%就平。

4）都可以加小小，因為你現時現金多，在現水平有投資值博率。

5）可以加，但不要太急，否則會過度集中。這刻未到重注入的時機，要跌多15%、20%先開始平。

------------------------------------------------

Q16809：

龔成老師你好，早前$46.55入了幾手1113長實，之後跌左，見住佢係咁跌，個心真係好痛

但我記得你經常講話:「別人恐懼我貪婪」，我應該止蝕離場定長揸？但經過今日又覺得香港房地產好似冇乜希望咁。

希望你可以俾啲意見，感謝！！

龔成老師：

首先，你唔好太著重中短期股價，見股價跌唔開心，這是一種情緒，唔好比情緒影響到你的行為。

另外，你最重要是睇翻長遠的企業價值，唔好比短期因素影響左。長實（1113）有質素的，長遠的業務價值仍在，你可以持有。

另外，你要建立一個組合，長線持有，唔好只集中在個別股票。

------------------------------------------------

Q16810：

龔兄老師：小弟同老婆三十歲，育有一B,
以往同老婆只識得死命儲錢，不敢投資，看了你的文章一年了，下決心跟你的方法投資。

小弟人工約3萬、太太約4.5萬，
居於父母物業（已供滿），月供基金5000$，約供了30萬，基金現避險中，
流動資金約100萬。

每月約儲3.5至4萬現金，但老婆產後心情沈重，預計會轉半職，收入減少後，我地應該月儲2萬。
請問龔兄老師，我應如何投資？

例如我應該投放多少資金在月供股票上，基金應注入哪些板塊，另外現金應分小注入市股票市場
還是在香港再置業或在某國家置業作投資？
謝謝你

龔成老師：

最重要是建立一個「財富組合」，這個組合會有物業、股票、現金等。

你首先要想想，自己長遠有無置業的需要，如果有，可能就要計劃。如果打算2年內置業，你投資股票的比例就會較少。

如果你較長遠先有可能置業，這刻可以投資較多股票。

由於你地無乜投資經濟，加上收入將會減少，現時的現金，只建議動用$40萬。

另外，你可以因應你的地的情況，去進行月供股票，你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先。做月供股票，每月$10000
。

你可以考慮盈富（2800）$6000。

另外再加2隻（每隻$2000）：銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。

如果你不懂股，就集中供盈富$10000。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q16811：

成哥點睇9969 9983

龔成老師：

諾誠健華（9969）係中國的生物醫藥公司，專注於研究治療癌症及自身免疫性疾病的療法。潛力度是有的，但估值難，不確定性高，市場對佢現時的價值都只是估估下。

只可以話，現水平投資值博率唔算高，而這類股不能大注。

至於建業新生活（9983）係中國中部地區的物業管理服務提供商，管理的物業組合包括住宅物業、商場、文化旅遊綜合體、商業用公寓、辦公樓、學校及政府機關物業。

業務正面，現金流不差，但上市不久，加上負債不少，以及現時估值唔平，都反映有一定的風險，如投資，只能小注。

------------------------------------------------

Q16812：

龔SIR你好! 本人是27期股票班學生,本人計算了1211 比亞廸的估價如下:

5年EPS 平均數- 1.387 / 2.192 / 1.614 / 1.087 / 0.5681 = 平均是 1.37
估值：24.66 - 60.28

1) 一般汽車股市盈率只是6-20. 只有1-2 隻汽車股有30市盈率以上, 這股的市盈是否偏高?

2) 我所推算的市盈率( 20-40)是否合理?

3) 此股的股價是否被炒高?

4) HK4X是否偏高? 什麼價是便宜?

龔成老師：

1）由於比亞迪（1211）是潛力股，當我地進行估值時，特別時市盈率估值時，要多以「預測」的模式進行，而不能單單用過去的數據。

因為潛力股就是預期佢將來會變得明顯比這刻強。所以你的EPS其實應該調高，若果用這個進行，你的估值應調高翻。

2）如果用一個更有代表將來的EPS去計算，而你的推算市盈率反而應該調整翻少少。

3）由於佢是潛力股，市場預期佢之後有較理想的增長，因此市場不是特別炒高，只是對佢有「預期」。

4）你預$40以下是開始是平，而$4X是合理區。

這類潛力股，在估值上會比較難，因為著重預測多於過往數據。

------------------------------------------------

Q16813：

老師，匯豐會好似利豐咁被私有化嗎？

龔成老師：

匯豐（0005）現時，的確只是收息股，增長力有限。

這股並不是零質素，但賺錢能力已不及過往年代，增長力不強，因此，唔會對股價太有期望，所以投資金額不會多，同時只能視佢為收息股。

至於私有化，我相信可能性不可，因為佢的股東好散，最大股東持股都是幾個%。而利豐（0494）是本身已有單一大股東，持有幾十%。

加上匯豐仍是好大隻，要私有化要動用$7000億，可能性相對不大。

------------------------------------------------

Q16814：

阿SIR, 你好
我是你的舊生

最近發現左1隻疑似潛力股636嘉里物流，唔知阿SIR有無留意開呢隻股票?

我嘗試計一下估值:

5年平均EPS:1.42
加5%推測盈利: 1.49
過往合理市盈率: 7.905-10.18
推測合理市盈率: 5-12
合理區:7.45-17.88
合理區加10%上限下限: 6.705-19.668

想問如果要投資此股有咩要注意? 中美貿易戰和疫証應該有中短期影響?

如果上面計法是正確的是否要去到6元留下才投資? 定還是現價都可投資?

謝謝!
Karen

龔成老師：

你的估值方向正確，大致能反映企業的合理估值，不過，由於本身的估值範圍已闊，所以唔需要再加上10%上下限。甚至收窄翻少少個範圍。

嘉里物流（0636）本身的質素不差，而貿易因素對佢一定有影響，因此這刻的市場估值唔會太高，同時存有風險。如果要比較穩健，可以等到$8以下，就會有較高的值博率，不過唔知見唔見到。如果現價，分注投資都可，但不是大手時機。

這股都有增長力的，但潛力又不能算好高，平穩增長類，都可以長線投資的。

------------------------------------------------

Q16815：

成哥你好,我想問下匯豐我之前已50蚊入左一手,而家適5適而入多手溝淡佢？

除左匯豐暫冇持有其他股票。

龔成老師：

第一，這只是收息股，你唔好因為想「拉低平均價」就加注，你要考慮翻自己的財富組合，衡量翻「我現時投入這個金額，希望得到這個股息回報，是否適合」。

匯豐（0005）雖然中短期無息，但長期仍會派息，因此要視為一隻長期的收息股。

第二，同一隻股票佔你組合的比例，唔好太多，否則會有集中風險。

現時你只有匯豐，建議你投資其他股，建立一個更平衡的組合會較好。

------------------------------------------------

Q16816：

龔成老師你好！本人36歲，已婚，有一2.5歲小朋友，全職主婦。老公月入42000，無物業，每月平均只能儲$3000，共有$30萬現金。

唯一投資經驗就係4月第一次買咗一手2800（買入價為$23.95），因為唔太想月供，傾向一手手入。

有以下幾個疑問：

1. 如一手手買，2800應該再加持幾多？

2. 如想再買入啲收息股，煤氣、港燈、恆基、金沙呢幾隻應否買晒？

3. 潛力股想買迪比亞，以我嘅資金，應買幾多？

4. 美股etf或黃金應唔應該買？

5. 醫藥股是否值得留意？

另外想問下，外幣兌換價好似幾低，澳元、歐元、美元係咪可以買入？謝謝

龔成老師：

1）你可以按你地的財富情況去進行分配，例如持有$30萬現金，如果這些資金都是無特別用途的話，就可以集中財富增值。

你可以將其中一半投資股票，而當中再分一半買盈富（2800），即是可用約$8萬投資盈富，當然，不能一次過入，你分注慢慢入，例如每隔1個月入一次。

2）以你這個年齡，收息股未必是最適合的，因為你仍有財富增長能力。

你可以考慮恆基（0012）、金沙（1928），這些都是有增長與收息的能力。

3）比亞迪（1211）這是潛力股，你可投資，但唔建議太多，小注1手先。

4）你可以考慮美股ETF，領航標普五百（3140）是其中之一。

5）值得留意，但部分有熱炒的情況，要小心選股，同時要小心控制好注碼。

另外，利幣始終是貨幣，投資價值不會太高，因此，小注投資好了。當然，如果你本身有實際需要，就可以開始換。

------------------------------------------------

Q16817：

1789同853現價買入2選1
1999$5.3買3萬股上望幾多？
2013這類股怎樣？

龔成老師：

愛康醫療（1789）就算有質素與增長力，點計都貴，因此唔太值得投資。

微創醫療（0853）都有同樣情況，潛力度是高，但就貴，這刻的值博率同樣不足。

如果要強行博一隻，可考慮微創醫療，但一定要小注。

敏華控股（1999）主要以「芝華仕」品牌推廣具有特色的休閒沙發，並於中國及香港從事零售及批發沙發。有一定的品牌及發展，有平穩增長的能力，你可以長線。無特別目標價。

至於微盟集團（2013），是潛力股，但業務變化大，這刻唔平，投資值博率未足。

------------------------------------------------

Q16818：

老師，可以分析一下友邦(1299) 和中國平安(2318)嗎？那一隻較優秀，適合月供？謝謝

龔成老師：

兩隻都是好優質的股票，都可以進行月供，長線投資，如果要2選1，就選平安（2318），這股的長遠增長力略高。當然，股價上落都會較大。

------------------------------------------------

Q16819：

龔成老師
我是你的學生

今日宏利金融跌了很多
我用了你堂上的市盈率估值法去評估

發覺比較無論行業的平均市盈及該公司的歷史市盈
現在都是比較較低的市盈
請問這股值得投資嗎？

龔成老師：

當分析保險股時，市盈率只是其中一個分析方法，其實可以用其他估值法，不過要到進階班先會教。

如果用市盈率，就要理解當中的限制及調整。保險業一般的賺錢模式有兩種，第一是本身的保險業務，第二是佢利用收取保險資金作投資，而這部分會比較波動，因此在考慮時，要留意翻過往的盈利結構。

同時，要考慮往後的投資市場，分析是否要作出調整。

現時這股處合理區中下部，有投資價值，分注投資，同時留現金就得。

------------------------------------------------

Q16820：

你好龔Sir, 之前聽取左你意見, 留左20萬現金, 係銀河39價位時買左一手, 匯豐買左一手。

近來股市升返，想請問00011、01211、01448及01177還值得投資嗎？價位算唔算合理水平？

龔成老師：

現時大市波動，你買入股票要慢慢入，分注進行，同時留有一定的現金。恆生（0011）、比亞迪（1211）現價都合理，都可以投資，但比亞迪不能太多。

至於中生製（1177）、福壽園（1448），現價唔算平，你可以考慮等回翻D先入，又或現價小小注，等跌先正式分注入。

要留意，大市波動，你都留有一定的現金，股價忽然大升或大跌，都是有可能的。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。