【龔成問答信箱】（Q21521-Q21540）

Q21521：

老師,我受持1826（已停牌）。請問以下是甚麼意思? 我應答應嗎? 我$2.2買的

『中國銀河國際證券（香港）有限公司代表要約人提出有關收購旭通控股有限公司（股份代號：1826）全部已發行股份

（要約人及其一致行動人士已擁有或同意將予收購者除外）的強制性無條件現金要約，每股 0.158港元』

謝謝老師

龔成老師︰

這個要約，代表有機構想收購你手上旭通控股(1826)股票，作價為每股HKD0.158。

至於答應與否，我地要從資產角度考慮。如果企業係有質素，長線有升值潛力。你接受要約，就等同放棄優質資產，換回只會貶值的現金，係不值。

所以，你要先了解企業本質，去再決定。

旭通控股(1826)主要在香港從事提供金融相關信息及技術服務；新發展工程之承包服務等。

集團在2021年3月31日表示，因核數師對其2020年度的綜合財務報表發出不發表意見，故暫時停止買賣。

在為投資者，而一刻係無野可以做。而一刻未知背後原因，所以好難話會唔會可以復牌，只能說機會係有。

但睇翻本身質素，唔算係好高，而且公司規模好細。過往股票都十分波動，這類股票最多只宜好小注。

此股唔係完全無價值，但不算高，加上有一定風險。暫時睇，接受要約會係較好選擇。

------------------------------------------------

Q21522：

另外想問老師，新年前科技股大升好勢時，十年投資回本了，也有少少賺，但現在科技股回調，又倒蝕番，所以之前有少少唔開心，後來再聽老師FB，再想想自己組合內的股都不是有問題的公司，所以會繼續持有

但想進行一些調倉，之前買了京東健康及微盟，近排跌了不少，想溝少少（占倉不大）所以想放1手美團（共有3手），唔知咁樣操作如何？

龔成老師：

第一，平常心對股價，股價上上落落好正常，你唔好太著重，最重要是企業長遠的發展與價值。提高你的心理質素。

第二，我地最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

你要睇翻自己的持倉比例，是否，以及應該加多少新經濟股類別。

京東健康（6618）及微盟（2013）都有潛力的，但現價只是合理區頂至略貴，如果你這類股比例唔多，可買入，但不要買入得太急，要慢慢分注。

至於美團（3690）如果你持貨較多，可減。

記住，整個方向不是睇你的買入價、賺蝕。而是「優質度」「比例」。

------------------------------------------------

Q21523：

你好，我係最近先開始睇你fb，睇完想重新審視自己既股票，下面係我現在持有既股票：

- 港鐵500股@$43.15
- 匯豐400股@$75
- 電能1000股@$40.3

- 建行15000股@$6.6
- 煤氣4100股@$12.89
- 西部水泥40000股@$1.3

現在29歲，想請教下呢個組合會唔會太保守？有幾隻仲放咗幾年都仲蝕緊錢，覺得總會升番上去/蝕就收住息先，呢個心態係咪唔岩？

另外，見你話同隻股唔好佔太重比例，應該點計個比例（用錢/用股）？Thanks

龔成老師︰

首先，你見蝕，就收住息先，等佢上升翻。這個想法，是不正確的。

我地是否持有一隻股票，應該睇佢長線質素。所以，佢股價有明顯下調時，你就要睇翻佢山現調整的原因，唔好主觀咁「估」佢會升翻上去。

如果唔關佢本身質素事，純粹係中短期價格波動，我地就唔洗理。相反，我地發現係因為佢長線質素轉差，係而個時候，就算蝕多少，我地都要減持，甚至完全沽出所有持貨。

投資增值時，我地係會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你現時只係29歲，應先以增值為主。但你現時組合中，以收息股居多(0005、0006、0939、2233)。這些股票不是無質素，只係佢地增長力好弱，主要係收下息。

現時你持有太多，會拖低左成個組合的增長力。建議你慢慢分段沽出部份，換碼至以下有增長力的股票。

你將來可以用「平穏增長股」 + 「潛力股」作目標，去創建你的組合。

由於你投資知識不高，因此可較集中在平穩增長類股，至於潛力股，只宜小小注(約3成)。最好是你先提高投資知識，等你有一定知識，先慢慢增加翻潛力股比例(約5成)。

至於，我所講個別股票唔好佔過多。其實是指任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你長線要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於3成，而單一企業不要高過15%。

我地計算時，係用佢價值，即係你"股價 x 持有股數"。

但盈富(2800)就不受此限，因為它是一個包含55間優質企業的基金，這些企業來自不同行業。因此，盈富(2800)就算在組合中佔較大比重，都唔會造成過度集中性風險。

------------------------------------------------

Q21524：

龔SIR, 你好, follow你facebook有兩年了, 我好認同你的投資方法。

所以平時除左睇你facebook外, 亦買左《選股勝經》、《50值博倍升股》、《5年買樓4步曲》增加自己投資知識。

我和老公打算置業，過去幾個月先後到香港仔/田灣、大圍、荃灣睇過樓，睇左超過20個介乎400-450萬的單位，發現如下：

1. 如想買300呎左右的單位，樓齡通常較高，介乎38-42年左右；
2. 如想買20-30年樓齡，單位通常較細，得230-260呎；
3. 如想買300多呎+20幾年樓齡，地點就偏遠，在屯門。

我們感到矛盾，不知如何選擇，究竟買樓時要看樓齡定呎數，我已經睇左《5年買樓4步曲》，但都決定不了，所以想請教下老師，謝謝！

龔成老師︰

你現時發現這個現象，係正常。

在同一價錢下，想大點，樓齡自然會較高，否則只能找較細單位。要尺寸和樓齡都較理想，地理位置多數係較偏遠。

至於選擇邊間，先要睇翻你置業原因。若果係為投資，(2)的尺寸太細，不達至基本家庭生活所需，所以投資價值會較弱。而(1)和(3)都可以考慮。

若你目的係為自住，就真係要睇翻你自己本身生活需要。例如你長線會生小朋友，(2)就未必太適合。如果2位都係香港島返工，(3)就唔係咁理想。

所以，作為自住屋，那一個會較合適，只有你們才會最清楚。但記住，唔好單係考慮現在，要諗長少少，未來5-10年對你們是否都係適合。

最後，我地是否購入這間自住屋，除了睇佢適唔適合你需要外。緊記堅守「供得起」這個大原則，咁就可以。

------------------------------------------------

Q21525：

龔老師，我無投資經驗。

有3.5m cash / 有層8.5m 既樓

兩公婆月入 10萬，每月洗費一共6萬左右，其餘都係草起。

兩人大約30歲，想愈早退休愈好。只係草，無投資，驚輸晒。

你有冇小小建議點出發 開始錢搵錢？

龔成老師︰

其實你只儲錢，不做投資增值，本身已經係輸左。因為現金只會一直貶值，令你這筆現金的購買力一直減少緊。

所以，你長線一定要建立一個財富增值組合，令財富保值之餘，都有一定提升。

我地進行財富增值，其實就係將一直貶值架"現金"，轉換成"優質資產"的一個過程，佢可以係股票、物業、一盤生意等等。

由於你已經有一間物業，為免令組合過份集中係物業類，造成風險。你350萬現金，我地應用優質股，去創造一個增值平台。

以你大約30歲，可以選擇一些「平穩增值股」+「潛力股」作投資目標。

以現時大市合理區狀況，你可以考慮用部份儲蓄，進行月供股票。你可以每月先用一半儲蓄，另一半就先儲起架策略。

你現時投資知識不高，可先集中在平穩增長類股，至於潛力股，只宜小小注(不多於3成)。此期間，你最好是努力提高投資知識，才慢慢增加翻潛力股比例(約5成)。

但你要留意，潛力股有增長潛力，但股價波動性都唔細。如果你想再保守D，可以先全數投資「平穩增值股」都可以。你自己因應個人風險承受能力，去修正係無問題。

現時你的350萬就先動用30-50萬，餘下的現就等你累積一定經驗，才動用入市。如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q21526：

阿sir我59歲,以下是本人的投資，請给意見。
700,100股，已收回成本。

388, 200股$196.6
9988, 200股224
1810, 1800股$19.6
3067, 500股$20.25
2382, 100股$196.8
2800, 1000股$27.03

5, 800股$58.9
939, 4000股$6.165
3988, 9000股$3.225
884, 2000股$6.1
1313 ,2000股$8.72

有部分16年持貨至今，現想將5号和3988沽出，換入中银香港，請給意見

是否太多，太散，發覺散户十大犯錯之一，神聖價位，自己就犯咗啦！時常睇住當年7OO，388，$19幾入，就當這是神聖價，要見番才入，於是將資金入其他，越買越多，其實心想入5至6隻，又不知如何選擇，好股可奇多，怎買得哂，請阿sir指点

龔成老師：

你59歲，以這年齡來說，潛力股不應太多，除非你本身是較能承受風險的人。否則，你可能要調整翻，起碼都唔好再加注在潛力股。

只一方面，銀行股比例太多，你這年齡，的確可以有一定比例的收息股，但就不能只集中在銀行股。建議你慢慢減持翻銀行股，同時，可以加入其他收息股，例如港燈（2638）、深高速（0548）、香港電訊（6823）、置富（0778）、陽光（0435）、高息基金（3110）都可以。

其實你持有的股票，基本上都是有質素的，因此，本身選股的問題不大，只是配置上的問題。

------------------------------------------------

Q21527：

阿sir,現有問題想你幫助。兒子現年26歲，有一份穩定工作’在員工合作社，每月供15000元，利息三厘。以前跟同事買牛熊証，有小小收穫。

但沒時間跟，我勸他不要投機，他也聽我說話。
然後他於$295，買了一手9988。＄52買滙豐二手。点知又不派息。

最近入了小米5手＠27.5,中移動1手@55，亞厘爸爸1手@225,全部下跌。

最近他很灰心,懷疑自己不適合買股票,問我怎辦？
他可以每月剩1萬元,員工合作社剩5仟元，有甚麽投資組合建議？多謝解答！

龔成老師：

第一，唔建議佢再投資衍生工具，發行商食水好深，唔好再做水魚。

第二，不要用短期股價去衡量投資成績，要用長期的企業價值分析。

第三，佢要懂得建立一個平衡的財富組合。要優質，要平衡，要適合你的年齡與風險承受程度，新舊經濟各類股都要有。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

佢持有的股票，並不是無質素的，不過以佢的年齡，收息股就不用太多。另外，佢部分股的買入價略貴，令佢買入後股價下跌，其實本質無問題。

建議佢從「設計長遠的投資組合」著手，而不是著重這刻的股價。

------------------------------------------------

Q21528：

老師，2018，3319，590，3918呢幾隻股票，值博率同合理區邊隻會最好？

龔成老師︰

現時4隻股票，都算在合理區。但當中六福集團（0590）算係合理區中間。

另外，要留意瑞聲科技（2018）本身已有一定的規模與技術，長遠發展正面。不過，佢增長力不是好強，你預佢只係平穩增長類別。

金界控股（3918）畢竟是在新興市場，不確定性較大，在注碼上不能投資得過多。

雅生活服務（3319）不錯的，佢無論在業務本質、規模、品牌、財務數據、前景，都是理想的，反映這企業有一定的質素。

加上這企業的背景因素，以及行業的發展，相信這企業的前景不差，有長線投資的價值。

整體是有長線投資價值的。現價合理區中上部，不過股價都會有時出現波動，投資宜分注進行。

如果你能承受風險及控制注碼，金界值博率會較高，另外，雅生活服務都有投資值博率。

------------------------------------------------

Q21529：

我有點問題想問︰

1. 如果想去評估一啲未有盈利，但有前境嘅新經濟股， 係咪要進階課程先有?

2. 如果想評估一啲企業上市未夠5年 ， 但係有盈利 ，例如小米，( 我睇你書講話要睇五年)，

咁如果呢啲公司未有五年報表， 基礎課程幫唔幫助到去評估?

龔成老師︰

【基礎班】對象是初中階的投資者，5個選股方法、捕捉時機、投資策略、計平貴，會教3種企業估值方法、年報分析、3大財務報表，都有一定的內容，同時會派一份6頁紙的「企業評估表」給學員

【進階班】18種企業價值計算方法，年報全面分析，10倍股選股，研究企業，研究名財務報表，財務比率應用與分析。

進階班可以話係基礎班的延伸。

1) 你讀完基礎班，會有一定企業分析能力。但要分析不同行業、不同性質的股票，進階班會有較全面的教授。

其實一些未有盈利的企業，用一般估值方法，都會較難得出一個穏當的答案。

因為，佢主要投資價值，都係來自「未來」，是一個未知之數。

但唔代表我地無野可以做，我地可以透過深入了解，佢現時財務結構、行業狀況等，去估算佢將來成事機會。

或者係成事前，集團有無能力，一直維持正常營運。例如有無足夠資金支持研發、市場推廣等工作。這些因素，我地都可以在分析財報中找到答案。

令我地係「估」算將來發展的同時，有較「踏實」的理據，在背後支持這個答案。

這些財報相關知識，進階班會有較詳細教授。對分析這類股票，較有幫助。

2) 這類上市不足5年、但有盈利的企業。你都可以用基礎課程的方法，去做個估值。但由於數據較少，我地就要相對保守。

投資時，都不能大注，以平衡不確定性的風險。

------------------------------------------------

Q21530：

A) 成哥，想請教下啟德住宅投資價值

1.近九龍東商業區核心區
2.沙中綫過海後可以係紅磡轉車
3.附近土地供應唔多
4.配套暫時未完善
5.夜晚行過都屬於靜中帶旺

B) 另外想問下沙田一城仲有無投資價值
1. 自成一國大型屋苑，生活配套設施齊全
2. 附近土地供應唔多
3.出九龍東核心商業區近
4.靜中帶旺

C) 如果我買樓用作投資，大約600-700萬左右。
灣仔
黃竹坑
大圍
沙田一城
啟德

D) 唔好意思，仲有一個問題。因為無人名既關係，所以我要比多15% stamp duty .咁仲值唔值得？

龔成老師︰

A) 你都講到大部份重點，其實政府未來會將九龍東發展成第二個核心的商業區，當中包括了啟德及周邊地區。

當未來更多政府或私營機構搬入東九，交通和生活配套日漸完善，都會對附近住宅需求，產生正面影響。

啟德絕對有一定投資潛力，係可以考慮。

B) 其實九龍東發展，除了啟德外，只相隔數個港鐵站的沙田區，都會有正面影響。

而且佢作為地理位置有優勢，沙田區是新界東與市區的連接位，在整個香港的地圖上，可以算是一個中心。

第一城作為大型屋苑，整體配套算完善。附近又有港鐵第一城站，交通便利度算唔錯。

故第一城都有投資價值，但潛力度，無啟德咁高。

C) 從地區上計，啟德升值潛力會較高。其次會係黃竹坑、大圍。

D) 現時香港樓市算係合理區頂，值博率本身已經唔好高。再加上有15%印花稅，令到回報再打折扣。

所以，而一刻我地唔需要急住去投資物業。你有資金，可考慮先用優質股增值，值博率會較高。

------------------------------------------------

Q21531：

老師你好！我今年將踏入27，我打算重組我個組合，然後長期持有。目標想年回報有15%up！可唔可以比少少意見。

3 （未持有）
66（未持有）
270（未持有）
788（～74.5%）
968（未持有）

1177（～4%）
1810（～4.5%）
1448（～4%）
3918（～5.5%）
9988（～7%）

1.之前入得太多788！打算賣出大部份轉至其他股票。如果這10隻股各佔10%成為我的組合，潛力是否足夠？

我想做到潛力股：平穩增長（7:3 到6:4間）

2. 我想賣出部份788後先入少量未持有既股票，然後留住2-3成現金加每月存錢等股價有機會下調再分段入，請問題這計劃可行嗎？

龔成老師︰

1) 個別股票，就算再優質都好，不要超過組合15%，否則會出現過度集中的風險。

所以，你要將中國鐵塔(0788)部份沽出，慢慢換碼至其他優質股。

你上述股票都有質素，每隻10%都無問題。

如果你想做到年增長15%，可以用這些股票，再配以你7:3或6:4比例。但你要明白，潛力股增長力雖高，但波動性同樣都大，你要明白這風險。

若你投資經驗較淺，我就唔建議你潛力股佔咁高比重。你可以先佔約3成，到你慢慢累積到一定投資經驗，才慢慢加大潛力股部份，會較為穏當。

2) 現時大市在合理區，現金和股票比例，最好係各一半。

你用賣出部份中國鐵塔(0788)的資金，為未持有的股票先入首注，係無問題。將來到股價有明顯回調，才慢慢加大入貨力度，就可以。

------------------------------------------------

Q21532：

龔成老師，

1. 想問下阿里爸爸既質素如何？尼排佢好多壞消息，但我認為佢基本面不差，我打算每月都儲d阿里爸爸，請問現價算貴嗎？

2. 另外，我想問多個問題，之前睇左你個金錢騙post，唸起最近aia的每月派息計劃，息率有8厘。我睇過資料，係買以下基金：

安聯動力亞洲高收益債券基金

https://hk.allianzgi.com/documents/hk-allianz-dynamic-asian-high-yield-bond-amg-factsheet-tc

入面既成份主要係買BB級或以上的債券，尼類投資既風險大嗎？因為基金吸引之處是每月派息，可以做到現金流，

但佢能派到8厘另我覺得可能有些風險冇留意到，所以想請教一下

感謝老師一直以來的回覆，不趕的，你安排好時間就回覆，而且是可以公開的。

龔成老師︰

1) 阿里巴巴（9988）有質素，有增長力，之前貴，現價去翻合理區。

係業務層面，擁有相當的優勢，不少業務處於壟斷狀態，同時增長理想。加上正不斷發展延伸業務，這都會成為企業增長的潛力，預期增長會持續，這是阿里最大的賣點。

以企業的長期發展計，這股的確優質，但股價都有一定的波動，現價算是合理翻D，但都不是大手時候。

始終將面對內地監管可能收緊，因此風險度增加左，不過，我相信佢的整體優質度仍在，內地不是不想佢賺錢，只是想規管佢。佢已建立好完善的業務，因此本身是無得輸，只是賺多賺少問題，現時監管多左，點都會影響賺錢能力。

對於這類優質、有發展，但現價未算特別平的股票，小注分注投資，或月供，是較好的方法，算是平衡了風險與增長的考慮。

這股可以長線投資的。預佢現價約合理區中上部。你月供的話，現價開始係可以。

2) 債券基金，坊間分好多種，你要小心睇，因為有d風險低，無乜問題，有d則有潛在的風險，絕對不是保本的產品，有機會出現了「賺息蝕價」的情況。

第一，有些基券基金，會投資「高收益債券」，即是「垃圾債券」，你一定要睇睇佢所佔的比率。

第二，債券基金往往不是單純地持有債券，而是可以作買賣，以及利用衍生工具作對沖等策略，即是可能有價格上的波動。

第三，不少銀行都會提供借貸，以槓杆去放大回報，以平息借貸去賺取息差。低息環境時間題不大，但進入加息週期，不止借貸成本增加，同時債券價格往往在加息期下跌，雙從打擊下，投資價值成疑。當然，若然加息步伐不快，息差利潤就可觀。

初步睇你隻基金，主要投資在內地房地產類的B至BB級債券。不論行業和評級而言，都係有一定風險。

佢派息雖然有8%，好似係唔錯，但你要明白一定風險存在。而且，你要了解翻，到底8%是否保證。

我不是說這債券基金有問題，只是說明當中的風險。而投資與否，就要你自己因應個人風險承受能力，去作出衡量。

------------------------------------------------

Q21533：

你好老師，我想問永利澳門(1128)和澳博控股(0880)，是不是長線持有，沒有問題？

因為已買了一段時間，可能當年都升高位買的，所以一直都升不回去，而且無股息。

但我看Facebook 老師有說過這兩隻都是有潛力的股，所以不知該不該賣出。

另外，找了幾間書店，才找到這本50優質潛力股。

龔成老師︰

永利澳門（1128）和澳博控股（0880）品牌及資產質素都不差，雖然中短期未必好強，但長遠仍是正面。

但你預佢地，唔會係高增長類，只會較平穏發展。

你現貨照長線持有，沒有問題的。

50優質潛力股在三聯、商務、誠品都有得賣，但有時會斷貨。所以，下次你見唔到想買我架書，可以問下職員（又或向職員訂都可以）。

------------------------------------------------

Q21534：

龔sir你好呀，有野想請教你。我朋友今年26歲， 佢做網上生意的 月入唔太穩定，但平均約有3萬多。由於佢份人好慳的，一個月佢大約可儲27-8k左右。

佢手頭大約有110萬cash，佢想請教你應該點配置好，佢想有最好既財富增長效果，應該買樓好(佢想買500萬樓下的樓)，定還是用來買股票比較好?

佢同我講 呢幾年買樓既人好好賺，一層樓平均持貨3-5年轉手賣出可賺百萬，但又驚黎緊幾年樓價會跌，因為受政治局勢等因素影響。

想問你點睇 如果佢將手上的錢用哂黎買樓，但咁樣做的話，之後每個月佢既錢都會所剩冇幾，因為拎左大部分錢黎供樓，未必有錢再投資股票。

唔該哂呀sir呀~!!

龔成老師︰

我地投資股票好、樓市好，都唔好用「估走勢」來做策略。我地應該用翻個資產本身的平貴度，去作為入市指標。

現時香港樓市，大致在合理區頂位。相比優質股的值博率，相對較低。從投資角度，我地應用優質股去增值較好。

除非你找到一個價廉物美的旬盤，否則先投資優質股，會對你較有利。

以26歲這個年齡，是財富增值的黃金時期，要好好把握，盡你一切的力量去儲蓄、投資、學投資知識。

由於你朋友收入不穏定，最好先預留一筆生意上營運資金，加半年生活開支，才開始投資計劃會較好。

你朋友可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。

平穩增長股：潛力股
7：3
（如果你朋友投資實力較強，可增加潛力股比例）

你朋友可先用每月5成儲蓄做月供，其餘先儲起，用一邊月供一邊儲蓄的策略。

平穩增長股：考慮盈富（2800）。

另外再加：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

潛力股：安碩恆生科技ETF（3067）

另外再加：阿里（9988）、騰訊（0700）、港交所（0388）、舜宇光學（2382）、小米（1810）、ＧＸ中國電車基金（2845）、中生製藥（1177），但就要明白波動性比上述會高左，同時風險大左，你要自己平衡。部分要等回少少先入。

現時大市只是合理區，現有資金可以先投入約一半，用"分注"形式，慢慢買貨。餘下資金和每月所儲倒的資金，就等大市出現一定程度的下跌，才大力度掃貨，然後長線投資。

若此期間，樓市有較大回調，或者有入市好機會，佢都可以動用這筆儲下來的資金。

另外，如果佢長遠有自住需要，就可以考慮投資物業，否則如果純投資角度，你朋友照我上述所講的方向進行就得。

緊記，我地做財富增值，係講緊成個配置。長遠你唔可以只有股票，到你用股票累積到一定金額。

你都要去找機會投資樓市，令成個組合唔會偏重左係個別資產類。

------------------------------------------------

Q21535：

龔成老師，請問你預計以下20年的月供計劃可滾存到甚麼金額？謝謝！

12,66,388,700,823,1177,1211,1810,3690,9988每隻各$2000，共$20000

龔成老師︰

我假設投資回報有10%（連股息再投資），你每月投資$20000，20年後大約會增值至1350萬。

但當然這只是個預算，到時實際多少，要睇到時市況而定。

你現時組合，有7成都係潛力股。若你係好年輕，本身都有一定投資經驗，而且都能承受較高風險，這組合係可以。

但如果你想風險無咁高，可以換入一些平穏增長股部份，令組合波動性減少。

平穏增長股：金沙（1928）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）、長建(1038)

另外，比亞迪(1211)現價偏貴，月供等佢回到$150才開始，會較好。

或者可考慮GX中國電車（2845），這基金的目標是追蹤Solactive中國電動車指數NTR「相關指數」表現緊密相關的投資回報。

持股中最重就係比亞迪A股（002594），以及與中國電動車產業有關的股票，中國因為能源問題，長遠一定要發展電動車，這是大方向，故此股有一定投資價值。

現時大市只在合理區，每月資金唔好盡用。最好留有部份，等大跌市出現時，可以用來掃貨。

最後，你要留意這個組合，唔可以長時間都維持7成係潛力股。因為佢始終有一定波動性風險，當你越年長，比例就要相應減少。

若你現在好年青，可以用你7成，並慢慢減少。到40歲要減至4成、到50歲應該只餘下2成、將近退休應該為0%。

------------------------------------------------

Q21536：

Hi老師。我有努力，同時都有無力感，唔知係咪方向錯，所以努力既回報好低效。

同埋我都幾介意，我屋企人成日係度比較，點解大學生出黎都搵甘少錢。

我個科要考professional qualification 先會人工高，我有放工就去自修室溫書，但一返到屋企聽到啊邊個子女搵5 6 萬，幾勁。

唔明，我既人工點解低過中學生，唔明讀書有咩用。

我係fresh grad後做左2年幾，因為公司上年凍薪，所以我人工唔高。我有少少衝動，有幾秒搵過一份更高既人工。

但唔會咁做，同埋佢地係重視錢。所以連我既男朋友都唔滿意，有俾說話我聽。

錢唔代表一切，我深知人工高，我屋企人先會俾番應有既respect。

龔成老師︰

我明白你點解會有這樣感受，因為你在正為默默付出，為將來打併，但身邊的人郤看不到。

其實，我地係股票、物業、以至投資在工作，我都睇的視野，一定係長線。

你現時人工可能較少，但如果這工作經驗，再加上你將來的professional qualification，會令你收入大幅提高的話，這個投資係絕對值得。

你現時所選修的行業，點去發展才最好，相信只有你才會最清楚。

我見你其實已有想法，而且已經進行中。只要你相信這條路，長線發展係會唔錯，你就唔應該太在意今天人工較少過個問題。

至於家人和男朋友，我覺得可以再理性溝通，或許他對你職業生涯規劃，未太了解，才會出現這個情況。

記住，我地係唔需要同別人做比較。每個人性格、目標、能力、背景都大不同。只要找到自己最想行的路，咁就可以。

------------------------------------------------

Q21537：

龔sir ,另外現時我想買樓，之前睇你著作（5年買樓4部曲）,有一點唔係好sure

因為我現時持有資金，夠2成首期，但我諗緊到底借按揭8成定9成，始終如果用曬2成做首期，手頭資金就會好緊拙。

諗緊好唔好按9成，但將餘下資金做投資or擺mortgage link...

我份工係穩定的，供樓沒問題

龔成老師：

如果你手上資金太緊，我建議用8成半或9成，因為你手上完全無現金，是危險，以及在理財上不是好事，反而有少少現金作防守，是必要的。

不過，高成數按，如9成，的按保費會較高，所以你可在8成半，或9成，之間選擇，如果想留多少少資金，就9成，寧願比多少少保費，留一定的防守力比自己。

餘下資金就mortgage link，唔好比自己無晒現金。至於投資，就要利用之後的儲蓄進行。

------------------------------------------------

Q21538：

龔成老師，我決定下月開始月供股票。想你給我以下組合意見。

安碩3067: ＄2000
盈富2628: ＄1000
小米1810: ＄1000
阿里9988: ＄1000
舜宇2382: ＄1000
港交所388: ＄1000
比亞迪1211: ＄1000

原本想包括騰訊，但好像＄1000只買得1.5股，好少。

另外有一問題，有沒有書籍或途徑可以令我了解市場資訊，而知道對往後股市或個別股票有什麼影響？

例如：美元或債息升／跌？加大QE？美國加息？加減中國存款準備金？

央行放水？油價？公司回購？配售等等
會影響市場什麼？什麼類型股票受影響？

你不用逐一解釋，我想知有什麼途徑自學了解，因為我不了解市場動向，亂入市好危險，麻煩你解答，謝謝！

龔成老師：

上述的組合，可以，這些都是有質素的股票，長期月供適合的。

不過要留意，當中不是都是潛力股類別，你要注意翻相關風險（並不是不可，只要明白在這情況就得）。

至於市場資訊，其實你每天保持睇電視的財經新聞已得，我已睇了20年，因為較為重點，比你自己睇網站更好。這個學習過程是長期的。

當然，個別名詞的意義，你就自己行上網尋找。

另外，建議你要有知識的基礎，《股票勝經》這書適合你的。

------------------------------------------------

Q21539：

你好阿sir, 留意左你個page好耐，亦有跟你平時嘅教導投資，月供股票同埋低位吸納一啲優質股（阿里巴巴$190買入）長遠投資。

最近見到 比亞迪 同美團 跌到巴巴聲，本身有月供比亞迪，唔知而家係咪好時機直接購入一啲貨，兩隻股票點解會跌成咁嘅？

我睇左好多新聞都唔係好明，求指教，另外阿里巴巴我覺得$240樓下都叫合理價位可以增持，你點睇？

謝謝！

龔成老師︰

其實佢地下跌的原因，第一，市場之前預期得太好，現時出來的業績與業務合理翻，股價就會回歸理性，第二，之前貴，因為之前新經濟股熱炒，而市場情緒正常翻，股價就會回落。第三，一些監管問題，近期中央對科網企業的監管增加，影響了這些企業，所以股價自然下跌。

簡單來說，企業長遠質素無變，只是之前市場預期得太好，現時理性翻。

上述都是有質素的股，你可以持有，只要不過多就得，但就要留意股價會較為波動。

比亞迪（1211）2021年首季收入，相較2020年首季增長逾1倍，接近410億元人民幣。

收入增長幅度雖然強勁，但要留意2020年首季，全球經濟活動，正受肺炎疫情嚴重影響，令集團收入大幅下滑。

因此，今季收入出現較大幅度增長，很大程度是由於2020年首季收入的基數較少所致。

其實整個2021年首季業績，大致上算合理。

緊記，我地分析時，最重要是長遠的企業發展。

集團在新能車發展上，賺錢能力依然維持強勢，未來當技術、市場規模、成本控制等有利因素慢慢出現下，賺錢能力會進一步提高。

我估值上，暫時維持不變，月供最好$150才開始。現價月供風險有少少高，如果你有一定貨，最好停一停。如果真係好想供，必需控制注碼，只能好小注。

至於直接入貨，建議等回到去翻$120這個較合理水平，才作考慮。

而美團點評（3690）有潛力的，過往一直虧損，到近一年，開始有正現金流，這是一個實質的利好因素，因為之前一直在燒銀紙，現時初步見到成效，不過，估值的方法好虛無，因為現時的市盈率仍過百倍。

美團這類股票，如果有利好消息，佢可以上好多，但如果估值修正，股價可太跌。

近期中央政府有不少新監管政策出台，令不少大型企業，包括美團的風險都高左。所以，近期股票回調，相信部份是這個原因所致。

只可以話，潛力是有的，現價唔算平，之前明顯貴，之後回翻好少少，大約合理區頂至略貴。若你想投資，一定不能大注。先小小注或者月供，會是較好的做法。

而阿里巴巴(9988)，現價算係合理區中上部。你已經有貨係手，如果你資金好充裕，現價都可以加1小注，並長線持有。

------------------------------------------------

Q21540：

龔sir你好啊！真心覺得你講嘅野好inspiring！每日上Facebook第一樣就係睇番你嘅post! 夜晚就咪你嘅書！我有幾個問題想請教你 唔好意思有啲長。

1）請問你會唔會開weekend班？平日夜晚要照顧小朋友無辦法出嚟 唔知有無機會有啲上幾日嘅星期六班呢

2）我今年38歲 我諗住用以下比率砌個portfolio 一半資金用月供形式買入其餘等跌市 你覺得呢啲股票適合嗎 會否太散亂？

平穩增值
2800 (20%)
66 (10%)
1928 (10%)
VOO (10%)

潛力
3067 (10%)
QQQ (10%)
ARKK (5%)
1801 (5%)

9698 (5%)
916 (5%)
1448 (5%)
1177 (5%)

3）因為我想分散風險 所以想將部分資金投資美股 我應該如上咁買VOO QQQ ETF 定買美股嘅基金 佢哋主要分別係咩？我睇過ETF回報好啲同手續費應該平啲

4）因為計劃3年後回流澳洲 之前滙價低時買咗啲澳紙 佔資產大約15% 我應唔應用部分澳紙，去供澳紙結算嘅基金？

龔成老師︰

1) 我間中都會開星期六班的，通常一年開1、2次，星期六下午時間。

下次可能在今年年尾。

你或者可以預早留位，只要whatsapp 55457212我同事，打「留位星期六班」就得。我地有具體資料就會 whatsapp。

2) 以你38歲計，這個組合選股都可以。數量有少少多，你要留意翻你供咁多隻，會唔會每隻分配倒的月供資金，其實唔多。

因為你每隻供款越少，變相月供費用佔比重就越大，會影響到你長線回報。

如果每隻供款額係好少(例如少於HKD1000)，最好你就供少幾隻，將佢地集中D，去調低月供成本比重。

3) 你照月供VOO和QQQ就可以。

Vanguard標普500指數ETF〈VOO〉，是追蹤標普500指數的ETF。QQQ則是追蹤納斯達克100指數，同時不錯的月供選擇。

至於美股基金，你要睇翻佢當中的投資項目，因為每隻基金都可以好唔同。

你可以衡量基金的投資策略，所投資的資產類別、投資策略、風險程度、市場、以及過往的表現(可以睇佢過往5-10年，如果回報係比主要投資市場高，有機會值得繼續投資)。

4) 我地重點都係睇翻隻基金的質素和回報，如果有投資價值，都可以考慮動用這筆澳元作投資，但就不要為投資而投資。

另外，由於你尚有3年才會用這筆資金。如果佢金額比較大，我建議你都先將部份，換成港元去投資增值，咁會較有利。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【2020/11】境外基金交易排行榜Top10

#股票型基金
申購排名
1　貝萊德世界科技基金　　　57億
2　摩根美國科技基金　　　　54.5億
3　聯博永續主題基金　　　　44.32億
4　安聯AI人工智慧基金　　　43.6億
5　摩根中國基金　　　　　　43.08億
6　聯博美國成長基金　　　　40.48億
7　摩根士丹利美國增長基金　37.39億
8　法巴能源轉型股票基金　　33.04億
9　貝萊德世界黃金基金　　　28.89億
10　貝萊德世界能源基金　　 28.49億

贖回排名
1　貝萊德世界能源基金　　　66.34億
2　摩根美國科技基金　　　　52.96億
3　貝萊德世界科技基金　　　45.79億
4　聯博美國成長基金　　　　36.3億
5　安聯AI人工智慧基金　　　30.49億
6　摩根中國基金　　　　　　28.13億
7　摩根美國企業成長基金　　27.94億
8　富坦生技領航基金　　　　26.03億
9　摩根士丹利美國增長基金　23.73億
10　貝萊德世界礦業基金　　 23.15億
　
　
#債券型基金
申購排名
1　NN (L) 新興市場債券基金　　　97.52億
2　聯博全球高收益債券基金　　　92.23億
3　鋒裕匯理基金新興市場債券　　78.19億
4　聯博美國收益基金　　　　　　48.39億
5　鋒裕匯理基金策略收益債券　　　39.46億
6　摩根環球高收益債券基金　　　　29.14億
7　PIMCO多元收益債券基金　　　　24.92億
8　貝萊德美元高收益債券基金　　　23.82億
9　富坦新興國家固定收益基金　　　20.86億
10　PIMCO全球債券(美國除外)基金 20.84億

贖回排名
1　聯博全球高收益債券基金　　　93.23億
2　鋒裕匯理基金新興市場債券　　66.72億
3　NN (L) 新興市場債券基金　　　53.58億
4　富坦新興國家固定收益基金　　　49.1億
5　聯博美國收益基金　　　　　　　47.05億
6　摩根環球高收益債券基金　　　　28.25億
7　鋒裕匯理基金策略收益債券　　　27.12億
8　PIMCO全球債券(美國除外)基金　26.53億
9　富達美元債券基金　　　　　　　23.1億
10　PIMCO全球債券基金　　　 　　23.04億
　
　
#平衡型基金
申購排名
1　安聯收益成長基金　　　　　190.64億
2　PIMCO動態多元資產基金　　16.76億
3　摩根多重收益基金　　　　　　7.84億
4　貝萊德社會責任多元資產基金　7.76億
5　貝萊德環球資產配置基金　　　5.8億
6　富坦穩定月收益基金　　　　　5.78億
7　摩根亞太入息基金　　　　　　4.18億
8　安聯東方入息基金　　　　　　2.25億
9　聯博全球多元收益基金　　　　2.19億
10　施羅環球股債增長收息　　 　 1.78億

贖回排名
1　安聯收益成長基金　　　　　　　207.45億
2　摩根多重收益基金　　　　　　　23.58億
3　貝萊德社會責任多元資產基金　　10.49億
4　富坦穩定月收益基金　　　　　　7.2億
5　PIMCO動態多元資產基金　　　　7.16億
6　貝萊德環球資產配置基金　　　　6.49億
7　聯博新興市場多元收益基金　　　5.57億
8　聯博全球多元收益基金　　　　　5.26億
9　富達全球多重資產收益基金　　　3.73億
10　摩根亞太入息基金　　　　　 　3.39億

【龔成問答信箱】（Q17701-Q17720）

Q17701：

老師你好，一直是你的粉絲。
看了你最新50優質潛力股，發現你推介的

1.太古地產
2.深圳高速公路股份
3.港鐵公司
現在因受疫情影響，股價跌左
現在我25歲，辛苦地儲下36萬
（運用你的收入-儲蓄=支出）

所以想請教一下你：
1.值得現在all in3隻股票嗎？

2.我的投資組合應該怎樣？

3.還是有其它股票/意見給我？
再一次感激你寫的書本，因我都是公屋出身，令我覺得投資讓人生有希望。

龔成老師：

1）上述3股都是有質素的股票，但考慮到最新的疫情與經濟，這刻只能視佢為合理區中下部，有投資價值，但不能全部資金投資，你以分注投資模式較好。

相信中短期仍會弱，而長遠就差。

2）你可以建立一個平衡的投資組合，上述的組合可以在其中，但不能唯一，否則，你會好集中在「受疫情影響的類別」。

建立一個平衡的組合，是管理風險的重要一步。

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。

你可以考慮盈富（2800）。

另外再加銀娛（0027）、恆基（0012）、中銀（2388）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：阿里（9988）、騰訊（0700）、港交所（0388）、舜宇光學（2382）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

3）加油，起點不等如終點，好多野只要肯努力，都是可以做到的！

------------------------------------------------

Q17702：

成哥你好 小弟30歲 出黎社會工作斷斷續續已有12年 一個標準月光族 直到最近開始留意你FB 多謝你令我醒覺左好多野

我對股票完全係零知識 有關財經的更加不用說 完全唔識同唔明 完全無從入手 但最近我都有買你2本書開始睇

80後百萬富翁同80後2百萬富翁 我想問就係對於我呢D對呢方面乜都唔識既人

應該由邊一方面入手會比較好? 睇多D入門既書定還是去上1D基礎班?書有介紹嗎 謝謝

龔成老師：

你要做三樣野，第一，增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。《股票勝經》適合初階者的。

第二，了解銀行及證券行，去開一個證券戶口，並準備做月供股票。

其實兩者都可以，銀行就較方便，但手續費就較貴，證券行收費就較平。你可以先了解下不同的收費。

第三，將每月的部分資金，去做月供股票，供盈富（2800）。對初階投資者來說，月供股票是一個很好的累積財富方法，因為可避免你一次過在高位買入的風險。

原理如同儲錢，不過就不是儲現金，而是儲股票。計劃要長期進行。

另外，盈富是一個組合，適合絕大部分人投資，風險不高，長期儲貨可助你財富平穩增值，記住要長線持有。

如果可以的話，我建議你每月供$3000-$5000，當儲下錢。

當你在做上述三件事的同時，開始學下股票，了解下那些股票適合你自己。上述只同你簡單供盈富，當你過幾個月，有知識及少少經驗後，就可以利用你手上的資金，其中一部分，去投資股票。

另外，我的「股票班」都適合初學者的，因為整個課程的設計都是針對初中階投資者的，課堂頭3堂都是初階的內容，只要你課後好好溫習，能跟到之後的內容。

每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

另外，你上課之前，多睇理財、股票類的書，留意一下財經新聞，到時就較易跟到。

------------------------------------------------

Q17703：

龔成老師， 之前買落匯豐0005同 中石油0857, 貪佢地定期派息。。。 依家兩隻都跌左差唔多一半。。。

係咪應該止蝕賣左佢地啦？ 我怕佢地再跌到時渣都冇。。。

龔成老師：

匯豐（0005）暫時唔好有特別期望，你可以當佢長遠是收息股（中短期則無息），而股價增長有限。如果這股佔你組合太多，可以等經濟好翻D時，股價上翻D時，賣出部分，平衡翻個組合，你預股價上翻去不易。

至於中石油（0857），商品企業，這股不是無質素，但賺錢能力被動，唔會持有太多。你可以等經濟好轉，油價都會上翻D，到時先賣，這股唔會永遠下跌的，不過中短期都唔好有太大期望。

------------------------------------------------

Q17704：

你好， 龔成老師， follow你的facebook一段時間， 但是我還在學習中。

首先介紹自己小小背景， 我因為需要照顧屋企，所以上年開始放棄了月薪大概二萬多的工作。

辭職時只儲了好幾萬，之後一直做一些簡單的part time，到而家存款已經用盡，因為疫情工作而減少 ，現在變了月光族。

現在每月收入大概八至九千（因為一個月只可以大概返十幾日工， 其他時間要照顧屋企）， 每月畀家用，卡數，保險大概用6000。希望計劃在穩定之後能做一些能夠承受的風險的投資。

明白而家暫時狀況比較差， 但也希望在這些多餘的時間開始學習投資。

老師，請問我之後應該向哪些方面 入手才對， 我現在開始留意一些優質股，但也感覺需要一些入場費較低的股票開始。

有朋友教我牛熊，但我因為不熟悉意比較怕嘗試，看來風險也比較高。 所以藉此希望老師能夠幫助我，能夠給我一些建議。 真係非常感激!!

龔成老師：

我地不是炒賣，不是賭，是「理財」，在資源的有效運用，在可承受風險的前題下，去爭取回報，因此，牛熊證並不建議，高風險投資，也不適合你現時的情況。

這刻你要做的，不是心急投資，而是做好基本的理財，例如收支平衡，儲現金，投資就不用急。

你要想想怎樣增加收入，以及在家庭上，取一個平衡點。例如找一些時薪較高的兼職。試下一些在家也能產生收入的工作。

下一步就是建立儲蓄，唔好停在零儲蓄的狀態，這好危險的。你做好這些先，之後先慢慢投資。

------------------------------------------------

Q17705：

你好，龔sir ，想請教一下，2800 未持有貨，如現在開始月供投資，咩價位先入得，定係無所謂，每個月定左一日月供嘅日子就照買就可以呢？

另外，14, 939, 1310, 1810, 2800，30萬資金，選擇兩至三隻供股，應該點選擇好，同埋係咪一次過將資金買入，定還是都係每個月入一手，用平均買入方法，感謝

龔成老師：

盈富（2800）現價合理，已經可以開始進行月供，只要你保持長期進行，同時唔好用盡現金就得。

至於另外4隻股，都是有質素的，你可以月供月供，或分注入（建議你同時持有，這可以有分散風險的作用）。

另外，唔建議一次過用盡資金，最好用分注模式，例如每月一手，又或月供，去進行。

------------------------------------------------

Q17706：

你好龔sir, 我而家做銷售員，但技巧唔好，同時，屋企有生意，可能日後有機會加入。

我想問下有冇方法可以令到說話圓滑d，同埋我應該繼續鍛練下先定係去幫屋企人手會比較好?

龔成老師

你應該繼續做，這是一個好好的訓練，無人一開始就識，但你可以不斷與習，之後就會做到。

你最好同時出去上下堂，一些教說話及銷售的課程，然後不斷將公司作為實戰場地，對你的進步會好大。

如果你有睇過《富爸爸，窮爸爸》這書，作者都有講過，佢自己最初都唔識說話技巧，但明白要做大生意，一定要強化這方面，所以佢去在大公司做銷售員，一做就做了4年，目的只有一個，就是訓練。佢最最初一個好差的銷售員，差D被人炒，去到最後成為第一銷售員，用了4年時間，當佢做到第一，明白已達到目的，所以辭職。

我相信你現時是一個訓練，目的是將來的生意，你要唔怕錯，多練習，大膽做，這樣會進步得好快。

------------------------------------------------

Q17707：

成老師，您好，本人係住澳門~已經follow左你一段時間，多謝你一直以黎ga分享，我明白到月供ga好處，但係係澳門月供手續費不太划算。我而家持有下列ga股票，希望你有時間可以俾d意見：

2800 3手 平均26.28
9988 1手 188.5
1928 1手 30.25
1398 2手 平均5.34
3688 11手 平均3.568

本人30歲，準備同男朋友結婚，幸好有男朋友屋企人幫手，住ga方面唔需要擔心。

我手上可動用ga 資金大約係hkd23萬，我應該繼續買上面ga股票好，定係考慮買其他股票，就好似你提過ga比亞迪、小米、希慎、領展，佢地而家ga價位可唔可以入？咁樣買又怕唔怕股票太散？

我已經持有3688 2-3年，但一直未見佢有起色，所以就冇做任何動作。請問龔老師對於3688有咩意見？

感謝你的意見

龔成老師：

萊蒙國際（3688）質素只是一般，最好找機會賣出。至於其他股票，都了質素，可長線。

至於你手上的資金，可以買入盈富（2800）及其他股。

領展（0823）可以分注投資，至於比亞迪（1211）就等回多D先。小米（1810）這刻小注都可。

你可以以盈富作核心，同時配以5-10隻股，這已經是一個平衡的組合。暫時你可以動用$10萬，分注投資，餘下就留現金。

------------------------------------------------

Q17708：

老師，我本身月供緊2800, 與2822會否重叠呢？

如果我一手手買2822, 什麼價位可以開始入？
謝謝！

龔成老師：

會有少少重覆，始終部分都是中資企業。

不過又唔需要太過擔心，因為始終是組合，當中有多隻股票，因此風險的集中度有限，因此，仍是可以繼續，但你要明白會較集中在中資類別。

南方Ａ５０（2822）現價合理，其實已經可以分注投資，只要你同時留有現金就得。

------------------------------------------------

Q17709：

老師，我21歲，大學生，未有儲錢習慣，每月有兼職收入$4000左右，第一次接觸股票，想試下月供2000盈富，請問依家呢啲時勢買唔買好？

我唔係太有股票知識但想盡快儲資產，同埋，除左盈富 會唔會有其他選擇？公用股會唔會好啲？用黎收息？建議咩時候買好？萬分感謝老師

龔成老師：

你利用月供盈富（2800），都是一個很好的儲蓄方法，但就不是儲現金，而是儲股票。

現時盈富在合理區，你可以開始進行月供，每月$2000可以，如果可以的話，最好每月仍能有少少現金剩，等你可以有現金在手。

盈富是一個50隻股的組合，因此比其他股適合你。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股只能小注。

我建議你暫時只供盈富，到你之後有更見知識及資金，先加入其他股。

------------------------------------------------

Q17710：

龔sir，我今年24歲 月入萬八 因為自己搬出去住又要俾原本家用 每月大約儲6000 現有以下投資組合

683 嘉里建設 [email protected]
572 未來世界金融 [email protected]
1972 太古地產 [email protected]
1558 東陽光藥 [email protected]
14 希慎 [email protected]

(A) 請問以上投資組合有何建議？

(B) 請問1972仍有投資價值嗎？現價是否合理區中下？本人打算短期收入主要供這股票。

(C) 請問如果覺得盈富太保守的話，現在有其他價格的潛力股推薦嗎？萬分感謝

龔成老師：

A）並不是無質素，但地產相關股較多，之後宜增加其他股。

未來世界金融（0572）年年虧損，無持有價值。

你可以增加盈富（2800）及其他股，小注新經濟股都得，以平衡組合。

B）有價值，中短期會較弱，但長遠無問題。這股可以持有，但就要留意地產相關股較多。

C）如果想增長力高少少，可考慮：阿里（9988）、騰訊（0700）、港交所（0388）、舜宇光學（2382）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。最好當然等佢地回翻D先買。

------------------------------------------------

Q17711：

你好龔sir ，投資經驗只有數月

我25歲 手上持有1810 2013 及1076
前兩者都只有一手 看過你不少的評述都表示優質股可以
長線投資
所以現階段而言應該都會先繼續持有

較想聽一下龔sir對1076的見解
0.42買入 感謝

龔成老師：

小米集團（1810）持有無問題，微盟集團（2013）雖然有潛力，但現價唔算平，股價波動，你要明白風險。

至於博華太平洋（1076）生意下跌，持續虧損，投資價值無乜，賣出較好。

另外，雖然你年輕可進取少少，但由於你投資經驗不多，唔建議太集中在潛力股類別，最好同時持有平穩增長股，建立一個較平衡的組合。同時，要留有一定的現金。

------------------------------------------------

Q17712：

我是剛到社會工作，月薪約一萬四，同朋友合租屋我需付三千五，剩餘寵物開支及自己開支，每月供銀行儲蓄計劃若供六百。

我想增加我的財富，請問我月供 盈富$1500 港鐵$1500。你認為可行嗎？謝謝你

龔成老師：

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先。

如果想優化組合，你可以月供盈富（2800）$2000、港鐵（0066）$1000，這樣會較平衡。

另外，以你的年齡，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q17713：

請問老師，點解要月供盈富嘅？如果月供類似煤氣會唔會好回報過盈富？

另外，我之前比較散亂嘅股票組合，質素不算差但又股數不多的，是否都應該繼續放著？

另外，之前你提議餘下資金做定期，但有感定期回報低，若轉做大額債券（10厘）會是一個好選擇嗎？

另外除了買債券外，若投資一些高質美股如google Amazon 等會是好選擇嗎？（見長升長有）

龔成老師：

盈富（2800）是一個「組合」，當中有50隻股票，能產生平衡組合風險的作用，因此比起單一股票，盈富是較好的。

我地投資，一定是「先想風險，後想回報」。

算差但又股數不多的，其實最好都賣出，不過有D股如果你覺得賣唔賣都一樣，就持有住先，但絕對唔好增持。

債券如果有10%，反映背後有一定的風險，世界沒有免費午餐，你要明白這點

另外，你在組合中加上一些優質美股，可以，只要金額唔太多就得，因為部分並不便宜。

------------------------------------------------

Q17714：

龔老師您好，本人31歲，自顧人士，月入6萬，月儲4.5萬，無物業無置業需要，但不抗拒買樓投資。現有資產如下，希望可以給予意見：

港幣現金　85萬

人民幣定存　50萬rmb

美金 1萬usd

美元債劵基金（派息）　1萬usd，3.7厘回報

安聯澳元對沖基金（派息）　5萬aus，7厘回報

股票　現市值155萬

0002（中電）　　 460股

0019（太古）　　 1,000股

0027（銀娛）　　 2,000股

0066（港鐵）　　 6,000股

0175（吉利）　　 7,000股

0388（港交所）　 300股

0435（陽光地產） 10,000股

0737（彎區發展） 4,000股

0753（中國航空） 18,000股

0788（中國鐵塔） 32,000股

0823（領展） 　　 1,400股

0868（信義玻璃） 2,000股

0883（中海石）　 11,000股

0941（中移動）　 1,500股

1299（友邦）　　 800股

1810（小米）　　 600股

1928（金沙）　　 2,000股

1972（太古地產） 2,000股

1997（九倉） 　　 1,000股

2318（平安）　　 1,000股

2388（中銀香港） 1,400股

2800（盈富） 　　 1,000股

3328（交通銀行） 12,000股

3988（中國銀行） 20,000股

9988（阿里巴巴） 100股

(1) 記得龔老師說過股票組合儘量維持15隻以內，我應如何從新組合較好？

(2) 銀紙近來貶值很快，但樓價也很高，買樓投資合適嗎？我應該放置多少資產在物業較為恰當？

龔成老師：

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

你31歲，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股只能小注。

因此，派息基金、債券、收息股（2、19、737、941、3328、3988），以你的年齡來說，未必太適合，或者只宜投資小部分。

1）你的組合的確太多，你要從「優質度」著手，減去部分股，除上述收息股外，你可考慮減753、883。

你要好好分析長遠的投資組合結構，唔好太急去買貨。要建立一個「長期的組合」。

2）如果可以，最好做到股票平衡，持有物業要有，但唔好因為這動作而令你無晒股票與現金，因此你可以考慮一些細價樓。

------------------------------------------------

Q17715：

老師，你好，我最近開始閱讀你既作品《80後百萬富翁》，《股票勝經》，《財務自由行》，你講得好啱，我地買入股票應視為買入一間企業，公司。

我就黎34了，我早幾年開始買股票，同好散戶投資者一樣，虧損收場，賬面已損失15萬左右，以下係我之前買入既股票，希望老師能夠幫我睇睇，有邊啲可以留底，邊啲最好賣出，謝謝老師

000001 長和 $75.3買入3000股
000002 中電 $72.4買入500股
000066 港鐵 $38.8買入500股
000435 陽光 $6.23買入12000股
000981 中芯 $35.15買入1000股

001011 泰凌 $4.54買入500股
001038 長建 $39.2買入500股
001448 福壽園 $7.5買入1000股
001716 毛記 $4.3買入4000股
001972 太古 $17.62買入2000股
006886 HTSC $17.787買入3000股

老師，請問以上咁多隻股，有邊啲可以留，邊啲可以繼續持有啊？希望老師解答，謝謝

龔成老師：

決定我地繼續持有一隻股票與否，最重要是「業務與質素」，買入價只是一個心理因素。

泰凌醫藥（1011）年年虧揚，加上核數師報告有問題，賣出較好。

毛記（1716）要上翻去較難，之前明顯估值太高。暫時睇發展力一般，如果股價上翻D，可考慮減持或賣出。

中芯（0981）相信是你最近買入的，這股業務雖然有增長力，但估值貴，上翻去最好賣出，同時唔建議持有太多。

至於其他股，就持有住先，有得守。

你最近買入中芯，反映你的投資行為有問題，出現了「跟風熱炒」的情況，之前的毛記都是一樣，相信你會較關注市場近期多人買賣及討論的，而這些股，往往都是估值過高，已經被炒起。

所以，你之後應該要學識自行選股能力，而不是投資近期多人買賣的。

------------------------------------------------

Q17716：

龔成老師，最近因為香港經濟政治都不穩，我又未買過股票，所以之前一直猶疑不決。現要的起心肝先投資爸爸的退休金，但買之前仍有問題：

1. 用銀行／證券行買收息股會有大分別嗎？如果長線投資和一年只交易幾次(?)

2. 之前你回覆「50萬以股息率6%計，每年可以為你爸爸增加6萬現金流」，我不明如何計算，50萬x0.06,不是只有3萬嗎？

3. 以息率和派息穩定作比較選股是否足夠？例如燈息率是4.04%，而你書中也有介紹中電，現在息率是4.25%。表面上中電較高息，業務也較穩賺？另息率只有4點幾值得投資嗎？

4. 你也推介了置富(息率7.56%)／陽光(息率7.17%)，地產是否仍然投資得過？當中零售對兩隻股票都佔比重，這令我擔心。而我對置富較有信心，因為做屋苑商場好像會較穩定？

5. 80萬退休金中，我想先分注入50萬，下面的比例合理嗎？現在每隻股先入約2-3萬／一手，還是可以加大力度？

-港燈 $20萬
-置富 $20萬
-工行 $10萬 (但工行剛於今日派息，且一年只派一次，是否無須急於買入，還是趁低買入？)

除左上述，我想追加兩條問題關於我自己投資，現有儲蓄$10萬可用，加上每月儲約$8000, 初步想月供以下股票：

盈富$5000
港鐡$3000

但想問以現在價位可以先各入一手，加快入貨嗎？ 謝謝！

龔成老師：

1）最主是收費的問題，銀行一般會高少少的，你最好問清楚收費，而香港監管不差的，基本上都穩陣。

2）應該是我計錯，$3萬才是正確。

3）其實你可以同時投資這兩股，都有質素的。

4）都可以投資，但你最重要是建立一個平衡的組合，同一行業佔比唔好太多，如你計算後較多，宜減少少。

5）這幾隻股都可以投資，但要分注，慢慢入，唔好急，同時要留意單一股票佔比。

你最緊要計算「總股票組合，與每一隻股票的比例，如果單一股票去到2、3成，就是過多」，例如你長遠會設計的總股票組合金額為$100萬，而一隻股票佔$20萬，這就是上限。

6）這兩股都可以長期月供的，如果你這刻現金較多，就可以買一手先。

------------------------------------------------

Q17717：

老師我想代朋友問問一個問題，因我解釋得很表面，不像老師般深入解釋，令他仍處於沉思的局面。

我想問的是，在盈富基金中的一個問題。假設我在＄20價位買入，當然這優質股長期向好，會持續平穩增值，例如到＄30價位等等。

我朋友問我股價時升時跌時如何賺錢的？當如在＄20價位買入一手時，但遇着大跌市時可能跌到＄15價位

那當中是否等於輸錢？（假設）他明言知道來緊數月將有大跌市的情況出現，那當時就不用急入一手盈富基金，取而代之是在跌市時分注買入，這樣做法對嗎？

他不太清楚股票分別賺在哪裏，不論平穩增值股，潛力股不知賺在哪裡，他只知道收息股例如買港燈有穩定的現金流。

希望老師指教一下，讓我可解答他的問題，謝謝！

龔成老師：

買入價$20，升到$30再跌到$15，如果在$15賣出，的確有虧損。

問題是，我地能否知道，在$30之後，會否升到去$40？

我地會偏向長線投資，因為優質股長期會向上，同時，我地都會配合「平貴」去分析，在適當的位置，如果見到貴，都可以賣出。

太多散戶著重中短期買賣，例如我多年前做銀行，見證了大量散戶在$15-$18買入港交所（0388），可惜，有95%的人，在$20賣出，有99%的人，在$30賣晒！

其實佢地原本都可以賺到幾百萬！但就因為認為賣出後會跌能再買翻，所以升少少賣出，因此，長線投資是好重要的。

至於你話佢「明言知道來緊數月將有大跌市的情況出現」，我過往做了10年銀行與證券行，聽到了大易散戶說自己懂得分析走勢，到最後絕大部分都錯。

就算巴菲特都話，佢無能力預測股市，但一般散戶卻認為自己強過巴菲特？？

至於不同的股票類別，你要解釋，股票就是企業，不是數字，如果這點都不明白，就好難再投資。

------------------------------------------------

Q17718：

老師！我一直有留意1211 同1177
由36蚊睇到而家80蚊(1211)
都無買到，而家仲係合理價嗎？

1177你講話而家仲偏貴，所以遲遲未入。

2800已經有月供緊
多謝老師，呢一年因為你，我人生改變左好多

我睇到希望同財富。

琴日睇左你嘅好書推介，急不及待要買黎睇！

龔成老師：

比亞迪（1211），現價已在合理區頂，值博率已不高。

如果你想進步，可以細心思考下自己的心理。你過往的行為，反映你投資策略做得不夠好，你往往等更平的價，但心理上去到該價出現恐慌，最好的做法是設計一套投資策略，例如預定好投資組合的比例，計定入市價位與策略，而不是見步行步。另外，月供股票其實都好適合你的。

至於中生製（1177），現價仍略貴，如想投資，月供好了。

暫時，你保持月供盈富，如果想組合有增長力，都可小注月供上述兩股（小注好了）。當然，你同時要留有一定的現金在手。

你要保持進步，財富都會穩步向上。加油！

------------------------------------------------

Q17719：

龔成Sir,因我還未懂計算估值,有感現時香港經濟環境係近10年最差,我反而覺得係機會,我現時資金股票比例係50%/50%,我儲左10年資金先儲到100萬

我覺得而加經濟唔好係一個機會,我今年都唔細34歲了,我想問來緊應唔應該張股票比例增加到70%-90%?會唔會太過進取?

我偏向平穩增值股+潛力股,謝謝你回覆!

龔成老師：

對，經濟不景反而是投資機會。

你現時現金約50%，如果出現大市下跌，要好好在這經濟週期中好好運用。你平穩增值股+潛力股，這方向正確。

我會建議你潛力股，上限去到70%，除非出現好明顯的機會，就提高到80%。

加大組合潛力的心態，是正常的，但投資需要理性與冷靜財不入急門，要小心取平衡。

------------------------------------------------

Q17720：

龔sir 您好！我懷疑自己中了股票騙局⋯⋯
我購入了0660瑋俊生物科技 (HKSE)，高位估唔到，依家不斷暴跌！好想請教我應該現價全沽 還是等？跪求指引！不知所措中...

龔成老師：

瑋俊生物科技（0660）在過往的核數師報告中，出現了「修定報告」，字眼，雖然不代表佢盤數有問題，但都反映盤數「有dd古怪」，這類股，通常都會小心。

另外，佢年年虧損，基本上無投資價值，賣出較好。

如果是一位你從未見過的網上「朋友」，推介你買，仲叫你買完後影相比佢睇，就一定是騙案。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。