【 有片睇！／七師傅真人發聲 】 _ 正所謂人走茶涼，節目播完？當然唔會有人再講。過去兩個星期，ViuTV擁躉和「鏡粉」熱烈談論的是《幫緊你應援團》，但還記得之前熱播的《七救星》嗎？還記得「家家有本難唸的經」與「七連閃電鞭」嗎？唔記得，係正常嘅，（但見到三位主持一齊合體拍 @deliveroo_hk 廣告呀！）何解又要在此時此刻發布這段〈七師傅真人發聲〉短片呢？事緣早前為了撰寫《七救星》的收視三連霸報道，經「小立子」陳安立幫忙下，收到「七師傅」七仙羽的WhatsApp短訊回應，按照慣常做法當然是師傅講乜我打乜，豈料讀者群情洶湧，紛紛留言，有的說：「我發現我一路睇7cfu段回應，一路個腦會自動配咗7cfu講嘢聲？」亦有人話：「睇到去師傅段訪問自然轉咗Tone！」甚至有人讚我好嘢：「七師傅講嘢唔算好正，仲要將佢說話變成文字，少啲理解力都唔得！」有咁誇張咩？ _ 必須強調，七師傅雖有口音，但絕對不會聽不懂，而且聽完相當開心，於是睇字已如此高興，睇片不是更合皮嗎？遂諮詢剪片師的意見：「你覺得好唔好將短訊回應變成短片，等讀者睇得開心啲？」對方秒回：「梗係好！」於是經過一番努力，將錄音短訊剪輯成一分鐘內的短片，讓大家能夠聽到師傅真人發聲。新時代下，經營媒體實在不能只靠文字，所以未來日子，像這種短小精悍的訪問短片會陸續推出，請大家繼續支持，師傅愛你！ _ 剪接： @woodeastung _ （20092021） _ #游大東影視筆記 #游大東 #七救星 #七師傅 #ViuTV #陳安立 #王頌茵 #力圖打排球 #師傅愛你 #20092021 #收視 @weare_p1x3l @georgeau.8 @phoebus_ng @imarco_p1x3l #七連閃電鞭 @smallfatfat @linkuen13

I really miss the feeling of running around the event venue and say hi to everyone in every corner, thanks again for coming to the Water World preview!! 😍🏄🏻‍♂️💦🌈😃 @allan.zeman @tinming7471 @janetchowkawai @andy3think @gordon2ok @kayeepo @bluebanana8 @toby_yanyan @winsonks110 @dc__hk @vivianlaisuiyan @alisonelazar @mammachewy @matyeung @jacquelinchng @lisa_chng #楊明 #莊思敏 #莊思明 #洪天明 #周家蔚 #陳安立 #陳庭欣 #譚嘉儀 #葉泓聲 #盛智文 #黎瑞恩 #旨呈 #曾昭亮 #曾昭怡 #mattyeung #jacquelinechng #lisachjh #timmyhung #janetchow #gordonip #vivianlai #kayeetam #WaterWorldOPHK #SplashintoAdventure #365DaysAllWeather #海洋公園水上樂園 #探索自然激浪無限 #全年365日全天候開放 #numberonepr @waterworldoceanparkhk @mingwai.lau @hkoceanpark @numberoneprhk

【《七救星》ViuTV周一至周五收視三連霸 】 _ 無綫電視公布的最新一期收視報告，已於周一（6/9）出爐，縱觀傳媒、網媒或KOL的討論焦點都落在上周六（4/9）TVB以「食老本」的《兒歌金曲Summer Fest》大戰ViuTV「食正奧運餘溫」的《力圖打排球》，兩個節目同樣於晚上八點半播出，結果前者只得11.7點慘勝，而後者則獲得5.1點成為全台收視冠軍。 _ 其實還有甚麼好講呢？要不是大台勉強來說還有「慣性收視」（或固執地不肯轉台）這條「三斤釘」，無論節目包裝和演出陣容考量，《兒歌金曲Summer Fest》根本不應製作。雖說橋唔怕舊，最緊要受，問題在於，本地「兒歌」幾已「絕種」起碼十年，那夜歐倩怡唱的《問題天天都多》或者滕麗名唱的《魔法咕嚕咕嚕》，都是八、九十後的集體回憶，而這班人，今天都已經三十幾四十歲，但這個節目卻用上90年代《兒歌金曲頒獎典禮》的花紙包裝，今天的細路仔怎會有共鳴？反而製作團隊有勇氣以《流行經典50年 ─ 兒歌之夜》（2017年9月《流行經典50年唱爆周末》已試過，那集極受歡迎，網上討論度高），說不定收視會比現在多一倍。 _ 做人跟做電視台一樣，最緊要知道自己定位，誠如近日人氣急升的「七師傅」七仙羽一樣，憑其超級神秘背景，加上強烈的個人風格（半鹹淡廣東話、說話方式時而呆滯時而直接），配合「風水師傅」這個身份，令她成為ViuTV主持的《七救星》最難以抗拒的賣點。最初看《七救星》，的確不太掌握得到節目的定位，再多看幾集，才知道那是一個頗為踩界，結合玄學、惡搞、爆笑、真人騷於一身的時尚心靈輔導綜藝節目，每位應邀出席的藝人，都有自己的孽障需要解決，可以是爛桃花，可以是妹仔命，可以是冇發達，只要七師傅出手，問題自然迎刃而解，但關鍵不在於師傅用上哪些招式，而是嘉賓有沒有認真看待自身問題，解開自己的心結，令觀眾有所領悟。 _ 參考電視史上較相近例子，《七救星》算是《軟硬製造》（1993）的N代進化版，但今天《七》剛好繼承了《ERROR自肥企画》那種「觀眾硬係覺得呢個節目有啲嘢想講」的感覺，才會令到節目播出後大受歡迎（七師傅的IG粉絲暴升至7.2萬），單單「七連閃電鞭」已經不停洗板，甚至推出後續歌曲《OM7G》（P1X3L featuring 七師傅），只有ViuTV能夠做得到，那是觀眾賦予給Sound Bear的特殊地位，大台無法複製，難怪節目於8月16日播出以來，收視愈升愈有：3.8、3.9及4.2，連續三個星期成為99台周一至周五黃金時段收視冠軍，頭兩周更是一星期最高收視節目，第三周僅僅輸給《力圖打排球》排第二。 _ 對於節目播出後收視稱霸99台，「七師傅」透過WhatsApp語音短訊回覆查詢時指，《七救星》拍攝期長達兩個月，正值盛夏，拍外景需要上山下海，長時間曝曬，抵受高溫，加上跟支付寶 @alipayhk 和譚仔雲南米線 @tamjai_hk 的廣告拍攝期重疊，休息不足，相當疲倦，「今日拍完第二日又再拍，係冇時間休息㗎，所以好多時見到我個樣呢，可能有時靚啲，有時殘啲，有時可能肥啲，有時可能瘦啲，次次個樣都唔同，因為有時係捱到病晒，我本身有好多活動，加上每日有好多客嚟搵我，所以係非常之辛苦，但係咁辛苦我都要堅持去做好呢個節目，主要係想帶畀大家多啲歡樂，呢個係主要嘅原因，因為拍呢啲節目係冇錢賺㗎，好少錢，太濕碎，非常濕碎，主要都係為咗帶一啲嘅歡喜、快樂畀香港人，呢個係主要目的，係電視台導演同埋監製嘅共同願望。」 _ 「七師傅」直言，台前幕後都視這個願望為一種布施，只想幫助別人，「我哋就冇諗自己個人嘅得失，冇諗過話我拍完呢套嘢會點樣紅，只係希望呢個節目能夠畀到正能量大家，令到大家歡喜，輕輕鬆鬆咁睇一套戲（節目），開開心心忘記唔開心嘅嘢，減低啲壓力，呢個都係我哋工作人員共同期待㗎，（節目）出咗嚟之後呢，見到大家真係好開心，真係每晚都喺度追睇呢個節目，大家睇完都面帶微笑去瞓覺，都真係改變咗好多人嘅思想，有啲人本身諗唔通呀，或者想自殘嘅，都發咗好多訊息過嚟，話多謝你呀師傅，睇完呢個節目之後呢，睇嘢正面咗，諗嘢開心咗，所以見到呢樣嘢，我哋都係好開心。」 _ 不過，當很多觀眾大叫「師傅愛你」的時候，亦會有人不喜歡，「七師傅」承認有負評，但她不會介意：「都好多人鬧我騎呢，鬧我另類，鬧我神棍，其實呢樣嘢冇問題㗎，我寫咗嗰首歌詞都係咁講：『網民令我成熟』（面對網民會令佢哋更加成熟），大家睇問題嘅角度都唔同，所以大家都覺得我騎呢，我都覺得自己係有少少騎呢，因為你做呢啲綜藝節目，有少少搞笑嘅節目呢，有少少騎呢其實係冇問題㗎，總之大家開心就得，唔使睇呢個節目睇得咁沉重，將佢睇到咁深仇大恨，何必呢？」 _ （10092021） _ #游大東影視筆記 #游大東 #七救星 #七師傅 #ViuTV #陳安立 #王頌茵 #力圖打排球 #師傅愛你 #TVB #譚仔雲南米線 #支付寶 #10092021 #收視 @weare_p1x3l @georgeau.8 @phoebus_ng @imarco_p1x3l #七連閃電鞭 @smallfatfat