懶人包again 連登尋日有個post 「YouTube界始祖宅男俱樂部都因財失意解散埋」 開始有人討論波波同Anson到底做咗啲乜嘢 咁首先簡單整理下幾個point啦 1. 連登提到Ken比波波呃錢 依單我就無證據 亦都唔清楚 2. ken女朋友唔鍾意波波同Anson 依個其實一直有留意Ken女朋友Story就會知道 樓下有好多cap圖全部都係Ken女朋友指出佢唔鍾意Anson同波波嘅各種原因 3. Tony因為波波先離開宅男俱樂部 又睇佢尋日story就知道佢根本唔知波波係邊個 所以應該另有內情 4. Ken為咗宅男俱樂部基本上交咗條命出去咁滯 而Anson就坐等收益 何以見得一個人會咁樣對兄弟？ 5. 不停拍片講夾公仔 就算觀眾講到明唔想睇咁多仍然堅持 為嘅就係鋪路開夾公仔鋪 6. Anson縱容波波透過宅男俱樂部嘅名義食人血饅頭 7. Anson一直諗住冷處理事件 無奈比連登煲大咗件事 焗住出嚟回應 8. Anson打住深黃旗號 但接咗大量蚛蝈製手遊廣告 9. Anson比波波加入宅男俱樂部令到一連串事情發生 回應只係將所有責任推卸去波波身上 以便自己甩身 繼續呃觀眾 10. 連登有分析指出Anson基本上同親邊個合作最後都會反面 可想而知佢為人係點 是咁的 有日ken女朋友開live 唔知有冇人有睇過佢個日個live 都幾耐之前 係佢開live之前曾經有post過幾個story 言語間都feel到佢幾唔開心 Story大概係話有人破壞佢同ken既關係 而個個人係十分之低俗 之後個晚小而開live就有好多人八掛 ken女朋友係live到就用暗號講發生乜事 大家都估到個個有人就係宅男新成員波波 佢係live到講到 1. 佢本身唔鍾意anson因為anson太功利了 2. 但波波出現咗 之後就更唔鍾意波波 3. 其一波波成日叫雞 而佢係一個有家室嘅人 甚至借助拍片嘅名義專門搵啲女觀眾 仲要講到明要求係無男朋友 方便呃蝦條 4. 所以佢覺得波波好低俗 驚ken近墨者黑 5. 波波可以入宅男係因為佢有錢可以供應宅男運作 而波波就想借宅男上位 間宅男所謂嘅餐廳其實只係屬於波波 live之後小而都試過好幾次係story到po證據 （可以睇之前啲圖） 其實如果有一直睇開宅男俱樂部會發現 自從Tony走咗之後 宅男俱樂部啲片越嚟越奇怪 雖然Tony仲未走嘅時候大家都有拍啲食奇怪嘢嘅片 但係永遠都係得Tony同Ken食 而Tony退出左之後 依個情況更加嚴重 成日出埋啲食奇怪嘢食嘅片 而食個個人九成都係ken Anson總係會有唔同藉口總之就唔食 其實成件事好簡單 根本正常人都知道咁樣食法對身體係一定有一定負擔 佢唔想自己搵命博 但係又知道依類型嘅片多人睇 咁咪推啊Ken出去玩囉 又可以有view 同時自己唔會蝕抵 真心你當一個人係朋友會唔會咁樣對佢？ 而去到再後期基本上佢哋啲片得返夾公仔 點解？因為Anson同波波為夾公仔鋪緊路 再已宅男俱樂部嘅名義吸引觀眾去租佢哋嘅機 每部夾公仔機$8000-18000 一個月 另加每月管理費 真係肥過肥仔水 咁當然都可以話依啲你情我願嘅 然後之後ken愈嚟愈少出現係宅男俱樂部啲片到 ken女朋友玩qna都暗示過ken已經退出 大家開始會係啲片到cm問ken去咗邊 但由始至終anson都無出嚟解答 一直到9月 宅男俱樂部直接停止咗活動 由無出片到後期del咗facebook page youtube無咗icon同埋cover photo 大家開始問宅男俱樂部係咪收咗皮 而毫無意外咁都係無人出嚟回應 佢哋抱住個心態就係冷處理 想令事情丟淡就算 而大家嘅家 香港近半年發生緊一連串嘅運動 當中有人出錢出力走去抗爭 但都有人坐享其成 食人血饅頭 想通過依場運動獲得利益 老實講 唔知道anson同波波心底裏到底係藍定黃 但食人血饅頭係毋庸置疑嘅事實 即使佢話自己係深黃 都唔代表佢哋可以食人血饅頭 當時波波同一個男人係宅男俱樂部個Channel到出咗條片 條片叫「你們知道嗎？你們是我們的力量」 條片嘅內容大概提到少女係運動到慘遭黑警爆眼 片中嘅男人會拎貨進行義賣 而波波係尖沙咀開嘅夾公仔店同台主溝通過 波波會免除台主嘅租金 而台主會提供貨物 當日收益會全數捐款比少女 希望幫助佢 咁依個舉動本身係非常之好 但問題就出自於佢哋拍咗條片拎咗個光環 但結果所謂嘅收益去咗邊？佢哋係無提到嘅 咁係唔係食人血饅頭？利用咗大家嘅良心幫佢哋獲利？ 而且佢哋係利用宅男俱樂部個Channel出片叫大家支持 作為宅男俱樂部嘅元老之一Anson 會唔會係毫不知情嘅情況下比波波做啲咁樣嘅事？ 我當佢出片果下 Anson係唔知道 咁佢條片出得街Anson唔會睇唔到掛？ 咁點解佢有得依件事發生？ 直到今時今日發酵到咁樣先走出嚟假惺惺咁回應？ 題外話 覺得大家如果想捐款可以直接捐比星火 612等等嘅機構 唔需要通過其他組織去捐款 始終人心險惡 你未必知道你筆錢係咪真係去咗依啲地方 而Anson自己就打住深黃旗號 的確係有做文宣等等 但同時接咗大量蚛蝈製手遊廣告 例如「完美世界m」 有留意開運動可能都知迖狗賣「完美世界m」廣告比人屌到飛天 深黃？但言行不一？可以點解釋？