【#心源性猝死年輕化 】 ------------------------------- Follow @likemagazinehk | 每日送上優質生活Tips ------------------------------- 台灣藝人 #高以翔 喺內地參與競賽節目錄製時，因心源性猝死，不幸去世，年僅35歲。咁年輕就離世，而且事出突然，令人注視到隱性心臟疾病嘅問題。好多人一直以為，心臟病係老人「專利」，但近年屢次發生年輕人猝死意外，可見心臟病患有年輕化趨勢。 年輕猝死心律不正機會高 「心源性猝死」所指係心臟病猝死，常見2大原因係冠狀動脈問題以及心律不整。冠狀動脈問題中，因心肌梗塞引發心源性猝死佔6成，而且容易發生係半夜至清晨及冬天，但呢種情況常見發生喺長者身上高以翔不過35歲，年輕猝死，有醫生估計應該係惡性心律不整致死。心律不整可分為原發性和次發性。「原發性心律不整」係先天或遺傳，也常合併心臟結構原本就有異常，例如心肌肥厚或心臟瓣膜疾病，導致惡性心律不整；「次發性心律不整」多由心肌梗塞或心臟發炎引起，因為心肌缺血，心臟部分受損，引發心律不整。 黃金1分鐘AED急救存活高 無論係心肌梗塞或心律不整，病發前都沒有明顯症狀，甚至患者根本唔知自己心臟有問題。以為心源性猝死防不勝防？北京大學醫學部、首都醫科大學嘅心血管和重病醫學領域專家指出，其實猝死病發，身體都有發出警示，例如氣促、胸悶、胸部壓榨性疼痛、心悸等。另外，當心臟突發，愈快進行治療可明顯降低死亡率。近年好多公眾場所都設置「自動心臟除顫器（AED） 」，讓非醫護人士可以喺危急時，運作簡單嘅儀器，拯救生命。若能在病者病發後1分鐘內急救除顫，存活率可高達9成。每延後1分鐘，機率遞減7至10%。 保持身心健康降病發風險 如要降低心源性猝死嘅風險，保持身體和心臟健康係關鍵，例如避免暴飲暴食；保持心境開朗平靜，唔好大喜大悲：冬日注意保暖；做運動前要先熱身；唔好喺肚餓或飯後立刻沖涼；避免夜間做劇烈運動等。 全文：http://bit.ly/2LkFetg