明天早上九點， #西加航空 ，呢集堅好聽，如果你對世界仲有好奇心！ Repost from @dare_to_escape using @RepostRegramApp - 【南韓人製作嘅北韓劇】 好多南韓影視會以南北韓諜戰為背景，但被禁入境北韓嘅南韓人，筆下描繪嘅北韓究竟有幾寫實？ 一連兩個禮拜，由新鮮出爐韓劇《愛的迫降》講起，北韓達人Rubio、Jamie透過最真實嘅接觸，話你知幾成真、幾成假，帶你睇清親身旅遊都未必有幾會見到嘅「真實北韓」！ •十一科/對南間諜 劇中玄彬話孫藝珍係來自「十一科」嘅機密人員，係派去南韓嘅間諜，但Rubio、Jamie就話，連真實脫北者都未聽過「十一科」！當然，有可能係因為太過機密，一般脫北者都冇機會接觸到，但北韓存在「對南間諜」就係肯定嘅事。「十一科」呢個名縱然虛構，但都算真實！ •人民班長 極權國家，就必定會想盡辦法監控人民，北韓體制下，人民班長就由鄰里中選出，係負責監控鄰居嘅「告密者」。諷刺嘅係，越極權，就越容易滋生貪腐，北韓人點解可以自由咁「煲韓劇」，Rubio、Jamie就話好簡單啫，用錢搞掂囉。 •軍人地位 套劇既然以諜戰為背景，男主角玄彬身份就係一個軍人。去過北韓嘅嘉姐、 @rubiocsk @jamiecheungcw 都一致確認，去北韓旅遊，你係絕對唔會見到「玄彬」；有北韓女導遊仲透露，女仔想嫁嘅對象都係揀商人，或者大學畢業生。至於軍人？嗯，是國家英雄，都是好人…… •自由戀愛 韓劇，縱然係主講北韓嘅韓劇，戀愛線同樣少得。到底現實中北韓有冇玄彬、孫藝珍嘅自由戀愛？係有嘅，有北韓女導遊話自己同男朋友就係，不過再追問落去，原來有家底嘅家庭，父母都會幫手撮合，但求門當戶對，即係經安排嘅自由戀愛啦…… 而最令人震驚嘅係，「中學生應否談戀愛」呢條經典哲學題，唔少北韓中學生唔單止say yes，而且仲身體力行！ 以上所講都只不過係部份，原來劇入面唔少細節位，都跟足現實！入唔到北韓境嘅南韓編劇，點解會咁了解北韓，而且了解得咁update？記得追實叱咤903《西加航空」收聽！ ---------------------------------------- 📌想繼續接收節目旅程、價格櫃位資訊，請立即關注西加航空FB、IG（@dare_to_escape）帳號。 感謝各位 祝任何旅途都愉快 dare to eScape