$98 食到一個超正的慢煮豬扒？邊度呀？
咪就係上環的 ☘️我愛慢煮 ☘️
以前係要自己落樓order, 依家可以係MENU 揀，有職員幫你落單，仲堅持不收加一，非常有HEART呀~ (見佢地不停上上落落咁上菜，都值得收加一)🥰

🍖辣汁煙烤豬腩 $98
Add on 牛油燒帶子 (3pcs) $38
( 揀扒可以有唔少ADD-ON 可以揀架)
唔好以為平野就唔得，呢個豬腩有8oz, 但一百蚊都唔使~ 好抵食。雖然話係辣汁🌶，但對於食得辣既我，感覺辣度好輕微~
煎帶子煎得幾香口~ 而且每隻既SIZE 都幾大~
雖然豬腩帶有肥肉，但入口一D都唔肥， 唔膩。 仲令到成舊肉特別滑添~

🧅秘制保濕豬鞍架 (8oz) $ 138
加配煎鵝肝片 $38。
落單時我對8oz 無咩概念，但見到成塊扒個時就知原來8oz都唔野少架, 成件豬鞍係超厚身的，好有份量~

不得不讚下，就連伴碟的青瓜🥒都有處理過，調過味而又係好味的~ 😋

慢煮係用低溫烹煮食物數小時，特色係令到D肉好靚同好嫩，睇見呢舊豬鞍咁粉紅幼嫩就知幾正啦~🤩入口係完全唔使用力咬，雖然豬鞍有少少質感，但肉質係嫩滑~🍖

🥦海鮮芝士忌廉菠菜苗 $ 68
呢個係即焗的，上盤時D芝士仲好似溶岩咁仲滾熱辣~🧀是超厚，非常CREAMY, 如果係愛芝士人仕一定非常鐘意~ 話明係海鮮，真係大隻隻蝦架~ 🍤
不過個忌廉汁好多，而菠菜唔算多，所以浪費左好多汁呀~ 如果下面加個意粉就好正啦~🍝

飯後又點可以無甜品？🍨
加13蚊就有一個雪糕，抵到爆，一定要記得換呀
(仲有好多隻口味揀添呀) 😍

飲品方面，我揀左熱情芒果特飲
佢個樣唔太熱情~HAHA 不過有芒果粒可以食補番數啦~

記得上次黎，呢度既裝修係走年青路線
今次改左裝修，有少少HIGH END 既感覺, 燈光也比較暗~ 不過最緊要係店員唔會趕人走 (當然，如果有人等就大家識做啦~)

食評 : https://bit.ly/3AcsYTa

我愛慢煮
上環孖沙街15-17號孖寶樓地舖
#hkblogger #hkig #beautyblogger #beautyblog #hkgirls #hkgirl #instablogger #hkinstagram #foodie #foodporn #foodieshk #foodies #foodlover #我愛慢煮 #孖沙街 #上環 #慢煮

【龔成問答信箱】（Q22381-Q22400）

Q22381：

你好啊龔成老師，我現時係一個中五學生，我好希望可以得到你嘅幫助

我今年啱啱18歲，因為家庭環境問題，一直好想快啲賺多啲錢，因為咁我好快就踏上咗買賣股票，大半個月前我因為貪心，無經驗，

心急咁買咗美團嘅認購證，我好蠢咁擺咗成世人儲曬嘅錢落一隻股到（～35000），果陣頭兩日賺4000好開心，但第二日開始每日跌，跌二千，二千，三千幾，一萬幾，

跌到宜家我差唔多輸咗8成（～30000）我唔知點，

我心態好崩潰，好後悔自己貪心，明明畫圖分析咗佢跌，自己又唔肯走，仲覺得佢會升返，我宜家唔知點好，你可唔可以指導下我

龔成老師︰

首先，同學仔你對投資理念，存在一個好大誤解。你現時成個投資模式，都係同一般散戶一樣，犯上同樣，而且致命的錯誤。

其實我20年前，都做過同你一樣的事，短炒、炒孖展、炒衍生工具，輸左幾年我先識醒，後來發現全最賺錢的投資者、基金經理，只用一個方法「長線投資優質股，買股票就是買企業」，我就改變策略，長線投資，之後就賺多過輸。

你要好清晰一個投資"重點"，我地買入一隻股票，就等同買入一間企業，一定要知道佢質素、行業前景、財務狀況等，才去考慮否投資。

當我地確認係值優質股後，我地會用平貴定入貨策略，並長線持有。而唔係做短炒股票或者輪證，去賺差價。因為短線股價會受市場氣氛、資金流向等，與企業質素不相關的事情影響。這些因素，我地係不能估計。

但長線，企業價值會係股價上展現出來。因此，優質股你買入後，長線持有，讓其自然增值，永遠都係最有效的財富增值方法。

我明白你家庭問題，需要盡快賺多D錢。但你要明白投資增值，係一件長線的事，你唔好預佢對你短期財務，有任何幫助。

全世界投資最叻，最賺錢的巴菲特，佢會唔會做短炒。佢只會叫大家，長線持有有質素股票，等佢地自然升值，達至財富增值效果。佢自己身體力行左幾10年，去證明這件事係行得通的。

所以，我建議你放棄短炒。現有的輪，就全數沽出，當買左個經驗。同時要認真去學好投資，之後才再出手。你可以睇我架《80後百萬富翁》、《財務自由行》和《股票勝經》，都適合你。

------------------------------------------------

Q22382：

老師 ，我現時的資產分佈如下

股票 36%
現金 23%
等跌市 41%

請問現時配置ok嗎？（因為我冇物業，所以比較簡單）

我現時總資產約85萬，首期都比唔起，所以冇諗過上車，只希望靠股票儲到多啲錢可以三年後移民

雖然有啲渺茫，因為我計過自己三人家庭，6年洗費都要2.5M。但移民係我短期目標，香港生活真係太壓迫了。

而且我曾經在英交流半年，我有信心可以適應嗰邊既生活。我每一日都會想像我喺英國冇咗姐姐、自己又冇工作能力又要湊住個（三年後六歲）囡搞唔搞得惦

答案係：未得

所以我比三年自己康復、去說服身邊既人我可以

請問老師你對移民英國有什麼看法呢？應該要有幾多錢先夠？

龔成老師︰

現時大市在合理區，股票佔比重，去到5-6成都係可以。你可以用分注形式，再慢慢加大翻股票佔比。

但若果你係好大機會在三年後移民，時間不算好長，我會建議投資選項上，要保守少少，以平穏增長股為主。

以下平穏增長股，都係有質素，現價都在合理水平，可慢慢分注。但緊記我地組合要平衡，個別企業和行業，不要佔組合15%和30%以上，以免出現過度集中性風險。

至於移民部份，每個人都有不同考量，有的為工作、有的為教育、有的為改生活模式。最重點，係你明白你目標係想點，而這個新地方，係未來長線係唔係可以做到，你心中所想，咁就可以。

但由於移民去新地方，好多野都要重新配置，所以資金係好重要。到時你要優先留有一定現金，去先處理好生活事宜，到一切都安定好，才好再諗投資。

在你打算移民前半年倒，你就要開始慢慢沽出股票套現，唔好等到要用才一次過沽，以免回報受價格波動影響。

至於要用多少錢，你要睇翻自已計劃，衣食住行各方面開支。因為每個人都有不同，單係住在不同英國城市，個租金和樓價，都可以有好大分別，故好難話要幾多才足夠。

所以，你要先計劃好，自己移民的落腳地。再去了解翻這個城市生活和住屋水平。由於這是個新地方，會有不少額外開支，故你要預鬆D。生活費用上，最少有半年儲備，才算理想。

------------------------------------------------

Q22383：

多謝你不斷提供正面資訊俾我哋，成日都覺得投資要盡早開始，自己本金唔大，成日睇住股價上上落落，短炒咗一段時間，真係輸多過贏 好後悔好後悔。

而家睇緊老師你出嘅書，龔老師啱啱聽你咁講，先增值後享受，有正如所講長線投資一定會有回報，我想問你個意見，我同先生月入大約四至五萬 ，正因為而家有兩個小朋友讀緊小學 開支好大 儲錢亦唔多

如果我手頭上有一間價值六百萬嘅樓居屋 係自住嘅 大概仲有一百六十萬未供完。因為短時間都升值咗好多 都算係人生第一桶金

你覺得能唔能夠賣出然後用二百萬至三百萬長線去投資 然後自己租樓住五至八年。咁到五年或者八年後 咁樣財富增值 係唔係一個好嘅選擇？

但如果最後升值唔多，有機會而家住緊嘅屋都會再升，但如果我唔用呢個機會 根本就冇辦法 拎到現金去投資

以上是我之前同你提及的方案

如果我真係賣出層樓，利用一百萬收息，例如電燈。一年都大概有70,000至80,000利息，咁樣可以蓋過租樓開支，然後剩返二百拎嚟投資，選擇一些有潛力的， 你覺得咁樣大概等幾年後收成，

我希望能夠右手上嘅300零萬，可以變到500幾萬 ，幾年之後再買返樓，目標希望可以買到600-700萬600呎新界私樓， 而且可以製造多啲現金流！

如果萬一有風險嘅話，咁就可能選擇買返一啲納米樓。

因為如果唔用呢個方法，我同先生每月嘅收入 就好似變成入不敷支，根本唔可以令資產再提高。

龔成老師︰

我自己唔係太建議你，沽出自住樓去投資。因為你會變成處於"沽空樓市"狀態。表面上，你計劃係可行。

但實際上，當個貸款息率上、租金持續向上、或者樓市升幅跑嬴股市，都會令你計劃失算。

我建議你自住樓部份不變，如果開支真係無任地方可以減少。你地睇下有無可能做些網上小生意﹐或做些兼職，去增加收入。最終可以做到，每月有一定資金，去做投資增值。

如果都係唔可行，你最後方法，就係去加按。現時仍處低息期，加按是沒有問題的。

但你要睇翻自己年齡，可承受的風險程度。40歲總負債大約可佔總資產7成，如果50歲就5成好了。

現時按息不高，將資金買入其他資產，創造更高的回報。但要新資產產生的利息回報，一定要比加按的利率高，這樣才值得做。

最好有比較明顯的息差回報，這樣才能抵銷加按後，加大負債為你所帶來的風險。因此，你加按前，最好先計劃如何分配新資金，如何平衡風險。

投資於股市時，相信中低風險會較合適，公用股、內銀股、收息股、房託等，都可考慮，策略為長期的增值及收息，期望股息回報大於加按利息，這樣就值得做。但絕不建議炒賣等方式投入股市。

同時，你要明白加按表面上無本生利，但實質有風險的，你負債增加，風險會增加。

另外，如果你投資的股票不幸股價下跌，你就會出現「賺息蝕價」，對你不利。如果日後加息，又或你收息股的派息減少，都會令你得到的息差回報收窄，你的回報會減少。

若你覺得以上風險，都係你可以接受範圍，你才好加按。

另外，我地投資物業時，緊記唔好投資納米樓。因為佢呎寸太細，連一個基本家庭需要(約300呎)都做唔到，投資價值會係比其他較大樓盤，弱好多。

------------------------------------------------

Q22384：

龔老師，我有事想請教。我之前聽你教導每月月供股票，現約有約：

1）40萬股票
2）另有20萬基金
3）及約10萬現金

我想用林鄭plan買一層約500萬，209呎開放式住宅（20年樓）住宅作投資用途，但要將手上全部股票基金放曬。這樣會否太高風險？

請指點迷津，感激。

龔成老師︰

我地財富組合除左要有增長力和質素外，平衡性都好重要。若你盡沽優質股，去買物業，會令你組合偏晒去物業類，因而產生風險。

最理想係，買物業之餘，可以保留一定優質股作增值，才算平衡。除非你發現的物業，明顯係旬盤，現價又好有值博率，才好考慮。

再加上，現時整體租金回報率唔高，從投資角度，投資優質股會較好。

另外，係你將來購買投資物業時，緊記要買一些最少有300呎的單位(能滿足一個家庭需要的大細)。單位太細，其實投資價值會被打折扣。

------------------------------------------------

Q22385：

阿sir 之前8.15開始入3918，分段入，入到開始懷疑人生，而家平均買入價係7.16

每一次佢再跌我又睇一次佢既負債，現金流，財務數據，仲有佢既專營權，有冇咩壞消息，相信係短期，再入。不過而家話全球疫情會反彈，相信又要再跌。

想問下佢跌成咁我有冇miss左啲咩風險？新興市場，較受中國旅客人數影響，比澳門賭股有風險我都了解。

另外，我理解呢類股注碼不能去得太盡，而我入下入下都變成一隻持貨較多既股，但佢大平賣我又真係想再入，我既步署應該點調整好？

多謝阿sir，正當全城人妻都睇緊mirror，我老公就話，你又睇龔成（仲要無樣睇）@@我同佢講睇龔成係唔會導致我地婚姻破裂，相反係為左我地既將來努力😆

今晚進階班見

龔成老師︰

金界控股（3918）其實佢本質，無大變動。正如你所講，佢較大風險係新興市場，故一定不能大注。

雖然佢現價已經係合理區中下，好似好抵。但你過度加注，表面上拉低平均價，實際上係加大左成個組合，投放係高風險項目的資金，咁係唔理想。

如果佢已佔你一定比例(組合5-10%)，但停一停，再平都唔加注住。

現時佢一直跌，最大原因係疫情不明朗，特別係一些發展中國家。因此，你預佢中短期一定會好弱，但長線質素係依然存在，持有係無問題。

------------------------------------------------

Q22386：

龔sir, 你好。上完堂之後買了好多你的書，好有用，令到我更容易明白你的堂課。因為一直以來我好相信你加上你無論上堂及sms都好有心及好誠懇。

所以好想請教一下，你可以給意見我嗎？

現年60，計劃退休年齡想5年後，但唔想完全不工作及0工作收入，如果現在先學定開網店，待退休後的工作及生意，你認為可以嗎？

Facebook 見到有廣告講網店，但教學費大約要hkd8000好耽心能否學以致用，所以想聴下老師意見及有冇推介？

現仍在月供股票中，想加多1只3188，你點呢？

最近見152（有10000股）但跌好多，請問點解既？

見388, 700, 9988 跌中，如想入，請問合理價約幾多？好感恩遇到老師，感謝你的幫忙分析，辛苦晒也謝謝你。

龔成老師︰

我覺得可以，你可以把握退休前的5年，去學習和嘗試網店經營模式，去找出一個最適合你退休後營運的方法。

至於這些創業堂有無用，我就唔係好知。但你記住，「價值」最重要，「價格」是次要。

其實，只要你從你的興趣、強項、認識的事著手。例如你本身對某類產品很有興趣，你會在那裡買？如果你在網上買這產品，這個網站的模式如何？

你最初要有學習的對象，你先尋找一些自己認為不錯的商店，了解一下佢地的商業模式，最始好大型及小型都有，先以小型作學習對象，然後就試下佢地的模式，能否成為你創業的方向。

你最初創業，就係摸石過河，一路做，一路修正，然後再一步步發展。記住，最好唔好做得太雜，要專注在某一範疇，等人容易記得你。

另外，你可以睇一些創業書本，可以到坊間找找「XXX創業」之類的字眼就得，另外可睇有關猶太人生意經之類的書。但你要緊記，創業係唔易，好多事都係摸石過河，慢慢從經驗中修正。

而且，成功與否，最大關鍵位唔係你能力，而係你能否堅持。加油!

至於投資方面，近期大市氣氛較弱，故不股票都有明顯回落。但我地唔好用股價，去判斷一隻股票有無持有價值，我地要睇佢本質。

深圳國際（0152）本質無大變，你照持有收息就可以。

但華夏滬深三百(3188)、阿里(9988)、港交所(0388)、騰訊（0700）都係潛力股，唔係咁適合你年紀，如果係你女兒投資，咁就可以。

現價都在合理區中上至頂位，可分注。除了港交所(0388)較貴，要回多2,3成才好考慮。

------------------------------------------------

Q22387：

阿sir (1810)應該咩位入

老師 你另外個4本我都訂埋。可唔可以講一次我知 13本書個順序要點睇？

我宜家睇緊股票勝經

龔成老師︰

小米(1810)$24合理區頂。

但如果你現時完全無貨，現價入一小注先，都係可以。

你可以先睇我架《80後百萬富翁》、《財務自由行》和《股票勝經》，都適合初學者。

之後，如果你想了解多D有關企業估值，可以睇埋《選股勝經》和《年報勝經》。其餘幾本，你按自己興趣去睇就可以。

------------------------------------------------

Q22388：

龔老師你好我有個問題想請教你一下。有些股票係有股息分配，理論上是否我衹要在分紅之前一天，擁有該股票就有權分到每股的紅利?

如果是的話噉，每一個人衹要係分股息之前買入，賺股息之後賣出就可以賺到股息。

這個概念是否正確?

龔成老師︰

你對派息運作，似乎有點誤解。

如果你要收到股息，必需在「除淨日」前一天，依然持有股票。「除淨日」，其實就是用來確認那些股東收到這權益的日子。等到「除淨日」當天才買，派息就唔會有你份。

「除淨日」那天，股價就會扣除派息部份，例如原來股價$10，派息$1。那麼「除淨日」就會將股價，從$10下調至$9，以反映派息動作。

而「派息日」，就係這班合資格股東，正式收到股息的日子。

由於「除淨日」股價會下跌。而下跌比重同收到息係一樣，所以只係左手交右手動作，你唔會在此期間因買/沽貨，出現任何著數。

------------------------------------------------

Q22389：

謝謝老師。另外想請教一下微盟集團2013。我看見它2018 的總負債遠比總資產多？我不太看得懂發生了什麼事。是會計上的計算問題嗎？正常應該破產了吧? 謝謝

請問老師怎看6123圓通？

老師晚安，不好意思想問一下1070 TCL 股價現在是不是已回到合理區？

龔成老師︰

因為佢2019年才上市，在上市集資時獲得大量資金，故2019年資產比2018年明顯為多。由於2018年未上市，以一間開發中公司，總負債較多都係正常。

圓通速遞（6123）本身係一家以香港作為總部的國際貨運代理服務供應商，業務已擴展至多個國家，並在亞洲、荷蘭及北美設立了幾十個辦事處。

佢主要經營以下四項業務：空運及海運貨運代理服務、總銷售代理、配套及合約物流服務。

早前阿里巴巴（9988）入股增持，令股價大上大落，這的確會令企業有更多發展，前景正面，不過，估值方面已難。

因為這刻根本無法計算佢，之能賺多少錢，企業發展情況如果，只可以話好多不確定性，但股價就反映大部分利好因素。

因此，這股雖然有發展，但同樣股價上是有風險，相信之後的股價仍會波動。只可以話，這類股小注持有不是不可，但要明白風險因素。

TCL電子（1070）全球最大的電視生產企業之一，其產品銷售遍及全球各主要市場。

集團本質不差的，業務穩定，生意不差，有持續的盈利，不過，過往的增長力就不算強。

負債偏高會係一個扣分的地方，以現時估值來說，可說是處合理區的範圍。

------------------------------------------------

Q22390：

我朋友一直叫我改玩美股代替港股，話港股已冇得買，但本身美股一d概念也沒有
請老師請教

龔成老師：

我地投資，最重要是建立一個優質股組合，中國、美國，都是往後20年最強的兩大經濟體，我地在當中選股，點都唔差。

所以，你可以考慮配合投資，不過，不要認為港股玩完。正如我在2003年，聽到大量分析話香港樓市玩先，人是好表面的，我地要睇長期。

正如我持有的比亞迪（1211），港股，都升左10倍，過往跌到最低時人人話無得玩，但多年後就大升。

------------------------------------------------

Q22391：

龔老師，你好～我今年35歲，女，與父母同住，有62萬做了定期，會2023年到期。而股票是在今年六月才開始投資股票，現在有18萬在股票上，而現金只有10萬。

其實已經有一年多沒有上班了，原因是被診斷出我的腦部有一個先天缺陷，雖然已經經過一年多時間的治療和復健，康復進度理想，但始終影響了我半邊身的活動能力，

無論平衡力、腿部活動、手指活動能力、閱讀、寫字、表達或迅速反應的能力都受到影響。

但好在我是在大公司內工作，他們都具有一定的社會責任，仍然保留職位空缺給我，如無意外我將會在下個月復工。但人工相信將會下降至等同一個剛畢業生，

因為我的工作能力已經不及從前⋯

我估計自己將來的工資會是12K-15k左右，同時，我一直需要每月有1萬元給家裏作供樓用途，因此在這情況下我無法累積新的現金。

所以希望請教一下你，在這情況下：

1）我可以如何更有效地滾存現有的資金？

2）而我現有的投資組合有需要作出調整嗎？

同時，非常期盼你能來澳門開班，讓我能夠學習如何有效地增值財富。我已經買了五本你的書籍，但礙於現在的讀寫障礙，需要很長時間慢慢的閱讀，

期盼疫情過後能夠出席你的課堂。

00388 - 100股 $462.2
00823 - 200股 $75.3
01810 - 800股 $26.55
01928 - 400股 $29.6

02382 - 100股 $234.4
02800 - 2000股 $28.6
02845 - 50股 $154.1
03067 - 400股 $15.365

感謝你的寶貴意見

龔成老師︰

1) 你現時股票，都係有質素和適合你年紀，你照長線持有。但由於你本身健康因素，我建議你現金部份，留來備用會較好。

如果現時生活上未能儲錢，就唔好勉強去增加投資。到你身體狀況轉好，或者財政上較鬆動，才再考慮。永遠我地都係生活和健康行先。

至於你62萬定期，由於佢息口唔會太高，你可以將佢用來投資。至於投資目標，以你年紀計，應該係潛力股和平穏增長股。

但如果你每月收入，都未必能支付你基本開支，而這個情況，你預期係較長線，你可以用這筆錢，去買入一些收息股，目標係5-6%，大約每月都可以幫你創造$2500-3100現金流，去舒緩你每月開支。

潛力股︰比亞迪(1211)、中生(1177)、福壽園(1448)、安碩恒生科技(3067)、港交所(0388)、阿里（9988）、騰訊（0700）、舜宇光學（2382）、小米（1810）、ＧＸ中國電車基金（2845）、三星FANG ETF（2814）

平穏增值股︰指數基金、港鐵（0066）、金沙（1928）、煤氣(0003)、恆基（0012）、中銀香港（2388）、長建（1038）、粵海(0270)、領展(0823)、希慎(0014)、太古地產(1972)

收息股︰港燈（2638）、香港電訊（6823）、工行（1398）、恆生（0011）、置富（0778）、陽光（0435）、深高速（0548)。收息基金(3110)，都可以。

2) 暫時無需要，當然如果你有需要加強每月現金流，你可以將部份持股，換成收息股，都係無問題，緊記照顧好自已生活，永遠都比投資增值係優先。

至於澳門班，因為現時疫情，所以暫時停左，之後會再開翻的。

你或者可以預早留位，只要whatsapp 852-55457212我同事講，打「留位澳門班」就得。我地有具體資料就會 whatsapp你。

因為現時已有好多澳門人留左位。

------------------------------------------------

Q22392：

龔成老師：我的港股處於蝕錢階段，想請教你我應該如何做。

以下是我的持股:

9988: 平均價250，持300股
941: 平均價47.8，持1000股
939:平均價6.15，持10000股
883:平均價8.76， 持6000股
700:平均價685.75，持300股

388:平均價544，持100股
11: 平均價152.58，持200股
1038:平均價45.03，持500股

其實我想買英國樓，但D現金係股票度。謝謝你的指教。

另外，我亦有買了108股Tesla( 平均價為666.7），手持大概400,000港元現金

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

你現時持股都有質素(港股和美股)，但有少少亂，不同種類股票都有。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

如果你係年青至中年，0941/0939/0011這類收息股，就不宜持有太多，因為始終增長力較弱。相反，你係近退休之年，你投資上就可以集中係這些收息股上。

另外，中海油(0883)係商品類股票，價格自主力能低，質素只算中等，不宜持有太多。

現時大市只在合理區，未算係好平宜。你現有40萬現金，建議先儲起，等大跌市出現時，才動用。

至於是否買英國樓，你可以睇翻你有無實際需要，若有實際需要，你可以分段沽出部份股票套現。

如果只係為左投資，你就要考慮翻佢回報率是否吸引。以過往港股長線波幅，都大約有8-10%(連股息再投資)。如果你覺得都有這個數，你對相關物業、法規、市場等又有一定認知，你都可以考慮。

------------------------------------------------

Q22393：

龔Sir，你好，我今年50歳，有自往物業，現金一千萬，請問現在買樓收租好嗎？樓咁貴，仍有升值潛力嗎？謝謝你

龔成老師︰

從投資角度計，現時租金回報率不高，投資在股市，值博率會較好。而且，你本身已有一間物業，我建議你先用優質股增值，從增值角度或資產平衡性計，都會較理想。

以你50歲，可以選擇一些「平穩增值股」作投資目標。

以現時大市合理區狀況，你可以用200-300萬，以分注形式，慢慢買入以下優質股。餘下資金，我地就等大跌市，才加大力度入貨。

但由於你資金都較多，長線你都應該再加持物業。但現時先用優質股增值，到將來樓市有明顯回調，或你在期間發現優質又平的旬盤，才再去加注物業市場。

------------------------------------------------

Q22394：

龔老師你好。我今年23歲，是一位大學生，每月大約有4000元港幣的收入請問我可以怎樣投資在30歲前達到100萬的資產？

還想請教老師，母親今年48歲，有45萬元的現金，請問可以怎樣投資？

感謝你！希望得到您的回覆

龔成老師︰

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你現時23歲去計，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。

策略上，你可以投資「平穏增長股」和「潛力股」。你每月5成儲蓄，即是用$2000做月供。其餘先儲起，用一邊月供一邊儲蓄的策略。

餘下的另一半現金，我地就等機會，當大市出現較大回調，就加大力度掃貨，然後作長線投資。

假設投資回報有10%（連股息再投資），你每月投資$4000，30歲時大約會增值至45萬。雖然好似同你目標，有好大落差。但你很年青，收入增長力較高，你可以慢慢加大月供金額，以達至一個可完成你目標的水平。

至於你媽媽，由於佢已經係中年人士，投資要比你保守，只宜集中係平穏增長股身上。

現時大市只是合理區，你現有45萬資金可以先投入10-20萬，用"分注"形式，慢慢買貨。餘下資金，就等大市出現一定程度的下跌，才大力度掃貨，然後長線投資。

------------------------------------------------

Q22395：

龔sir, 你好!想問一下 偉易達 (303) 用市盈率估值法 or 用股息率估值法 比較好?

我用客觀方式用市盈率估值法(用五年數據: 市盈=11.88 至16.42, EPS=$6) 計到合理範圍$72至$99, 我的計法對嗎?

謝謝回覆!

龔成老師︰

其實2個計法，都係可以，你可以互相配合，去得出一個較立體估算。

市盈率你可以拿長少少時間，用10年個計法，去找出市盈率合理範圍。而EPS係正確，大約係HKD6。

但你計算後，你會發現個合理範圍較窄，你記得要加入緩衝區，對相關估值進行調整。

若以股息率計，佢達9%。但由於佢股息較波動，加上企業質素唔算好高，大約算係合理區底部。

根據2種分析，此股現價大約在合理區較底至初步平宜區。如果你目標係收息為主，加基本增長，此股可投資，但不能太過大注。

緊記，我地估值法有好多種。最理想就係用不同估值法，去立體得出一個答案，咁會較為穏當。

------------------------------------------------

Q22396：

老師︰微盟 11.32入左
9666 57.25入左
2400 62.5入左
493 1.7有49000股
巴巴 276 入

應該止蝕定溝貨，謝謝

龔成老師︰

首先你要正確了解翻，加注這個概念。我地決定加注與否，要睇幾個因素。但記住，絕對並不會是「拉低平均買入價」為目的。

第一，要分析這股的質素，如果無質素，就再跌都唔加。

第二，這股的類別，如潛力或增長或收息類等，是否與你的財富組合匹配，比例是否適合。

第三，你要先計算加注後，這股佔你股票組合的比例會否太多，因為同一行業，同一股票。不能佔股票組合的比例太多。

第四，現價是否有投資價值率，要平，或起碼合理，不能貴。

第五，你要在加注後，仍有現金剩。

記住，重點不是「拉低平均價」，而是組合比例與配置。

你現有持股，大多有質素。但金科服務（9666）、微盟(2013)、心動公司(2400)不確定性較大，只宜小注。。

而且，你持大部份都係科技相關行業，有過度集中性風險(個別行業不應佔組合3成以上)，就算再平，都時不宜加注。

國美零售（0493），從過往分析，質素只是一般。

企業連續出現虧損，品牌價值遠不及從前，優勢不強，雖然正加強網上網售網絡。

唯一的賣點是創始人黃光裕回歸，可能帶公司變強，但發展仍有未知數，如果以這刻的業務、發展、現價，整體的投資價值唔算高。

當然黃生可能帶領公司變到好唔同，但這點真的無得計。以理性分析，這刻投資值博率，只是一般。

因此，你以上股票可持有。但考慮到組合平衡性問題，建議你新資金，優先投資在科技類以外股份(而非在現有股票加注)，去令組合更平衡，才是理想做法。

------------------------------------------------

Q22397：

龔老師，想請教一下投資策略，本人現時48歲，沒有物業，存款有100萬，另每月可供$5000。請問我該選什麼股，ETF, REITs 呢？香港或外國都可以，可以教我嗎？多謝

我的計劃是買
$30萬（2800）
$30萬（2638）
$20萬（0066）
$20萬（0002）

每月供
$2500 美國（VTI)
$2500 加拿大 （Riocan)
請指教

龔成老師︰

以你48歲計，都有一定財富增值需要，但進行時就要保守少少。

你現時月供計劃，其實都已經可以。但RIOCAN係專注於單一行業，有少少集中生風險，我建議更改為$3000 VTI和$2000 RIOCAN，咁會較好。

另外，現時大市未算平，每月要留有一定現金，去等大跌市機會出現。

至於直接買入選股，都係可以。但同樣現時港股只在合理區，你可以先用一半資金，分注咁慢慢儲貨。餘下一半，就等大市有明顯調整，才慢慢加大力度入市。

以下是一些都適合你年紀的股票，除了ETF和REITS外，我都比埋一些單一企業的優質股你作參考。

平穏增長股︰VOO、盈富(2800)、金沙（1928）、恆基（0012）、平安(2318)、中銀（2388）、港鐵（0066）、煤氣(0003)、長建(1038)、粵海(0270)、領展(0823)。

------------------------------------------------

Q22398：

龔Sir你好，我追蹤咗你嘅FB一段時間，好多謝你無私付出。我第一次問問題，希望你可以撥冗回覆：

我$14入咗6000股微盟（2013），我有持貨能力，但考慮到騰訊和阿里合作平台的消息，是否會影響到微盟長遠的賺錢能力，還可以長期持有嗎？謝謝你。

龔成老師︰

微盟集團（2013）集團主要在中國從事提供軟件即服務產品及營銷服務。

佢的產品分為「商業雲」解決方案、「營銷雲」解決方案及「銷售雲」解決方案三類。

「商業雲」可助商戶開設線上業務並助彼等提升顧客參與度、轉化率、收益及忠誠度。「營銷雲」通過大數據分析能力及ＡＩ技術為商戶提供智能營銷服務。

這些都是將來發展的大趨勢，從業務潛力上，的確是有的，見佢財務數據的增長都強勁。

至於，騰訊和阿里合作消息，其實好多具體細節，我地都唔清楚，好難咁快判斷成件事，是好是壞。

只能說，此股中短期股價，一定會較波動。如果6000股佔你組合不多，你長線持有就可以。但若佔較大比重，你可以考慮沽出少少，去平衡一下風險。

------------------------------------------------

Q22399：

龔老師你好，你給予大家既意見好中肯，你寫既書都好有啟發性，多謝你分享咁多！

我自己最近有啲野念極都念吾明，所以想向你請教下啲睇法。6988樂享互動，營銷SaaS服務的定位，我覺得前景吾錯，公司有錢賺，但股價就未有反映出嚟！

我3.1入，現價2.6，我想知我係咪應該繼續持有？

麻煩老師解答，感謝老師！

龔成老師︰

樂享互動（6988）是中國的效果類自媒體營銷服務提供商，利用商業智能技術為行業客戶及自媒體發佈者提供服務。

睇翻近年的財務數據，佢增長力是有的，但上市前的數據參考價值較低。

相信佢長遠，業務都有增長力的，公司話佢自己能盈利高增長，但佢估值一直都唔平，你買入價都算係偏貴水平。

就算現時回落，都係合理翻D，未算平。此股你預佢中短期，都係較波動。如果你持貨不算多，可以守住先，再觀察。

------------------------------------------------

Q22400：

Hi 老師，-我想問家人有20萬現金 在股票市場應該如何分配？

-現時有：

$2.4買入1萬股中國銀行，$13.5 買入3000股中國人壽 需繼續持有定沽出？

-佢地半退休狀態，希望將儲咁耐的現金流，變更多金錢。為未來退休做准備，謝謝你

龔成老師︰

若你家人已進入半退休狀態，穏定現金流去支援生活開支，會比財富增力為主要，所以配置上，會較以收息股為主。

中行(3988)係唔錯收息，可持有。中國人壽(2628)有增長力，但質素只係算中等，近年賺錢能明顯弱左，不宜持有咁多。

未來組合，建議一半用指數基金，可以為組合帶來股息之餘，都有平穏增長力。

另一半，就係收息股。目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）、富豪產業（1881）等（記住，股價略波動，不能太過大注）。

現時大市只係合理水平，現金佔比重大約3-5成，你可以再投入多少少資金，去分注入市。餘下資金，就等大跌市出現，才加大力度掃貨。

但留意一點，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

特別係銀行業，佢營運模式較特別，風險會比一般行業為高。必需堅守30%這個準則，如果可控制在20%以內，會更好。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

瑞士SliSwiss✨極光白藜蘆醇爆水套裝
《爆水Gel➕爆水面膜》為你皮膚On Call36小時，時刻Keep住水潤💦

《爆水套裝包括》
極光白藜蘆醇爆水gel 300ml 1盒
極光白藜蘆醇爆水面膜 1盒（6片）

敷得mask既～ 少不了就要有補水美白效果！爆水孖寶即時白2度😚水潤感爆燈⭐️難怪處於 #0負評 狀態！依家上妝仲貼一貼😍正到暈～

❤️去黃💚消痘💦爆水Level Up
😏follow me‼️
▪️️Step 1️▪️️
將爆水Gel 塗抹全面， 冰涼感爽到暈😱即時舒緩疲累！仲馬上消炎降溫 紅腫速退！千倍注水效果快速填補水份💦 毛孔仲瞇到細一細～爽‼️

▪️️Step 2️⃣▪️
爆水Mask（搓一搓包裝袋，要將整張面膜紙都沾滿精華）
張面膜紙系勁薄超貼面，Cutting非常好，面型超Good Fit！一路敷一路覺得好多水份滲入緊底層，好掂！d膠原bb不停為皮膚修復～增加彈性～ 每包Mask都有30ml精華💧強烈建議搽埋條頸😎 有效抗皺⭐️敷大約15-20mins，可以過水及正常護膚💖

1️⃣瑞士 極光白黎盧醇爆水gel 300ml

1物4用物超所值💢好抵用！
敏感！痕癢！ 乾燥！紅腫！😭
🌟Sliswiss爆水GEL適用於全面全身，真正令你時刻都水噹噹！！
食落肚嘅白藜蘆醇你就聽得多，可以外敷搽嘅白藜蘆醇你又有無試過？！
勁補‼️勁補‼️勁補‼️

💙300%極速肌膚强效補水
💚200%淡化細紋，回復皮膚平滑
💛250%抗衰老抗氧化，改善皮膚鬆弛
💜250%增加肌膚彈性，皮膚細膩無瑕

全效多功能：1物4用超低用🤤
用途1.早晚洗面、爽膚後按摩5分鐘作gel mask
用途2. 超聲波、美容儀、提拉棒導入
用途3.早晚洗面、爽膚後塗上面部作面霜
用途4.洗澡後、全身搽上作日常補濕護膚

4大主要成份
🌱植物胎盤：淡化皺紋、提升輪廓、美白肌膚
🌈維他命E：抗氧化、減少斑的沉積
🦴骨膠原：增加皮膚的彈性，減少皺紋，改善鬆弛現象，使粗糙的皮膚變得細膩，平滑富有彈性。
🍇葡萄籽提取物：幫助細胞生成、 抗衰老、 回復肌膚更新週期

任何膚質、敏感適用, 瑞士製造
～～～～～～～～～～～～～～
2️⃣瑞士🇨🇭極光白黎盧醇爆水面膜（1盒6片）
精華爆到滿瀉 #爆水面膜💓極爆水➕緊緻彈性➕亮白

有別於一般面膜😏系濃縮到有小小Gel狀💧#完全足料狀態

‼️教你如何使用達至最佳效果‼️

1️⃣第1步 要用你溫柔既雙手👐🏻搓下禁下包面膜先，衝擊入面既精華因子同時令精華可以滲透入面膜發揮最強補水效果

2️⃣第2步 撕開包裝後將面膜敷上🙋🏻‍♀️不能放過任何一滴精華💧記得撈佢地出黎塗抹全面 （我好醒甘搽埋落條頸）

3️⃣敷20分鐘其間🕒Feel到塊面不斷吸入水份💦 強勁水動能因子💧將水份注入每一個毛孔😲將你粗大既毛孔逐步收窄

時間到‼️一撕開Mask會即時見到皮膚亮白左✔️有彈性左✔️

入面有女士們既大愛 #骨膠原 ❤️
當然唔少得主要成分👉🏻白藜蘆醇
📍抗衰老📍美白📍抗皺
「用左Sliswiss爆水面膜😏想做黃面婆都幾難🤷🏻‍♀️」

使用方法（每星期2-3次）
1，打開包裝前，先將面膜包裝按壓數次
2，將精華塗抺面上，再貼上面膜
3，將剩餘精華再塗抹於面部及頸部
4，敷20-30分鐘後取下，按摩至吸收

#Sliswiss極光白藜蘆醇爆水Gel #爆水gel #水魔法爆水炸彈 #Sliswiss極光白藜蘆醇爆水面膜 #白藜蘆醇爆水面膜 #Sliswiss #爆水 #保濕 #美白 #降紅 #導入 #萬用gel #面膜 #保濕面膜 #爆水套裝 #爆水孖寶

Mazda CX車系一向是車主們實惠之選，今日大家又多一個選擇，全新型號CX-30抵港，此SUV堪稱是Mazda 3的孖生細佬，車價只是貴一萬元，怎會不夠號召力？

小型SUV市場競爭激烈，不過需求夠晒大。Mazda全新CX-30的定位介乎CX-3與CX-5之間，尺碼車長接近4.4米，同級差不多尺碼的包括日產Qashqai及凌志UX車系。底盤採用Mazda 3底盤，不少人形容它是SUV版的Mazda 3。

說到外觀，也是貫徹Mazda近年主張的魂動簡約理念，車側線條及骨線十分流暢。車頭如鬼面罩等線條及設計，驟眼看上去極像Mazda 3。較不同之處是越野SUV味更濃，泵把、車側群腳黑膠邊加粗輪拱位更向外拋，較具粗獷味。為了強化它的動感味道，車廠在車尾花了一點心思，車身下半部跟上半部的比例特大，務求令上方車尾玻璃傾斜一點，C柱又斜一點，配合頂置尾翼，跑味十足。尾燈的立體線條，呼應頭燈設計。

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

相關影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【尋找以色列 - 足本版】日日炮彈聲送飯 港夫婦耶路撒冷開麵店女兒當兵「呢度係全世界最安全地方！」 (果籽 Apple Daily) (https://youtu.be/cyfMJ1OOPKY)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【癌妻疑腫瘤增大再入院】林子博心力交瘁 感激汪阿姐報紙包錢相贈渡難關（壹週刊 Next）(https://youtu.be/gk83T58fTIs)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【街市尋寶】慈雲山街市 二百幾萬機器鮮製$24午餐肉 肉彈味濃無添加日賣500份 (飲食男女 Apple Daily) (https://youtu.be/rTrYPzECHI0)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)
【頭條動新聞】孕婦被拉跌 社會關注度不及細So與美斯《頭條動新聞》Ep.6 (蘋果日報 Apple Daily) (https://youtu.be/4MaqWS-XFEc)


#果籽 #Mazda #SUV #CX30 #GadgetGuy #StayHome #WithMe #跟我一樣 #宅在家

身為一個IT宅，除了IT的東西很喜歡，另外動漫我也非常迷，當中我特別愛的是One Piece，為了好好的對待我的寶貝們，格價很久終於在淘寶買了這個模型櫃！太喜歡了啦～終於可以給他們一個家！
★ 櫃+門+燈+送貨+組裝 = RMB 840
★ 淘寶：https://item.taobao.com/item.htm?id=41817528731
▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒
識睇一定睇兄弟淘Play List
✔✔ https://youtube.com/playlist?list=PLTLZJvW-j6rocdr9JVOdQpVQjPcIPhWxO
▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒
其他實用有趣開箱影片
✚ 青軸？茶軸？Romer-G？機械鍵盤開箱『G710+』
https://youtu.be/x0XbejCBHzQ
✚ 雙11狂掃貨『小米』
https://youtu.be/FxVHKb836H8
✚ 平到你唔信『3D投影機』
https://youtu.be/N4JDhRGwWAI
✚ 痴孖根開箱『防水喇叭UE ROLL』
https://youtu.be/GZuHmbmM-Wc

▒▒▒▒▒▒▒▒▒來追蹤阿屎和屎嫂吧▒▒▒▒▒▒▒▒▒
▶ 阿屎FB：http://fb.com/EdwardSlimeKing
▶ 阿屎Instagram：EdwardSlimeMax
▶ 屎嫂Instagram：Slime_So
▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒