夏日炎炎唔飲凍嘢係折磨...... 我知,女人最好唔好飲凍嘢,特別係孕婦,但當你大住個肚身體已經比一般人熱,仲好難散熱,個種口渴唔係一般口渴咁簡單,我今胎就深深體會到(重點是我大肚前基本上已戒飲凍飲)。
中醫見到呢個post,應該會鬧爆,亦有唔少媽媽建議我,為了BB好,千祈唔好飲凍嘢,OK,咁來個...
夏日炎炎唔飲凍嘢係折磨...... 我知,女人最好唔好飲凍嘢,特別係孕婦,但當你大住個肚身體已經比一般人熱,仲好難散熱,個種口渴唔係一般口渴咁簡單,我今胎就深深體會到(重點是我大肚前基本上已戒飲凍飲)。
中醫見到呢個post,應該會鬧爆,亦有唔少媽媽建議我,為了BB好,千祈唔好飲凍嘢,OK,咁來個中間點,唔太凍,但又涼涼的。
⭐️首要宗旨:唔好飲加了冰的飲品,因為驚有李斯特菌,是會引致早產,甚至流產的;其次,朋友讀中醫,昨晚同我講了一番說話更令我要照出呢個post(佢講咩呢,我等緊佢自己打返出來然後我repost),簡單而言,就係唔係一味話唔飲得凍嘢,而係要睇時、地、症,以及每人的狀況。
⭐️超凍嘅飲品我唔建議,因為飲完肚仔會有D唔舒服,不知是子宮收縮,定純粹肚仔唔冷得,所以我好多所謂凍飲都係雪過入雪櫃再拎出來攤一陣,甚至溝溫室水調配而成,那就可以隨時自製一壺拎出街飲。但如果在街,又渴到爆炸,那就去買枝裝飲品,攤一陣無咁凍先再飲,其實比起飲水已經好好多。(係,我已經唔理糖份,因為依家唔係叫你當水飲,只係真係勁渴時咪止下癮)
選擇1:生薑水+梳打水
上次介紹過韓式生薑水方便裝,加水就飲得,調配時不妨有一半水是加雪凍了的有氣水、梳打水,會解渴好多。
選擇2:枝裝豆漿
中醫講過少量可飲(孕期頭3個月要避免),出街就方便好多,因為好多餐廳都會供應。
選擇3:枝裝蔗汁
睇清楚,只係竹蔗汁,唔係竹蔗茅根、竹蔗海底椰bla bla bla,係竹蔗水ONLY,鴻福堂有出,百佳、惠康有售(好神奇,佢地自家店子係無得賣),呢個係天熱時飲好正。
選擇4:檸檬梳打水
上次都介紹過,除了罐裝,鍾意嘅都可以自己調配,雪凍有氣水/ 梳打水加幾滴檸檬汁,即刻好refreshing又有D味。
選擇5:鮮榨橙汁
係驚糖份高,否則佢係一流,每日榨一個飲仲可以補充纖維,榨前粒橙放定入雪櫃,之後就有涼涼的橙汁了。
選擇6:鮮奶
我最鍾意飲M&S牛奶,飲完個口唔會有怪味,舌頭上亦唔會有層嘢,有孕吐的準媽媽要補充鈣,買這牌子就對了!如果好凍就拎出來攤一陣先飲。
希望夏天的大肚婆畀心機撐過去💪🏻
#香港媽媽 #香港媽咪 #媽媽日常 #全職媽媽 #孕婦裝 #hongkongmoms #hkmom #momlife #pregnancylife #大肚 #懷孕日記
孕婦竹蔗茅根 在 年糕 Facebook 的最佳貼文
#疫症下的一點甜
#閒不下來的煮婦
成日都話要保持喉嚨濕潤,但淨係濕係唔夠架,要加埋潤肺先得。
前幾日紅豆婆婆買嚟一扎茅根同馬蹄,叫我煲d清熱潤肺糖水俾粒寶貝孫飲。 但點解無竹蔗嘅⋯⋯🤔
無竹蔗,好彩加紅蘿蔔、無花果同麥冬都可以做到同樣效果。
2人份量
🌱材料:
茅根 (半扎)街市買一扎返嚟,分2次煲
馬蹄 4粒 (切片)
紅蘿蔔 半條 (切片)
無花果 1粒 (切半)
麥冬 少許
冰糖 (optional)
做法:
將所有材料洗乾淨,放大概4碗水,煲30分鐘就完成,真係好簡單😆
本身就會帶有甜味,但加少少冰糖增甜一下,會更美味👍🏻
紅豆超喜歡呢款糖水,連紅蘿蔔同馬蹄都會一齊食,有時食到渣都無😂
📍中醫角度,茅根同馬蹄都比較「涼」,孕婦慎食,所以我都無飲,大家飲用前要先了解一下自己體質。
——————————————
🔸Follow us📍
年糕👩🏻
🔍FB: 『年糕』
🔍IG: lincole_happy
https://instagram.com/lincole_happy
紅豆 👧🏻
🔍IG: catie_smile
https://www.instagram.com/catie_smile/