熱門Ptt文章

[爆卦]孑然粵音是什麼？優點缺點精華區懶人包

雖然這篇孑然粵音鄉民發文沒有被收入到精華區：在孑然粵音這個話題中，我們另外找到其它相關的精選爆讚文章

在 孑然粵音產品中有1篇Facebook貼文，粉絲數超過4,161的網紅陳美濤 Tomato，也在其Facebook貼文中提到， 眼淚是珍珠（下） 上集：http://bit.do/eJ6MV 一滴滴眼淚，一粒粒珍珠，慢慢落喺阿媽身上。 「做咩遮遮掩掩？你個女好靚，怕我哋劫色啊？」兩個賊冷笑，伸手就想拉我出嚟。 千鈞一髮間，阿媽一手推開我，向門口方向狂奔：「救命啊！」 兩個賊當然去追阿媽，我知道，阿...

　同時也有3部Youtube影片，追蹤數超過195萬的網紅EHPMusicChannel，也在其Youtube影片中提到，❖訂閱頻道收聽更多好聽的歌：https://www.youtube.com/c/EHPMusicChannelII ❖Facebook臉書專頁：https://www.facebook.com/EHPMC/ ❖IG：ehpmusicchannel ❖微信公眾號：ehpmusicchannel ---...

「孑然粵音」的推薦目錄

孑然粵音 在 陳美濤Tomato Chan Instagram 的精選貼文

2020-04-26 14:51:13

眼淚是珍珠（下） . 一滴滴眼淚，一粒粒珍珠，慢慢落喺阿媽身上。 . 「做咩遮遮掩掩？你個女好靚，怕我哋劫色啊？」兩個賊冷笑，伸手就想拉我出嚟。 . 千鈞一髮間，阿媽一手推開我，向門口方向狂奔：「救命啊！」 . 兩個賊當然去追阿媽，我知道，阿媽係想掩護我，令我嘅祕密唔被發現。 . 我忍住眼淚，將散落...

  • 陳美濤 Tomato

    孑然粵音 在 陳美濤 Tomato Facebook 的最佳貼文

    2019-03-03 21:57:55
    有 88 人按讚


    眼淚是珍珠（下）

    上集：http://bit.do/eJ6MV
    　　
    一滴滴眼淚，一粒粒珍珠，慢慢落喺阿媽身上。

    「做咩遮遮掩掩？你個女好靚，怕我哋劫色啊？」兩個賊冷笑，伸手就想拉我出嚟。

    千鈞一髮間，阿媽一手推開我，向門口方向狂奔：「救命啊！」

    兩個賊當然去追阿媽，我知道，阿媽係想掩護我，令我嘅祕密唔被發現。

    我忍住眼淚，將散落喺地下嘅珍珠，用最快速度掃落櫃底。
    　　

    呢個時候，阿媽已經跑到門口，扭開門柄。

    刀已經貼近佢條頸，但阿媽依然大叫「救命」，為我爭取一絲生機。

    直到刀狠狠劈落去，阿媽嘅聲音戛然而止。

    兩個賊對視一眼，可能係怕阿媽嘅聲音驚動鄰里，佢哋馬上離開。
    　　

    我報咗警，然後走向阿媽嘅屍體，準確嚟講係身軀，因為佢個頭已經甩咗。

    佢隻手裡面，拎住一粒珍珠，染血嘅珍珠。

    我執起粒珍珠，默默應承阿媽，自此之後，我唔會再喺任何人面前喊，我會好好保護自己。

    畢業後，我照常番工，但我對住所有人，都客氣而冷漠，唔會同交朋友，更唔會拍拖。

    無感情，就無情緒。

    呢個方法真係有用，我無再喺人前喊嘅衝動，最多午夜夢迴間，默默流兩滴眼淚。
    　　

    我孑然一身，直到八十歲，確診患上末期癌症。

    我唔怕死，反正地獄唔會比我嘅人生更冰冷，但有一樣嘢我好想做。

    我上網搵番我嘅中學同學，輾轉問咗好多人，終於拎到阿林嘅電話，當年向我表白嘅師兄。

    我同佢講，當年我唔係衝入廁所嘔，我係太開心好想喊，而我喊出嚟嘅都係珍珠，怕俾人發現。
    　　

    我唔知道，阿林會唔會信我；我甚至唔知道，阿林仲記唔記得我，我只係好想喺臨死前，搵個人，講出真相。

    阿林笑咗：「哦，你就係當年嘔嗰個師妹！喊出珍珠咁好玩，點解怕俾人發現啊？一於上網做直播，畀大家開吓眼界。」

    「唔好開玩笑啦，一陣俾黑社會捉我去生產珍珠啊。」我苦笑，阿林一定係唔信我。

    「生產珍珠？哦，我差啲唔記得，六十年前，珍珠仲幾值錢。」
    阿林大笑：「不過呢幾十年，陸續開發咗好多新嘅養珠場，養珠技術又提升咗，你喊嗰少少珍珠，邊有黑社會理你，得閒都種吓大麻啦。」
    　　

    我呆咗，我即刻搵出一盒珍珠，係一個人喊嗰陣儲埋嘅。

    我拎住珍珠去當舖，但赫然發現，附近已經好少有當舖。

    我衝入一間珠寶店，好心急咁問店員，呢啲珍珠值幾錢。

    店員擺擺手：「唔收啦，呢啲珍珠都變晒色，而且又要鑑定，好麻煩。」

    「咁如果無變色，值幾錢？求吓你話我知。」我幾乎用哀求嘅語氣。
    　　

    店員好隨意咁答：「依加珍珠唔值錢啦，咁細粒，一千幾百囉。」

    「一千幾百？你哋櫃檯嗰條珍珠鍊，賣緊萬幾蚊喎！」我難以置信。

    「條鍊嘅價格，主要係Design、營銷、品牌價值......算啦，婆婆你唔明架啦。」
    店員問：「你真係想賣原材料，你有無黃金？黃金依加仲好值錢架。」

    我唔甘心，再問幾間珠寶店，得到嘅答案都係差唔多。
    　　

    之後嗰幾日，我不斷上網搵資料，發現呢幾十年嚟，珍珠價格不斷下跌，人均收入又高咗，黑社會都唔會為十萬八萬鋌而走險。

    雖然我嘅眼淚依然係珍珠，但隨住時代變遷，根本唔再係一個事關生死嘅祕密！

    點解我一直都唔知？因為我以前放工後，只會留喺屋企自怨自憐，埋怨上天虐待我。

    我唔會睇新聞，唔會留意個世界發生咩事。

    而且，我又無朋友，更加唔會有人同我講八卦。

    原來，我早就可以同人建立關係，可以識朋友、可以搞黃昏戀......但我已經就嚟死。
    　　

    無論順境逆境，其實個世界每一秒都在改變。

    好運會衰落，黑仔亦有出頭天，

    但如果你合埋眼，唔去關心世界嘅轉變，

    當機會來臨嘅時候，可能你仲埋怨緊，五十年前你係幾咁黑仔。
    　　
    －完－
    　　
    將專頁設定為「搶先看」/ "See first"，最新故仔馬上睇！
    　　
    新書《買樓結婚超能力》現正有售，
    係Facebook故仔嘅精選紀念裝，亦有從未面世嘅彩蛋故仔。
    詳情可點擊這裡：https://goo.gl/rGbwhi
    你的支持是我最大的動力！
    　　
    #短故 #短篇 #小說 #陳美濤 #廣東話 #粵語 #tomatochan #眼淚是珍珠

你可能也想看看

搜尋相關網站