* 《秋天的童話》中的「陪伴」 情人節應吓境，講我最愛嘅一套香港愛情電影《秋天的童話》，對人好，唔係一日半日嘅事，今日好，聽日就唔好，後日就好返，而係需要長時間無私嘅陪伴。 — 電影入面，最觸動我嘅，係船頭尺同茶煲臨別之際送比對方嘅禮物。 — 周潤發同鍾楚紅，一個係喺美國唐人街打工嘅「爛鬼」，佢食煙飲酒講粗口，無文化叫人做「JENFER」，仲好爛賭；而另一個就係由香港去到紐約讀戲劇嘅留學生，有啲嬌生慣養，有啲自命不凡，唔肯喺飛機上面食燒鵝。 — 「船頭尺？個名都畸型過人！」呢個係鍾楚紅第一次聽到船頭尺個名之後嘅反應，仲話人哋係「鄉下飛」，大嗌老土，而電影嘅呢頭一幕戲亦幾可為成套電影嘅核心定調—兩個唔同世界嘅人，究竟可唔可以喺埋一齊？ — 兩人初見，周潤發即刻顯露出自己好勝無賴嘅性格，同墨西哥人片車，JENNIFER被嚇到花容失色，顯露出自己不屑嘅眼神。面對唔同世界嘅人，價值觀唔同嘅時候我哋總係會先厭惡，同鍾楚紅一樣。 — 而隨住時間過去，兩個人嘅相處竟然出現咗微妙嘅變化，當中包括鍾楚紅發現自己嘅男朋友陳百強移情別戀，封閉自己，然後又比船頭尺打開心窗。兩個人產生嘅微妙嘅感情，又互相影響，例如JENNIFER會跟船頭尺讀「贏」，而船頭尺又會為心愛嘅人學英文，「戒煙戒酒戒賭」，發奮自強。 — 一段關係最重要嘅嘢係咩呢？以《秋天的童話》嘅視角去睇，就係陪伴。雖然兩個人係嚟自唔同嘅世界，但當鍾楚紅第一次去機場，係周潤發去做異地嘅第一個接應；當女方話要去火車站搵男朋友，又係周潤發去傍住人生路不熟嘅紅姑，然後又車埋佢走；幫鍾楚紅聽電話，漏煤氣果陣救人，釘書架，買歌劇飛，鬧醒佢，幫佢報仇，陪佢擺檔，一切一切，都係周潤發陪住自己喺身邊。 — 因為珍惜，所以先願意陪伴。紅姑以為同自己同一個世界嘅陳百強，話自己女朋友整泥頭公仔送比自己係幼稚，但唔識藝術嘅周潤發又鬼死咁鍾意拎住隻啤牌嘅公仔。 — 係咪一定要有類似嘅背景、地位、家境、職業等等先可以喺埋一齊呢？臨別之際，周潤發賣咗自己部二手車，送咗條錶表比鍾楚紅，而鍾楚紅又送咗個錶芯比周潤發，兩個人都希望送比對方一樣非常貼身嘅禮物。然後你會發現，最理想嘅關係未必要喺同一個世界，而係彼此能夠互補，會為對方不斷努力，無言付出，好似周潤發最後可以成功開到自己嘅餐廳咁，再結合而成一個更美好嘅世界。 — 電影最後一幕嘅背景聲係飛鳥同海浪嘅自然聲音，唔同世界，但配合二人千迴百轉之後重遇嘅對望，協奏出最諧和最浪漫嘅樂章。

* 《秋天的童話》中的「陪伴」 — 睇《秋天的童話》，最觸動我嘅係船頭尺同茶煲臨別之際送比對方嘅禮物。 — 周潤發同鍾楚紅，一個係喺美國唐人街打工嘅「爛鬼」，佢食煙飲酒講粗口，無文化叫人做「JENFER」，仲好爛賭；而另一個就係由香港去到紐約讀戲劇嘅留學生，有啲嬌生慣養，有啲自命不凡，唔肯喺飛機上面食燒鵝。 — 「船頭尺？個名都畸型過人！」呢個係鍾楚紅第一次聽到船頭尺個名之後嘅反應，仲話人哋係「鄉下飛」，大嗌老土，而電影嘅呢頭一幕戲亦幾可為成套電影嘅核心定調—兩個唔同世界嘅人，究竟可唔可以喺埋一齊？ — 兩人初見，周潤發即刻顯露出自己好勝無賴嘅性格，同墨西哥人片車，JENNIFER被嚇到花容失色，顯露出自己不屑嘅眼神。面對唔同世界嘅人，價值觀唔同嘅時候我哋總係會先厭惡，同鍾楚紅一樣。 — 而隨住時間過去，兩個人嘅相處竟然出現咗微妙嘅變化，當中包括鍾楚紅發現自己嘅男朋友陳百強移情別戀，封閉自己，然後又比船頭尺打開心窗。兩個人產生嘅微妙嘅感情，又互相影響，例如JENNIFER會跟船頭尺讀「贏」，而船頭尺又會為心愛嘅人學英文，「戒煙戒酒戒賭」，發奮自強。 — 一段關係最重要嘅嘢係咩呢？以《秋天的童話》嘅視角去睇，就係陪伴。雖然兩個人係嚟自唔同嘅世界，但當鍾楚紅第一次去機場，係周潤發去做異地嘅第一個接應；當女方話要去火車站搵男朋友，又係周潤發去傍住人生路不熟嘅紅姑，然後又車埋佢走；幫鍾楚紅聽電話，漏煤氣果陣救人，釘書架，買歌劇飛，鬧醒佢，幫佢報仇，陪佢擺檔，一切一切，都係周潤發陪住自己喺身邊。 — 因為珍惜，所以先願意陪伴。紅姑以為同自己同一個世界嘅陳百強，話自己女朋友整泥頭公仔送比自己係幼稚，但唔識藝術嘅周潤發又鬼死咁鍾意拎住隻啤牌嘅公仔。 — 係咪一定要有類似嘅背景、地位、家境、職業等等先可以喺埋一齊呢？臨別之際，周潤發賣咗自己部二手車，送咗條錶表比鍾楚紅，而鍾楚紅又送咗個錶芯比周潤發，兩個人都希望送比對方一樣非常貼身嘅禮物。然後你會發現，最理想嘅關係未必要喺同一個世界，而係彼此能夠互補，會為對方不斷努力，無言付出，好似周潤發最後可以成功開到自己嘅餐廳咁，再結合而成一個更美好嘅世界。 — 電影最後一幕嘅背景聲係飛鳥同海浪嘅自然聲音，唔同世界，但配合二人千迴百轉之後重遇嘅對望，協奏出最諧和最浪漫嘅樂章。