🌮新肉絲素磚餅

又黎到Green Monday啦！今次我用咗 OmniPork 新豬肉新肉絲做好多人都鍾意食嘅磚餅！
平時啲素肉通常都會有浸麵筋或者豆味，所以我今次將新肉絲、洋蔥同彩椒一齊炒香，就變成超惹味啦，我爹哋媽咪食完都唔知原來係素肉嚟，像真度超高呀🤣
新肉絲除咗係純素，仲無添加激素同抗生素，高蛋白質嘅新肉絲加埋牛油果，雞蛋同埋芝士，好味得嚟又有營養，真係百吃不厭🤣
今次呢個磚餅實在太易做啦，所以唔寫食譜啦，淨係分享少少野啦~

🐽新肉絲點整會好食啲🐽
先用油略略煎炒到焦香，可以令到口感更加爽口，感覺更似豬肉絲，同埋去除豆味

🥑點樣揀牛油果🥑
📝用隻手咁㩒牛油果嘅表面，淋淋地嘅就代表牛油果夠熟啦，但係下下咁樣㩒人哋牛油果都唔係辦法
📝牛油果顏色要夠深先係熟，相信呢個大家都知道
📝 將牛油果嘅蒂揭開，如果係深綠色或者少少黃，代表啱啱好。如果係淡青綠色或者係啡色就代表太生或者過熟。

📌想食到生熟度啱啱好嘅牛油果📌
📝催熟: 將牛油果同埋香蕉一齊放入紙袋或者膠袋
📝減慢熟成: 將牛油果放入雪櫃

📍 1 月 14 日前去指定惠康、Market Place、APITA 超級市場，即可以優惠價 $100 選購 3 包新豬肉或新肉絲

#家嫂的素食 #家嫂的早餐
#新肉絲 #omnistrip

#cooking #instafood #foodporn
#cooking #instafood #foodporn #foodstyling #foodstagram
#hkfoodblogger #foodblogger #hkblogger #foodie #hkfoodie #健康飲食 #飲食記錄 #增肌減脂 #食譜 #低碳飲食 #低碳食譜

每年媽咪都整好多糉，真係端午食到中秋，有段日子食到懷疑人生，不過我有位朋友偏偏反其道而行，每到端午前後一定問：「Auntie有冇包糉呀？可唔可以留兩三隻畀我？」

得得得，我畀夠10隻你！

某年端午節食完飯，我媽咪塞咗兩大袋糉畀我，由於一早答應同呢位朋友夜啲出去飲嘢，所以我千萬個唔願意咁拎住兩袋糉出去。

「蘭桂芳？」

我：「唔喇！柒呀！荃灣吖，楊屋道有啲bar冇乜人㗎！」

結果兩條友喺荃灣楊屋道酒吧飲嘢，開頭好地地，後來佢飲多兩杯就開始失控：「好掛住媽媽。」

講講下，男人老狗竟然喊咗。

面對兩袋糉，仲有一個喊到收唔到聲嘅男人，我再次慶幸冇出去蘭桂芳。

我朋友好細個已經冇咗爸爸，所以佢媽媽長期做兩份工養大佢，一份係快餐店洗碗，一份係嗰啲洗衣工場，都係時薪形式，總之佢媽媽係keep住每日做十幾個鐘。

兩母子有輪公屋，但你知香港啲公屋係輪好耐，所以佢哋有段時間住過家維邨對面嗰啲舊樓劏房。據佢所講，劏房環境已經比細個嗰陣好好多，兩母子最惡劣試過住一啲類似籠屋板間房嘅地方，有道友會無啦啦瞓喺條走廊，每日又會見到啲「鄰居」因為爭共用嘅廚房同廁所而嘈交，總之問題天天都多。

住嘅地方同當時讀嘅小學有一段距離，經濟條件又唔好，所以佢冇坐任何保姆車或者交通工具，佢媽媽每朝都會陪佢行好遠嘅路返學校，細細個唔識咁多嘢，會羨慕人哋一放學就喺門口上保姆車，佢曾經問過媽媽：「點解我冇得坐車嘅？」

佢記得媽媽答：「我哋行路咪仲開心，可以睇好多風景。」

後來漸漸長大，佢意識到自己同其他小朋友嘅屋企環境有好大分別，印象最深刻一次係啱啱升F.1，住得近屋企嘅同學會返屋企食飯，住得遠嘅就會成班人去附近茶餐廳食，而佢雖然住得遠，不過冇錢去茶記，只會喺屋企拎啲白麵包返學，再坐喺公園長凳自己食，咁始終F.1嘅小朋友仲係好細個，有一位同學真係笑佢連飯盒都冇錢食，難得嘅係我朋友完全唔在意，佢只著眼於每日見住媽媽做十幾個鐘，一年365日都冇休息，明明病緊都照捱，所以佢答應自己要努力讀書，賺錢養阿媽。

我朋友F.3已經識得喺惠康貼張紙幫人補習，唔知有冇人記得，以前惠康係有個notice board畀人任貼廣告，最多人貼就係幫人補習嘅廣告，好多中學生大學生都會喺嗰度貼張紙搵學生，咁佢起碼唔使問媽媽拎零用錢，讀到預科同大學嗰陣，佢更加搵埋part time做，後來終於輪到公屋喇，只係媽媽享受到嘅時間並唔多，因為當時媽媽有病，身體好瘦好弱。

佢出嚟社會第一份工係做一間搞event搞talk嘅公司，經常性要飛，不過人工算好好，有次佢出trip去完日本買咗啲草餅返嚟，媽媽勁鍾意食，仲不停問：「日本係點㗎？係咪好靚㗎？」

「好靚好乾淨㗎！我請你去日本旅行好冇？」

佢記得媽媽當時好開心，猛咁話自己大鄉里，成世人冇坐過飛機，唔知會唔會好驚，但又好想個仔帶佢去見識下。

好可惜，等唔到。

佢媽媽走嗰日係端午節，佢記得公司當年有組隊玩龍舟活動，但由於媽媽嗰幾日身體狀況好差，所以佢冇出席，幸好公司同事全部體諒同埋support。

識咗佢之後，呢條友每年端午都搵我出嚟飲嘢，佢怕自己屈喺屋企會好掛住媽媽。

當年佢喺酒吧崩潰，我將一袋糉畀咗佢：「咪喊啦，我阿媽叫我畀你㗎，媽媽糉，畀唔畀面先？」

我朋友成袋拎咗返屋企，即晚就打返畀我：「食完你阿媽啲糉，我更加掛住自己媽媽，當年上咗公屋之後，媽媽有一年都包過糉，雖然入面啲料唔名貴，不過好好食，食你阿媽啲糉就諗起當年嘅味道，我好想請媽媽去日本，由細到大佢都好辛苦，自己唔食都畀我食，捱到好多病痛......」

其實當年嗰袋糉，我媽咪唔係畀佢，純粹我亂作，只係想有人分擔下，順便安撫下佢情緒，估唔到之後每一年，呢位朋友都追住要食我阿媽包嘅糉。

佢而家事業有成，結埋婚做埋老豆，端午節唔會再搵我出去飲嘢喇，但有一樣嘢始終風雨不改，就係拎我阿媽啲糉，頭先仲特登揸車入嚟屯門問我拎。

「你媽媽啲糉嘅感覺同味道，出面真係買唔到。」

好啦！我喺自己屋企隔空陪佢食啦！

早餐成日食麵包🥯食到悶，今日就搞搞新意思，用新焗爐整左個0失敗芝士蛋多士，簡單快捷又好味😋！ 只需以碎芝士於方包面上圍邊，再將雞蛋打於方包上便可入爐，只需8分鐘左右便食得，香脆多士配上芝士蛋，真係好好味！

呢部德國品牌 WOLL 雙層焗爐係喺惠康換購架，機身細細顏色又靚。佢附設5毫升小水杯，具放濕功能及4種熱力模式，能均勻加熱食物唔會太乾。焗爐內設有鍍鋁托盤，仲有0-30 分鐘時間設定。

除咗焗爐，而家惠康仲有一系列WOLL 廚房家電換購，全部都體積小巧，方便收納又實用。近來多咗喺屋企煮食，呢幾款廚房小家電就可以為入廚增添樂趣。

笑印派發日期至到7月15日~
而換領/換購日期至到➡7月29日咋！

#惠康 #Wellcome #笑住儲 #WOLL #廚房家電

#四月媽媽手記 #香港美食 #香港餐廳 #hkkol #hkfoodie #親子blogger #hkmom #香港媽咪 #hongkongmami #sohappy💖💕