[#bfmurmur1621] 真人真事，希望大家睇完，要繼續相信愛情 3年前同佢一齊嘅時候，佢23歲（下稱a)，我28歲 起我20歲嘅時候已經結咗婚，有個女，4年後對方有外遇所以離婚，小朋友跟媽咪繼父，而我每月要比超過一半糧贍養費，否則媽咪唔肯湊小朋友。我是低學歷返夜班工作，亦冇屋企人所以想自己湊都唔許可... 同a係起工作上認識，佢兼職（讀緊大學）我全職，離婚後一年我都一蹶不振，日日收工飲酒過日晨。佢是我遇過最善良的女生，不拜金錢，為人既簡單又直接。因為我同前妻由拍拖到離婚已經一齊咗七八年，唔係衝動結婚，只可惜最後都帶帽。a成日都話，離婚不是我一個人的錯，要好好將失敗化做動力。 起最唔開心日子遇到佢，真係會好似遇到天使，相處落去發現佢好樂觀、聰明、簡單，估唔到世界上仲有咁清泉嘅女仔。從來食最貴都係譚仔或者m記，仲要aa ，有時放假想帶佢食好小小，佢又話自己食米線都開心（以前前妻只會用我份糧買電話，名牌）除左讀書叻，還要眼大大生得好可愛，身邊好多追求者，但是a都會定時同我講自己返學、去邊、同誰人，令人好安心。 直到a大學畢業，順利成章搵到份好好嘅工，佢份人好慳，沒有名牌，沒有追新電話，但是卻會起我生日，節日，送呢啲貴重野俾我。我當然叫佢留翻好好錫自己，但佢竟然話，你要養小朋友已經很辛苦，鼓勵你好好努力。呢句說話真的太深刻.... 但佢愈來愈叻，我更加覺得世界唔一樣，我亦不知道如何跟a父母說我已有一個囡囡，離過婚。a說如果父母不同意，那就不結婚，開開心心活下去。但有邊個女仔會不想結婚呢...a講過，我知道你已經好努力（因為我搵不多更要俾贍養費），男女已經平等，我也可以再努力一點改變經濟狀況，不做你負擔就夠。 最後我單方面提出分手，結束三年感情。因為我根本俾唔到幸福a。望住另一半為自己而咁辛苦，我根本唔配，佢選擇太多，可以找更好。 我知道睇到呢到大家一定會罵我，亦好難相信呢個世界仲有呢種絕種好女仔，曾經有問佢點解會選擇我，a話因為每次唔開心我都會有最大支持同鼓勵，係靈魂伴侶。其實我唔想再做你負累，所以放手。 分手之後我鎖曬a所有野，亦知道佢分手後一年多都好難過（有共同朋友）而且大病暫住了醫院一陣。好抱歉當時冇去照顧你，因為想你忘記我。 今日由朋友得知，你好叻女，慢慢捱疫市下開舖，為社會走到最前受傷入院，爭取真相。仲準備結婚...你終於做到自己想做的事，而我終於見到有人好好照顧你...呢個先係你應該擁有的人生。 從朋友口中知你有follow呢到，知道你睇到會知道是我。我得中一程度可能講到一舊舊，我無勇氣同你講以上說話，但衷心祝福你可以幸福、快樂。你係一個好善良好簡單嘅女仔，係因為你無俾世界同化，堅持自己信念、立場，先會有今日的成就。呢一個你真係好吸引。 還很想同a男朋友講，好好珍惜呢個女仔，呢個年代真係搵唔到呢種生得靚但都靠自己努力的女仔，相信平等及自由。佢唔開心會自己一個人坐起公園，靜靜陪在身邊，她就會冇事，帶佢望住海發牛逗，佢就會很開心。真的簡單到不是金錢可以收買的女生。 下世我地早d相遇。你要幸福，希望大家可以祝佢幸福快樂。 ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig #香港 #情侶 #香港情侶