#gfmurmur9055 幾個月前朋友介紹下識左個開運輸公司嘅老細，諗住朋友介紹都唔會衰得去邊，點知係渣男黎。 同埋運輸呢行個個都自己開公司，個個都係老細黎。其實只係空心老倌，佢周圍問朋友借錢，間公司都接唔到生意，都唔掂。因為佢以前有玩交友app,所以佢同我散左之後，會係交友app到識女仔。 我係到想各位女士小心。佢四十零歲了， 佢身邊朋友個個都結晒婚有仔女，所以佢都想定落黎。問題係佢可能讀到中三，學歷又低，而且做運輸呢行又成日比人睇唔起，所以佢個人好中意認叻扮野，講野又大口氣。成日講話會點點點對我好，又未見過我媽，但又係到叫我媽外母前外母後，冷係會愛屋及烏，會對我同我媽好。同埋本第佢又好要面，成日要係個幾個伙記到冷叻，成日又話自己咩ceo,，出去餐飯食野，又成日嗌好多野食，根本次次都食唔晒，其實佢係怕出去食飯 ，叫得少野食會比人睇唔起，就扮晒土豪咁，咩都叫黎食。次次食完飯都用左佢五六百蚊，叫佢慳啲用，佢又話我咩睇唔起佢。 佢淨收入其實都唔知有冇兩萬。但就成日好大洗。仲要成日拖啲伙記糧。個時仲有成半年先到新年，佢就成日提話新年要封幾千蚊利是比送貨啲餐廳啲侍應。又係到話咩我都要派利是，話我係咩老闆娘。其實佢係想我出錢比佢封利是。先係到成日講咩要好多錢派利是，又拉我落水話我係老闆娘。所以一個男人原來可以為左錢咁卑鄙冇恥。 識左一兩個月就話會同我結婚，本身都信佢。係有一次，識左一個月，佢話公司周轉不靈，問我借左五萬，話幫架貨van上會就會有錢還，一星期就還返錢比我。個時佢都成兩個星期後，佢先自動還左兩萬比我，之後先間唔中還下五千比我，拖左我成兩個月啲錢先還晒。我都驚收唔返啲錢，所以都主動開口叫佢還，仲要問佢還錢，好似係我錯咁，比佢鬧返我轉頭。自始之後，佢見呃唔到我啲錢，就對我好差。 同埋最大問題佢好大洗，成日一有錢就用晒啲錢係架車到，仲要問我借錢，仲好意話咩會點對我好。佢個時送左隻求婚戒指比我，我後來睇佢whatsapp ,先知佢係想買黎同前度求婚，但求唔成，再用黎送比我。啲咩所謂鑽石頸鏈又係係啲不知名網上買，都唔知係迷假石，一睇就知質素好差，唔值錢嘅野黎。仲要嗌親交，佢就話佢對我點好，咩送左啲佢話好貴嘅鑽石戒指同頸鏈比我。我串佢，我大拿拿借左五皮比你，調返轉，你會唔會咁做啊，佢即刻冇聲出。 佢初初識己經成日話自己大男人 ，唔會就女人，即係我同得佢一齊，我就要硬食。初初都唔覺有問題，唔覺委屈。但耐左就覺得佢其實係自私同霸道先會用咁嘅方法同女人相處。佢成日話中意飲食住家飯，成日問我識唔識煮飯，暗示我要第時結婚要煮飯比佢食，家務要我做。問題我自己都要返工，佢又冇叫我唔洗做野，咁佢好似大晒咁，我又要出去返工，又要係屋企成個工人咁做晒啲家務。係呢樣野都睇唔出佢有咩承擔同責任心。所以佢講得多，我都串佢，咁你請個工人好過啦，唔係娶老婆黎當工人咁用。佢成日淨係識點人做野，但佢自己從來冇付出，但又要另一半完全聽晒佢話。 而且佢呢啲人脾氣又差，生意唔好個陣，冇錢又係到發脾氣。個時夏天同佢行返佢屋企，我話好熱啊，佢係到好激動鬧我，話我咩唔好係到怨天怨地。都痴線，成日係到借啲易發窮惡。所以有時啲人學歷低同做呢啲工嘅人,其實唔係冇原因。同埋窮嘅男人，係好自卑，好易撩到佢神經，比佢係到借啲易發窮惡。 同埋佢仲揸緊架成十年車齡嘅改裝type r。仲要成日話自己架垃圾車鍊贏人地啲波子法拉利。佢係高速公路見到啲改裝車，就係到撩人鬥車，有時係人地撩佢。但我個次見到係人地架法拉利贏左佢，佢又要唔認衰，話咩佢收左油，費時同佢玩。 有一次，佢揸車係我屋企樓下等我，佢係我屋村車路出入口到等，其實所有車都係係個到等。問題係咁岩有架白車要入等屋村，佢阻住架白車，又唔肯開走，佢話人地白車係到響警號好嘈，所以佢唔中意讓比白車，又話如果個救員落車黎有禮貌啲叫佢讓，佢迷讓。聽到呢到，都睇得出呢啲人好冇公德心好自私好自以為是同離譜。同埋佢又冇錢，但又成日要威要型。以前比差佬抄牌，又要係咁同個差佬頂咀，個差佬其實都係想放佢走，唔抄佢，佢又係要冷型，話抄迷抄，搞到警署抄佢牌，但佢又冇錢比告票，拖到罰千幾蚊附加費先比。 好在同呢個男人一齊左幾個月，食飯都係佢比晒，我都唔係好傷，都叫走得快。其實係到想大家都要小心呢啲渣男。成日都得把口講，又成日係到點你做野，要佢付出個時，佢又諸多藉口話咩冇錢啊冇時間買野咁，同唔尊重你，成日借啲易發脾氣嘅男人。同埋冇錢嘅男人，都唔好揀了，佢知你唔肯借錢比佢或比錢佢洗，佢都唔會愛你同對你好，佢都係會搵第二個肯比錢佢用嘅女人，或者呃女人錢。宜家見到啲運輸嘅都好睇唔起佢地。因為正正常，唔係冇案底底者冇學歷都唔會做呢啲工。 ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig