【龔成問答信箱】（Q14701-Q14720）

Q14701：

龔成老師你好，最近王維基搞口罩生產，一個口罩都未有已經升哂，然後配股，又跌翻。其實呢個會唔會係天仙局黎?

龔成老師：

又唔算，佢只是利用市場。

當佢係市場最熱炒醫療用品股時，公布生產口罩，加上佢的網購生意有實質的增長，這一定會帶動股價上升，當時佢的股票在短時期內升左一倍，處於熱炒期，而佢好清楚公司值幾多錢，於是就把握機會在高位配股集資。

這個「局」並不是佢造出來，而是市場出現了這個發展，佢順勢做基些野，從中幫公司得到利益。

------------------------------------------------

Q14702：

Hello 龔成老師
我follow 左你個page已經有兩年，你出既書我都有買有睇，啟發同激勵左我好多，無論係為人同理財方面。

我依家先鼓氣勇氣問你問題，我已經25歲啦，之前仲讀緊大學，原定今年畢業，但因為社會同個人問題我無再讀落去

出左黎做野，覺得自己起步好遲同埋確實我依家呢份工係同自己讀個科係兩碼子既事，我好鐘意依家份工，但人工好低需要時間經營（我係做健身教練），雖然我有畢業既話我份工會有前途（我之前係讀內衣設計）

但我好需要搵錢養媽咪唔想佢再返工，唔可以再任性，所以我好需要得到你意見，因為我係好相信你講野⋯⋯同埋希望你比到D方向我！

我係名牌奴隸，之前用你教既投資方法我搵返黎既錢加埋自己返part-time，全部拎哂去買名牌，依家D名牌價值HKD140,000 (賣返出去既價值），我好想重新開始斬掉重煉

我係唔係應該賣哂佢拎返黎等入市（我知咁樣問你有小小白痴，可能我需要一個肯定同支持），因為防止自己好大洗，2年前開始月供3千盈富，同係24.5個時入左太古地產2千股。我真係好好好大洗，買股票係真係禁得住我既消費能力。

我月薪15k，計哂所有支出，得返5千儲，另外我係昆明有一個單位（商業用途為主）值50萬，我應唔應該賣左佢用左其他投資？我現金流有30萬，黎緊想同朋友做健身生意。

我係好想置業，想5年後買到樓，想儲首期。仲有70萬係係保險到，兩年後就拎得翻出黎（呢個舉動都係防止自己大洗）

多謝你一直無私既分享！期待5月股票班第一次見到你！謝謝你！

龔成老師：

首先，你要改變你的理財習慣，唔好再買名牌，實用最重要，因為名牌只給人一個表面的自信心，如果你個人本身有自信，其實就算用普通的品牌，都可以好好睇！

你要有「逼自己儲錢」的習慣，利用月供股票是一個好方法，長遠來講對你好有利。

現時，你有兩個目標，第一是黎想同朋友做健身生意，第二是置業。

先講做生意，我一向鼓勵人創業，因為這是突破的機會，但你都要明白，創業要求你有多種技巧，你要預計到生意有多少，支出多少，多少客才能收支平衡，你做的生意，當區有多少對手，出面的區域，平均多少人口有一個店舖。

你一定要做足功課，你要保障你的資金在合理的回報。

如果健身是你的興趣，以及你想長遠發展的事業，你就唔需要理會過往讀D乜，最重要是將來。你要想想，點樣可以利用健身，有最大的突破，甚至，有無可能將你設計的知識，結果健身相關產品。

股票方面，你暫時保持月供計劃就得，等上完股票班，先作出策略上的可能的變動。5月見！

------------------------------------------------

Q14703：

龔成老師你好！我有問題想請教你。

我今年30歲，現時月供緊金沙，港鐵同比亞迪股份尼3隻股票，每隻都係月供$2000。另外仲入左1手盈富。手上現金只有8萬蚊。

1） 因為尼兩個月會岀花紅，預計有$50000可以用來投資，我好唔好用嚟入2手股票定係留現金比較好？買股票方面我暫時諗緊入2手盈富/2手比亞迪股份/1手盈富+1手比亞迪股份，邊個比較好？或者老師有冇其他好建議？

2） 盈富同比亞迪股份幾多錢可以入貨？
謝謝老師回答

龔成老師︰

1） 現時大市只在合理區，你最多只可以投入一半資金去入貨，其餘等待大跌市才出手。分配方面，你可以考慮2至3手盈富（2800）+1手比亞迪（1211）這個比例，可以適度配合翻你年紀，較需要增長力的情況。

2） 盈富（2800）你可以睇翻恒指市盈率，過往恒指市盈率波幅在8-22倍。現時恆指不足12倍，算是合理區，其實已經可以入第一注。

而比亞迪（1211）最近升了不少，但算在合理區較底部。佢大約$38以下才算平宜，$35會較安全。但如果你無貨，現時在合理區，入第一注都可以。

------------------------------------------------

Q14704：

Hi 龔成，想問一下855中國水務前景如何？現價$6合理嗎？
謝謝

龔成老師︰

中國水務（0855）本質正面的，業務發展不差，生意保持理想增長，不過，負債是佢最大的問題，這令佢的風險度增加。

當經濟轉弱時，佢這類負債較高的企業，要對的不確定性會更高，所以佢股價不斷下跌，只是市場正常反映佢的風險度。

現價合理，此股可以長線持有。但注碼方面唔建議太大，同時你要明白佢股價仍會波動。

------------------------------------------------

Q14705：

老師想請問，鷹君（0041）呢隻股票，有六成幾冠君（2778）嘅股權，依家股價又咁低。

而家買鷹君，就有埋同價錢嘅冠君嘅股權，再送埋其他嘢，包括朗廷SS。冠君好似都係合理價錢嘅投資，咁鷹君係咪好抵？

龔成老師︰

鷹君（0041）業務本質不差的，佢主要從事酒店業務、物業投資、建築材料銷售、經營共享工作空間、證券投資、提供物業管理等。佢業務本質不差，有長線投資的價值。

佢分別擁有冠君（2778）和朗廷SS（1270）6成多股權，2者收入都會影響到集團總收入數字。但留意翻2者都是房託，增長力唔會太強，而且朗廷SS以酒店為主，會較受經濟週期所影響，會較波動。

鷹君近期股價回左好多，現時已到了合理區中下部分的水平，分注投資可以。

但不要預期股價爆升類，這只是平穩增長類，同時有少少股息。

------------------------------------------------

Q14706：

成老師 請問你對0831有何看法。本人透過生活選股 得知旗下Zoff眼鏡界“uniqlo" 在港擴張很快。

龔成老師︰

利亞零售（0831）主要從事經營連鎖式便利店、餅屋、電子商務及眼鏡業務。

當中包括不少為人熟識的品牌如OK便利店、聖安娜餅屋、Zoff眼鏡店，當中收入絕大部份來自便利店業務。

此股正面的，這股有長線投資價值，收息不差。但你要留意翻，佢增長力唔會太強。

------------------------------------------------

Q14707：

老師，我現在主力月供緊盈富，港鐵，煤氣呢3隻，現有用10萬入市，可以嗎？

另外，應該再加邊隻收息股比較好?

龔成老師︰

現時大時在合理區，但未算平宜。我建議你此刻可以將投資資金一半，用"分注形式"去買入優質股。如果你總資金有20萬，那現時投放10萬可以。

至於另一問題，"應該再加邊隻收息股比較好?"，首先要睇翻收息股適唔適合你。

我地投資會運用「先增值，後現金流」作方法，初期應投資較多增值類資產，較後期則應投資較多保守類項目。所以係放配投資項目時，會因應番你的人生階段。

如果你年青，可以"平穏增長股"+"潛力股"，但你已近退休之年，就應集中在"收息股"去創造平穏現金流。

如果你開始接近退休之年，你可以在組合中加入收息股去減低組合回報的波動性。但你若在中年，甚至是年青人，收息股這類無乜增長力的股票，就唔係咁適合你了。

以下是一些優質的收息股，給你參考︰
收息股︰港燈（2638）、香港電訊（6823）、工行（1398）、匯豐（0005）、置富（0778）、陽光（0435）。

------------------------------------------------

Q14708：

想問2899會有機會升到4.5?

龔成老師︰

其實我唔主張去找目標價，一個企業只要優質，而質素無轉差，就應該一直持有，以達至最佳財富增值效果。

紫金礦業（2899）︰主要從事黃金及其他礦產資源的勘探、採礦、生產、冶煉及銷售。

但你要留意番，雖然這類資源股雖有投資價值，但只算中等。

原因是這樣，資源本身有一定的價值，但盈利始終受國際黃金價格影響，本質上會較為被動，無乜價格自主能力，同時產品無差異性，是典型的商品企業。這類企業都有一定的投資價值，但就不會太高。

------------------------------------------------

Q14709：

老師你好，本人今年27歲，月入2萬。自從睇咗你個page 之後開始明白投資嘅重要性。現時有進行月供股票，持續進行咗1年。

$3000 盈富 （2800）、$1000 比亞迪 （1211）。請問呢個供股組合係咪可以繼續保持？打算供多$1000股，金沙 （1928）、領展（0823）、港鐵（66），你會建議邊隻比較好？

另外持有阿里巴巴 （09988） 100股、領展 500股、盈富 1123股、比亞迪 182股。其中阿里巴巴係招股時抽到的，盈富及比亞迪都係由供股儲返嚟。你認為阿里巴巴可以繼續持有嗎？定係應該先賣出，等回落時再買入？

最後想問老師，請問你覺得我呢組投資組合分配得好唔好？有咩改善嘅地方？ 多謝老師解答。

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你現時組合包含了"平穏增長股-盈富（2800）和"潛力股-比亞迪（1211）"都適合你，而且資金分配比例都可以。至於新加入$1000月供資金，你3隻選擇股票都有質素，以港鐵（66）比較優質少少。

阿里巴巴 （09988）有質素、長遠有發展潛力，此股可保留作長線投資。另外，想提提你注意一個很多投資者都會犯錯的想法，就是"估走勢"，想先賣出，等回調再買入。但絕大部份投資者都係失敗收場，令自已進退失據。

你要明白優質股票要長線持有，讓其慢慢增值，才是最有效的財富增值方法。

------------------------------------------------

Q14710：

龔成老師你好。因為睇左你 所以慢慢儲緊股票 鐵塔 比亞迪 盈富 建行等等！

我都深信散戶慢慢累積潛力股 用時間承擔風險 方為散戶生存之道。

可惜小弟有位朋友 1266西王特鋼
聽人介紹就入左十萬股 @$1.49

至今賬面已蝕十萬 我想請教龔成老師 對1266西王評價 應否減持還是全沽？

我再用你嘅說話去說服我朋友

龔成老師︰

西王特鋼（1266）主要業務為從事製造特鋼，產品包括主要用於建築及基建項目的普通鋼產品，以及特鋼產品，亦從事主要為鐵礦石貿易的商品貿易業務。

雖然生意保持增長，但盈利波動，始終於因為資源價格令盈利有影響。你見佢這刻好高息，但之前的2015年、2016年，無派過息。

因此，這企業的業務，會出現時好時壞的情況。過去一年跌了好多，現時估值不高，是唯一的值博因素。這類股其實只適宜小注博下。

如果此股佔你朋友組合比例很少很少，可以持有博下，但要注意是有風險的。相反，如果比例較多的話，必需沽出部份換碼至其他優質股會較好。

你要佢明白，我地是投資「優質股」，以及進行長期的「財富配置」。

------------------------------------------------

Q14711：

龔sir, 剛剛供股盈富數個月，其實有冇話供到幾多就停？ 謝

龔成老師︰

其實月供股票越耐、利用平均價格買入的效果就越好，建議最少都要供3年以上。

供款期間，股市上落我地基本上唔需要太理會。除非平貴的幅度好明顯，我地就會係現金與股票間的比例作調整（但唔會停供）。在月供股票的層面，一直進行都無問題。

因為月供股票是長期進行的過程，買入價會自然地平均，本身風險已有效減低，而恆指雖然在近期上升，但這刻仍然不足12倍市盈率，仍是一個合理的水平，因此可以照供。

------------------------------------------------

Q14712：

你好 龔成
請問下你點睇178 莎莎？而家價位算唔算便宜區？

有興趣小注入d
Thanks!!

龔成老師︰

莎莎（0178）本質不差的，但近期人民幣較弱，再加上中美貿易戰和香港社運等問題，令佢股價下調不少。

這企業本身有優質的，有品牌、有規模，在行業有一定的地位，賺錢能力不差，但就會受經濟及零售市道影響，令股價較為波動。

其實股票班我都有講這股的估值，在過往10年，自由行較為黃金年代過左，所以從估值上，無之前咁高，所以我都有講市盈率的位置，已經比之前有所調低。

佢在行業的優勢仍在，個整體行業及零售市道，無過往咁強，我地就要將估值略有調低。雖然長遠仍有質素，但這刻只能視為合理區較底部，投資注碼不能太大注，亦要有耐心先有收成。

------------------------------------------------

Q14713：

Hi 龔Sir，未睇你之前乜都唔識買左隻雅高控股（3313），我0.52入，現時已跌超過50%，雖然我只入10000股，但我應該蝕走定繼續等？

龔成老師︰

雅高控股（3313）主要從事大理石開採、加工、貿易、銷售、商品貿易及貨運、倉儲和物流業務。

公司市值不高，盈利十分波動，質素不佳。企業不斷虧損，無乜投資價值，賣出這股較好。

其實如果你有上過我股票班，一定會發現此股毫無投資價值。其實投資股票就會買企業，你要好好研究佢質素和前景，確定是有質素才作投資。

我建議你在進行下一個投資之前，多看財經新聞、年報、投資相關書籍和報一些課程。到你對這方面有基本技巧，才投入資金會較為安全。

------------------------------------------------

Q14714：

龔sir，1876，近期較低位，可以入注嗎？

龔成老師︰

首先我想你清晰一概念，我地買一隻股票與否，係視乎企業質素和前景。"低位"與企業質素無關，絕對唔應該成為買入一隻股票的原因。

百威亞大（1876）主要於亞太地區從事啤酒釀造及經銷，集團擁有知名啤酒品牌包括百威、時代、福佳等等，未來會主力在亞洲市場發展。此股有品牌和規模，有長遠投資價值。

此股上市至今只有很短時間，你有留意我fb，都會見我經常講唔會太推薦人買IPO。因為業務上，集團就算有吸引力，但新股半新股真實面要慢慢先見到，加上佢估值困難。初步分析，現價合理區頂。

所以，現價只建議持有小注，同時你要明白當中的風險。

------------------------------------------------

Q14715：

成哥 我一路見你都有推介金沙～2282 MGM如何～我已經買了幾年（平均價17.x）一直未回到～

我應唔應該繼續持有～假如股價回到17~我應該賣出嗎（曾經有試過回到呢個價， 但我沒有賣出，又跌返落去

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

美高梅中國（2282）有質素的，只不過你在2017年大升市時買入，個價比較貴。但唔洗太擔心，我地唔應該因為股價下跌而止蝕，只會因為企業優質度改變而止蝕。賭業中短期不利，但長期仍處於賺錢的狀態，因此唔需要擔心，有得守的。

只是你買入價貴左，可能要長少少時間。相信行業中短期會弱，股價會較為不利，但不要理會，長遠會慢慢好轉的。

------------------------------------------------

Q14716：

Hi 龔成，我今年27嵗，月入16k. 而家户口有2萬幾3萬。

我想而家開始為自己打算，你覺得我應該先繼續儲錢，例如：儲到5至10萬先再投資，定而家每月攞收入百分之10，hkd 1500 來供股？

我而家好迷茫，好冇方向

龔成老師︰

我會建議你先開始進行月供股票會較理想，越早月供，你可以享有複息優勢就越強。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

以你年紀是黃金增值時期，因為你有較長時間去投資增值，複息效果會更強。所以你應該想辦法去加大你月供金額（減少不必要開支，找兼職等），去提升增值效果。

月供方面，你可以選擇投資在平穏增長股︰盈富（2800）、金沙（1928）、恆基（0012）、中銀（2388）、港鐵（0066）、煤氣（0003）、港交所（388）、長建（1038）、粵海（0270）、領展（823）、深高速（0548）或潛力股︰比亞迪（1211），中生（1177）或福壽園（1448）。

這些都適合你年紀，如果你不會選股，可以直接全數月供盈富（2800），佢係一個包括50間質素不錯上市公司股票的組合，有效幫你平衡風險。

其實，27歲，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q14717：

老師好想問，貴，是不是代表會回落啊？

龔成老師：

不一定，這是從企業價值與股價比較，並不是市況的預測。

但價值投資者都認為，長遠來說，股價會趨向翻企業價值。

------------------------------------------------

Q14718：

老師，我在19年不停搵樓睇樓，趁在年尾決定買屋企附近二手自由市場居屋。

收樓後還要花費去裝修，加上其他開支，可以說已經沒有資金。之後每月供樓$18000，加上其他雜費，與太太二人每月仍可以儲$15000。

是否應儲一筆流動資金，然後才考慮買入優質股長期持有，還是可以開始月供股票？謝謝成哥不吝賜教

龔成老師：

如果你買樓後已無現金剩，這刻，要先儲一定的流動資金，視乎你地的家庭情況決定多少。

到了有這注動資金後，這資金以上的數目，才可以進行投資。

除非在你儲資金中途，大市明顯大跌，進入平宜區，到時就會彈性運用資金。

------------------------------------------------

Q14719：

我想問其實月供股票應該分散供4隻股，比較好，還是只供兩隻股比較好？

我現在開始月供股票
$4000盈富基金
$2000 恒基
$2000 港燈
$2000 電訊

請問這個組合是否適合我這個年紀(52歲)

另外本來想月供$2000置富,但係中國銀行冇這隻股票可以月供,所以唯有另外選擇電訊，這樣選擇有否太過重疊?

另外想問如果我miss左堂,是否每次都可以補返那堂的課程?

因為我是輪班工作,又要返夜更,如果調唔到更期,我就上唔到堂？好多謝你的指導

龔成老師︰

你上述所選的股票，都是有質素的，都可以作為月供，如果每隻供款的金額不太少，又或你能以較長的時間去月供（例如供5年以），你供較多隻數是較好的，因此，你可以供上面的4隻股。

以你的年齡，適合你的，資金分配亦無問題。無特別重疊，不用擔心，基本上，你已經可以開始進行。

至於課堂方面，我有補堂機制的，你某一堂無上，預早同我地同事講，下次開班就會安排你上翻該堂。

------------------------------------------------

Q14720：

龔老師。

有個問題想請教你，一間基本面唔錯，有未來可發展既公司，但經常大折讓地出售股權，值得投資該公司嗎？

睇年報，還有很多股權還未行使，知道當股權行使日期過後，權利就會作癈，因此管理層到期前行權變現獲利？多謝指教

龔成老師：

要睇影響的情況。

首先，我地會為整體公司進行估值，在這一步，可以暫時唔計股權部分無，你集中分析企業的質素、前景，投資價值等資料。

到下一步，就是計算每股的價值，這一步除了考慮現時的股權外，如果潛在的行使權好多，就要在這方面，考慮對每一股的影響，從而計算出，影響前後的價值，以比自己參考。

企業有這些給員工的認股權證，並不是新鮮事，不過，就要睇影響的程度，只要考慮這因素對每股價值的影響，就可以更準確去做投資決定。

----------------------------------------------

多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。

另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q13401-Q13420）

Q13401：

龔sir你好 先講講我背境 現階段我仲係一位大學生 因為想去外國留學讀書 但係屋企經濟唔允許

我因為咁覺得好唔扺冇得追求自己理想 留學每年學費20幾萬 生活費可能可以同屋企人商量佢地俾

但係如果我而家月儲5000係咪冇可能靠股票兩年後支付到我未來4年嘅學費 現有5萬現金

我有睇你啲書但係呢個目標係咪冇可能做到 我一諗到就覺得好唔甘心 有咩辦法可以改變現況？唔該晒你

龔成老師：

以正常的理財角度，你的確較難完成目標，每月儲$5000，2年要滾存到4年學費，並不易。除非你在香港，花超過2年去儲蓄投資，滾大了一定的資金先過去留學。

不過，如果你覺得好唔甘心，你以「最大決心」去完成這目標的話，就可以利用不同的方法。

但好睇你有「幾大決心」。

有二個方法：

第一個方法，你做生意。

你可以好好利用現時的資金及每月資金，去做生意，利用網上買賣，又或不同的平台，現時有些商舖結業，有些地舖可能有較平的短租，只要你把握到一些潮流，都可以賺到一定的錢。

你要努力去找商機，試試開發你這邊的「眼」，去找尋機會，我相信你要完成目標是有可能的，但你要努力。

第二個方法，努力做高時薪兼職，同時盡你一切的能力去慳錢，令你本金大增，同時盡最大努力學投資，將所有資金集中投資潛力股（當然這會有一定的風險）。

你要努力學選股、企業分析、企業估值的能力，然後要比市場快一步，找到這些倍計上升的股票，機會一定有的，問題是你有無足夠的能力找得到，加油！

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13402：

龔老師您好! 想問關於首次置業, 本人與妻子年40無兒女, 月收入40000.00 手上有30萬元股票, 70 萬余現金, 請問我們現在入市可以嗎?

如果入市我們應該考慮那個地區呢? thank you and looking forward your next class in Hong Kong!

龔成老師：

現時的樓價，可說是處合理區中上部，如果再升多少少，就有些貴。

因此，投資價值不算高，但自住的價值仍在，因為香港長期物業供應不足，長遠樓價仍向上。如果你買入自住，最重要是考慮「能否保持供款」，這點是最重要的。

因此，如果有自住需要，可考慮入市，我會建議市區，一些供應較少的地區，但你要小心唔好太高追，因為有些業主因政府政策而加價，你要用合理價買，唔好過高。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13403：

你好 龔成老師 我是最近在網上知道你的資料 所以也買了你的書來學習吸收下股票概念 現在我大約有50萬可以用 想幫2個小朋友增值做大學學費

目標是400萬 約7年時間 這個有可能做到嗎 請老師給予些建議我 如何可以通過投資進行增值 感謝你！

如果有老師最新的投資課程請也發資料給我可以嗎？

龔成老師：

如果要單單將$50萬，7年增長到$400萬，這是一個好高回報，如果你要強行達成，背後一定要承受相當的高風險，以你的家庭情況，並不建議。

因為我地投資，是在可承受風險的前題下，爭取合理的回報。

建議你除了運用現時的$50萬外，要加大資金，每月增加投資金額，才有機會滾存到較接近的數目。

如果你想增長多一點，可投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你暫時可以集中在平穩增值股先。

盈富（2800）、銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）等，你可以了解下這些股票，然後從中選股。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13404：

成哥, 謝謝你的1177!
想問下對1475有什麼評價及建議?

龔成老師：

中生製藥（1177）就算再升都好，都只能賣出部分，最好餘下部分，長線持有，這股有潛力的。

）日清食品（1475）不差的，簡單業務，有品牌。近期股價上升了不少，市場預期有一定的增長，因此這刻股價其實已反映了當中的水平，這音值博率不算高，小注好了。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13405：

想請問2588 中銀航空租賃 中長期表現如何呢?

值得長期持有嗎？我係63蚊入，會升到那一價位範圍呢？多謝回覆!

龔成老師：

中銀航空租賃（2588）可說是有風險有質素的股票，業務本質的確不錯，生意與盈利都保持理想增長，加上賺錢能力不低，同時企業有獨特性，因此企業正面。

但要留意，佢的業務原理，是利用借貸投資飛機然後放租，由於收到的租金比借貸的利息成本高，因此賺取了中間可觀的利潤。

但如果日後加息，對佢盈利有影響，同時，佢現時的負債不少，這都是風險的來源。整體來說，這股有投資價值，是潛力股類別，你可以持有，只要注碼不能過大，相信仍可以向上，但我一向不預期股價的。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13406：

成哥你好，想問下每股盈利複合增長率系點計出黎的，平時系股票app見到既每股盈利增長率系咪同一意思？

謝謝睇我既問題，求回覆

龔成老師：

財經網站、APPS所指供的，只是「一年的盈利增長」，即是今年比上年度，盈利增長了多少。

而我平時所講的「每股盈利複息增長」，則是指多年的數據計出的，例如5年、10年，這要自己計，你要用數學的複利息公式去計翻，每年的平均複息增長是多少。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13407：

你好, 本人跟先生做小生意, 有二間零售店, 已經營多年, 生意尚算穩定, 二人合共月入約十萬, 現時本人手持兩個住宅物業

(二個仍在銀行貸款中, 物業A市值490萬, 銀行借貸4成, 每月收租$11000, 物業B 市值650萬, 銀行借貸6成, 每月收租$22000)

另有一FULL PAY 車位, 每月收租$4000; 先生手持物業C市值$700萬物業。現時跟家人同住, 我們想在2-3年內購入市區3房單位自住,目標是1500萬-1800萬 新樓3房, 有以下

問題:

1. 先生手持的700萬單位剛剛做了轉按, 如果我們想在2-3年內套現再買入3房單位, 現在先把單位放租, 還是在把單位放賣先套現比較適合?

因為新樓一般都是買入樓花, 如果下年有合適新樓推出, 我們都有意購入作3年後自用

2. 我們二人合共有150萬現金, $3000月供基金, 暫沒有手持股票, 主要資產投放在樓市上, 以我們現時的資產組合, 有什麼方法可在2-3年內令手頭上的現金有2倍的增長? 月供股票?

是否有其他投資選擇建議? 因主要想到時可套足夠的現金入市

3. 本人手持的物業A打算下月放賣先套現, 之後再放賣車位套現, 如果在成功購入新樓3房才放賣物業B/ C, 是否很冒險?

是否有更好的放賣次序建議和報署?

我們終極目標是希望購入市區1500-1800萬3房單位, 同時手持本人其中一個物業收租以保證正常現金流

龔成老師：

1）你可以放租，但簽約的年期不宜太長，一年生一年死約是較合適的。無人知你這刻賣樓後，一年後的樓市變化，為左將這個風險減少，你到有需要買樓前才賣出現時的物業套現，是比較好的做法。

2）月供股票要較長期才有效果，若果只有2年時間，這未必是最好的方法。所以，你不如將現金，直接投入股市，但就不能動用太多（只能一半以下），因為投資要長期才有增長效果，因此你餘下要有一定的現金。

盈富（2800）、金沙（1928）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）等，你可以了解下這些股票，然後從中選股。

3）比較好的做法，是你確認想買3房單位前的數個月，才賣出單位A，而車位則現時賣出都得。

簡單來說，我希望你盡量做一個「換樓」的過程，這可以減少風險。即是你「持有香港物業的面積」，沒有太大的改變。

至於最終目標，都是不差的財富配置，但就太則重於物業，你會出現資產集中風險，因此，如果日後持有一個自住樓加一個收租樓，最好同時後之後的財富累積上，加上其他資產的比例。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13408：

老師，想問3690這隻股票可長遠投資嗎？
謝謝你

龔成老師：

美團點評（3690）佢業務巨大，同時增長快。不過，佢仍是有危有機的股票。業務較新興，但佢現時仍在燒銀紙狀態，我比較怕這類企業，不過近期現金流有改善，所以令市場好有期望。

這類企業不是不可投資，在要控制注碼，不能大注。

因為無人知佢燒銀紙燒到幾時，因此市場對其估值都是「估估下」，這一定會帶來股價上的波動。如此股佔組合比重唔多，現貨可繼續持有。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13409：

龔Sir你好，我剛大學畢業，想趁年輕開始投資。初步計劃頭幾年每月用$8000月供4隻股票 (各$2000)，再慢慢增加月供金額，目標30歲時儲到120萬以上。

如果想進取少少，想揾啲高增值能力既優質股，以下計劃你認為需要調整嗎？

暫時計劃係月供港鐵、煤氣、比亞迪三隻，再喺港交所、金沙、平保、友邦入面揀一隻，你認為邊隻較好？

港交所、平保、友邦價位好似都仲好高，尤其係後兩者，但佢哋前景又看好，應該幾時入手？雖然話月供唔洗理短期波動，但驚一開始供就跌到30歲;(，唔該晒！

龔成老師：

港鐵（0066）、煤氣（0003）、比亞迪（1211），都是有質素的股票，可以做月供，長線投資，現時已經可以開始。

至於最後一隻，因為你後生，可以進取少少，以增長力本計平安（2318）的確較好，雖然中短期計唔算平，但只要你長線投資，就無問題，考慮到增長力及值博率的問題，平安仍是較好的，現時已可以開始月供。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13410：

老師 好驚呀 公司有個大客戶言之鑿鑿說全球經濟下跌 再加上香港社會運動的骨牌效應 要盡快放晒手上股票咁話

多得平時聽你說越沒信心就越要買入 仍會繼續供地鐵 但始終心裡戚戚然
很惶恐

龔成老師：

有兩個要點你要明白，第一，所謂的分析，不一定準確，雖然經濟向下的機會的確大，但去到嚴重衰退的可能性不高，唔好單單聽人講，就認為這情況一定會發生。

第二，我地買股票就是買企業，只要企業優質，根本唔需要擔心股價波動，只要你長線投資，就算中短期股價向下，長期也會慢慢向上，因此，根本不用擔心。

好多人都會「預期股價將跌，所以放左先」，但這樣分析的人，絕大部分都會分析錯誤。

因此，還原基本步，買入優質股，長期持有就得。

至於港鐵（0066），賺錢能力好強，近期只是一些中短期的事件，無影響佢企業的長期價值。這刻反而適合去做月供。

佢收入主要有運輸、收租、地產，如果你從長遠角度，就能分析到近期的事件，對這幾方面長遠的影響都好少。

最多近期會影響了運輸收入，以及成本增加，但無影響長期情況。所以，只要你唔好理中短期股價，保持進行長期月供就得。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13411：

龔老師你好，我今年正踏入40, 無樓未婚家有一老要供養, 現有現金60萬和月供3萬股票 (現已累積30萬）組合如下：

中媒 $4000 新鴻基 $4000 領展 $4000 盈富基金 $8000 恒生債券基金: $4000
餘下$6000投資美股

計劃5年後移居台灣, 希望到時可有500萬資產, 請問現時投資組合可達目標嗎？如不能, 可否提供方法？萬分感謝！

龔成老師：

上述你月供的，基本上都有質素，可以長期進行，至於恆生債券基金，我就唔敢講好與壞，因為坊間有些債券基金有投資價值，有些則無，之前都有收過一些讀者，佢表平投資債券基金後出現了賺息蝕價的情況。

你每月能投資$3萬，連同原有的資金，如果以5年作滾存，大約可以去到$350萬。

如果你要打上$500萬，可以要每月再儲多$10000，然後這$1萬不要做月供股票，而是儲現金，等機會把握。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13412：

龔成老師你好
我24歲，岩岩返左工兩年

一年前用
$73.02 買左3首滙豐0005
$36.1 買左1首中銀 2388

依家貶到都唔知點樣好，本來想用黎草錢結婚，想問下應該點做？

龔成老師：

這兩股都有質素的，只要買入價處貴水平。另外，銀行股的賺錢能力比過往略有減弱，加上香港的社會運動，都令這兩股中短期的股價更弱。

要睇你打算在幾年內要結婚，如果時間在3年後先結，那麼這刻就無賣出的壓力，這兩股仍可以守的，不過要上翻去，並不是短期的事，起碼要等香港回到正常情況先得。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13413：

龔sir 你好。我係一個大學生未有收入，但係大約有3萬存儲。

你建議我依家應該要做啲咩同埋可以點樣學習投資知識？你有冇書係講點分析潛力股？

龔成老師：

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先。

我建議你將其中的$15000，買盈富（2800），餘下留現金，等投資機會。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

我建議你睇《80後百萬富翁》、《股票勝經》，都是適合你的。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13414：

你好, 我覺得撇除政治因素，港鐵於香港係地產收租股非公交股，佢而家回落咁多其實應該是低吸時機?還是觀望再候?

龔成老師：

港鐵（0066）好優質，這點不會改變，佢的主要收入包括：客運、租務、地產。其實近期的情況，都只會對佢中短期有影響，長期的賺錢能力其實無改變。

不過，這股一向都不平，現價處合理區中上部，分注投資可以。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13415：

龔成老師想問一下，本人29歲，只有2萬元積蓄，

1. 想買入一手1177，現在買入合理嗎？還是要等它再低價一點？（好記得之前老師在6、7元時有推介這股票，後悔當時未有入手...）

2. 另外，想用$3000月供股票，打算當中$2000供盈富基金，餘下$1000有幾個心水：金沙，比亞迪，煤氣。

我該配搭以上哪個會較好？還是有其他更好的選擇？
謝謝老師

龔成老師：

1）中生製藥（1177）雖然有潛力，但現價唔平，這刻投資的值博率不高，除非你可以收資金分成多注，現價先入一小注就可以。但如果你只夠入一手，這刻就不建議入，起碼等佢回落15%先考慮。

2）如果你可以承受少少風險，你可以月供盈富（2800）$2000、比亞迪（1211）$1000。

比亞迪中短期仍會弱，要長線投資先有作用，因此，你唔好理中短期股價，長期進行就得。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13416：

你好，想問問德視佳在13元買了
但在下跌

龔成老師：

德視佳（1846）這類新股，一向都唔易分析，因為新股只有3年財務數據，好易作出「修飾」，所以投資者在分析，以及進行估值時，會十分困難。

同時，新股往往股價波動，風險高，要好小心。

初步分析，佢業務波動，但不是無發展，最多只能小注投資好了，如持貨太多，宜賣出。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13417：

阿Sir，我係你學生，因為我有月供中銀香港同埋地鐵，現時呢兩間企業被狙擊，報道有指市值大蒸發。

我想確認一點：

除非今年中銀香港盈利顯著受影響，全年平均市盈率出現明顯異常，否則仍然可以沿用之前做嘅市盈率估值法，去衡量股價平貴；咁樣諗法啱唔啱？

甚至可以話，趁住有短期不利因素，以平價入貨？
唔該晒。

龔成老師：

首先，這兩股的長期投資價值仍在，不過中短期一定波動，但我地的分析點，一定是長期，例如「3年後的業務情況如何」。

當我地計算估值時，其實有一個好簡單的方法，就是你照用之前教落的估值方法，然後下一步，就是假設這企業會受中短期影響有多大。

若假設佢受一年內都受影響，令到佢一年都完全無錢賺，當我地計算估值時，只要用之前計出的估值，然後減去佢一年的盈利，這就是一個推算出來的估值。

現時港鐵（0066）處合理區，而中銀香港處合理區中下部，都是有值博率的，你可以考慮加大少少金額，但就未到掃貨區域。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13418：

你好，龔老師，想問問如果想為父母月供股票，預大概1000，是否應該供盈富基金?
謝謝你

龔成老師：

要睇佢地的年齡與風險承受程度，如果已經退休，就未必適合，反而投資收息股更好。但如果未退休，每月仍有收入，則可以投資盈富（2800），長期月供。

另外，你月供前，記得問清楚手續費，因為你金額不多，如果手費佔已佔了一定的比例，就會好影響回報。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13419：

龔成老師, 最近見到隻百威亞太一上市係咁升, 拜讀左你既選股文章, 此股能否成為另一隻維他奶?

龔成老師：

百威亞太（1876）質素的確有的，但這股現價不算平，從投資值博率角度，這刻吸引度不足。其實維他奶（0345）都有類似的情況，業務及增長力不差，但這刻有少少貴。

我相信百威長線不差的，但如果這刻略貴，我會建議你最多只能投資小小，然後等跌先會正式入，再升就唔加注，這會比較好。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13420：

老師請6110咩價入点睇法

3601又怎樣

老師請問788，現買入長線，好？

龔成老師：

坦白講，滔搏（6110）、魯大師（3610）這類新股，我一向都無興，亦無研究，因為新上年的3年數據，比較易「修飾」，根本好難得出真實面。

加上股價一般都較為波動，所以風險較大。

就初步的分析，滔搏業務有一定的規模，同時本質不差，投資價值有，但估值有點貴。至於魯大師，高風險類，雖然業務有可能高增長，但只建議小注。

中國鐵塔（0788）有質素的，只是近期有少少炒概念，所以這刻唔能夠太進取。

這股本身有質素、有前景，中國的3大電訊巨頭，都是佢的主要客戶，以及大股東，當5G發展，佢一定會受惠，因此前景仍然正面。

佢現時的收入正不斷增長，盈利都保持向上，但股本回報率不高，是這股較弱的地方。

由於這股有發展力，如你有貨，可長線。
但如這刻買入，就要自己衡量風險，同埋不要大注。小注分注慢慢入，都可以。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。

另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

//支持本Page請Click入內文比Clap，已為Medium收費會員請直接Click入內文閱讀，謝謝！//

出乎眾人意料之外，無視網上壓倒性的投票結果，《時代雜誌》還是力排眾議，挑選16歲瑞典「環保天使」Greta Thunberg成為年度風雲人物。呢種感覺就好似CCTVB個香港小姐全民投票咁，表面上好似有個民主方式比你揀人，實際上卻一早已Mark定邊個係冠軍。

好多黃絲立刻響網上話：「我地要大方啲，嬲《Time》頒佈呢個結果對抗爭無用」、「不如我地借呢個機會去叫Greta Thunberg幫我地宣傳抗爭運動，或者針對中國環保問題將大家連成一線」。去到呢度我只能夠講，呢班黃絲真係好有中國人果種偽善DNA，明明心裡面就係覺得個選舉唔公平、對香港抗爭者當選唔倒「年度風雲人物」好唔忿氣，但卻係連質疑呢個結果嘅說話都唔敢講出口。

結果Donald Trump個仔，小Trump Trump反而響Twitter上面幫香港人出咗一口氣：佢話《時代雜誌》完全無視香港示威者為自由捨命相鬥，反而走去吹噓一個Marketing Gimmick，完全係講哂黃絲們心裡面想講而唔好意思講嘅說話：所以點解真本性嘅Trump Trump家族咁得美國佬愛戴，係有其原因。

講番我自己點睇Greta Thunberg當選時代雜誌風雲人物呢件事，其實我係無乜感覺──無感覺嘅原因唔係因為扮清高，而係因為好早我經已睇穿咗《時代雜誌》比左膠操控嘅事實。話說響特朗普參選之時，《Time》係咁多個反Trump媒體之中，最多偏頗抹黑報導嘅。

最出面當然係《Time》拎咗一幅墨西哥喊緊嘅小朋友相同特朗普嘅合成封面，黎諷刺特朗普嘅移民政策拆散無數家庭──問題唔再於合成，而在於個細路女根本從來就無同屋企人分開過。其他仲包括《Time》記者老屈特朗普移除白宮馬丁路德金半身像，響被踢爆並無此事之後先倖倖然道歉……基本上《Time》對待特朗普嘅報導方式，其實就同黎智英抹黑本土派同黃毓民嘅方式並無太大分別；

但《Time》比肥佬黎仲衰嘅卻唔單止係抹黑政治路線上嘅敵人，而係當中你係屢屢見倒中共手影於其中。響網上面都有人講緊，早前收購咗《Time》嘅Saleforce，而家就響阿里巴巴嘅全力支援之下進軍中國市場，試問「年度風雲人物」呢啲咁舖張嘅Event，又有無必要拎黎得罪中國呢？

然後再加埋一班本身就左傾底嘅左膠主導媒體方針，我經已唔止一次見倒《Time》嘅報導同評論文章，係對勇武抗爭帶黎嘅破壞表示擔心、甚至話香港抗爭係一場「徹底的暴亂」、「警方被迫因應情況提升相對武力」，質疑暴力能唔能夠為香港帶黎真正嘅民主。呢種「共左+左膠」嘅夢幻組合，根本就係共媒01嘅方程式──所以當兩大風雲人物熱門，一個係能夠突顯特朗普環保不力嘅Greta Thunberg；另一邊係特朗普啱啱簽署完《香港民主及人權法案》力挺嘅香港抗爭者，你估《時代雜誌》響反Trump同得罪中國之間，選擇邊一邊？

至於對Greta Thunberg呢位「環保天使」嘅評價，首先我必須肯定佢響世界上嘅知名度──有廢老KOL話《TIME》頒年度風雲人物比佢係因為佢唔夠香港抗爭者出名，所以要比啲鼓勵佢：好心啦，人地而家響外國年青人圈子之間係紅到發紫呀：早排無啦啦香港國際學校啲學生同大學交流生無啦啦撲哂出黎罷課示威，你條廢老仲懵盛盛唔撚知，我身邊啲外國朋友無論係鍾意佢定憎佢嘅，都係Keep住Share佢啲報導同新聞架，咪下下都當全世界得你香港一個比人關心先得假。

然而，對於佢果種矯情式推銷環保，我卻係非常討厭。其實好耐之前對呢種左膠式環保提出個質疑，並以「環保相對主義」統稱：簡單黎講，呢班環保膠好鍾意企響道德高地批評其他人點撚樣唔環保，但佢地SET果個標準，好多時連自己都遵守唔倒──最常見嘅就係，環保撚成撚日問你點解要開冷氣，但佢地自己卻最鍾意旅行；因為自己難以擺脫現代城市式享受、卻又要偽善地搞環保，於是諗出諸如「可持續發展」呢啲自欺欺人嘅Terms出黎，就更係偽善嘅極致。

有關對呢種「環保相對主義」嘅批判，下次有機會另文再寫，響度我只提出一個質疑──唔止我，係有好多人都會問，響Greta Thunberg批判世界各地嘅先進國家點樣破壞環境之時，點解總係鮮會提及中國係其中一個最大嘅污染國？中國永遠最卑鄙嘅就係，平時就成日話自己「大國崛起」，響國際社會蝦蝦霸霸，用錢撻人、用武力恐嚇人；但當講到環保、貿易問題嘅時候，就立刻厚顏無恥咁變臉話自己仍然係「發展中國家」所以應該享有最大嘅優惠云云。

特朗普退出京都協定嘅其中一個原因，就係因為限制碳排放嘅條款對中國同印度係極之寬鬆，反之對歐美卻係極之嚴格。點解Greta Thunberg從來唔會講中國就係全世界最大污染國之一，而只係叫歐美國家承擔責任？

呢樣嘢亦唔止限於Greta Thunberg，當日綠色和平幹事，今日過氣左膠馮家強，就曾經以響北京上網可以睇倒熱血公民網站而質疑熱狗係鬼，但佢卻唔會回應同一個問題：點解綠色和平作為一個激進環保監察組織，卻可以響中共嘅眼皮底下自出自入？點解綠色和平響中國推行嘅環保行動永遠係放軟手腳？點解綠色和平嘅中國地圖係會包括埋台灣？

究竟呢啲環保膠同中共係咪達成咗某種「魔鬼式同盟」？我至少，環保膠欺善怕惡、特別係怕中國共產黨，卻經已係一個公開秘密。而我睇唔起呢條o靚妹，亦唔再於佢對環保政策認識嘅深淺，而在於由頭到尾，佢都無Guts敢同地球最大嘅敵人：中共對抗。所以有班黃絲話要借Greta Thunberg嘅環保議題向中共施壓，只再一次反映佢地對國際關係嘅無知。

最後最後，仲有兩樣嘢想講。首先如果你問我，今年嘅年度風雲人物應該頒比邊個，其實我早響10月已比咗答案大家，想知道嘅可以睇下延伸閱讀：另外《Time》嘅公信力之低下，其實都唔駛講第樣，剩係佢將Logitech嘅G502頒做年度滑鼠經已係鐵證：作為G502嘅用家，為咗要有無線叉電竟然要成千蚊買多張充電Mouse Pad；有線無線轉換根本唔叫咩新意； d按制位set得奇撚怪怪、個mouse wheel兩個mode都轉得好唔撚舒服，最on9係無左側邊shift制……真係算吧啦唔該。

點一龍 點心放題 任食
尖沙咀廣東道3-27號海港城港威商場地下G103號舖
Tel: 21753100

Stephen 感謝祭 第一炮 Giveaway!
A Peace of Mind Staycation Package.
1, 訂閱吃喝玩樂 YouTube
2, Follow IG http://bit.ly/2Ol1tjq
3, Tag 三位朋友 (太空戶口不計算) 留言話我知Q&A影片內你最驚喜或喜愛的問答題及原因

講得最好的朋友將會被揀選得奬, 結果將會在IG公布
截止日期: 13/3/2021 11:59pm
公布結果: 15/3/2021 12:00 noon

??影片三級制, 所有影片上架前絕不會提交任何人審查??‍♂️ 此影片為1級
✅(1) 老少咸宜，全自費睇得開心
(2) 純邀請拍攝，沒有金錢關係
(3) 合作廣告，支持頻道營運??‍♂️

多謝各位親愛的觀衆 ! 大家亦可緊貼我的 facebook / IG
????????????
吃喝玩樂 ►Facebook: http://bit.ly/2HIr701
吃喝玩樂 ►IG： http://bit.ly/2Ol1tjq
吃喝玩樂 ►MEWE: https://mewe.com/p/吃喝玩樂

✅ 想收到出片第一手消息，記得「訂閱」同㩒埋隔離個「? 鐘仔」，一有新片就會提你！
奧意
合作 Business contact ►Email: ctakfan@gmail.com

=============================================
Membership corner (會員專區)
?? ⭐️ ? ? 加入吃喝玩樂, 支持channel 繼續向前, 靠大家一㸃支持和鼓勵 ?? ⭐️ ??

成為會員和Stephen 緊密互動, 接收最新資訊, 半個飯盒的支持, 已經令我開心到彈起?
https://www.youtube.com/channel/UCrquuQB6v1Ued2xyRKZreGQ/join

??想一次性的支持, 您也可以為我買杯咖啡，支援吃喝玩樂頻道：小弟非常感謝您的貢獻
You can always buy me a coffee and help supporting this channel: https://www.buymeacoffee.com/rDdTOWa

???? Payme 贊助我哋嘅頻道﹕https://payme.hsbc/stephenleung1226????

⚠️??‍♂️ 溫馨提示：
所有體驗均屬於個人分享，食品質素及服務只代表當天的評價。歡迎留言及分享你們的用餐體驗。大家緊記酒店或餐廳質素可能因各種原因下跌, 本人沒能力亦不是我控制範圍內。還望大家明白????
??‍♂️ 互相尊重。
? 清清楚楚，如有推廣及贊助定必在影片中提及。從不掩飾，不需懷疑,，從不刻意將單據拍照，多謝!
❤️ 自由發揮，歡迎比 like，討論，批評，分享，更正，提點，改進，報料，甚至乎表示不喜歡?。唔好話我個樣就得啦??‍♂️??
? 如發表仇恨, 攻擊, 粗暴及破壞性言論，亦歡迎留言，不過不是在吃喝玩樂平台! 如有發現，3.75秒內會化為星塵 ✨✨

▄▄▄▄▄▄▄ ⚡️⚡️⚡️ 精選影片 ⚡️⚡️⚡️ ▄▄▄▄▄▄▄▄
??‍♂️全港自助餐大集合，一次過睇晒全港最受歡迎自助餐???????? ⭐️⭐️⭐️⭐️⭐️ 5 Stars
?????????
https://www.youtube.com/watch?v=GRhkiUhIqRk&list=PLkPmZi_hiLifriBJpDQ8MOl3pKaWNIPLC

??‍♂️香港美食推介 , 放題, 街坊小店, 特色餐廳, 真實食評! 食吧! ???????
?????????
https://www.youtube.com/watch?v=Wga8q4L2S_s&list=PLkPmZi_hiLie1BQ04RVQXz0qsRoEanJQG

??‍♂️香港素食自助餐推介 , youtube 最強素食自助餐清單☕️????
?????????
https://www.youtube.com/watch?v=RPIl84841uQ&list=PLkPmZi_hiLidlxQEmhXmaHua6mMljSav

吃喝玩樂 ►Facebook: http://bit.ly/2HIr701
吃喝玩樂 ►IG： http://bit.ly/2Ol1tjq
吃喝玩樂 ►訂閱我們： http://bit.ly/2OibRYQ
商務合作 ►Email: ctakfan@gmail.com
商務合作 ►watsapp: 55053986

#吃喝玩樂 #自助餐達人 #點心放題