🌟彩興來來火鍋🔥生鐵鑊即制湯底火鍋🙊 🥢 行完 pop corn 路經帝景灣， 比佢d落地玻璃吸引著就行左入了睇下豪宅。 行過見到有間火鍋店，老闆話佢哋用生鐵鑊打邊爐嘅，我哋見咁特別就入咗嚟試試喇！ 🥢 果然！冇令我哋失望🤩我哋揀咗湯底叫做黃金雞湯$188 入面有花膠、蟲草花同半隻雞； 簡左湯底後，侍應提我地個湯滾咗之後可以飲碗先，再慢慢揀火鍋嘅配料。 🥢 嘩！ 生鐵鑊打邊爐其實真係第一次。 侍應一開始就攞啲水嚟幫我哋洗咗個鑊，隨即就喺我哋面前製作個湯底。先用薑蒜爆香個鑊，之後再落花膠同雞，仲有最重要嘅蟲草花。炒香曬啲配料就加水冚蓋，煮成個湯底。 🥢 呢個湯淨係睇配料都覺得好足料好補啊！ 然後老闆就攞咗個九宮格過嚟，入邊放左唔同嘅醬料畀你簡。 入面有佢哋自家製嘅酸辣醬、沙茶醬、仲有火鍋必備嘅炸蒜、生蒜、芫茜、蔥。 另外好貼心咁樣準備咗一支麻油。淨係睇以上種種已經覺得呢一間火鍋店十分之貼心。 🥢 我哋就叫咗個醬爆手打丸$128，包括柚子墨魚丸、芥末芝心鮮蝦丸、黑松露蘑菇牛丸、花膠粒北菇肉丸；每樣都好有自己嘅特色。 🌟柚子墨魚丸；濃郁既柚子蜜係入面，特別清香。如果你冇食過甜嘅丸，提議你應該要食黎下啦！ 🌟芥末芝心鮮蝦丸；真係十分有刺鼻既芥末，芝士充滿成個口，但仍然都保持著蝦既鮮味。 🌟黑松露蘑菇牛丸，黑松露味比蘑菇搶去，但係食得出牛丸十分新鮮。 🌟花膠粒北菇肉丸就令到我諗起屋企人整的香菇肉餅，因為係完完全全係屋的味道。；但係比普通肉丸嚟得彈牙爽口。 🥢 🌟美國肥牛$98 切得比一般嘅火鍋店厚，不過美國肥牛可能就比較肥啦 🥢 🌟白鱔片$88 好新鮮肥美，食落去十分嫩滑，一定唔係擺喺冰箱嘅急凍貨。 🥢 🌟薏米柚子冰$28 棒住個燈泡打卡，配埋個柚子墨丸食，非常解渴 🥢 整體嚟講真係值得一試。第一👍🏻你冇食過用生鐵鍋打邊爐；第二✌🏻食材整體嚟講係十分之新鮮； 第三，最重要係，十分足料！ 🥢 📍將軍澳唐賢街帝景灣商場1樓34-35號舖 ☎️訂座電話：2682 9968 🚇將軍澳站B1出口，步行約7-8分鐘