呢間叫做春禧堂嘅台式餐廳今日正式開業，進駐尖沙咀中港城，小弟早前有幸獲邀出席佢哋嘅試業派對🥳率先試左佢哋多款的台式美食和飲品，等我同大家逐一介紹下啦😋
.
👉🏻紅燒腱心牛肉麵🍜
一上枱嘅時候俾佢個大碗震撼到，個碗真係超級大，入面嘅份量當然都唔少啦。首先第一時間試吓佢個湯，湯頭有好濃牛骨味但不會很俗，入口都好清好順，飲得出應該熬製咗好耐👍上面嘅牛肉都唔少，有啲似我哋平時食開嘅牛𦟌，仲有牛肋條同埋牛筋，超豐富，而且每一舊都炆得夠腍又好入味，正😋。麵底方面佢係用類似手工麵，煙韌得來比較掛湯，整體來講係一碗出色嘅牛肉麵，而且價錢都係介乎$6x至$7x蚊一碗，以佢嘅份量同埋質素黎講CP值高！

👉🏻鹽酥雞扒滷肉飯🍛
除咗頭先嘅牛肉麵，佢呢一款飯都會配前菜，好有返左台灣嘅感覺😋佢的前菜分別係青瓜，茄子同埋小雲耳，三款都係微辣而且好開胃😋呢個鹽酥雞扒，真係不得了佢嘅外皮炸到夠晒酥脆，入面嘅雞扒又唔會好乾仲保持到肉汁，佢嘅炸物真係唔錯👍滷肉飯都好大碗，上面嘅滷肉都好多，出手絕對唔吝嗇，而且味道都做得好似台灣地道，係食完一口仲想再接一口嗰種，我同朋友好快就清晒🤣

👉🏻秋分鮮雞台式火鍋🍲
呢款係一人一鍋嘅台式火鍋，呢個鍋的材料包左鮮雞件，手工餃子，豆腐，雞髀菇，金針菇同娃娃菜，呢個火鍋相對地比較清淡，雞件都算新鮮同埋清甜，所以我哋就要點佢哋自己自家製隻辣椒油，佢個辣椒油又係好得，又辣又香，我同朋友問老闆有冇得賣，佢話遲啲係會有得賣，不過因為琴日係試業所以仲未有，下次我都會記住返嚟買佢嘅辣椒油㗎啦🤣

👉🏻台式小食🧆
我哋響等餐嘅過程都點左一啲唔同嘅台式小食一邊食住等，有古早味滷水雞翼，椒鹽花枝丸同埋炸地瓜條，個椒鹽花枝丸一定要試，出面佢係包左一啲好似瓜子等果仁嘅脆脆去炸，而且個火候控制得啱啱好，唔會覺得好油膩，超級好食😋

👉🏻喺呢度仲有好多特色嘅台式飲品，我點左一杯芝士奶蓋火龍果茶，角色係用紅肉火龍果所以好靚，飲落就比較清淡，芝士味都唔算好濃。朋友嗰杯係藍柑梳打，個樣都係好靚，佢話味道都唔錯😋
.
整體來講食完呢一餐台式晚餐感覺真係好似返咗台灣咁，夠晒地道可以一解我對台灣嘅思鄉之情，下次經開尖沙咀我都會返嚟解下鄉愁㗎😋

店名： 春禧堂
地址：尖沙咀廣東道33號中港城2座PL層3號舖（柯士甸站E出口 / 尖沙咀站A1出口）

#春禧堂
#尖沙咀中港城
#台式餐廳
#台式美食
#眷村牛肉麵
#春禧牛肉鍋
#台式四季火鍋
#台式蚵仔酥
#芝士奶蓋火龍果茶
#藍柑梳打
#好掛住台灣

《平價台灣食物》
勁耐無食台灣野，平時喺觀塘都係食阿元，今次試下其他先。
————————————————————————
#古早味魯肉飯 💰38
呢款飯都幾大碗下，魯肉同飯既比例係1:2，好多粒肥膏，夠曬油脂味。呢個size係大過阿元個碗，值得一試。

#惹味肉燥乾拌麵 💰38
肉燥相對上無咁重口味，淡啲。麵份量都多，唔想茜記得提前講定，麵係好淋身，都幾好食。

#滷蛋 💰10
呢個樣貌不吸引，正正常常。

#黃金香酥排骨 💰42
大份，不過炸得唔脆，食落個底係勁油。唔建議叫。

#鹽酥雞 💰42
呢個雞細細粒，都幾大份。食落都算係脆身啲，算幾值食。

飲品得一瓶瓶既野飲，黑糖冬瓜茶好飲，不過無得少甜，樽細咗啲，有啲特色，不過要$28，太貴。

抵食指數：6/10
好味指數：6/10
回頭指數：5/10
————————————————————————
📍 龍鳳號 (觀塘)
觀塘駿業街56號中海日升中心2樓2B號舖

#yummyfood #hkfood #hkig #hkfoodie #foodie #delicious #hkgirl #hkrestaurant #hkfoodblogger #foodiehk #hkfoodshare #hkfoodlover #hkfood#instagram #hkeats #lovefood #相機食先 #手機食先 #吃貨 #美食

《平價台灣食物》
勁耐無食台灣野，平時喺觀塘都係食阿元，今次試下其他先。
————————————————————————
#古早味魯肉飯 💰38
呢款飯都幾大碗下，魯肉同飯既比例係1:2，好多粒肥膏，夠曬油脂味。呢個size係大過阿元個碗，值得一試。

#惹味肉燥乾拌麵 💰38
肉燥相對上無咁重口味，淡啲。麵份量都多，唔想茜記得提前講定，麵係好淋身，都幾好食。

#滷蛋 💰10
呢個樣貌不吸引，正正常常。

#黃金香酥排骨 💰42
大份，不過炸得唔脆，食落個底係勁油。唔建議叫。

#鹽酥雞 💰42
呢個雞細細粒，都幾大份。食落都算係脆身啲，算幾值食。

飲品得一瓶瓶既野飲，黑糖冬瓜茶好飲，不過無得少甜，樽細咗啲，有啲特色，不過要$28，太貴。

抵食指數：6/10
好味指數：6/10
回頭指數：5/10
————————————————————————
📍 龍鳳號 (觀塘)
觀塘駿業街56號中海日升中心2樓2B號舖

#yummyfood #hkfood #hkig #hkfoodie #foodie #delicious #hkgirl #hkrestaurant #hkfoodblogger #foodiehk #hkfoodshare #hkfoodlover #hkfood#instagram #hkeats #lovefood #相機食先 #手機食先 #吃貨 #美食

士林・便丼達人
只做外賣,一樣用高水準標準去做
外賣都可以用心做,食得出的溫度
先介紹鹽酥雞,超大盒,份量好多

類似炸雞既賣相,但鹽酥雞既味道
炸得透,唔多油,好乾爽,咬開有肉汁
炸得好有水準既雞粒~
荔芋炆燒雞套餐
包菜,飯,飲品,份量十足~

料多之餘味道亦做得好,汁撈飯好食
雞肉夠多,骨少,食起黎好嫩滑
另外仲叫左份shake薯條
最後就食埋份便當拌麵

手作烤焗雞腿肉燥烏冬
烏冬撈埋佢既秘製肉燥真係味道好夾
3隻烤雞腿,焗得香口
肉燥先係主角,撈埋麵條一齊食
個肉燥汁做得味道甜香易入口

#士林便丼達人 #台式 #台式便當 #台灣菜 #外賣 #堂食 #灣仔美食 柴灣小西灣道9號富欣花園70號舖
灣仔謝斐道313-323號帝城大廈地下A號舖

台式火鍋放題,食足120分鐘,午市食90分鐘
有九種鍋底,先點鍋底再用電話自助落單選食材
另外有自助吧拿飲品,麵食,蔬菜,肉丸等
鍋底未熱就先去拿食材同落單
爭取時間拿食材,120分鐘只係勉強夠用
湯底有麻辣,酸菜,紅燒牛骨,番茄,薑母鴨,素食
選了一個鳳梨雞鍋,溫補唔燥熱
有半隻雞,苦瓜,鳳梨乾等唔同配料
湯底味道不濃,唔會搶過食材既味道

有牛五花,牛板腱片,肉眼,牛肚,牛筋
主力食海鮮同牛肉就夠,豬肉羊肉我也沒點
鮮魚漿有D腥,麻麻地,點醬汁食就好D
牛肉漿好食D,彈牙鮮味
每個價位既牛肉都有點一次試試
最平就好肥,同埋無咩肉味,質素平平
最好食有驚喜係牛板腱肉位切片
平時食牛扒就食得多,切片做火鍋一樣咁正
肉質細緻有彈性,肉味濃而不膩少脂肪
牛肚好食,牛筋粒到粒上,唔得

鴨血夠嫩夠水,口感好！大蝦彈牙蜆夠大隻

牛肉唔錯，食左１２碟！

仲有醬吧，去自己調返個混醬
另外試左豆腐同水餃，都係無乜特別



飲品吧有幾款台灣飲品，另有冷泡茶，可樂
飲品款式算多



油條脆但油味重，牛肉漿好食，蔬菜款式多
肉丸也多選擇，蛋餃太薄無味道
埋單上埋台式甜品一碗～
水餃有６種，小吃有排骨酥，滷肉飯
鹽酥雞，小香腸，台式特飲有幾款
食材唔係每款都好食，但集中食牛夠回本

桂花小幸(將軍澳廣場)
將軍澳商場呢邊多了很多餐廳,整個商場也有改變,但呢間台式餐廳仍然一樣咁多人排隊未夠七點晚市時段,已經坐滿場了,在門外拿位,也要等5-10分鐘先有位
入座要填資料或掃安心,但多數人也是填資料,填完交店員就好了
下單方法,去收銀落單,報座號,落後付款,最後有專人送餐,免加一！
仲可以叫埋台式特飲，相當抵飲有水準

燉湯餐$76,包湯包菜包主菜,選了滷肉飯配炸鹽酥雞扒,加飲品$8 菊花冰茶
台式特飲水樣鮮果茶$27,蜜桃烏龍茶,$19 鹽酥雞花枝丸 5粒/$42
牛三寶紅燒湯麵 大約10分鐘就上菜！
牛三寶,有牛肚,牛筋,牛肋肉,牛肚滷得入味,帶點爽脆~
牛肋條夠入味,肉味濃之餘夠香,牛筋帶點膠質,夠大件,紅燒湯,帶點甘甜,微辣
湯麵吸滿湯汁非常對味

燉湯 雞肉虫草花 清香易入口,味道淡而順侯
厚切鹽酥雞扒,皮脆肉略為乾身,如果多D鹽酥粉應該更好食
另配滷肉飯,超大碗,滷肉濃味配白飯無得輸 肥美的豬肉加上香濃的醬汁幾好吃
花枝丸好鬼大粒,炸得夠透,但無鹽酥粉既?_?
咬到有花枝粒,好彈牙爽身,都係個句,鹽酥粉重手D會更滋味

呢度最好飲之一係佢既菊花冰茶,香氣十足,十分解膩,冰涼透心
另外2杯台式水果茶一樣咁好飲,放滿多種口果片！蜜桃烏龍仲有成隻茶包～
帶走返去仲可以加水沖多杯自己飲～