［泛美客機］可以回憶。埃汾以前追個空姐都係做港龍。但追不成。

南早報導：Cathay Pacific ‘to axe 6,000 staff and Dragon brand’ in bid to stay afloat（https://bityl.co/42zJ）

未係官方，係南早爆料，但南早明顯有內線（又或者根本有人放料）。正如上次 新加坡travel bubble都係佢地最早爆，1:00左右就出咗。「如果12點前爆就有得買」（而你睇嗰日，國泰十一點幾股價炒晒上去，我打死唔信冇人知，但不是本文重點）

畢竟好多人被炒，就正經啲唔好傷口落鹽了。埃汾向來都唔鍾意跟紅頂白，相反係人人吹捧我先潑冷水。

想講幾樣嘢，應該互相無關係，排名不分先後

第一，許仕仁識食。貫徹佢住又要禮頓山，紅酒又要靚，歌劇又飛去歐洲睇嘅作風。再講一次，許仕仁好識食。仲唔明？咁睇文。（https://bityl.co/42x7）

第二，其實疫情之前，已經有討論係咪應該放棄港龍呢個Brand．買埋快運後仲有冇必要？但當然，當中又涉及大陸啲麻煩嘢，搞搞搞一大輪，而家當然係big bath kitchen sinking 一鑊過全部做晒，幾時都係咁玩。但當然唔要個Brand per se不等於要炒人（頂多炒幾件marketing），正如留個Brand亦不等於不炒人，兩者可以冇乜相關

第三，又其實，「國泰港龍」呢個Brand先用咗三年幾。之前係乜？「之前就咁叫港龍」。所以好難怪啲人覺得管理層開會真係so 戇鳩，出trip一大堆brainstorming又搵consulting firm搞一大輪就係做啲咁嘅嘢。然後3年又摺埋佢。成件事十分WeWork，十分欣榮花園購物商場（https://fbook.cc/3HLx）．「可能兩年有快運港龍出返嚟」

第四，當年嘅任天堂灰機（＊），係有「港龍」品牌（https://bityl.co/42xx）的，唔關Airline事？但我記得個logo好似差不多？

第五，有網友問，買乜好（香港精神！），買293定19？答案：梗係買有港龍logo嘅嘢，絶版啦，飛機又好，杯又好，飛機杯都好。笑？上次廚叉咪賣過二手飛機盃！埃汾有報導！（https://fbook.cc/3HM7）。遲下啲制服呀，袋呀，好似PamAm咁成為絶唱了。

第六，私人嘢放最後。我未結婚前追過個港龍空姐（有乜出奇？），打後我就refer佢as「50萬空姐」，自己意會下點解。想當年我係開咗佢Excel研究呢個計劃嘅可行性（好友廖博士對此半佩服半恥笑）。而早排Economist 有篇文講A growing number of people are organising their love and sex lives via spreadsheets. （https://bityl.co/42xO），我真係走在時代尖端。

（＊）灰機（＊＊）呢樣嘢，值得我打多篇文回帶講。首先，後生仔真係唔識，但任天堂紅白機你可能聽過。紅白機係水貨，唔suppose在外國賣，冇代理，但當然要買好易買到，全旺角都係。灰機就係拎正代理嘅「行貨」。日本當年係有呢啲出口垃圾好嘢留返本土嘅習慣。灰機就是好撚垃圾，成撚日都接觸不良，個撚個小朋友都要用吹濕佢．但凡有人同我講「水貨」係犯法，或者劣質，我必定講「紅白機」三個字回應。真自由L右翼冇理由唔支持「水貨」，代理根本就係暴政，rent seeking，收貴你仲要賣垃及。「水貨」冇保障？你都戇鳩。日本人啲工藝咁好，我部紅白機玩撚到變超任都冇撚壞過。行貨灰機？你老味我冇撚見過個代理幫我吹（Literally）

（＊＊）資深讀者聽過，但冇法唔回多次帶。而家啲小朋友都仲打緊「薩爾達傳說」（＊＊＊），對不？但元祖「薩爾達傳說」當然係在紅白機，好撚好玩。但，打灰機你就仆街了。點解？因為有一關迷宮，有款怪物，好難打，叫大耳怪。就咁打打撚到天光。但，有秘技的—因為紅白機個控制器有咪高峰，你對住個咪叫，啲大耳怪就會消失！不得不服日本人創意。但，你打灰機就仆街！因為灰機係冇呢個米高峰的！戇鳩到一個點！

（＊＊＊）而家資訊咁流通應該好多人知，但都介紹返，個遊戲叫「薩爾達傳說」，但「薩爾達」係個公主，唔係主角。文青講句，埃汾偶像F. Scott Fitzgerald（大亨小傳 The Great Gatsby），佢老婆就叫Zelda．「薩爾達傳說」遊戲個主角，笠綠帽拎盾牌嗰位，叫「林克」（＊＊＊＊）。正如科學怪人Frankenstein，Frankenstein係個科學家，唔係隻嘢！

（＊＊＊＊）「薩爾達傳說」二代就叫「林克冒險」，更加好玩。

--------------------------------------------
Ivan Patreon 狼耳街華人，一星期至少三篇港美市場評點，其他免費好文推介，每日一圖，仲有FB Page post summary．一個月一舊水唔使，開張兩個月已 600人訂，仲有兩篇免費試睇：https://bit.ly/31QmYj7

--------------------------------------------
Instagram @ivanliresearch．七成金融（短打）兩成嘢食一成其他嘢。
--------------------------------------------
［收費短片第十擊］人民幣升值受惠股，美股二線科技股揭秘
課程資訊：https://homebloggerhk.com/course_detail/?code=CC010
內容:
*軟件股IPO狂潮
*買平台股好過
*人民幣強勢買咩好?
本星期內特惠售價: $80
課程編號：CC010
觀看期限：首次播放後一星期及限每影片４次
客服whatsapp: 63832145

每一次聽到，「宜家associate 一代不如一代，以前我地已經做緊咩咩咩，宜家啲associate只識做啲咁基本嘅嘢。」

但其實一間咩公司就吸引一堆咩嘅人

一個點嘅上司，就吸引點嘅下屬

你以為有例外，我同你講，係無例外。

一個只講不做嘅上司，下屬都係A字膊，講完當做完，最後係睇下A到邊個level

你想吸引勁人入firm，先要有一套完善的員工保障守則，邊有人入嚟諗住「不死就要好好工作」呢啲格言，邊有人瘋狂OT 不求回報，邊有人唔睇投資回報率。

今日我地瘋狂OT，唔係因為我地好撚鍾意OT，而係我地相信有一天我地嘅付出終有收穫嘅一天，而呢個收獲唔係微細嘅收獲，而係大豐收。

當有一天，你發覺你的回報率遠遠追不上投資率時，你還會繼續付出嗎？

IG: Fakemanching1607

梧：WAHAHAHAHA, saids the mofo who runs one of the biggest FUCKING BANKS in the world

＃睇完大象席地而坐就更加覺得你個撚樣好撚虛偽

佢叫阿占， 係2019年1月6號下午1點之前既一分鐘，佢問我仲有幾耐到。 我問番佢： 如果我有多張船飛， 你會唔會同我一齊走？ 佢話無帶行李，得兩支poles. 我話咁行啦， 仲有5分鐘就到。 個陣時， 我地羅漢塔都未到。

阿占拎兩支pole,係因為出發前我地已經講得好清楚， 呢條線難行， 有險位。 我諗佢黎得，係想挑戰下自已。

我讀得書少，量力而為同挑戰自已既平衡點係邊我唔識計。 但如果你想挑戰自已， 咁你要確保隊友有多張船飛， 同埋等埋你。 睇得出， 阿占行得好辛苦，但佢無怨過，佢同我講唔好意思拖慢左大隊。 我話大把時間，慢慢黎， 行得完就贏。 每次佢行到頂唔順要抖時， 都會笑住咁問我："仲有幾耐啊？" "5 分鐘" 我答得好firm. 我諗， 佢應該笑緊自已做物要跟呢班痴線佬行呢條線。 又或者， 佢諗緊一陣間落山去邊度買把菜刀斬我地。

5 分鐘之後， 我地落左山， 我拍一拍佢搏頭同佢講"勁wow" 佢講左聲多謝。最後，我地去左食一間好好食既泰國野，阿占無斬我地。 第日，佢仲係個group 度問我地係邊度買對好D 既行山鞋。 我諗， 佢會變行山撚。

山界三大謊言： 5 分鐘；轉個彎；就快到 其實係想係你就黎支持唔住既時候，比個希望你，撐落去。 望住個就快到既終點， 唔知點解，咬實牙根，又真係會行得到。 望番轉頭，或者你都唔信自已已經行左咁遠。唔淨係行山， 其實， 做人唔係都係咁架咩？

佢係野鞋子， 一個唔識計數，唔識買鞋，唔識放棄既人。 其實呢個video 係想講， 個whatsapp group 爆 左， 唔好再DM 我了。 Bye Bye ~

http://www.facebook.com/lamfungfrances
http://www.facebook.com/tagconcept

【長生不老！那動人時光靠時空針回看！】
MICRO PURA 20 Rejuvenating Youth Secret 時空針（2.5ml x 10支）

當日嘅美少女轉身變，已變成2017嘅中女... 中女們，是咪好想回到過去試著讓青春繼續呢？由於叮噹此角色純屬虛構，所以時光機呢家嘢大家是諗也不用諗的！之不過咁，世界護膚品之大，要帶大家嘅皮膚回到過去，又唔是話完全冇可能嘅！


2017年，為TAG Concept打響頭炮嘅，就係呢盒來自美帝嘅「MICRO PURA 時空針」！Er... 一啲掌聲都冇，各位反應都相當唔熱烈呀下！55，瘋瘋都明白近呢一、兩年，大家都比啲乜針物針撚化到有啲攰... 試咁多嚟講，功效方面往往都係雷聲大雨點小！明明搽緊果陣仲好地地，一停用不出三日已經打回頹形！今次，瘋瘋耗時三星期再停用一星期去嗒真MICRO PURA個回春效果！一齊嚟睇睇佢點帶大家回復那動人時光吖！


你以為得出奇蛋先可以一次過滿足晒三個願望？點知原來擁有4大專利配方嘅時空針已經可以做到補濕、緊致、去黃、淡紋呢幾個留住青春功效！佢仲要唔是周身刀冇張利，而是張張利到連我林瘋都跌晒眼鏡兼跌埋膊！官方資料仲吹到佢係市面上唯一改善DNA嘅針狀精華素！


介紹返，專利成分Vitasource™有效活化端粒酶，可以維持端粒長度！但其實乜9是端粒呢？根據全能嘅維基百科教路，人體細胞係由幾十條染色體所組成，而端粒就係位於染色體嘅末端，即係好似條鞋帶兩邊果個保護膠咁！本來染色體嘅端粒係成條香腸咁長，但隨住年齡增長，佢開始因為耗損而縮短成芝士腸喇嗚哇！細胞繼而老化，皮膚繼而衰老！而Vitasource™除咗可以keep住端粒個長度，仲可以促使細胞繼續分裂，重建皮膚結構！想皮膚長生不老？有得諗喎～


另一個活性度高、穩定性強嘅專利成分Retinol GS50，宣稱一星期內令膠原蛋白Level Up！緊致毛孔無限縮，仲可以改善幼紋及色斑問題！


除此之外，有個十足美顏相機調到去7度嘅美肌成分Syn-Star™，短時間內將膠原纖維升呢387%！唔係講少，塊面即時firm到冇晒水腫！怪不得官方資料話83%女仕聲稱用完感覺皮膚是神話般的一天喔～


最近強國出現情深深霧霾霾嘅問題，唉其實腥港空氣都唔是好得去邊！時空針加入超級去黃成分Tego® Cosmo C 250，協助各位無心睡眠容易面黃嘅人仕改過自新，還原肌膚透白感！


老老竇竇，市場上針狀精華素多到有如紫薯芝士劣食咁泛濫！但MICRO PURA 時空針喺功效上冇咁易反彈果下好波吖嘛！擘到成粒波子咁大嘅毛孔都有本事搞返細（凹凸洞免問），補濕力亦達噴泉級數！朝早用可以修飾皮膚瑕疵，去水腫！夜晚激活皮膚細胞，減淡幼紋，緊致肌膚，淨白去黃！喂，估唔到DNA出錯都可以搞返好，你叫黎天王情何以堪呀！


長生不老成分：
Aqua, Vitasource™, Syn-Star™, Algae Extract, Glycerin, Panthenol, Sodium PCA, Butylene Glycol, Trideceth-9, Squalane, Tego® Cosmo C 250, Hydrolyzed Elastin, Hydroxyethyl Urea, Sodium Hyaluronate, Whey Protein, Rna, Hamamelis Virginiana Extract, Polysorbate 20, Phenoxyethanol, Scutellaria Baicalensis Root Extract, Lecithin, Hydrolyzed Silk, Propanediol, Wheat Amino Acids, Carbomer, Retinol GS50, Disodium Edta, Lysozyme, Citric Acid, Hexamidine Diisethionate, Hexapeptide-11, Tripeptide-10