【 王雙駿《砂之器》編曲拆解 】 _ 每個歌手都有一個屬於自己的「世界」，而歌曲就是通往該處的大門鑰匙。 _ 細數 #柳應廷 幾首單飛派台歌：《水刑物語》、《迴光物語》、《風靈物語》，還有《狂人日記》，整體製作水準不俗，然而就是無法與之「接通」，直至最近《砂之器》派台，那串「鎖匙」總算出現了，除了 #小克 撰寫的歌詞、 @shengwong_ 執導的MV能夠打動人心外，負責作曲與編曲的「Carl叔叔」 #王雙駿 絕對將整首歌曲提升至極高水平，尤其是中段Music Break響起的鋼琴聲，是全曲最讓我有感覺的一節。透過「音樂研究所」的訪問，以及附設在短片解說，相信讀者能夠了解更多新歌的創作細節。 _ 採訪、撰文：音樂研究所 編輯： #游大東 _ 「做阿Jer呢堆歌係好飽，每一次都好滿足！例如上次做《狂人日記》玩到咁癲，我就諗：『今次應該點做好？』但原來當一班傻佬抱住同一信念，啲嘢自自然然就會生到，呢樣我覺得係最難能可貴。」 _ 多年來炮製過無數樂壇經典好歌，王雙駿（Carl）仍然抱著一個信念 ——要夠好玩。從《水刑物語》到《砂之器》，利用編曲說故事，細聽下每首歌的聲音細節也是相互連繫，這是他給自己設定的一個遊戲規則。 _ 柳應廷（Jer）的「重生」系列三部曲，不論在概念、歌詞、編曲及MV層面，也被樂迷稱之為上乘的藝術作品，而在王雙駿的眼中，創作過程好比充滿驚喜的實驗。談到《狂人日記》瘋狂的編曲，他形容最過癮的地方，就是有做電影配樂的感覺。拿着歌詞，幻想那部分是甚麼的畫面，配怎樣的音樂才好。 _ 「狂人其中一個特點，你永遠唔知佢開邊瓣，有時唔出聲，有時會發癲，所以我同阿Jer、吳林峰（作曲）、小克（填詞）就諗，不如成首歌係咁變。所以你一時聽到鋼琴獨奏，一時又有澎湃嘅鼓、電子音樂、管弦樂⋯⋯同埋bridge位（連接段）我專登編到好似另一首歌。有一日我同小克、阿Jer傾傾吓講起黎曉陽，諗起佢原來識『喉唱』（蒙古特有演唱技巧）同吹Didgeridoo（澳洲土著的吹奏樂器），後來我哋就搵埋佢錄音，一路錄一路試，再將阿Jer把聲擺埋一齊，出到嚟嘅效果好特別，感覺就好似狂人發完癲，然後去咗自我覺悟嘅境界。」      _ 完成《狂人日記》後，王雙駿表示自己心中已經有畫面，第二首將會是一首浪漫的作品，而歌詞卻是非常有深度。  _ 《砂之器》中個人認為最難忘的一段音樂，是Music Break那盪氣迴腸的管弦樂，是王雙駿改編自電影 《齊瓦哥醫生》（Doctor Zhivago／1965）主題曲《Lara’s Theme》的一段旋律。在這段動人音樂之前，是一段由人稱啤老師的歌唱老師馮夏賢所唱的搖籃曲，聲音聽起來很遠，回音很大，就像媽媽對著肚內寶寶哼歌，寶寶隔著羊水聽到的聲音。他對這首歌的感覺特別深刻，有幾次錄音幾乎感動得落淚。   _ 「因為我自己都係爸爸，好清楚媽媽要生一個小朋友，到底要犧牲幾多。我腦裏一直有個幸福畫面，媽媽哼著搖籃曲，摸住肚幻想，到底BB係點嘅樣呢？有趣嘅係，BB會俾反應，真係會聽到。所以當第一次Chorus（副歌）完咗，我擺咗一段鋼琴彈嘅搖籃曲，到第二次（搖籃曲）出現，就係Bridge（連接段）之後，我搵咗一把女聲嚟唱。」 _ 王雙駿說，關於女聲人選最初沒甚頭緒，湊巧地那段時間他和啤老師在談其他事情，靈機一觸，他便想起啤老師是個適合人選。雖然她並不是媽媽，但就教過很多學生，同樣亦是一位演員，於是乎膽粗粗邀請她幫手。頭幾次錄音，他依然未有感覺，直至啤老師見到一樣東西。「我錄音室擺咗隻啤啤熊公仔，佢見到就即刻問我：『我可唔可以借嚟？』然後佢就攬住當係一個BB，跟住一唱，我即刻毛管戙，就係要呢種感覺。」 _ 撰寫《砂之器》，王雙駿給自己設計了一系列遊戲規則： （一）要求《砂之器》第一粒音接住《狂人日記》最後粒音，聽起來就是（狂）風起了； （二）《砂》跟《狂》的曲調同為 C sharp minor（升C小調） ，直至chorus才稍轉至C sharp major（升C大調）； （三）「風起了」後一句響起風鈴聲，呼應着《風靈物語》； （四）承接《狂》，弦樂依然扮演重要角色。 _ 「今次呢首歌由我自己寫番，係因為既然自己set咗咁多規則，如果交俾人哋寫又未必知你想點，同埋對人哋都好唔公平。」  _ 訪問中王雙駿不時強調，揀選甚麼樂器、用聲都是有根有據，例如第一同第二個verse（主歌），聽起來已經有明顯分別，後者的Mood and Tone較為黑暗。「第二段Verse（主歌）嘅第一粒音，你會聽到一下重嘅Bass Drum（低音鼓），我特登將個Low End（低頻）較重少少，想營造嘅氣氛係，BB隔著媽媽肚聽到外面（傳嚟）嘅聲音，就係呢種聽落好遠又模模哋嘅感覺。 」 _ 《砂之器》，代表著王雙駿第五次與Jer合作。經歷一年幾的磨合，見證著Jer起初錄 《水刑物語》時極無信心，到後來慢慢進入狀態，發掘到他更多的音樂潛能，Carl打趣說：「我同佢講：『你條命係屬於辛苦命㗎喇！作品只會一首比一首難唱。』難度不在於要幾高音，而係情緒投入度要好高先得。但佢份人好鍾意思考，好有諗法，俾份歌詞佢睇，好快已經有曬畫面。」  _ 至於第六首作品，亦即是重生三部曲的最終章，王雙駿說其實Demo一早已經寫好，務請大家拭目以待！ _ （30072021）

 今日，Pokeguide仔想善用公司資源，借個位嚟出一個post，希望大家可以幫幫手 🙇🙇  我有一位朋友叫Andy，今年24歲，喺城市大學讀書，今年5月醫生發現佢腦入面有2個惡性腫瘤，證實係第4期嘅惡性瘤，腦癌。呢個幾月，Andy一直抱住樂觀嘅心態打呢場仗，即使暫時返唔到嚟學校，佢每日依然都好正面為身邊嘅人帶嚟正能量，自稱醫院foodie嘅佢，仲好幽默地喺ig同大家分享每日喺醫院食嘅野.... 嗚嗚嗚... 諗起佢story已經想喊出嚟....  醫生話電療、化療、電場療法，單係機器就要用到90萬，對Andy屋企人嚟講，呢90萬係一筆難以負擔嘅醫療開支。事發突然，Andy確診前冇購買任何醫療保險，喺無經濟援助下只能依靠少量獎學金支撐佢嘅醫療費用。所以我想藉住呢度，希望各位有心人如果有能力嘅話，捐款到Andy屋企人開設嘅醫療籌款戶口，幫幫Andy渡過呢個難關 🙏 希望大家都可以分享出去俾更多朋友知道Andy嘅情況，等佢可以早日接受治療。另外，Andy同屋企人都有開設一個ig account (ig: @fabulous_andy)，會不斷更新Andy嘅治療進度，同埋抗癌嘅心路歷程。最後，知道Andy好鍾意 @c_allstar ，喺呢度想用 C AllStar《沒有剩你一個》當中一句歌詞為佢打氣  「如何洩氣仍無放棄都一起過 每次沒有剩你一個」  施比受，更有福，懇請大家幫忙 🙏  Andy醫療籌款戶口： 中國銀行（FPS: 9345-3234) 012-831-2-024535-3 Leung Chi Keung & Leung Yue Kan  ---- Follow Pokeguide 生活態度 @pokeguidehk ---- #pokeguide #hkig #hkdaily #hongkong #instadaily #8964 #hkiger #hkboy #hkgirl #hkshare #instagood #love #twshare #香港人口罩 #hongkonger #hkermask  

#Repost @music_hotpot with @make_repost ・・・ 【加料音樂】我一伸手抱住我 . 音樂火鍋 Music Hotpot Blog: www.musichotpot.com/blog . . 翻看「我的kkbox的2020年度歌單」有一首由無伴奏 SENZA A Cappella @senzahk 主唱的 〈我一伸手抱住我〉。記得去年有一段時間，不斷循環點播這首歌，每每在感到失落或受傷時，發現總能在歌曲裏，找到及時的安慰。 . 人往往以各種方法去迴避自己的感受，以及，拒絕承認自己的脆弱和難過。這首歌正正提醒我們要真誠面對自己，細心傾聽自己內心的聲音，就像歌詞裏的「我」，一步一步訴說自己的想法，以及刻劃自己的感受。 . //想到生 也想到死 也想到我的存在是 沈悶如日 庸俗如夜 仍舊求什麼 如常來拼搏 如常奔波 還覺得討厭我 如常來瞓覺 如常天光 還覺得走向滅亡 . 不想太多 會想太多 會想到我的時代是 真的太差 沈默如病 殘酷如毒 誰保佑我// . 歌詞裏的「我」，有時候，連自己也討厭自己，每當懷疑人生時，想到自己每天如常地工作、上班、下班、睡覺、起床、逐步邁向死亡，不禁反問：究竟自己追求什麼？自己正在生活，還是生存？究竟自己的存在價值是什麼？ . 思緒凌亂時，已經努力克制自己，叫自己不要想得太多，然而，當明白身處於壞時代，每天必須面對無以名狀的恐懼，卻又不期然思索：誰能保佑我、打救我？ . 感到疑惑時，歌詞提醒我們可以：「告訴自己必須渴望/告訴自己撐得過別驚慌/為着有我就有新的天國。」 . 當無人可以打救自己的時候，唯一能夠拯救自己的，就只有自己。自己幫自己打氣，哪怕前路再艱難，也要告訴自己，不要放棄希望，不要忘記去相信，只要撐得過，未來總有美好的事物在等待著我。 . 我喜歡歌曲的下半部份的這句歌詞，「不必奢求誰愛我/都識得祈求自己喜歡我」，所謂「求人不如求己」，寧可學習喜歡自己，也不奢求別人愛自己，為自己尋求快樂，才是對自己負責任。要知道，自己才是自己最堅強的後盾。 . 整首歌主要鼓勵我們，誠實面對自己，首先把零零碎碎的想法和感受敘述，敍述得越具體，情緒便越能夠被知道和明白，以致被理解和接納。當情緒得以梳理、確認和體會，情緒便可以舒緩、化解。 . 除了歌詞，這首歌最觸動我的，要算是和聲編曲。Peace 曾經在訪問時，説過他們在編曲和唱法方面，特別加入個人的元素。在其中一句「可呼喊山/再呼喊海」，嘗試把山和海，製造迴音的效果，把山和海的形態呈現。她也表示，為了給聽眾通透的感覺，不論是和弦進程 （chord progression），或是中間移動位，也偏向簡單。 . 因為這首歌是描寫自己和內心的關係，他們採用兩把女聲，製造出一個人和自己內心的對話。從SENZA對和音編曲的安排和設計，可見他們對音樂細節的要求。 . 作為聽眾的我，絕對欣賞SENZA的誠意，聽着聽着，感覺被療癒了。感受他們五位成員和唱的力量，如此龐大，卻又如此溫柔。 . 感謝這個心靈療癒團隊，包括作曲的Vicky，填詞的周耀輝，以及，編曲及主唱的SENZA，他們各司其職，用文字和音樂觸動我們內心深處。 . 下次，當你感覺到內心那頭情緒野獸肆虐時，假若你暫時未能找到任何人陪伴你，聆聽你的需要，或許，你可以聽聽這首歌，提醒自己與自己同在，成為自己最好的陪伴。 . 在你抱住自己的同時，請你允許SENZA 用最溫柔的歌聲，抱住你。 . . 《我一伸手抱住我》 曲：Vicky Fung 馮穎琪​ @vickyneverhome 詞：周耀輝 Yiu Fai Chow​ @yiufaichow 編：Miri Leung​ @mirileung & Peace Lo​ @llkpeace @ SENZA A Cappella​ @senzahk 監：SENZA A Cappella YouTube: https://youtu.be/VpcAB5gN38w . . 文：連倩妤 @_musicplayground . 作者： 典型雙魚座，可以「浪漫到一起惹絶症」，愛廣東歌，愛游手好閑和發白日夢，愛海但怕水。 . 圖片來源：album art . #我一伸手抱着我 #SENZAACappella #加料音樂 #musicplayground #MusicHotpot #音樂火鍋 #音樂網誌 #MusicBlog