我每食完一個五仁月餅之後，都會同我女朋友講分手。因為我知道，佢已經唔再明白我。佢唔知道，我喺中秋所經歷過嘅有幾多。 佢問我食乜，我真係唔想答佢。奶黃月？雪糕月？真係膚淺！究竟我仲可以繼續忍受幾耐，自己嘅伴侶將啲咁甜既月餅放入口？ 每嚿五仁月餅用既果仁，都經過熊熊烈火，百度高溫炒製，係經過歷煉，係經過漫長嘅試鍊，每一粒果仁都有佢嘅歷史，佢嘅故事。呢啲生冷雪糕月究竟有啲乜，根本就好似啲白痴港女咁，一無所知，戇鳩鳩，生勾勾！ 我恨我嘅人生，唔可以好似嚿五仁月餅咁，搵到咁多好嘅伴侶。松子，葵瓜子，糖冬瓜，金華火腿...各有特色，亦搵唔到咁多知音人。 有時侯，我自己一個坐喺公園食五仁月既時候，我覺得自己係孤獨，我覺得呢個世界係冇人明白我。 我叫咗杯普洱，我望住杯入面啡黃色嘅茶湯，我望唔透，我望唔清，究竟呢個世界仲有幾多嘢，我係掌握到。我好迷茫... 我離開公園，係公廁屙尿嘅時侯，發覺有個阿姐係出面食緊五仁月餅。我望住佢，佢望住我，我地互相點點頭，我好感動。原來呢個世界，仲有人係同我有相同既諗法。 我忍住淚水，走出公園，點起支煙，頭都冇回就走返屋企。 或者個阿姐會問，點解我放棄呢一段咁難得嘅淑儀？我唔知道，喺呢一刻，我覺得我係，一個浪子。 J. p.s. 這篇Patreon文章全文開放，謹祝諸君中秋安康。佬訊Patreon: loshunhk

[gfmurmur9612] 兩年前我同佢係公司到認識，公司成日都有傳言佢中意我只不過係識佢個陣我有男朋友所以冇接受到佢。過左幾月我同男朋友分左手而佢就拍拖，我就係果個時候中意左佢。一直以來都同佢keep住有傾計只係因為對方有情人就會有避忌。 直至一年前佢突然同我表白，佢表白只係想話比我聽佢嘅心意但就冇話要一齊之類，我當然嚇親不過為左係公司唔會太尷尬所以我都聽完就算。佢表白完幾日後放工我同佢一齊食燒夜，果日我同佢錫左並且都有左共識我同佢唔可以再咁落去，因為佢有女朋友加上我都唔想做小三。但感情呢件事唔係話抽離到就抽離到，我同佢最後都發生左唔應該發生嘅關係。 發生左關係之後我同佢越嚟越中意對方，我知道我係抵鬧做左小三，但我真係抽離唔到甚至慢慢想搶走佢。為左同佢一齊佢要求啲咩我都肯做，佢唔比我化妝同帶con着短褲短裙佢覺得我係姣仔先會化妝雖然要求好奇怪但我為左返到佢我照做，佢唔中意我男閨密我為左佢同男閨密絕交，佢唔中意我係公司同男同事挽得咁fd 我就好乖咁唔同男同事挽。以上條件我做完以後佢會揀我點解佢同我講遲多幾年會同佢女朋友結婚，我個下真係覺得好傻。 所以我開始反抗佢以上啲嘢全部做曬去做返自己，佢竟然同我講話因為我成日同啲男同事傾計同挽搞到佢冇安全感同呷醋但我冇同男同事有身體接觸，心諗佢同佢女朋友一齊唔同我啲唔呷醋同冇安全感咩。後尾因為咁我同佢吵分手，幾日後佢喊住搵返我話冇左我幾日個人失曬魂，講到冇左我唔得咁重應承我會同女朋友分手。咁我心軟同返佢一齊，佢就叫我比d時間佢處理下佢同佢女朋友啲嘢。 ok我比時間佢，係個段時間我都係做返自己化妝帶con等等。佢就嬲又鬧我冇比安全感佢所以唔同女朋友分手，佢就一直都覺得係因為同男同事挽得太埋佢冇安全感先一直唔同女朋友講分手，我真係完全唔知咩道理尼點睇都係覺得我冇安全感過佢囉。所以佢就用啲好過份嘅詞語鬧我話我公廁水性楊花，返工掛住溝仔，話我冇左班仔唔得。 我都同佢解釋過好多次我同班男同事溝通冇溝佢地加上我把聲有啲可愛，佢就覺得我返工姣仔嗲班仔。我覺得佢講得好過分所以再一次講分手，之後佢尼挽回返我，我又心軟。呢個循環唔知發生過幾次。最後一次佢過分到問我有冇錫過d男同事。加埋前排作嘔作悶佢就質疑我係米有左但佢下一句就話個經手人應該唔係佢，我個下超嬲佢講到我係果啲任屌唔嬲好隨便嘅女人。 以上講嘅嘢佢都係重同女朋友一齊冇分開過。我真係好後悔同佢一齊，好後悔愛過佢。一次又一次心軟換尼一次又一次鬧更難聽嘅說話。我希望各位女人千祈唔好信男人講嘅野，由其係出過軌嘅男人。 Sorry for 1999 ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig #香港 #情侶 #香港情侶

呢排我喺討論區睇到篇文 嗰位女網民考慮緊應唔應該分手 佢話自己一直盡力做好女朋友嘅角色 但地位卑微到如螻蟻 📍平時食飯AA制 📍一星期只可以見一次面 📍男朋友話返工攰 冇一次主動搵佢 每次都係佢搭車去大西北搵對方 自己出錢搭的士返屋企 📍男朋友手機傾偈得幾隻字 次次被動式答問題 📍男朋友夜晚收工都冇時間傾偈 但又有時間喺ig sd 無聊嘢 📍終於等到男朋友放假 佢想出去行街都唔得 要買定嘢食上對方屋企執一劑 再自己出錢搭車走 📍連佢生日 男朋友都冇主動搵佢 總括嚟講 佢男朋友日日都話好忙 好攰 . 一段關係係要雙方共同付出 只係一個人委屈 遷就 犧牲嘅唔係愛情 係戇居 依家就好似佢係咁向前跑 你喺後面不斷追住佢 佢完全冇諗過為你減慢步速 冇諗過等埋你 同你一齊行 咁你梗係攰啦... . 返工要做嘢 覆唔到機好正常 放工要繼續覆客 都好正常（香港係咁黐線 但佢對你有心嘅話 做完晒啲嘢 凌晨都總會擠到少少時間出嚟 嗰段時間佢會主動 而且專心咁同你傾偈 語氣上會因為冷落咗你 對你勁唔好意思+氹你 同埋會好興奮咁講晒全日做過咩 希望盡量補做返男/女朋友嘅角色🙏🏻🙏🏻 好似我會平時夜晚10點 11點先做晒返工+Ig啲嘢 寧願唔食晚飯都要同男朋友撥個輪先 . 如果佢答你：「唔係喎，我堅係忙到嘔，唔做嘢一秒都被人屌！」 🤔咁佢就要諗吓... 份工究竟係咪畀人做㗎呢？ 返工返到冇晒正常生活 係咪應該繼續返？ 如果佢真心好愛份工 或者覺得人工好高唔捨得放棄 🤔咁佢就要諗吓... 既然自己唔識平衡事業同愛情 係唔係應該分手 唔好拖住你 專注咗事業先？ . 當然你都要睇吓佢係咪考緊試/忙緊大project 假如係短時間咁衝刺 互相體諒吓吧 假如長時間都係咁 冇改過 你要問問佢係唔係有財政困難 所以咁chur 有嘅就叫佢唔好自己一個頂 反而要多啲傾吓偈 或者睇睇幫唔幫到佢 . 不過以呢個個案嚟睇 相信呢位男朋友就算冇咗份工 佢對段關係都唔會好積極 因為佢根本唔緊張女朋友 明知道女朋友平時付出咁多 正常會好唔捨得 好心痛🤢 但佢抱著理所當然嘅態度 一啲感恩都冇 次次放假要人自動送上門 生日又冇表示 時間表塞到滿晒 完全冇預畀另一半 咁樣有尊重過人咩？ 直頭唔當另一半係人啦 好大機會係唔想做衰人 想逼到女朋友講分手 . ⚠️其實中咗以下幾點 佢想分手機會好大： 1. 你同異性朋友曖昧緊 佢一啲都唔呷醋 完全無所謂 2.佢唔會主動分享自己嘅事 3.你同佢傾偈 佢覺得你好煩/心不在焉 4. 佢成日唔想被你拖/錫 或者再進一步嘅關係 5. 寧願返工 約朋友 都唔想同你見面 相隔見面時間愈來愈長 見面時間愈來愈短 6. 當你發生意外時 佢完全唔在意 其他人比起佢仲緊張 ♡ 𝘱𝘭𝘦𝘢𝘴𝘦 𝘷𝘪𝘢 @lovestoryhk 𝘪𝘧 𝘺𝘰𝘶 𝘳𝘦𝘱𝘰𝘴𝘵 ♡ 𝙛𝙤𝙡𝙡𝙤𝙬 @lovestoryhk 𝙛𝙤𝙧 𝙢𝙤𝙧𝙚 #hklovestory#love#hkboy#hkgirl#hkig#hkiger#hkigers#852#hk#hongkong#instafollow#lovestory分手