英國史上最偉大嘅運動員之一 （Sarah Storey：十七個金牌達成） Sarah Storey响今日响C4-5女子單車公路賽攞到金牌之後，佢就以總共17面Paralympic金牌打破英國歷史上由Mike Kenny（游泳選手）保持咗三十幾年嘅16面金牌紀錄。但Sarah Storey嘅紀錄特別之處，前無古人，未必後有來者嘅地方係，佢嗰17個金牌裡面包括游泳同單車項目。十四開始參加1992巴塞隆拿Paralympic以游泳選手參與，响二千年後轉戰單車，中間嘅過程只可以用堅毅黎形容。 費時比人話矯情，所以唔講佢身體有咩缺陷，剩係講鬥志。總之响佢十歲參加泳隊嘅時候，當時嘅教練同佢講十歲太遲起步，點努力都唔會有咩成就。點知四年後佢就以十四歲嘅年紀參加巴塞隆拿Paralympic，仲攞到兩個金牌。不過當佢返到學校嘅時候，唔知係因為羨慕還是妒忌，佢就被啲同學冷言冷語同孤立，結果十五嗰年患上咗厭食症。 响治療期間仍然繼續訓練同參賽，响1996年亞特蘭大再贏多三面金牌。不過，可能因為操練過度或者先天原因，响19歲已經攞到五個金牌之後就患上肌痛性腦脊髓炎（chronic fatigue syndrome，即係無原因嘅情況下會攰到肌肉及關節疼痛，甚至認知困難影響機能）。响咁嘅身體同精神狀態之下，Sarah Storey竟然可以繼續參加2000年雅典同2004年悉尼嘅Paralympics，攞唔到金牌都攞到四個獎牌。睇到呢度都已經極之敬佩，但仲未完。 2005年因為長年耳仔嘅毛病，醫生警告Sarah Storey如果繼續游水，好有機會聾，結果佢唔係決定退休，而係以廿五歲之齡轉戰單車項目，同年就攞到歐洲冠軍，然後直到依家連續四屆响單車項目攞咗12個金牌！ 呢啲堅毅同鬥志真係.... Patreon原文： 八屆Paralympics，從游泳到單車十七面金牌打破英國紀錄 https://bit.ly/3zGwaGl #堅值得學習 *************************************** 📢月頭乞食：文字、時間與心血有價 🥣乞兒兜（月頭課金係最抵）： https://www.patreon.com/goodbyehkhellouk 最近更新： 英國電視監管機構Ofcom，再一次守住言論自由 https://bit.ly/3zD6b2x 真.「清零」國度 https://bit.ly/3t5rMhQ 外交大臣接受下議院外交委員會質詢，口啞了 https://bit.ly/3BzFkoJ Podcast：近代阿富汗與塔利班點黎 https://bit.ly/3jAElyF ***************************************