#2020東京奧運 有感 長文 今年奧運喺香港受到前所未有嘅關注，而運動員亦得到好好嘅成績 身邊都唔少人問點解奧運無 #香港排球 ？其實，奧運排球只能夠有12支參賽隊伍，所以門檻好高，經過一連串資格賽，優勝隊伍得到入場券，以男排為例，基本上整個亞洲爭一個位（日本喺東道主，所以有兩隊亞洲），而香港水平喺連參加亞洲資格賽都無 香港排球甚至其他大球水平同中日韓差咁遠咁有好多因素。 首先，鄰國人口基數大參與運動人數相對多，選材方面可以有更多選擇。 之後，從小無論喺專項上或體能上接受有系統訓練，然而香港喺無可能做到因為場地有限，校隊正常都喺練得一、兩日，仲未計要補課之類而缺席，試問連甲一球隊都無固定場地練波又點提升水平 說穿了，香港運動商業價值低，因為無人睇、無人留意，自然無私人機構投錢。政府對於團隊運動support非常有限，自2018年起，部分團隊運動代表隊成員有$4000資助，資助非常之雞肋，其實呢筆錢唔會令球員放棄工作而全心投入訓練，咁究竟意義喺邊到？不如提供多d場地、添購有用設備、請外教（嚟緊會有）、專業體能訓練 etc 當然我認為，如果要團隊運動成功唔可以單靠政府，喺香港得足球港超喺職業聯賽，而籃球以我所知部分球員喺有波糧。Simone Biles 講'We’re not just athletes or entertainment. We’re human too' 雖然運動員確實唔喺商品。 但喺當一樣運動唔商業化喺唔會有人投放資源落去。以排球為例，中日韓排球聯賽球隊都喺商界冠名，特別喺日本韓國嘅球手被打造成球星，有周邊商品，影響力不亞於當地明星 當然水平要夠，先有觀賞價值。 往往佢地好細個就接受有系統嘅訓練，所以一般技術、體能都較好，當然可以打到職業嘅都只喺少數。 参與人數夠多而水平夠，充撐成個聯賽。 再加上外援制度，提升成個比賽及球員水平 然而，香港人善忘，當年東亞足球曾經拎左金牌，製造過一輪話題，funding亦多左，但有幾多落到球員到呢，而對整個足球生態好似冇太大正面影響，一樣睇既人都喺唔多 所以團隊運動喺香港喺（絕對）唔會成功，足籃排要入到奧運簡直喺天方夜譚，最後只剩下精英運動（雖然冰島30幾萬人口都入到世界盃決賽周）。 當然，排球有好多樂趣，單項未必可以比到你。 打咁多，都喺想比大眾了解下香港團隊運動生態，可以多d支持一d喺國際舞台無可能拎到獎牌而繼續不斷努力緊（同付出金錢）嘅運動項目同運動員。 團隊運動員絕對唔喺為左錢，只喺希望自己同自己嘅球隊不斷進步，多d人欣賞都喺一個推動力

由棄嬰變成奧運選手嘅感人故事 星期四，英國代表Lauren Price响女子中量級拳擊準決賽擊敗荷蘭選手，將會响星期日決賽對中國爭金牌。硬撐就唔洗講㗎喇，不過想分享嘅係佢由棄嬰成為奧運選手嘅感人故事。 Lauren Price出世三日，父母唔知咩原因遺棄佢，公公Derek同婆婆Linda就決定撫養佢成人。公公婆婆承認痛錫Lauren仲多過自己嘅親生仔女，特別係公公，基本上去邊都帶埋Lauren去，連投注站（英國賭波、馬、狗嘅鋪頭）都唔例外，可以話係溺愛。 六七歲陪公公睇奧運嘅時候，就立志成為奧運選手，咁細個當然唔會知自己鍾意咩運動，不過公公婆婆見佢嘅身型比同齡嘅小朋友大，所以就鼓勵佢乜運動都玩，初頭就參加咗足球同手球。到咗八歲嘅時候，公公見Lauren踼波嘅時候對腳力量夠大，亦希望佢可以長大後保護自己，所以就鼓勵佢去學kickboxing。就係咁，Lauren Price就拳打威爾斯，腳踢全英國，13歲就打破全國紀錄，成為年紀最細嘅全國kickboxing綿標賽嘅參賽者，同大過自己至少兩歲嘅對手作賽。 之後，佢放棄咗代表威爾斯少年足球隊，專注kickboxing，因為奧運無呢個項目，所以就開始學埋拳擊，當Lauren見到英國代表Nicola Adams响2012年倫敦奧運攞到蠅量級金牌之後，就決定全力向奧運拳擊金牌進發。Lauren覺得，如果無公公婆婆，佢嘅命運就會唔同晒，唔會有今日嘅成就。 "Put it this way, if they didn’t take me in at three days old I probably would have ended up in care. I probably would have turned out a wrong ‘un. They changed my life completely and supported me 100%. I’m very grateful for them." 可惜，當Lauren攞到奧運資格嘅時候，養育同鼓勵佢成為運動員嘅公公確診認知 認知障礙症，到咗上年疫情，為咗唔令公公婆婆感染，Lauren要搬離威爾斯繼續訓練。到疫情緩和之後，公公已經唔認得Lauren同婆婆，病情越黎越嚴重，最終公公離開咗，唔能夠見到Lauren一步步打到入決賽爭金牌... "It’s gutting that he’s not here to see me qualify and get there. But every time I go into the ring, I know he’s there looking down on me. That’s what gets me through. I know he’s with me in spirit." （佢唔能夠親身見證我得到奧運資格去到日本，係好心痛嘅事。每次我進入擂台嘅時候，我知佢响天上面都會望住我，佢精神上永遠都同我一齊，呢個就係我嘅動力。） Patreon原文： 由棄嬰變成奧運選手嘅感人故事 https://bit.ly/2VzhVo7 #撐LauranPrice #多過一個理由 *************************************** 📢乞食廣告：文字、時間與心血有價 🥣每日更新乞兒兜： https://www.patreon.com/goodbyehkhellouk ***************************************

尋日英國長途游泳選手Hector Pardoe參加男子10km游泳決賽，响最後一個圈被德國選手嘅手踭打到眼角， 泳鏡甩咗然後流咗好多血。因為無咗個泳鏡， 隻右眼被啲血遮住睇唔到嘢，佢當時以為自己盲咗，已經無理會上救護船就會即如退出，即時大嗌救命。結果只係爆咗眼角， 縫左幾針就無乜事。 唔睇呢單新聞都唔知，原來長途泳賽係咁危險，因為係响海上開放式圍圈比賽，係預咗選手之間會有身體接觸，賽制當中仲好似足球咁，有黃牌同紅牌（兩黃等如一紅就取消資格出場），即係暗示選手可以為爭位而推撞。 尋日英國長途游泳選手Hector Pardoe參加男子10km游泳決賽，响最後一個圈被德國選手嘅手踭打到眼角， 泳鏡甩咗然後留咗好多血。因為無咗個泳鏡， 隻右眼被啲血遮住睇唔到嘢，佢當時以為自己盲咗，已經無理會上救護船就會即如退出，即時大嗌救命。結果只係爆咗眼角， 縫左幾針就無乜事。 唔睇呢單新聞都唔知，原來長途泳賽係咁危險，因為係响海上開放式圍圈比賽，係預咗選手之間會有身體接觸，賽制當中仲好似足球咁，有黃牌同紅牌（兩黃等如一紅就取消資格出場），即係暗示選手可以為爭位而推撞。 諗下細個唔多游得叻嗰時去公眾泳池， 被嗰啲黑色三角泳褲「奧運選手」阿叔同唔理人嘅「大青蛙」打中有幾痛，然後想象下現場全部都係奧運選手，手打或者腳踢一下都幾傷....Hector Pardoe驚連眼都打埋出黎唔係誇張。 "I couldn't see anything, I thought my eye had fallen out in the water." "I couldn't see anything, I thought my eye had fallen out in the water." #暴力係唔啱㗎 報導： 《ITV News》Team GB swimmer Hector Pardoe thought he 'lost an eye' in final lap of Olympic marathon swim https://www.itv.com/news/wales/2021-08-05/team-gb-swimmer-thought-he-lost-an-eye-in-final-lap-of-marathon-swim *************************************** 📢乞食廣告：文字、時間與心血有價 🥣每日更新乞兒兜： https://www.patreon.com/goodbyehkhellouk ***************************************