連續12日早更主持殘奧今早最緊張 天未光起身準備好繼續 #撐起港隊 🇭🇰 緊貼 #港台電視32 #東京殘奧直擊 陳浩源早上8點正爭銅牌🥉💪🏼 （加油啊 @danielchanhoyuen） 朱文佳早上10點半爭金牌🥇💪🏼 另外還有今屆東京殘奧最後一項舉行的，男子輪椅籃球金牌賽，會在中午時分左右直播，而東京殘奧閉幕式將會在今晚7點開始！ 直踩十幾個鐘，搏盡！ #Tokyo2020 #WeThe15 #東京2020殘疾人奧運會 #支持香港運動員 #SupportHongKongAthletes #體路 #Sportsroad

兩個星期時間，過得好快。 1）呢兩年嘅情況，加上只有一個鐘時差，今屆奧運，全城睇得特別投入。 2）支持香港隊，係無可能因為運動員勁，而係香港人嘅身份，正常不過。 經過呢兩年嘅洗禮，對香港人身份認同感越來越強烈，但係有啲藍絲運動員，好矛盾。 3）以往有好多香港人支持某國，但係今屆就有唔少人轉呔，變成捧某國嘅對家，就算支持都唔敢出聲，起碼喺我Facebook，真係無乜點見有朋友支持。 我識得好多人，以前捧中國女排，今屆齊齊食花生睇住佢哋出局。 4）香港隊先苦後甜，羽毛球手著黑衫俾建制派上綱上線，女子劍擊失準未能拿牌，男子組卻拿下廿五年來第一金，游泳屬於主要項目之一，何詩蓓一舉拿下兩面銀牌，真係諗都諗唔到，香港運動員可以在泳池上分一杯羹。 遲啲有無機會見到香港選手，踏上田徑頒獎台呢？ 5）以前香港乒乓球，主要係靠入藉兵支撐，我中學嗰代係陳丹蕾齊寶華，之後高禮澤李靜，都係來自大陸，今次女子團體賽拿銅牌嘅三人，全部香港土生土長，不過有個係藍㗎呢。 （教練李靜支持國安法，男子組黃鎮廷直頭幫過何君堯助選添啦。） 6）只此一屆空手道，劉慕裳的一面銅牌，足以名流青史。 7）李慧詩在速度賽，再一次得到銅牌，賽後訪問她好奇怪，點解傳媒會著眼佢年屆34？ 現代人比以前襟老，足球場上有C朗，伊巴，保方，仲有貨賣，三浦知良唔講啦。 不過點都應該係佢最後一次參加奧運喇。 8）如果蘇炳添喺十幾年前出現嘅話，應該會有好多香港人支持，全亞洲跑得最快嘅男人，兼且係講廣東話。 雖然佢做出嚟嘅時間，三十幾年前Ben Johnson已經做得到（不過後來被揭發食藥），但係已經好撚犀利。 9）姬菲芙過咗身廿幾年，佢喺漢城做出嚟嘅100米奧運紀錄，等到今屆先有人改寫，跑出牙買加三重彩。 10）意大利人成為男子100米飛人，對上一次由美國／中美洲以外嘅選手贏男子100米，已經要數到林子祥唱世運在莫斯科，超過60個國家杯葛嗰一屆。 11）英國跳水神童戴利，終於有金牌落袋。 12）巴西足球又攞金牌，愛華頓嘅李察利臣，喺決賽射失12碼。 13）唔再夢幻嘅美國籃球隊，都係攞到金牌。 14）大迫傑最後一戰，無功而還，第六名已經係亞洲第一。 15）三年後，巴黎接手，對上一次巴黎奧運，剛好相隔一百年。 16）話唔定，下屆我會同小寶喺巴黎睇現場。 17）英國去巴黎，好快啫，就算喺英國睇直播，都係一個小時時差。 18）下星期，英超開波了，過多一個月，馬季開鑼了。 19）呢兩個星期，難得大家都高興。 20）明天仍要繼續。

剛才直播男子3x3三人籃球奧運金牌戰，雖然沒有大熱門塞爾維亞，但看到拉脫維亞對俄委會兩隊都拼盡全力，真的佩服！（特別佩服那卷運動膠帶 🤣 ） 拉脫維亞球員扭傷腳腕，匆匆用運動膠帶包紮到小腿就趕回場上，只為了多捱幾分鐘，結果隔一會兒傷更痛打不下去。 俄羅斯中鋒打到球鞋「甩底」，匆匆用運動膠帶直接把球鞋包起來，籃球鞋變「白飯魚」，也只為了多打幾分鐘…… 真心佩服他們的熱血！ #致一直還在堅持的人 #Tokyo2020 #nowSports #東京奧運 #奧運拼勁 #專業見證 #奧運有團伙 #東奧2020 #nowTV #3x3 #3x3basketball #NeverGiveUp #Latvia #Russia