這是整整30年前的一首失戀歌詞，一樣吻合著30年後的當今社會，相當優雅地詮釋何謂渣男： 「難道她們，說的都是真的，說什麼...」 「癡情的腳步 追不上 變心的翅膀。」 「男人的肩膀 靠不住 女人的浪漫。」 「男人的時間 容不下 女人的永遠。」 白話文是現在網路時代的普遍文學形態，但介於文言文和白話文之間 的 精準短詞形容 和 巧妙俐落比喻 是一種高超的 抒情詮釋 和 意思表達，它深入淺出又平易近人、它淺顯易懂卻富饒優雅... 這樣化繁為簡的文字往往經得起 思考的推敲和咀嚼，時間的考驗和檢視，使閱讀者 恍然大悟、茅塞頓開、會心一笑，這便是所謂雋永的含義。 週六愉快，練習 早睡早起走，練習 證印蓋折投： 「難道他們，說的都是真的，說什麼...」 「市民的腳步 追不上 變心的市長。」 「市長的肩膀 靠不住 市民的期待。」 「市民的時間 容不下 市長的任期。」

以前會好擔心佢啲歌佢啲碟佢啲演唱會，每次聽完都會打篇千字文感想，叫佢應該點點點做。而家已經好少會咁，一來懶咗，二來覺得人地有咁多專業音樂人 guide 住，你諗到嘅野，人地點會諗唔到呢，外行人咁自以為是係度 gee gee gut gut。 不過最大原因係因為佢而家知道自己做緊咩，已經唔洗 fans 操心。前幾年都仲會有少少擔心佢（記得嗰首【天然呆】嚇到我呢～），不過自從 secret live 之後，就覺得佢已經可以獨當一面。一年幾無出新歌，都會好奇佢究竟搞緊咩，但對佢有信心唔會催佢。 呢首【心之科學】，Pop rock 加啲 strings，個人對呢種 Jpop 曲風同編曲完全無抵抗力，絕對係我杯茶。聽完第一段 chorus 已經覺得呢隻歌掂硬（嗱我嘅直覺都幾準嘅），曲詞編好 balanced，只係 2nd chorus 後面段 bridge 啲層次差咗少少扣咗啲分。歌詞題材都好成熟，唔係啲o靚妹仔失戀歌詞。 聽完呢首歌，再次證明佢已經大個女，38 歲，唔洗 fans 擔心喇（但佢記性方面仍然需要擔心）。對自己有番啲信心，生日快樂！ 🎂🎂🎂🎂🎂 @yungchoyee

浪漫月巴睇90s（34） 我的失戀K歌排行榜（廣東歌篇） 90年代的我成日唱K——因為成日失戀。 1.先旨聲明，請不要問我「失戀」&「唱K」有甚麼關係，OK？而且失戀已夠傷心，你仲問埋我呢啲無聊嘢咁狠心？ 2.先旨聲明again，我的「失戀」定義相當寬鬆——包括埋示愛被拒（學名是：溝女不遂）。你可能會問：咁都算失戀？我答：Hey，人哋溝唔到女已夠傷心，你仲要懶理性地要求一個嚴格定義咁狠心？ 3.90年代，每逢朋友知我失戀，就會提議：去飲嘢啦。但當佢哋知我唔太好飲嘢（而佢哋又好想飲嘢），就會改口：咁去唱K啦。這樣，我既可憑歌寄意大加發洩（兼食K Buffet），而佢哋又可以名正言順，飲嘢。 4.失戀唱K，有好多大家心照的不成文規定。Rule No.1：不要插歌。當失戀的人為自己精挑細選了大量傷心飲歌，你仲好意思插你嗰首《獨自去偷歡》？Rule No.2：不要加把嘴。失戀人士唱K，總是想把自己成個人投入到歌裡去——由頭到尾連那些「呀呀呀」都唱埋。你需要做的就是聽，不是和音。Rule No.3：你除了聽，還要專心聽，切勿進行其他活動。當人哋唱到喊苦喊忽或欲哭無淚之時，你仲大喊「三個五」「四個六」？你有冇受過教育？你話你成何體統？ 5.OK，入正題。人生中首次因失戀而唱K，友人好心地幫我點了首《我的親愛》，當我細味歌詞，頂——Why一首明明講緊主人翁被狠飛的歌，竟然被黎天王演繹到這麼快快樂樂蹦蹦跳？「我沒法隱瞞 / 我未放開 / 但我卻繼續愛你 / 但你總不再理睬」——友人係咪勸喻 / 暗諷緊我死纏爛打也是徒然？歌詞，不可小覷。 6.從此以後我只會點嗰啲擺明淒淒慘慘戚戚的歌。「如何面對 / 曾一起走過的日子」——即使明知自己根本同人哋沒有任何一起走過的日子；「In The Rain / Lonely Night / 孤單街中舞 / 想找妳 / 只找到 / 一堆感歎號」——換了是現在，相信只能找到一堆逗號，逗號，和逗號；「總要在雨天 / 逃避某段從前 / 但雨點偏偏促使這樣遇見」——失戀令人胡思亂想，這純粹是一個主觀幻想出來的淒美場面。 7.失戀是永恆題材，尤其在我們都愛唱K的年代。天王金曲以外，還有「難忍再次偶遇於街中 / 望你忐忑因他出現失控 / 而男人最痛 / 男人最痛算這種」——其實兒女私情對一個男子漢來說，陣痛啫；「（男）從不喜歡孤單一個 / （女）可惜偏偏孤獨一個 / （合）我不懂得跟我 / 獨自對坐 / 原來沒有你 / 做人相當痛楚」——請不要擅自同我合唱，我比你想像中堅強，自問仲有力唱埋彭家麗嗰part。 8.當失戀次數漸增，男人歌已不敷應用。「我捨不得你 / 無奈我要創造未來」——重點是務必唱埋兩句之間的「Yeahhhh~~Yeah」；「寒風中 / 孤單中 / 必需更自強」——如果每一鑊失戀都是一次自強機會，我應該晨早強壯過進擊的巨人；「我已經不想跟你癡纏 / 我有我的尊嚴 / 不想再受損」——唱就咁唱，但問心嗰句，我都唔知幾想癡纏落去；「情難自禁 / 我卻其實屬於 / 極度容易受傷的女人」——當一個失戀月巴傷心到盡時，原來是會連性別也忘掉！ 9.一首失戀歌詞，一段治癒系文字，令你我他走出傷痛，又或keep住沉溺其中（有朋友說《愛與痛的邊緣》在90年代深受不少歡場女子愛戴）。不論新歌多寡、不論有否濫收甩屎費、不論是否按人頭收費，K場，曾經是浮世男女的失戀治療場。把內心傷痛唱晒出來，化成空氣，便以為煙消雲散。 10.但我長大了，明白失戀時不應再把自己困在一個密閉場所——現在的我會選擇出街捉精靈，又或等到明年去中環釣魚釣鑊勁。 （原文刊於am730） http://www.am730.com.hk/column-323231 #浪漫月巴睇90s