【龔成問答信箱】（Q22501-Q22520）

Q22501：

老師！有個問題我想問好耐！

我見你講1211 現價偏貴。咁點解你而家唔先賣出？？？

低位再買返（我絕對明白投資要長線）

但亦冇理由睇住股價由最高位跌返落去？長期持有但高位沽貨！咁又如何獲利？

龔成老師：

因為無人知股價走勢。你這句「冇理由睇住股價又最高位跌返落去」，是「預期股價走勢」的思維，即是「散戶思維」。

這種思維，令一般散戶，無法賺到10倍回報，因為佢地見到某股到了高位，就會「賣出等跌先買」，但結果是「賣出後一直升」。

如果我真的賣出比亞迪（1211），但佢股價唔跌，然後佢的企業價值不斷增加，今天的$2XX是貴，但過一年可以變成合理，我就會買唔翻。

企業的平貴，與股價的走勢，中短期可以無關。

你仍停留在「一般人思維」，你以「現金」作貨幣單位，而我以「資產」作貨幣單位。

一般人認為「持有現金」才是有財富，認為「獲利，賣出股票」才能賺錢，但有錢人思維，就明白「現金永遠貶值，持有優質股才是真財富」，根本不用賣出股票。

一般人擔心「如果高位不賣出股票，不賺錢，有機會股價跌翻」。

有錢人擔心「如果賣出優質股，有機會買唔翻，持有貶值的現金根本無用」。

------------------------------------------------

Q22502：

老師，想請教隻完美醫療

1）公司向主席授出購股權是什麼意思呢？對公司前景是好與壞呢？

2）上海市打擊非法美容服務，正路理解是如果完美醫療係正規，理論上是可以打擊其他同行違規對手，有利完美醫療做到寡頭壟斷和汰弱留強，

從而整治行業而令其受惠及增加市場競爭力及份額，實屬利好！但問題是……作為我們散戶及投資者怎樣可以知道完美醫療有沒有違規呢？？

現在我們都只是能看財經新聞消息和媒體報導，雖然暫時未见到上海市政府有點名批評（完美醫療有違規）的報導好似之前騰訊或阿里違規而遭罰款和要求改善和禁令，

但目前這兩個月從高位$10.9下跌至$6.6，會否已經提前有些預兆和隱藏一些殺機呢？

3）之前聽你講過$6是合理區間的頂部，所以我也本來打算準備$6.5左右開始分注入市的（之後近$6再加注），現階段的策略應該是怎樣呢？需要調整嗎？

觀望一下還是照原定計劃進行呢？盼龔sir指點一下！

4）另外你曾說你之前有入貨完美醫療，私人想問下你之前什麼價位入呢？如果以你自己角度，你會用咩價位再加注呢？

純粹想了解和學習多D你個人意見及做法（如果你介意的話可以唔需要講的）

謝謝龔Sir

龔成老師︰

1) 購股權，其實就係一個權證，給予持有者可以在未來時間，用特定價格買入該股。不少上市企業，都會以購股權作為管理層獎勵。

因為購股權的行洗價，是固定的。若日後企業股價提升，即管理層有機會用比市場更平宜的價錢，去買入該股。

其實這個動作，唔代表公司前景是好，定是壞。作為投資者，你只要留意購股權數量，當全數行洗，會佔已發行股量多少。

因為，當行洗購股權時，公司係會發行新股，變相令現有股東的利益被攤薄。以完美醫療(1830)為例，發行的70.9萬份購股權，只佔發行股份的約0.058%，這程度就影響不大。

2) 我地唔係行內專家或者用家，更加唔係企業一份子，的確很難去知佢現時有無違規風險。所以，我地只能用佢過去紀錄和現時質素，去作為參考，例如以現時香港情況去分析。初步睇，個風險唔算好高。

至於點解跌咁多，係因為之前股價太貴，現時純粹只係回調至一個較合理水平，當然，市場對潛在監管有擔心，都是風險。但現價未算平，只係合理區頂位，只宜小注。

3) 估值上無大變，現價係合理區頂位，如果你無貨可以先小注。但由於此股都有一定不確定性，故長線不宜持有過多。

4) 我在$2左右入，暫時唔會再加注。

------------------------------------------------

Q22503：

龔Sir，你好!我現年59岁，仍在工作，現持有以下股票，是否会适，請賜教:-

#00003 (香港中華煤氣) 2100股 @11.86
#00011 (恒生银行) 200股 @144.25
#00012 (恒基地產) 1000股 @28.75
#00066 (地鐵公司) 3,000股 @41.12
#00303 (伟易達) 500股 @60.58
#00435 (陽光房地產基金) 7000股 @3.75

#00548 (深圳高速公路股份) 2000股 @6.88
#00590 (六福集團) 3000股 @18.50
#00778 (置富產業信託) 5000股 @6.99
#00823 (领展房產基金) 600股 @70.60
#01310 (香港寬頻) 2000股 @11.04
#01448 (福寿園) 3000股 @7.70

#01928 (金沙中国有限公司) 1600股 @33.33
#01972 (太古地產) 1000股 @21.68
#02388 (中銀香港) 2000股 @25.58
#02638 (港燈) 2000股 @7.70
#02800 (盈富基金) 5500股 @27.44
#03067 (安碩恒生科技) 1300股 @17.71
#03110 (GX恒生高股息率) 1200股 @28.50

1) 老師，最终#00788 (中國鐵塔) 及#1177(中国生物製药)賣出了，前者蚀约1700元，后者賺了150多元。在这段日子裡我也按您给我的意見，

加持了部份的股票，有時間請您抽空再给我宝贵意見。

2) 老師，按以上这个组合，我这个年纪应否到价時可减持或全賣出#01448(福寿園) #03067(安碩恒生科技)，会否造成组合不平衡呢？

3) 老師，另外我想问问#01928 (金沙中国有限公司)，这年头怎麼不公佈業绩的，这情況会对企業有影响嗎？还可继續投资？

4) 而#01310(香港寬頻)，我也希望到价時賣出，加持组合內其它的股票。

老師，請抽出您的宝贵時間多多指教提醒。

龔成老師︰

1) 現時這個組合，大致上可以。但緊記，這個組合不是永遠適用。你要按自己人生階段，慢慢將收息股比例加重，至退休時應佔100%。

2) 如果佢地去到好貴水平，你就可以減持(現價只是合理區上部，跟好貴還有很遠距離)。或者到你退休前2-3年左右，慢慢分段沽出，換成收息股，咁就可以。

3) 中期報告，佢往都係8月尾先有，至於2020年全年業績己在2021年3月公布。上年受疫情影響，出現虧損，但相信只係影響集團中短期，長線投資價值依然存在。

4) 香港寬頻（1310）主要在香港提供固定電訊網絡服務及國際電訊服務，以及產品銷售。

業務發展不過不失，中短期較一般，之後會好翻D。

整體來說，長線投資仍可，雖然增長力唔算強，但作為收息股係可以。而且你持貨不算多，唔建議你沽出

------------------------------------------------

Q22504：

龔老師你好，我於去年買入了一些股票，部分買入後幾日就可以倒蝕，當時問過老師意見，希望到一定價位後放出，但一直未有機會。

直至近期差不多全倉紅了，而我亦認為月供股較適合我，但希望老師指點一下如何處理持倉的股票，謝謝

京東健康 6618 $146 ，550股
小米 1810 $28.35 ，600股
東亞銀行 0023 $16.8，600股
云想科技 2131 $12.08，1000股
清科創業 1945 $19，800股
中策集團 235 $0.25，20000股

龔成老師︰

你太在意個買入價和帳面數字，完全錯左焦點。

你唔好再用買入價，作為判斷一隻股票優劣的標準。你應著眼佢本身有無質素，如果有，中短期價格波動，令到出現帳面虧損，係無問題，照可以長線持有。

但如果係無質素，就算而一刻是賺定蝕，你都要將佢沽出。重點分析的地方，係企業質素，而非股價上。

小米(1810)係有質素的潛力股，若你係年青至中年人士，這股適合長線持有。

京東健康(6618)、云想科技(2131)和清科創業(1945)唔係話無投資價值，只係不確定性較高，你現時只有好少貨，其實你可以長線持有都得。

但京東健康(6618)就持貨太多，就算一般優質股，我地都唔好持有過多，大約佔組合15%好了，行業上限則為30%，以免出現過度集中性風險。故你要將6618沽少少，換至其他股票，去平衡個組合。

東亞銀行(0023)和中策集團(0235)質素一般，建議你分段慢慢沽出，換至其他優質股。

其實若果你無太多投資知識和經驗，對企業估值，點去定平貴不太了解。先利用月供模式去做增值，可以減低買貴貨風險，對你而言會較理想。

假設你係年青至中年人士，你可以用「平穏增長股」 + 「潛力股」的組合。如果你係偏年青，比例大約可以去到各一半。

但由於「潛力股」有一定波動性，較適宜年青和有投資經驗人士。若你投資取態較保守、經驗較淺或者較接近中年，「潛力股」比重就要相對下調。

現在你每月先用5成儲蓄做月供。其餘先儲起，用一邊月供一邊儲蓄的策略。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

------------------------------------------------

Q22505：

謝謝老師，明白的。如果有一百萬作投資，分注的話，又估計會下跌，是如何分注？

龔老師，我老公叫我全部公積金（4成都係股票）轉現金。我覺得無必要，因為我的股票部份是港股，而且市一定會反彈的。

但是，我快退休，會於明年1月攞番公積金。請問你可以俾我意見嗎？我很不開心，因為工作多年不開心，難得做了決定，現在為賺錢又不退休，非常難受！

我身體不大好，因為多年壓力，不是一般人可以忍受的。

龔成老師︰

若你明年頭就退休，餘下可投資時間不多，公積金組合，真的不宜持有太多股票。你要開始慢慢將佢地換成較保守組合，例如債券、現金類基金。一切以保本為主，之後取回相關資金，再投資收息資產。

但記住唔洗一次過轉晒，分段咁去做會較好，可以平衡價格波動風險。

另外，我地唔好估個市走勢，無人可以估到佢中短期，幾時跌，幾時升。我地只會用股票平貴，去定我地投資策略。

現時大市在合理水平，你100萬可以先用30-40萬，慢慢分注買入我之前講的收息股。餘下資金，就等有再明顯回調，才慢慢加注。

配置比例上，唔洗諗得太複雜，平均分配在我推介你的收息股就可以。只要唔好偏重個別企業或者行業，比例控制在分別15%和30%以內，咁就可以。

辛苦日子將會過去，好好配置財富組合，去享受將至的退休人生。

------------------------------------------------

Q22506：

感謝龔sir意見！因為巴菲特都非常推薦投資者購買ETF，所以我想多了解一下ETF，龔sir在你的股票班中只有在初班有提及到ETF，

當中你提到NAV值，因為財經網站上提供的NAV值都是有延誤的，所以必須自行計算現時的NAV值。

我以安碩恒生科技（3067）做例子，想麻煩龔sir你睇睇我有冇計錯。

8/18恒生指數收市價 25867.01
8/16恒生指數收市價 26181.46

8/18 安碩恒生科技 現價 12.97

8/16 安碩恒生科技NAV 13.416

計算恒生指數8/16和8/18的差額
25867.01 - 26181.46 = - 314.45
- 314.45 ÷ 26181.46 = - 0.012 （-1.2%）

恒生指數差額為 -1.2%

再將NAV值 × 恒生指數差額
13.416 × -1.2% = -0.16

13.416 + (-0.16） = 13.256

8/18安碩恒生科技的NAV值是13.256

比較今日收市價12.97，NAV值大於收市價即代表此刻市場低估此ETF價值，是一個買入的訊號。但是我要如何得知此價是應該大手買入還是小注買入呢？

如果我想多了解一下ETF，請問有冇書籍或者網站可以介紹？

謝謝！

龔成老師︰

你唔應該用恆指去計，而要用恆生科指數數去計！

至於當中的計算模式，和得出ETF被市場低估這個結論，係正確。

但係抽取數據作比較時，就有問題。我地係決定用那個數據，同該ETF比較時，要留意有無比較意義。

你現時分析對象係安碩恒生科技(3067)，是30間科技公司的ETF組合。而恆指，則是60間藍籌企業，當中包括科技股以外，多個不同行業。故2者係有根本性的差別，用來比對其誤差，就有失穏當。

你應該用恆指科技指數，去做比對對象。因為3067，就正正係追蹤這個指數。

8/18恒生科技指數收市價 6226.69
8/16恒生科技指數收市價 6420.14

即大約 -3.0%。

而8/18安碩恒生科技股價$12.97，和8/16安碩恒生科技NAV$13.416，差距都是 -3.3%。故ETF3067跟大市，大約只有0.3%的誤差，唔算係好大。

其實一般大型ETF，好少會出現較大誤差的情況。主要係一些冷門和不活躍的ETF，才有機會出現。

如果真係有較大折讓，而個ETF本身都有投資價值。你可以因應當時平貴，去決定注碼。因為我地唔係短炒，這個折讓純粹係多個機會，令你找到別人不為意的平宜貨。

------------------------------------------------

Q22507：

龔sir 你好，已經過左半年，希望老師審視我既投資組合

2800 @ 27.5 2784股
066 @ 44.5 1402股
2388 @ 28.3 1000股
1211 @ 44 205股
1177 @ 7.7 1200股

788 @ 1.28 18000股
178 @ 2.21 6000股
1212 @ 7.6 4000股
1257 @ 3.2 5000股

1972 @ 21.05 1200股
1928@ 27.8 800股
9618 @ 290 50股
3067 @ 13.9 800股

（1） 持股組合有沒有問題？需要改善？

（2） 持股數目會否太多？

（3）月供緊788仲可以繼續？

（4）想往後賣出2388/178，再轉去其他增長股，可以嗎？

（5） 現在科技股有回落，增持3067/9618得唔得

（6）增持1972/1928/1212/1257可以嗎？

謝謝老師指導

龔成老師︰

1) 無問題，你長線持有就可以。

2) 有少少多，最好集中係10隻左右。

3) 可以，但你預佢增長力無以往咁勁，算係潛力股和平穏增長股之間，依然有長線投資價值。

4) 中銀香港(2388)有質素，唔建議咁做。而莎莎(0178)唔係無質素，但比較受經濟週期性影響，不宜持有太多。如果你想換碼，可以等大環境明顯好轉﹐佢有較大回升時，減持少少。

5) 如果你資金較充裕，現時加小注都係可以。但若資金不多，可以等佢地回多少少先，才考慮加注。

6) 這些股票，現價都合理，你最好等佢回到同你上一注，係有10-15%回調幅度，才加注會較好。

另外，中國光大綠色環保（1257）其實本質不差。

睇翻佢的業務情況，長遠發展其實是一個大方向，但佢近年負債有所上升，加上市場擔心佢之後的增長力有所減慢，因此對這股的評價減少左。的確，負債與發展持續性，是這股的風險因素。

長遠來說，這股仍是有投資價值，但不建議太過大注。始終都有風險，同時可能仍會弱一段時期。

------------------------------------------------

Q22508：

龔成老師您好，又想找您問問題。首先，好多謝您回覆所有網友的問題，又會公開俾人睇，您的每個回覆都充滿了正能量，每次我唔開心都會不停睇您的帖子。

我27歲，一事無成，靠努力有4份工，接近番足7日工，每年TOTAL放10全日假都無，雖然D工都係兼職、炒散、正職係低人工的文職，月入都係共$15,000-$17,000左右。

睇左您個page2年左右，由短炒變長渣，由輸好多錢變打和，好多謝您。

現時股票有
12(佔投資組合13%)、
257(佔投資組合7%)、
386(佔投資組合9%)、
728(佔投資組合7%)、
1448(佔投資組合8%)、

1800(佔投資組合6%)、
2388(佔投資組合15%)、
3868(佔投資組合6%)、
3320(佔投資組合6%)、
1(佔投資組合23%)

Total $250,000, 帳面(-5%)

現金$120,000(全數可投資，不用作流動現金)，每月儲$8,300左右，每年股息約$11,000，全數會再作投資

股票好似有D多，但我唔會再買新股，目標係上述10隻股票，平均每隻佔投資組合10%

因為我成日為自己工作好唔開心，所以我目標31歲左右有100萬，之後唔再儲咁多錢，再搵其它開心工作。而果100萬希望之後每年複利息6%增長，

我65歲時就有6,800,000左右，加埋MPF應該有8,200,000，而退休後每年可以用$740,000左右(如果計2021年之後每年3%通帳，我65歲的$740,000即是現時的$240,000)。

如果我現時(27歲)根據每月儲$8,300左右，股票250,000左右，現金120,000左右，再複利息投資上述10隻股票，我31歲時可以有100萬的機會大唔大?

如果我31歲時有100萬，之後不儲蓄但不停複利息增長，我65歲時有6,800,000的機會大唔大?

最後，請問老師有沒有其它財務建議?

萬分感謝，無名的支持者

龔成老師︰

其實你最需要多謝的人，是你自己。因為"改變"唔係一件容易的事，要很大力氣、意志和自律性，才可以做到。

以年均回報6%計，你31歲時100萬，應該在65歲個陣可以升值至720萬。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

以你27歲這麼年輕的年紀，我會建議先集中係有增長力的優質股(除非你風險承受能力好低)，去累積一筆財富。

而我地以長線平均回報計，每年平均合理增值，大約可以去到10-15%。若以年均10%回報計，你這100萬到65歲，應該已經升值至2000萬以上，故成事機會很大。

我假設投資回報有10%（連股息再投資），你每月投資$8300 + 37萬資產，4年後大約會增值至100萬，配合到你目標。

但較大問題係，你現時持股中，不少是收息股(0728, 3868, 1800,0386)，佢地增長力較弱，主要係收下息，未必可以做到年均10%增長。建議你將部份換碼至以下增長股，同時月供部份，都係以有增長力股票為主。

你可以投資「平穏增長股」和「潛力股」，去創建一個增值平台。你每月5成儲蓄，即是用$4150做月供。其餘先儲起，用一邊月供一邊儲蓄的策略。

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。

現時大市只是合理區，你現有12萬現金和每月所儲倒的資金，就等大市出現一定程度的下跌，才大力度掃貨，然後長線投資。

到你退休時，將這些股票換成收息資產，去支援你退休生活開支，咁就可以。

------------------------------------------------

Q22509：

阿sir,想問下如果想股換股，因為資金不足

1. 857中石油（賺錢）
2. 788 中國鐵塔 （蝕錢）
3. 9960 康聖環球 （蝕錢）

其實係咪應該將蝕錢的轉倉？如果按質素我覺得可能康聖會係最差？初時諗不如用中石油轉，但如果佢係呢3隻當中最好質素，即佢賺錢能力較強，又冇理由攞佢嚟轉，求賜教，謝謝

阿sir想問呢隻1799可入嗎

龔成老師︰

其實現時係賺錢，定係蝕錢，唔能夠代表佢質素好壞，最終我地都要睇翻佢企業本質而定。

3隻當中，中國鐵塔(0788)最有質素，雖然增長力比以往弱左﹐現算係水桶1至2，但長線投資價值依然存在，建議長線持有。

中石油(0857)都算有質素，但這始終是商品企業，產品沒有差異性，只能賺取合理的利潤，不算是最高質的類別，投資價值中等，這類股不宜持有太多。

石油是商品，當中沒有差異性，佢地要將石油賣出，只能跟國際油價，這令佢處於被動狀態，沒有價格自主的能力，這令佢地的獨特性有限。這類商品企業，都可投資，但就要明白不是最高質的企業。

由價佢會比較受油價影響，自主能力不強，加上油價中短期可以好波動。長遠增長力只屬中等，只宜小注投資。

康聖環球（9960）質素同樣只算是中等。

佢主要於中國向醫院提供6個主要專科領域（包括血液學、遺傳病及罕見病、傳染病、腫瘤、神經學及婦科）的臨床檢測服務，亦提供ＣＯＶＩＤ－１９相關檢測服務及常規檢測服務。

佢亦向合約研究機構、臨床試驗贊助商、製藥公司及研究機構提供臨床檢測服務、諮詢及評估服務，以及標本儲存服務。佢係在武漢、北京、上海、成都、天津及烏魯木齊設有7個實驗室。

其實質素都有的，但不算好高，企業獨特性未算好強，以及這刻佢在虧損中，往後的發展仍有較多不確定性。這類股都一樣不宜投資太多。

如果你0857和9960持貨佔組合較多的話，你係可以沽少少，換至其他優質股。

但緊記我地創建組合時，唔好太集中係單一股票，要平衡。個別企業和行業，不要佔組合15%和30%以上，銀行業更加不要高於組合20%，否則會有過度集中性風險。

在創建組合初期，組合金額較少，出現超標都係可以接受。但長線你要參照這指標，去維持組合的平衡性，才算理想。

新特能源（1799）係太陽能級多晶硅生產商和光伏項目承包商，主要從事中國光伏產業上游和下游環節的業務。

佢除左多晶硅生產外，亦從事電力銷售（透過自有燃煤發電廠供應電力多晶硅生產之用，並銷售多餘電力予當地電網）；工程建設承包（根據ＥＰＣ、ＰＣ或ＢＴ承包模式經營，為光伏及風電項目提供能源解決方案，包括工程設計、諮詢、建設、調試及運維）；逆變器生產（用於光伏項目的一項關鍵部件）及光伏硅片及組件生產。

其實過往的生意與盈利唔算好突出，同埋有D波動，只是近期新能源有炒作，佢都炒起左。實質支持係咪好大，未知。但建議保守少少，暫時這股投資值博率不高。

------------------------------------------------

Q22510：

老師你好，現年已經27歲，收入35k-45k左右，感謝老師一直以來的意見，現已累積超過100萬的資產現持有以下資產：

股票約60萬左右；

銀河持有2216 股，平均價為55.5；
港鐵持有1888 股，平均價為41；
中國鐵塔持有56814 股，平均價為1.22；
中生製藥持有6444 股，平均價7.7；
比亞迪持有258 股，平均價為48.5；
錦欣生殖持有1144股，平均價17.3；
盈富基金持有9148 股，平均價25.4；

現金10 萬左右；

派息基金Z07 24萬左右（五年內離場要手續費，所以至少放五年，平均每個月7%息）；

危疾（有儲蓄成份，為期25年）、醫療（消耗）以及儲蓄（為期10年，每月$3000）一年合共保費大約6～7 萬；

央積金大約4 萬（政府每年如果有盈餘會加注幾千，到65歲才能拿）；

1.請問以上股票是否有質素可以持續月供？如仍有質素，以上股票比例上需要調整或加入什麼，可以有更大收益？

2.在以上各方面配置中，老師有什麼建議？（風險承受程度中上）

龔成老師︰

1) 現時股票都有質素，但錦欣生殖(1951)不確定性較高，而且現價偏貴，不宜月供。

比亞迪(1211)現價偏貴，最好回少少先重新月供。但如果真的好想儲貨，同時現金足，現價以小注模式去月供，都可以的。

又或者可考慮GX中國電車（2845），這基金的目標是追蹤Solactive中國電動車指數NTR「相關指數」表現緊密相關的投資回報。

持股中最重就係比亞迪A股（002594），以及與中國電動車產業有關的股票，中國因為能源問題，長遠一定要發展電動車，這是大方向，故此股有一定投資價值。

2) 以上持股配置，問題不大。只要你跟我建議，調整一下月供計劃，咁就可以。

但你27歲很年青，應以增宜為主，派息基金增長力不高，其實不太適合你。但由於離場要收手續費，你照持有都可以，但唔好再加大投資。

------------------------------------------------

Q22511：

！我已經預留登記了星期六班，希望到時學到知識可以識運用！

龔sir, 可否多問一樣關於派息基金，因為這陣子很多不懂投資的同事/ 準備移民，諗住留筆錢比在港父母的朋友都向保險公司買呢類每月派息的基金當家用比父母。

請問您覺得這類型投資如何？值得作為資產配置的一部分嗎？謝謝

龔成老師︰

這類派息基金，其實分好多種，性質上可以成為退休人士資產組合的其中一員。

但問題係，你要明確知道，這些基金派息率是否保證。另外，基金本身有無賺息蝕價的風險。

用這種方法去支援留港父母生活，係一個方法，但必需了解清楚背後條款，以免失算。

------------------------------------------------

Q22512：

我努力睇你既野.可否分柝我既分配是否有問題. 我覺得無咩收息.....加唔肯定幾多錢入注。

2000sh [email protected]高價今明年內賣?
200sh -9988
200sh -1833需再入注?
600sh -0823 應幾錢再入@59.15/66.45
1000sh [email protected]應幾錢再入

以上兩隻我之前等現在升哂
3000sh -3067
500sh -6993
150sh -2807
20000sh -0788
[email protected]可再入注？

應該入金沙?0548/0778？ 收息?

龔成老師︰

我地投資股票，其實等同投資一間企業。希望透過其自然增長，以達至財富增值的目的。所以，我地投資一定係長線，而唔係短期炒賣，去賺差價。

你上述股票，都係有質素(2807相信係打錯編號)，若你係年青至中年人士，這組合係可以長線持有。

除非佢地去到好貴，或者質素變差，否則係唔需要沽出。因此，你3088照長線持有就可以。

至於平安好醫生(1833)佢有質素，但不確定性大，唔建議持有太多。

而領展(0823)有質素，你每注相距大約10-15%咁入就可以。但留意任何股票，都要控制個比重。同一行業或企業，不要超過組合15%和30%，以免有過度集中性風險。

港鐵(0066)現價在合理區中上部，你有貨在手，除非你資金好充裕，否則等佢有明顯回調才加注，會更好。

ＧＸ中國電車ETF（2845）現價在合理區頂部，暫時不宜大注，你等佢回多10-15%才考慮。

另外，你有個較大問題，就係你而家太偏重左係潛力股(3088, 9988, 1833, 3067, 0788, 2845)，佢地雖然有增長潛力，同時風險都較高，不宜持有過多。

假設你年青至中年，潛力股可佔約4-5成，餘下應用以下平穏增長股。若你投資經驗較淺，潛力股比重，要再調至2-3成以下。到你學到一定投資知識，才慢慢調高。

未來時間，你就要加大翻平穏增長股部份，令組合更平衡。

------------------------------------------------

Q22513：

龔SIR, 想問你關於你當時還在儲貨比亞迪既時候, 你話曾經比亞迪試過由$88跌到$12, 想問你當時有冇諗過自己既決定係錯?

因為 公司股價跌,跌左再溝, 又跌再溝, 有好多時會越溝越錯,所以先了解下你當時對比亞迪既諗法係點? 因為當時0幾年既時候

如果電動車將來因為技術上或者其他原因普及唔到, 好可能對比亞迪尼間公司成個諗法就錯唒, 所以好想知你當時考慮左咩因素去決定繼續增持?謝謝你龔SIR

龔成老師：

睇長遠價值，不是睇短期股價。

十幾年前，我已大量睇電動車行業資料，分析行業及技術發展，我見到電動車的最大問題，就是電池技術與配套。

如果這兩大因素解決，電動車一定能普及，因為佢比用油平好多，同時更環保。

然後，我分析電池技術與配套，這兩大因素，中國的配套在近10年間，不斷建設，例如充電設施等，在全球行得較多，多年前已相信，中國這方面的配套成熟，是遲早的事。

之後就是分析電池。

比亞迪（1211）本身就是造電池起家，之後再造車，是全球擁有較高電池技術的車企，其實佢的電動車，2007年已出產，當時已見到唔算差（雖然與市場化有距離），但佢過往的電池研發好強，因此可以推論，只要比時間佢，電池技術一定會提高，因此成功只是時間問題。

我地分析，一定要著重大方向，多年前，當其他人仍停留在「比亞迪的車會爆炸」，我就是分析，這個爆炸的原因是甚麼，是否核心因素，還是能解決的問題，我以「長遠的角度分析」，而不是這刻，我見到佢受短期不利消息，令股價大跌，就會增持，我從不擔心佢股價跌，因為我集中睇企業。

投資潛力企業，就是「這刻未成熟時買入，耐心持有，等企業成長」，所以，我地的分析點一定是長期。

------------------------------------------------

Q22514：

龔成老師你好，暫時冇乜錢，買住一隻先

3067係咪應該長期持有？

龔成老師︰

安碩恒生科技(3067)可以，這隻股票有質素。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

這基金上落較大，現價大約在合理區頂，因此，這刻不能大注投資。

最好的策略，就是月供，或自行分注小注慢慢收貨（例如每月買一次、或2個月買一次），總之慢慢入，不能用盡現金，原理如同不斷儲貨，這樣就能平均買入價，減少風險。然後就長線持有。

你現先買一隻，係可以。但長線計，我地唔好成個組合，只集中係1,2隻股票身上。

最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能高於組合30%，同一股不能高於組合15%。要平衡，建立後長期持有，不是買賣賺差價，而是成為你財富組合一部分。

------------------------------------------------

Q22515：

龔sir, 父母50多歲，冇任何保險，如果基本保險要每人2000蚊一個月左右，係唔係都最好買？

龔成老師︰

其實保險係我地理財中防守部份，主要係將一些健康風險，轉移比保險公司。所以，保障型的保險，我地係需要的。

至於$2000值唔值，你要睇翻本身個保障，係唔係真係切合你家人需要而定。

若係儲蓄類保險，我就不太建議，始終增長力不及優質股。除非你本身好保守，或者完全唔識投資，否則就不太建議。

------------------------------------------------

Q22516：

龔sir，你好！一直有關注你嘅post、YouTube Channel ，每日會花一小時去睇你解答問題同研究點可以令自己在股票市場進步，去學長線投資，

現時手頭上新經濟股比較多，都係年頭高位買入，想請教一下你嘅意見！

本人手持150萬左右現金，尚有250樓按要償還，月入3萬+，目標係3-5年後還清樓按再購入600-800物業，股票資產50萬，另100萬現金流

手持股票如下：

9988@270 400股
700@674 100股
388@499 100股
[email protected] 6000股
[email protected] 100股

[email protected] 7000股
6185@344 200股
[email protected] 5000股
2400@95 600股
[email protected] 3000股

好多股票都係高位買入，組合亦比較亂，想問應該如何再配置？等升返還是放部分等底位再吸納？

最後想同你講聲多謝，一直keep住睇你嘅post 令我自己都不斷去學習，以前上網無所事事咁過，依家會多思考點去進步，令將來的生活變得更輕鬆，

我相信越努力越幸運，多謝你令我思考點去做個有錢人，而唔係單單停留喺「想成為有錢人」嘅階段，呢啲都係睇你post學返嚟，哈哈，再次衷心謝謝你花時間睇我嘅留言

龔成老師︰

我地持有一隻股票與否，只會睇佢長線質素。同時我地唔會因為買貴左，就先沽出，等平D買翻。因為中短期走勢好難估，會受很不多因素影響，有些因素甚至係同企業本質無關。

如果你而家沽左，無人可以保證佢係唔係會再回，佢可能一直升，咁你就要用更高成本，才可以買回這隻優質股。

你現時持股，都係有質素，應長線持有。但有個較大問題，就係比較偏重潛力股。佢地雖然有增長潛力，同時風險都較高，不宜持有過多。

同一行業佔組合的比例，不宜多過30%，如果你上述有些行業過了這比例，就要減持。

另外，見你不少股都在貴的價位買入，你要大幅強化企業估值及投資時機的能力，又或日後多用分注、月供等投資策略。

如果你係年青至中年，潛力股可佔約4-5成，餘下應用以下平穏增長股。若你投資經驗較淺，潛力股比重，要再調至2-3成以下。到你學到一定投資知識，才慢慢調高。

現貨可以不用沽，但未來時間，你就要加大翻平穏增長股部份，令組合更平衡。以下平穏增長股，現價合理，已可分注。

另外，微盟集團（2013）、心動公司(2400)、康希諾生物(6185)和中國飛鶴(6186)不確定性較高，不宜持有太多。

現時大市在合理水平，你可以多用30-40萬，買入一些平穏增長股。餘下資金，我地就等大跌市，才出手掃貨。

至於物業投資方面，現時按息很低，你唔洗急住清還樓按，反而應該用資金去投資，爭取更大回報。

而投資第二個物業時，緊記要確定買樓同時，你留有一定優質股作增值。否則，你成個財富組合，就會偏晒去物業個邊，造成過度集中性風險。

記住，投資路上係要一直保持學習，長線回報才會好。加油!

------------------------------------------------

Q22517：

老師，可唔可以講解下1825同2944。如果跌到0會點架？

龔sir, 我最終賣咗0136， 另外一隻1825，止蝕離埸，蝕左20万

好彩還有隻1211 保住，15x-17x 入手，入咗6 手，仲有D小注0285，1830，2388， 3319，3918 ， 坐艇。我以後都聴晒你講。

龔成老師︰

美臻集團（1825和2944）過往業務一般，之前因為有炒作，現在只係回調翻去較合理水平。不過以業務發展來分析，這股的投資價值，只是一般般。

正常股票唔好跌到零，點到有些剩餘價格。但由於這股質素好一般，你沽出都係可以。長線換至其他優質股，回報會更好。

至於餘下持股，都係有質素，你可以長線持有。

但組合現時較偏重左係潛力股(1211, 0285, 1830, 3918)，而且非常集中比亞迪系股票，佢地雖然有增長潛力，同時風險都較高，不宜持有過多。

若你偏年青，潛力股可佔約5成，餘下應用以下平穏增長股。若你投資經驗較淺或較近中年，潛力股比重，要再調至3成以下。

未來時間，你就要加大翻平穏增長股部份，令組合更平衡。

------------------------------------------------

Q22518：

你好龔Sir ，你對ESG 投資有咩睇法？邊隻股票好值得投資

龔成老師︰

ESG，就代表環境、社會及管治。是近年多左人討論的一個項目。

這部份係一些非會計上的因素，而這些因素，係有機會影響企業長線經營和發展。

投資者過往選擇投資項目，主要係分析企業長線盈利表現。但近年已開始愈來愈重視ESG，企業能否在賺錢之餘，對社會和環境作出一定貢獻。

而且，全球法律改變，人們對環境關注度增加，都令企業對ESG的實踐造成推動力。但現時亞洲ESG未算好普及，主要都係一些歐洲企業，佢地對ESG關注度會較高。

其實我地係分析企業時，除了財務數據，我地都會分析企業和相關行業本質，如果ESG因素係對企業有長線影響，我地都應該將佢加入估值考量之列。

而我分析無特別用ESG表現，去做分類。但ESG比較多人關注會係綠色能源，你可以向這方向找投資機會。

------------------------------------------------

Q22519：

你好， sir 1.其實700 我453入貨有無錯？

1.其實700 我453入貨有無錯？
2.下一级支持位在哪？
3.rsi 好似無乜用
4.牛熊分析恒指没乜用
5.恒指25000是否有支持？
6. 700,6618那個較好可以吸？

Thx you

可否比d意见

我又放左

龔成老師︰

1) 騰訊（0700）你買入價合理，但你預佢中短期會較弱，長線持有就可以。

2) 我唔會睇支持位，只會睇企業質素，去決定長線持有，還是要沽出。

3) RSI係一些技術分析，只係短炒架人用。我唔建議你用短炒方法去投資，因為中短期會受好多因素影響，只有長線持有，才可以有效反映企業價值出來。

你見全球最賺錢的投資人巴菲特，去都係只會長線持有優質股，唔會做短炒或者用技術分析。

4) 牛熊分析，可以作參考，但實際用途唔大。因為其走向不一定順序的，因為有好多外在因素影響，我不會用「預期」的方法，去估股市、股價點發展，

我只會用「測量狀態」這方法，分析現時處甚麼位置，從而作出策略，但就不會預測。

5) 25000點算係合理區較底位置，有一定值博率。但都要睇翻個別企業平貴，因為大市在合理水平，唔代表企業都一定係合理價，有權可以係好貴。

6) 騰訊（0700）算係合理區中部，而且整體質素都較高，值博率會較高。而京東健康（6618），不確定性較大，無貨現價可小注，但長線不宜佔組合太大比重。

------------------------------------------------

Q22520：

抱歉老師，我發現自己打錯字…是0688 （中國海外）15.3入2000股

不過謝謝老師的詳細解答 我是因為看過老師在fb的發文或閲讀過老師的書籍才有些少能力判斷某些公司的前景。縱然現在大市回落一些，但仍然二千元盈利。

我家人説很多人在這段時間都是虧損 所以還得感謝老師

其實建行是我還在在學期間聽信祖母的意見買入的 現在 家人也建議我待它升回6.X元時便會沽出所以股分。我也有這樣的打算

因為在學期間沒有很多的收入，不太敢輸錢。所以只是把積蓄放在一些收息股上

龔成老師︰

中國海外發展（0688）不是無質素，在發展商來講，不算最強，長遠有平穩增長的能力，前景都可以。

睇翻佢的財務數據，基本上都是正面的，但生意增長力不是好強，見佢過往的生意都只是平穩，而整體都有投資價值的。

可以視這股為平穩型的企業，中短期可能因樓市一般而股價一般，但長遠，仍是可以的，你可以持有。

至於投資初期，買一些波動性較細的收息股，其實都係可以。但由於建行(0939)你持貨都唔少，為免佢過度拖低你組合增長力，你都係沽少少，換至其他我之前建議的優質股，咁會較好。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q22461-Q22480）

Q22461：

老師，阿里巴巴講話警告稅率會轉變，對佢影響有幾大？

龔成老師︰

其實而個講法只係預警，暫時都未知到底最尾會發展成點。

阿里(9988)以往被視之為「國家重點軟件企業」，稅率只需10%。如果中國政府除去佢「國家重點軟件企業」質素，佢就要好一般企業一樣，支付25%所得稅。

當然，未必係佢全部子公司，都要支付25%所得稅。因為部份分部(如天貓、淘寶中國等)，本身同時受惠於「高科技企業」或「認定的軟件企業」稅務優惠，就算失去10%的優惠，都唔會一下子跳到25%咁高。

當然，會否全部稅務優惠，都全部被移除，都無人知。

若果成事，有機會令阿里每年增加過百億稅務支出，由於稅務因素，會影響集團長線盈利能力。若真的發生，估值上就有需要下調。

現階段只能說，此股現價合理，但估值有機會要再調整。在有較多不確定因素下，此股暫時不要大注。

------------------------------------------------

Q22462：

老師，我現時20歲 想問一問你我的持倉是否合理。1351 是在不理性時買入的 希望你比啲意見

持有：
3067 十四手 $均價16.48
9988 一手 $204.8
1313 一手 $7.87
1448 一手 $7.33
1351 一手 $2.7

龔成老師︰

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你現時20歲去計，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。

現時你持有股票，都係有增長潛力和質素，你可以照持有。

當中，輝煌明天（1351）係中國的廣告公司，主要提供以下兩類移動廣告服務。

（1）中介服務：擔任客戶的廣告代理，將客戶與其指定的媒體發佈商相連接並投放廣告；該等廣告以不同形式發送，包括動態消息廣告、應用程序商店廣告及視頻形式廣告。

（2）精準廣告服務：為客戶計劃及進行廣告投放，並負責整個廣告流程；該等廣告通常以在媒體發佈商營運的移動應用程序出現的彈屏廣告等形式展示。

佢主要為客戶宣傳的5大服務或產品類別包括移動互聯網服務、移動工具程序、金融服務、手機遊戲及電商。

睇翻過往財務數據，業務都有增長的，不過盈利就有少少波動，反映好受市場環境影響，對經濟較敏感。規模較細，未見有好大獨特性。你只有一手，照持有都可以，但不建議加注。

但在平衡配置上，你有地方可以改善。現時組合，你係好偏重左係潛力股(3067, 9988, 1313, 1448)，佢地雖然有增長潛力，同時風險都較高，不宜持有過多。

你算年青，潛力股可佔約5成，餘下應用以下平穏增長股。若你投資經驗較淺，潛力股比重，要再調至3成以下。到你學到一定投資知識，才慢慢調高。

現有持股不用沽出，只要未來時間，慢慢加大翻平穏增長股部份，令組合回復平衡，咁就可以。

最後，我建議你把握年青，去努力學好投資知識。要去多讀投資相關書本、年報，新聞和課程。

書本上，你可以睇我寫架"80後百萬富翁"、"財務自由行"和"股票勝經"，都適合初學者。

另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

------------------------------------------------

Q22463：

龔成老師你好 我今年35歲，已婚並育有1子（4歲）我已拜讀你7本書籍，但對自身面對的問題仍然感到迷茫，望老師對我的情況做作指點和評價。

我為家庭唯一收入來源，月入約70000－80000。最近把所有資產轉為現金約1200萬。

雖看似不錯，但現有工作最壞情況只能再維持2－3年，之後可能只有20000－30000月入（收入不可靠進修或個人努力改變，除非創業）。

現有生活質素為租住約1200萬單位和為有車人士。兒子學費約15000一個月。家庭沒有其他特別消費。

如果希望將來生活能夠至少保持現有質素，請問老師會你會如何步處？

感謝老師指導

龔成老師︰

其實你都算年青，除了創業外，我相信你努力，都有機會找到一些較高收入工作。

以你35歲，我一般會建議先利用「平穩增值股」+「潛力股」作投資目標，做好財富增值部份。

由於你係家中收入唯一來源，在進行任何投資前，你應先儲起最少半年開支，作應急之用。

以現時大市合理區狀況，你可以先用一半資金，慢慢"分注"買入優質股。餘下一半，就等大跌市機會。

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。

但若果你真係預期用盡方法去開源節流，未來都有好大機會，長時間出現入不敷支的狀況。你可以將部份資金，用來買收息股，去補助你每月現金流。

目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

另外，每個人都有自住需要，建議你長線都要計劃添置一間自住物業，以免受租金波動風險所影響。

------------------------------------------------

Q22464：

您好龔sir,我想請問下3868信儀能源,2号公報業績,想請教您有何見解,謝謝

龔成老師︰

信義能源（3868）有質素，佢主要於中國經營太陽能發電場業務，並向國家電網的當地附屬公司銷售電力。

而佢派息高的，因為管理層話會用高派息政策。

投資價值都有，但不能投資太多，因為佢業務都有風險的，要注意股價波動，如分注長線都可以投資。現價已經係略貴，回多1,2成才好開始小注。

------------------------------------------------

Q22465：

龔sir , 想請教下你既投資部署。我老公早年買股票損手，虧蝕了好多，現時佢投資組合以下，想你比比意見。

佢40歲，月入12萬左右，佢行業黎緊有些不確定性，帶機會帶來重大變化，有一層剛買的自住物業 ，月供23000左右

3878 420000股 平均成本3.4
1833 400股 平均成本97.4
3808 4000股 平均成本13.5
6060 2100股 平均成本29

9988 1000股 平均成本180
3067 200股 平均成本15.9
1024 400股 平均成本120

有100萬現金在手 ，想拎其中30萬再投資股票 ，以上股票需要減持d嗎？ 另外建議買咩股票較理想？或者建議投資什麼？

龔成老師︰

首先你要明白，我地唔好用買入價，作為判斷一隻股票優劣的標準。你應著眼佢本身有無質素，如果有，中短期價格波動，令到出現帳面虧損，係無問題，照可以長線持有。

但如果係無質素，就算而一刻是賺定蝕，你都要將佢沽出。重點分析的地方，係企業質素，而非股價上。

近期中央不斷有新政策出台，令大市氣氛轉差，不少股票都出現大幅回調。但我地要考慮地方，唔係佢跌幾多，而係D企業長線質素，有無被影響。

睇翻你老公持有股票，全都都係有質素，而且整體買入價，大致都係合理，都唔見質素上有明顯轉差，可照持有。

但要留意翻，以下幾個重點問題。

首先，較大問題係VICON HOLDINGS(3878)，佢主要於香港及澳門提供地基工程及配套服務，此股市值唔高，每年盈利都只是1至2千萬。

這企業唔係話無質素，但始終規模唔大，你預佢股價會較波動，此股不宜太大注。

而且，就算一隻股票再優質都好，我地都唔好太偏重係佢身上，成個組合要平衡。個別企業和行業，不要佔組合15%和30%以上，銀行業更加不要高於組合20%，否則會有過度集中性風險。

現時這股佔組合太重，必需要減持部份，換至其他優質股上。

另外，眾安在綫(6060)、平安好醫生(1833)盈利能力未穏定，甚至係未有盈利。唔係話佢地無投資價值，只係不確定性較高，不宜持有太多，暫時唔好再加注。

最後，你先生而家組合，太偏重左係潛力股(全部持股都係)，佢地雖然有增長潛力，同時風險都較高，不宜持有過多。

以你先生40歲年紀，潛力股可佔約4成，餘下應用以下平穏增長股。若你先生投資經驗較淺，潛力股比重，要再調至2-3成以下。到他學到一定投資知識，才慢慢調高。

但唔需要沽出現有持股，只要未來時間，你先生慢慢加大翻平穏增長股部份，去令組合回復平衡，咁就可以。

你現時個30萬和沽出3878資金，可以分注買入以上平穏增長股，它們現價都合理。餘下70萬，我地就等大跌市出現，才去入平貨。

------------------------------------------------

Q22466：

你好龔Sir！唔好意思打攪您，有d投資分配上既問題想請教您。

本人32歲單身，月入月50K，沒有太多家庭負擔。2017年同家人合份於觀塘月華街買一50+年齡頂樓單位作收租投資，用本人一人名下購入，最近租約將到期，

現在家人結婚想自己另外買樓，需要資金，正考慮將觀塘單位賣出同家人分拆，抑或買下家人果一半業權

考慮因素包括：

-本人大部分資金現在壓係股票上大概120萬
-如果買下另一半業權可考慮賣出部分股票定將單位作按揭換取流動資金去買呢
-舊樓頂樓存在滲水甩牆漆等問題，日後長期維修保養手尾多
-觀塘現在正重建，亦都有大型新樓落成，該舊樓單位會否有升值潛力呢
-抑或賣出單位再物色另一個，或換得流動資金買股票好呢

以上希望聽下您意見/建議哦！感謝您！

龔成老師︰

觀塘因為坐落東九，政府計劃將來將東九發展成一個大型商區，附近地區樓價必然有一定支持。

但問題係你間屋已經50+年，又出現較多維修問題。如果保留放租，長線你維修成本，可能會慢慢蠶食你租金回報。

50+年樓本身已經較難做長期按揭，對新買家吸引力都較弱。

而且現時市況，優質股值博率明顯較高。因此，我偏向建議你沽出物業，套現去投資優質股作增值，相信會較好。但現時大市只在合理區，資金唔好盡用，要留少少等大跌市機會。

當然，如果你此期間，發現有質素又超值的旬盤，你都可以用套現資金去投資。

------------------------------------------------

Q22467：

龔sir，睇左你專頁一段時間，遇到跌市，心境比從前平靜多了，可以不用常常看股價，但看到數天的波動，不禁有點擔心，雖然已留有現金待入貨，但手持的股票跌了一半有多，應該繼續持有嗎？

788 @ 1.49
2126 @34.6
2131 @ 9.6
3908 @ 18.9
6618 @ 111

龔成老師：

最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

中國鐵塔（0788）不是無質素的。始終中國的3大電訊巨頭，都是佢的主要客戶，以及大股東，當5G發展，佢一定會受惠，因此前景仍然正面。

佢現時的收入都增長，盈利都保持向上，但增長比之前略減，加上股本回報率不高，是這股較弱的地方。若分析佢市盈率，會見到現時仍然處較高水平，反映佢雖然股價回落左唔少，但仍然未到平。

這股算是合理價。

這股長遠仍算有發展力，可長線。不過，潛力度比過往略減。如果想組合增長力較強，可考慮上翻D，部分轉其他。

藥明巨諾（2126）、云想科技（2131）、京東健康（6618）都是有風險有潛力類別，這類股，你要有心理準備上落大，不宜持有太多。

中金公司（3908）質素算是不差，增長力都有。

業務包括投資銀行：提供股權融資、債務及結構化融資、財務顧問（包括併購、戰略聯盟及公司重組等）及新三板服務。

以及股本銷售及交易：包括經紀業務及資本中介業務。

固定收益、財富管理服務、投資管理都是佢業務。

佢主要在中國國內經營業務，亦在香港、紐約、倫敦及新加坡設立網絡。

其實佢不是無生意，盈利都有，增長力都不差，可持有。

------------------------------------------------

Q22468：

龔sir, 我係投資新手，之前$380買了1手美團， $290入左1手阿里巴巴，已經跌左3，4成，到底我應該點做好？ 唔想止蝕，但我又唔急住套現，但想問你覺得呢兩隻股質素如何 ?

現時投資策略又應該點做？應該分段買入溝貨定係買下其他股票平衡配置風險? 儲蓄還有大概40萬現金左右

如果買入其他股票又有什麼建議？

還是投資美股etf 仲好？

同埋都想知港股開始進入熊市未？

龔成老師：

最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

美團點評（3690）有潛力的，過往一直虧損，到近一年，開始有正現金流，這是一個實質的利好因素，因為之前一直在燒銀紙，現時初步見到成效，不過，估值的方法好虛無，因為現時的市盈率仍過百倍。

如果有利好消息，佢可以上好多，但如果估值修正，股價可太跌。

只可以話，潛力是有的，現價唔算平，之前明顯貴，之後回翻好少少，大約合理區頂，你一手就守住先，但預佢上落大。

至於阿里（9988），買入價貴，暫時只有守住先，之後會好翻D，但要上翻去，要耐心。

美股港股，最重要是尋找優質股，中資股雖然有政策風險，但如果捉到政策方向，反而可變成好有利的工具。

至於牛熊，現世代的作用已大減，你集中分析「企業長遠質素」就得。

------------------------------------------------

Q22469：

龔sir想請問隻1024快手点睇？本人2OO買入，点解好多股票跌咗多年都冇法升返以前价位？係咪唔識唔好買股票？

龔成老師：

如果投資經驗不多，應該考慮一些較穩健的，例如ETF、港鐵（0066）、恆基（0012）等，快手（1024）是較高風險類，估值好難，所以股價上落大，如果持貨多，可能要減少少，如不多，就守住先。

但佢不是無質素的，佢係全球數一數二大的直播平台，絕對是一隻優質股，有獨特性，有客戶群，有潛力，長遠的發展力正面。這股有長線投資價值。

快手與業務夥伴合作提供了一系列產品和服務，於滿足平台上自然產生的多種需求。快手提供的產品和服務包括娛樂、線上營銷服務、電商、網絡遊戲、在線知識共享等。

快手科技已建立了穩定的用戶，在全球已佔據了重要的位置，企業有一定的優勢，以及獨特地位。加上用戶仍在快速增長，以及增長趨勢仍持續，預期有一定的發展。

雖然這刻盈利不多，甚至因加強發展業務而出現虧損，但這類股的分析特點是將來，等之後的收成期。

由於已擁有一定的優勢，以及仍增長中，企業要將用戶化成現金並不困難，只是時間問題，以及多少問題，預期2022年盈利模式已穩定，同時有一定的盈利。

簡單來說，企業有質素，有發展。

現價雖然無之前咁貴，但仍未平，可稱為合理區中上部至頂，但短期股仍會十分波動。

------------------------------------------------

Q22470：

老師 的想問關於存貨周轉率 跟返進階班第三課 文字版資料 六福銷售成本應該系7910751除平均存貨8427334=0.94（次）之後

存貨周轉日360除0.94=383（天）但系另一份筆本第30頁，顯示存貨周轉日系274日 是不是我計錯左條數，

另外我想問問銷貨收入，系邊一個部份，可以搵到呢條數，唔該哂呀sir

龔成老師︰

你計算係正確，用我上堂教的方法，答案會係383日。而274日係中銀網資料，佢提取存貨價值的模式，同我上堂的有不同。

如果你有留意1,2堂，我都有提翻同學，其實網站有時個計算方法，或者提取資料等，有機會各有不同，所以會出現誤差。

所以，你最好只係作參考。要較精準地計算一些數據，有時係要我地自己動手計算，才可以得出較有意義的數字。

"銷貨收入"一般就係指你個"營業額"，你可以係損益表中找到。

------------------------------------------------

Q22471：

龔sir ，最近有件事比較煩惱，現時自住樓已供完，銀行估值約$450萬（河畔花園），小妹一直都想住村屋 可以種植物，又無特別要求那區（工作九龍區），但都想住近d市區。

Sir你可以建議那些地區村屋比較有增值或環境比較理想，和我應該如何做按揭？應該fullpay 或比首期？

龔成老師︰

你可以考慮在沙田區找找，當中都有一些村屋的，相信會較適合你，你可以睇下當地的地產代理。第一，沙田這區我睇好，第二，近你現時的地點，第三，近你九龍返工。

住村屋的人，一般都係希望有較好環境，或者入場費架平的人。你預增值能力唔會高，如果交通較便利和接近市區，會係一個加分位。

但留意買村屋有好有壞的，好處是村屋除了呎價較低外，實用率一般達9成，比較實用。而且，適合飼養寵物或值物人士。

但村屋要注意的事項比較多，村屋不設入伙紙，只有滿意紙，而買入前要確保有滿意紙（因為不少村屋是個別業主自己興建，質素存有疑問，是否有滿意紙都未知）。

同時，村屋可能涉及丁權、地契等複雜問題，甚至有過路費、業權、僭建等問題，買入前一定要了解清楚。

此外，連天台或花園的村屋，要清楚是否入契。

至於按揭方面會較低，一般60%至85%不等，成數不及一般的住宅物業，買入前要預較多首期，更由於成交疏落，銀行估值可能會較低，買入前一定要做估值，而按揭年期最高為25年。

而按揭成數，愈高愈好，因為而家借貸息率低。你應該盡借，再用空出資金去作投資增值，咁會較理想。

------------------------------------------------

Q22472：

龔成老師你好，首先想多謝你一直以來為眾多位讀者解答問題和鼓勵我們，多謝你。

本人37歲，已婚，月入2.8萬，太太月入1萬，每月儲現金$10,000,基金供款共$4000, 其他開支14,000.

基金現金價值70萬，現金儲蓄5萬，股票26萬。(分別阿里巴巴20萬, 中國鐵塔2萬,建設銀行3萬，保利協鑫1萬)

我有幾個問題想問的:

1. 發現基金操控上得不到最大利潤(有大約20%增長)，有需要放手兑現，作其他投資嗎？

2. 如果現階段想買樓兩公婆住，又應該如何部署？買樓後，是否不能做到財務自由？

3. 另外父母在內地有物業，想兑現，但疫情關係又唔想親自上去，有什麼辦法作買賣？然後又如何把錢帶回香港？

先多謝老師的耐心解閲，萬分感激。祝身體安康！

龔成老師︰

1) 你可以衡量基金的投資策略，所投資的資產類別、投資策略、風險程度、市場、費用成本、

以及過往的表現(可以睇佢過往5-10年，如果回報係比主要投資市場高，才值得繼續投資)。

2) 其實我地做財富增值，就係儲優質資產。物業都係其中一種。每人都有買自住樓需要，否則就要一直承受租金變動風險。

但如果你要資金盡用，去買物業，就會令你成個財富組合，偏晒係物業類，咁係唔理想。

最好係你用優質股，再累積更多財富。到你可以置業同時，留有一定優質股增值，和每月供樓後，都能留有一定資金作投資，才實行置業大計，咁會可以維持增值能力，以達財務自由目標。

當然，如果你實際生活上，係有必要即時置業，你都可以入市，只要長線肯定係可以"供得起"，咁就無問題。

3) 內地物業買賣程序，我無研究。

------------------------------------------------

Q22473：

老師，我個仔剛出世，想幫佢用佢嘅利事錢買隻股票，大約5萬，放十年，有無咩介紹？ 謝謝

龔成老師︰

小朋友由於可投資時間長，策略上十分簡單。你可以儲指數基金，盈富(2800)、美股的VOO都得。

若你想增長力較高，可以儲安碩恒生科技(3067)。但此股波動性會較大，要睇翻你自已風險承受能力。

基本上，以你小朋友年紀計，持有以上股票都係可以，但你明白當中風險。

------------------------------------------------

Q22474：

多謝老師之前回覆，我有少少地方唔明想問清楚少少：

（1）我查左個貸款息率大概1.3%左右，最多可以拖長到十五年還，咁我即係應該拖到最長黎還，中間就攞自己既人工去投資，

但係要記得留定一筆錢用黎做後備資金喺需要既時候還款？

（2）估值部分你話「而重點係佢當年有一部分虧損，來自終企業務」咁係咪即係如果做估值果陣見到有個唔尋常既數字，就應該搵番果年既年報仔細睇清楚原因？

（3）如果想用評估表做外國既股票估值有冇乜野特別需要注意既部分？定係同香港公司一樣睇番份年報就可以？

再次唔該阿sir幫忙睇左份評估表同埋詳細解釋！

龔成老師︰

1) 這個利率很低，有一定值博率。還款年期，你用最長15年。

現時大市在合理水平，你獲得資金可分注入市，但要保留3-5成資金。唔係用來還款，而係用來等大跌市時機，去入平貨。而每月還款，你就係每月人工中預留一筆現金，去支付。

至於投資邊類股票，你就睇翻自已投資經驗和風險承受能力。較高的話，可投資"平穏增長股"，較弱就投資"收息股"，或者你從2者中取個平衡。

例如收息股，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）、富豪產業（1881）等（記住，股價略波動，不能太過大注）。

2) 無錯，這一點很重要。其實你係年報，發現任何異常數字(特別係個數字都大)，我地一定要了解當中原因，才可以做出一個穏妥的估值。

3) 大同小異，睇年報都係差不多做法。但當然外國市場和文化，始終都會同香港有所不同，係評估一間企業時，都要多了解數字以外因素，以免決定出現偏差。

------------------------------------------------

Q22475：

你好，龔sir。我現持有︰

中海油（2000股）
小米（600股）
VESYNC 1000股
安碩恒生科技 400股
朝雲集團 500股

現股市不穩定。應減持或增持？謝謝解答

龔成老師︰

你要記住，投資唔好受大市氣氛影響，你要客觀分析。到底隻股票，係下跌同時，佢長線質素有無變差。如果無，下跌反而係造就我地入平貨機會。

你現時持有股票，雖然近期有較大回調，但唔見長線投資價值，有明顯轉壞，你照持有就可以。

VESYNC（2148）有少少潛力的，但不確定性高，不宜大注。

中國海洋石油（0883），質素都算有，但不是最高質類別，佢對油價較為敏感，所以，如果長遠油價向上，佢都會增值的。

雖然佢都有一定的規模及質素，但卻不是最高質素的企業，這是由於佢地的產品自主力較弱。

石油是商品，當中沒有差異性，佢地要將石油賣出，只能跟國際油價，這令佢地處於被動狀態，沒有價格自主的能力，這令佢地的獨特性有限。

這類商品企業，都可投資，但就要明白不是最高質的企業。所以投資時，同樣不宜太大注。

------------------------------------------------

Q22476：

老師早晨，我有34000股互太，均價8.67，轉倉去朗廷1270係咪更具值博率

原因互太是高位入，即使疫情完結，我諗去返高位既機會好低

反而朗廷因為疫情同社運，跌到0.98，疫情後股價更有機會去返疫情前水平（唔係高位）

老師，1448去到$7.03，你係咪會加注？

同埋1448去到幾多先算平？我計合理價係6.4-7.5

龔成老師︰

互太紡織（1382）這股不差的。佢主要從事紡織產品之製造及貿易。

朗廷（1270）係香港持有酒店的投資信託，重點位於亞洲的已落成酒店，現時酒店組合包括香港朗廷酒店、香港朗豪酒店及香港逸東酒店等。

現時股息率計(1270用2019年股息率計)，朗廷（1270）值博率係較高。

以上2隻都係收息股，我地持有目的係收息，為自己創造穏定現金流。這類股票，比較適合年長/己退休人士，或者風險承受力較低人士。

如果你係較年青，這2隻股票，都唔適合你。

另外，雖然朗廷（1270）現時值博率係較高，但我地唔會因為咁，就將互太全部換晒去朗廷個邊。我地要做個平衡配置，唔好令成個組合偏重係個別幾隻股票身上。

所以，如果你想投資朗廷（1270）的話，你可以將部份持股，換碼過去，但唔係全部。

福壽園(1448)現價在合理區頂，如果你有貨，建議等佢回多10-15%倒，才加下一注。

合理價你計算都接近，你預大約HKD5.5 - 7.5左右。

------------------------------------------------

Q22477：

龔sir，我係股票班學生，我快速計左一下700既合理價 可以俾d意見嗎

我用7年數據︰

2014 35.93市盈 3.23EPS
2015 39.51 3.71
2016 36.04 4.9
2017 31.33 8.97
2018 40.43 9.46
2019 31.14 10.96
2020 27.42 18.37

我將七年市盈由細到大排 然後計中間三年即係 31.33-36.04，至於EPS果到 應該要點拎好。

因為佢個波幅都大 如果take7年 average 就計到 8.51就係 合理價266-306 好似有啲離地

然後我去中銀個網 搵吾同機構對2022既預測EPS 拎機構入面預測EPS最低果個14.81去計合理價，計出為 463-533 好似合理d

龔sir, 想問我甘計有無問題 希望可以指教下

龔成老師︰

你市盈率計法，可以就用這個3年數字(31.33-36.04)。

而EPS，由於企業和行業本身，都係近年才快速增長，因此我地會拿近少少，5年平均EPS作基礎會較準。因應佢增長潛力，上調多25%左右。

再加上10%緩衝區(這個課堂有教，唔記得係乜，就要溫翻初班第5堂SLIDE26)，合理值大約係︰HKD373 - 547。

至於機構預測，你都可以作為參考，睇下會唔會同自己答案差太遠。如果有太大落差，就要找出原因。

------------------------------------------------

Q22478：

龔Sir你好，最近對於複利有d問題諗唔明，希望你有空可以解答

複利係指一隻股票收到的利息再投資返係同一隻股票，咁如果我哋手動做股息再投資，應該點做？

假設一:
我有一隻A股票每個月月供緊1000蚊，而今個月收到500蚊股息，咁我係將呢500蚊係下個月再加落月供度，變成1500蚊去供A股票？咁我第三個月又變返月供1000蚊？

假設二:
咁如果我長揸緊既股票，並無做緊月供，咁我每次收到既股息應該點做股息再投資從而產生複利效應？

謝謝回答！

龔成老師︰

1) 唔洗咁複雜，你月供金額可以不變，只要另外將新收到股息，再買翻股票，就會有複利效果。但有時個股息不多，你可以儲起先，等有一定金額才再買貨。

2) 長揸和月供都無分別，收到股息先儲起，夠1手，而當時價格又合理，就再買。其實成個做法，都係一樣。

可能你會想問，有些股票佢係零派息，咁係唔係就無複息效果呢?

答案︰唔係。因為除了派息再投資外，企業賺到錢，將這些資金重新投入在業務上，都會有複息效果。

當然我地都要考慮翻，企業不派息，去為本身業務再投資，到底係唔係有更高效益。如果係有，就有投資價值。如果再增值效率不高，其實佢派息，才代表管理層做法理智。

------------------------------------------------

Q22479：

龔Sir你好呀。我有計劃明年年中移民,因稅務問題可能要在離開之前賣清股票，以往一直跟隨龔Sir教既方法長期投資

今年年初自律性低左買貴左新經濟股,所以你見到我坐住左幾隻，現在市況唔穩定,心裡其實有D壓力。所以想問問龔Sir我用咩策略去賣清D股票比較好

Current Portfolio

5 - 1,200 @ Avg 51.25
11 - 300 @ 114.91
27 - 4,000 @ 43.79
241 - 2,000 @ 22.05
285 - 2,000 @ 8.58

388 - 200 @ 190.36
700 - 200 @ 587.69
868 - 2,000 @ 7.79
1211 - 2,500 @ 40.05
1317 - 48,000 @ 2.59

2158 - 400 @ 49.63
6618 - 200 @ 136.58
8083 - 8,000 @ 3.57
9988 - 500 @ 241.3

多謝指點龔Sir!

龔成老師︰

其實買新經濟股唔係唔得，只要你唔係近退休人士，按自己年紀和風險承受力，作出合適配置，咁就可以。

但由於你明年中就要移民，需要清空持股。因此，你現時唔好再入貨，反而要慢慢開始分段沽貨。

唔好等到走個一刻，先一次過沽，因為無人知個陣個市，是好是壞。所以，你要分段咁沽，去平衡價值波動性風險。

你不要著重那一個「賺蝕數」而決定留或賣，是重要考慮質素，上述的股票，較高風險或質素較一般的，要先賣出，例如醫渡科技（2158）、中國有贊（8083），另外，另外的，可以分段去賣。

------------------------------------------------

Q22480：

Ar sir, 近日港股市場下跌好大輻度，科網股還有長線投資價值？3690同9988前景質素如何？

想詢問現時700,1810,3690,9988四隻論值博率，邊隻好？

龔成老師︰

近期受中央政策和大市氣氛影響，不少科技股都有較大回調。但我地要睇翻，這些政策到底對相關科技股，有無造成長遠影響。

美團(3690)和阿里(9988)都受反壟斷政策，造成不同程度的影響。你預中短期會較波動，但長線相信這些企業，適應了相關法規後，會慢慢轉好。

因此，若你有持貨，可以照長線持有。但美團(3690)始終不確定性較高，不宜佔組合太大比重。

至於"輪"這類短炒工具，我唔建議你買。因為中短期股價，受好多因素影響，基本上係無得估。所以，我建議你買正股，作長線投資會較好。

而正股值博率，以現價計騰訊（0700）和阿里(9988)係會較高。而小米(1810)和美團(3690)就相若，但質素上小米(1810)會較好。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

以「5G AIoT發展高雄智慧城市」為題 參與2021亞太城市高峰會（Asia Pacific Cities Summit ,APCS）城市論壇

非常榮幸應2021亞太城市高峰會（Asia Pacific Cities Summit ,APCS）主辦城市布里斯本市之邀，與Singtel(新加坡電信)的Connie Ang( Director of FutureNow Innovation Centre)、Dassault Systemes的Andy Muholland(Global Sales Director)、布里斯本市政府主管經濟發展的Chris Isles及同是布里斯本市政府負責城市治理的Kate Davies，就城市治理新潮流—「智慧城市」議題，進行線上對談。

這項城市交流盛會已經在9月8日，於澳洲布里斯本展開，超過60個城市及首長共襄盛舉，陳其邁市長受邀參加市長論壇時，已經分享市府如何透過智慧科技，協助服務業及商家渡過疫情難關；繼而我以「5G AIoT發展高雄智慧城市」為題，分享高雄如何從傳統工業城華麗轉身為科技智慧城─透過陳其邁市長所提出的4大優先施政主軸、3個宜居城市的發展面向及2大產業發展軸線加速推展。

首先，配合中央在南台灣打造的半導體產業供應鏈，以「產業轉型」實現「增加就業」的目標，事實上，自今年初蔡總統親自南下宣布啟動「亞洲新灣區5G AIoT創新園區」，高雄已經磨拳擦掌，全力打造亞灣成為台灣最完整的5G AIoT實驗場域及智慧城市迎向國際的新門戶。

其次，如何導入智慧科技，以打造減碳、韌性、綠能的宜居新高雄，我分享高雄如何以一張卡(MeNGo卡)整合市所有的大眾運輸工具(捷運、輕軌、公車、渡輪、共享自行車、共享電動機車、計程車等)，高雄率先全國推動MaaS整合計畫，並以全國第一條輕軌，規劃實證5G高頻寬網路匯入區域邊緣運算伺服器所進行的AI演算法，並以交通局提出的「智慧路口防碰撞」策略方案，將演算後的安全防護警示訊息，透過5G通訊警示用路人，確保路口安全防護效能。

水利局目前正在建置智慧防汛平台，透過雲端即時運算，即時推估演算淹水範圍、串接氣象局雷達迴波降雨預測，可於災前3小時提早警示；觀光局以AI、大數據分析，即時計算人流，並以「紅、黃、綠」燈號，提前預示觀光景點人流是否已達警戒；每逢假日即是人山人海的漁貨中心，海洋局於入口處設置攝影機，加上辨識系統來管控入場人數，並加設AI攝影機辨識人群密度，若到達警戒值，立即廣播喇叭提醒攤商及採購民眾留意，前開交通熱點，搭配交通局的車流監控，一旦超過臨界值，即可運用轄管資訊可變標誌進行宣導，即時派出警員疏導。

綠能是城市的未來，高雄的「電能管理資訊整合系統平台」也將統合全市的各類綠能資訊，並設置「高雄市漁電共生專案辦公室」以最佳化漁電配置；「校園光電綠能雲」為全台第一套在校園內建置太陽能的綠能管理系統，整合校園綠能與節能資訊，能即時顯示太陽光電系統發電量，掌握發電、管控用電，預計今(110)年底逐步上線，期透過資訊整合系統平台的建置，有效整合轄內能源資訊。高雄將透過智慧城市進行數位轉型，同時實現能源轉型。

市府協力智慧城市的合作夥伴(中華電信、中興保全)，以線上展覽方式，將高雄當前的推動方向、新的科技應用，進行系統性的介紹，更加廣泛地讓高雄投入智慧城市推動的努力為世人所見，也希望高雄的智慧城市經驗能夠面向世界、國際輸出。

這一集的老王給你問是正月十一新春特輯，為什麼老王說外資買超看月均線或5日均線，投信買超看10日均線！那自營商買超看什麼線？另外站上均線要幾天才算站穩？最後記得要猜燈謎留言送開運金幣！

Timecode：
00:59 1.請問一下老王，什麼時候會換髮型？

01:20 2.老王請問一下，所謂站上月均線、站上五日線，是指要站上幾天才算數呢？謝謝！

02:33 元宵猜燈謎時間-1！往下一直輸(猜工具機大廠股票名)

03:12 3.感謝老王，如果一檔股票是自營商連續買超，請問要看哪一條技術線呢？謝謝～！

04:20 元宵猜燈謎時間-2！關羽失荊州(猜被動元件大廠股票名)

04:27 4.請問投信要看10日均線，外資要看5日，這個是什麼原因？還是之前有老王影片說明有人可提點嗎？

05:52 5.王陽明好！大盤如果出現RSI結束鈍化，但個股還是多頭排列10日均線以上，這種情況怎麼處理？

07:03 元宵猜燈謎時間-3！酸甜苦辣鹹(猜兩個字的XX廠股票名)

#元宵節 #猜燈謎 #月均線 ＃5日均線 #自營商＃投信 #RSI #鈍化 #牛年行大運 #老王不只三分鐘 #浦惠投顧 #老王給你問 #老王愛說笑 #分析師老王

歡迎按讚臉書粉專，一天一篇免費財經解析：https://www.facebook.com/pg/winnstock
浦惠投顧官網：https://www.inclusion.com.tw/

-----------------------------------------------------------
※王倚隆（老王）為浦惠證券投顧分析師，本影片僅為心得分享且不收費，本資料僅提供參考，投資時應審慎評估！不對非特定人推薦買賣任何指數或股票

新北市平溪區一向皆是熱門觀光景點，尤其平溪老街的小吃與放天燈，平常的觀光客很少有人知道再走約莫十分鐘可到達孝子山登山步道。

拍攝這次的目的，就是丹尼聽到很多山友尋問到，上一支影片劍龍稜是否有難度，丹尼自認為難度算高，建議做足體力上的準備與攻略。所以本次前往孝子山登山步道。丹尼個人非常推薦此步道，因為進入登山口後只需約20分鐘即可登頂，路程極短，但風景依舊壯闊華麗。

下山後，丹尼在老街裡相遇目前罕見的懷舊柑仔店、五金行與傳統小吃店。唯一不變的就是當地人的熱情還有彈珠汽水的懷念滋味兒!

每年「元宵節」很多人都會到平溪區(十分或平溪車站)一帶放天燈祈求好運，不但是平溪區重要的活動之一，亦是危害當地環境的要素之一。

尤其前陣子看見@台客劇場 Tkstory 紀錄一系列的天燈環保議題，希望可以不違背傳統的方式遵循文化習俗。丹尼非常推薦這系列影片歡迎自取!https://www.youtube.com/watch?v=cY47iJ5-2o8

【孝子山登山步道】
▶所在縣市：新北市平溪區
▶步道類型：石階、泥土路、鐵梯
▶海拔高度：210~360公尺
▶山系：加里山脈
▶里程：單程約1.5公里
▶行程：
孝子山登山口→(8分鐘)→十字岔路口往中央尖方向→(6分鐘)→鞍部→(11分鐘)→孝子山頂→(原路折返25分鐘)→孝子山登山口。
▶備註:
1.登孝子山共有三條路線，其中最大眾化也較簡易的走法如本文路線規劃。第二種也是由平溪國中出發，走一小段東勢格越嶺步道，轉往恩慈嶺至鞍部，再上孝子山。第三種由平溪老街出發，經慈母峰底，續上孝子山。
2.也可規劃連走孝子山、慈母峰及普陀山，行程約2至3小時。
3.雨季或大雨後步道濕滑，不建議前往。
資料來源:健行筆記
https://hiking.biji.co/index.php?q=trail&act=detail&id=113

【慈母峰、普陀山登山步道】
▶所在縣市：新北市平溪區
▶步道類型：花崗岩石階、岩稜階、產業道路
▶海拔高度：200~450公尺
▶山系：加里山脈
▶里程：單程約1.4公里
▶行程：
平溪火車站→（0.3K,5分鐘）→孝子山第一登山口→（0.4K,15分鐘）→孝子山第二登山口（普陀寺）→（0.4K,10分鐘）→十字岔路口→（0.2K,15分鐘）→慈母峰→（0.2K,15分鐘）→普陀山→（0.2K,15分鐘）→十字岔路口→（1.1K,25分鐘）→平溪火車站
▶備註:
慈母峰/410m/晴字002不銹鋼基石
1.無論搭火車或公車至平溪站，距離石底橋的第一登山口僅數百公尺，開車者可沿著產業道路開至普陀山觀音寺旁的第二登山口停車後起登。
2.慈母峰、普陀山和孝子山都是熱門的登山路線，假日岩稜上容易塞人，宜儘早出發；天雨或有懼高症者不建議前往攀登。
資料來源:健行筆記
https://hiking.biji.co/index.php?q=trail&act=detail&id=121

【平溪中央尖登山步道】
▶所在縣市：新北市平溪區
▶步道類型：石階、泥土路、攀繩
▶海拔高度：218~580公尺
▶山系：加里山脈
▶里程：約3公里
▶行程：
普陀寺登山口→(0.3k, 10分鐘)→岔路往中央尖→(0.4k, 30分鐘)→鞍部→(0.6k, 40分鐘)→中央尖→(0.8k, 55分鐘)→岔路往平溪國中→(0.3k, 15分鐘)→舊礦場→(0.6k, 20分鐘)→平溪國中
▶備註:
1.部分路段需攀繩，不建議幼童同行。
2.步道濕滑，請穿著適當防滑的鞋子。
資料來源:健行筆記
https://hiking.biji.co/index.php?q=trail&act=detail&id=397

▶大眾運輸：
1.搭高鐵至臺北站下-轉搭臺鐵至瑞芳站下-轉搭臺鐵至平溪站下。
2.搭臺鐵至臺北站下-轉搭臺北捷運至木柵站下-轉搭臺北客運[795路(原1076路):往平溪]至平溪(老街)站下。
（交通資訊常有變動依公告為準）


#孝子山 #平溪老街 #慈母峰
--------------------------------------------------------------------------
👉更多有關於【秋天剩旅行cts.travel】此旅行的照片
https://instagram.com/cts.travel?r=na...

👉商業合作與邀約
bokas3kas3@gmail.com
--------------------------------------------------------------------------

外層 | 防水外套:始祖鳥 Arc'teryx BETA AR
https://idragon.info/2ggee

中層 | 軟殼外套:始祖鳥 Arc'teryx Gamma MX Hoody
https://whitehippo.net/2gghY

中層 | 保暖羽絨衣:始祖鳥 Arcteryx Cerium LT Hoody 850FP
https://shopsquare.co/2gghf

中層 | 輕量保暖外套:Fjällräven Keb Fleece Hoodie M
http://www.fjallraven.tw/clothes53.0.404

底層 | 透氣快乾襯衫: Fjällräven Abisko Hike Shirt LS
http://www.fjallraven.tw/clothes53.0.128

下肢 | 軟殼軟殼長褲:Arcteryx 始祖鳥 SIGMA FL Pants
https://igrape.net/2gghp
https://igrape.net/2gghp

下肢 | 軟殼軟殼長褲:Fjällräven Abisko Keb Trousers M
http://www.fjallraven.tw/clothes53.0.175

鞋子 | 重裝高筒防水登山鞋:ZAMBERLAN 1014 LYNX MID GTX WL
https://www1.gamepark.com.tw/2gghx

鞋子 | 輕裝低筒防水健行鞋:SALOMON GORETEX X ULTRA 3
https://easyfun.biz/2ggi3

鞋子 | 輕裝低筒防水健行鞋:SALOMON OUTLINE GTX
https://igrape.net/2ggi6

背包 | 重裝登山背包:Gregory Baltoro 75 Goal Zero 太陽能登山背包(2017版)
https://product.mchannles.com/2ggi9(2019薄暮藍)
https://ibanana.biz/2ggiC(2019瑪瑙黑)

背包 | 中裝登山背包:神秘農場Mystery Ranch EX Coulee 40(2019版)
https://adcenter.conn.tw/2ggiI

配件 | 相機快夾系統:PEAK DESIGN Capture V3
https://shoppingfun.co/2ggmB

配件 | 相機背帶:PEAK DESIGN 快裝神奇背帶 Slide
https://igamepark.biz/2ggib

配件 | 相機手腕帶:PEAK DESIGN 快裝潮流腕帶 Cuff 手腕帶 快拆
https://product.mchannles.com/2ggiw

配件 | 防水圓盤帽:Black Yak GTX
https://reurl.cc/d0qjv6

配件 | 墨鏡:ROAV Eyewear Taiwan

btw,所有包裝已全部分類回收，大家有需要才買吧！

"譚杏藍CHEERS 痴日線音樂會2018" 正式公開發售！

售票請到：
http://www.aegtics.com.hk
演出日期: 2018年12月21日
演出時間: 晚上8時
演出地點: Music Zone
票價: HK$280


【追蹤HANA】
HANA TAM INSTAGRAM : HANATAM
HANA TAM FACEBOOK : http://www.facebook.com/hanahanahanatam
HANA TAM WEIBO : https://www.weibo.com/hanatam/

♥HANA の 推薦影片 ♥
➡譚杏藍 Hana Tam - #誰叫何里玉 Who's Holly Jade? (Official MV)
https://youtu.be/n9Exaz76sbk

※※※※※※※※※※※※※※※※※※※※※※※

以下是我在影片中開箱的產品,
有興趣又想買的可以click進以下的links：

居家家棉麻大號多格文胸內衣褲分類整理收納盒子
http://bit.ly/2PJnpHO

bear /小熊DRG-C12U1電多功能熱鍋學生宿舍泡麵鍋
http://bit.ly/2DkKATh

北歐歐慕矽膠折疊多功能電煮鍋全球通用旅行便攜式燒水壺
http://bit.ly/2SMfrN1

Carote麥飯石奶鍋不粘鍋寶寶輔食鍋泡麵鍋迷你小鍋熱奶湯鍋雪平鍋
http://bit.ly/2qvou84

Carote瑞士麥飯石煎炒鍋不粘深煎鍋平底鍋家用炒菜鍋
http://bit.ly/2Pfb6Uw

UdiLife/優の生活大師浴室矽藻土腳墊矽藻泥吸水速乾地墊
http://bit.ly/2SH9ssC

Xiaomi/小米 米家感應夜燈樓道衛生間臥室節能人體感應燈
http://bit.ly/2DmHJsX

Xiaomi/小米米家空氣淨化器Pro清潔空氣AC-M3-CA
http://bit.ly/2PFwpxP

汽車腰靠墊腰墊座椅護腰枕靠背靠記憶棉司機頭枕四季人體車用車載
http://bit.ly/2AMhlX1

車載空氣淨化器太陽能車用汽車消除異味甲醛車內加濕負離子pm2.5
http://bit.ly/2DkL8Zl

汽車收納盒座椅夾縫縫隙儲物盒車用置物箱車載掛袋車內用品中控
http://bit.ly/2PI0qgi

小佩可調節寵物碗斜口雙碗
http://bit.ly/2OrALUA

pidan貓吊床三角形貓窩 實木貓睡袋寵物床夏季
http://bit.ly/2SP5LkV

zeze喵星球貓抓板大號貓咪磨爪劍麻貓爬架
http://bit.ly/2SSLJ8T

nathome/北歐歐慕 NJS706香薰機LED小夜燈加濕器
http://bit.ly/2yWTUca

QCY t1 pro真無線分體式藍牙耳機 智能觸控操作 還原音質
http://bit.ly/2zyH7Mr

抖音網紅貓玩具打地鼠機木頭製手工幼貓成貓小貓咪寵物用品逗貓棒
http://bit.ly/2FaQtE9

竹庭樹形小書架學生桌上/落地兩用創意小書架
http://bit.ly/2RxLX3Z

假樹仿真植物裝飾 龜背葉大型室內旅人蕉綠植落地盆景擺件假盆栽
http://bit.ly/2RyZQik

Segway-Ninebot Drift W1平衡輪 百變玩法分離式九號電動平衡車
http://bit.ly/2PbIbR8

havit/海威特 M29無線迷你藍牙音箱鬧鐘手機小音響M29
http://bit.ly/2SSLU43

青鳥5mm天然橡膠瑜伽墊初學者加寬專業防滑瑜珈土豪墊
http://bit.ly/2D4QCXf

新款時尚迷你小腰包裝飾腰帶鏈條皮帶顯瘦可拆卸包包女PU皮帶百搭
http://bit.ly/2qtbGiB

少女心背景布 軟妹攝影 直播背景布場景佈置甜美流光閃閃房間裝飾
http://bit.ly/2P8cgRm


※※※※※※※※※※※※※※※※※※※※※※※

來來來，大家幫幫打字幕吧！ 這個影片需要英文，日文的字幕喔！

*字幕協力組*
如果大家幫我打字幕的話，我就可以有更多時間，拍更多影片
感謝大家的幫忙！
提供字幕 : http://www.youtube.com/timedtext_vide...

提提大家!
當您提交字幕時，別忘了勾選 [製作/演出人員名單中可註明字幕是由我提供] 方塊。
您參與製作字幕的影片發佈後，您的名稱和頻道連結就會顯示在影片說明中。

Video is using...
SONY A7R2