青蛙王子（下） . 估唔到，森林裡面真係有好多動物係人變嘅，唔止有王子，仲有丞相嘅仔、高官嘅仔......總之全部都係家世好好嘅男人。 . 其中有一個，係右國嘅王子，佢係獨生子。 . 右國國王同王后夫妻情深，所以無納妃嬪，自從王子失蹤後，王后亦無再生仔女。 . 呢個王子返去右國，一定係王位繼承人。 . 當佢話要娶我嗰陣，我非常心動，嫁畀佢，我就唔駛再做唔受寵嘅公主，即刻成為太子妃，第日係王后，一人之下，萬人之上。 . ， 但我見到右國王子感激嘅眼神，我忽然意識到，我對咁多權貴有恩，即係有各國嘅人脈同資源，點解我仲要企喺「一人之下」？ . 女人嘅終極目標，唔係王后，而係女王。 . 我拒絕咗右國王子嘅求親，我聯絡我吻過嘅所有權貴，計劃奪取西國嘅王位。 . ， 當然，我自己都要出錢出力，為咗賺錢，我逼不得已，開始變賣母后留低嘅首飾。 . 執首飾嗰陣，我搵到一封密函，係母后生前寫畀我嘅。 . 母后話，佢係一個巫女，但身體唔好，生咗我之後，佢知道自己命不久矣。 . 佢希望令我有幸福嘅人生，女人嘅幸福，自然係嫁個好男人。 . 但我嗰陣仲係個細路，母后實在無辦法估計，我第日會鍾意咩類型嘅男人，對方又會唔會接受我。 . ， 所以，母后用盡僅餘嘅法力，周遊各國，將各國權貴嘅仔，變成各種動物，並且擺晒喺皇宮嘅森林度。 . 母后同佢哋講，只有「真愛之吻」先可以解除魔咒。 . 事實上，魔咒嘅內容係，只有我嘅吻，先可以解除魔咒。 . 我恍然大悟，怪唔知得，森林度會有咁多「青蛙王子」。 . ， 嗰本引起我聯想，令我想試吓錫青蛙嘅《美女與野獸》，都係母后留畀我嘅書。 . 一切一切，都係母后一片愛女之心。 . 我流下感動嘅眼淚，我一定要過得好！ . 喺眾多勢力嘅幫助下，我終於成為一代女王，我亦好感激母后，為我留低咁多「遺產」。 . ， 但十年後，有一次我出去打獵，居然遇到一個巫婆。 . 巫婆向我下詛咒，將我變成一隻老虎。 . 我身邊有好多士兵，但佢哋都被巫婆嘅巫術迷暈咗，無助嘅我被巫婆帶走，去到一個森林度。 . 巫婆同我講，只有「真愛之抱」先可以解除魔咒。 . 咪住先，同我母后嘅「真愛之吻」諗法一樣喎。 . 唔通，呢個巫婆又有一個仔，佢又想幫佢個仔搵籌碼？ . 甚至，呢個巫婆係我母后嘅同門師姐妹？ . ， 我有好多問題想問，但我依加係老虎，講唔到人話。 . 我只可以眼睜睜睇住巫婆離開，默默等我嘅「真愛之抱」出現。 . 唉，母后留低咗咁多「遺產」，點解佢無諗過留低修煉巫術嘅方法？ . 如果我識巫術，依加我就唔駛咁無助。 . ， 與其依靠人哋，不如自己努力。 . 要有自己嘅成就，最緊要就係有實力。 . 否則，就算你手上有好多資源，但你無相應嘅實力。 . 終有一日，你擁有嘅嘢，都會失去。 . －完－ . #短故 #短篇 #小說 #陳美濤 #廣東話 #粵語 #tomatochan #青蛙王子

遲咗少少~ Sorry~ [1230隔夜超短劇評] **歡迎留言討論但唔好劇透** **留言請明示你係講緊邊套劇** -------------------------------------------------- [ViuTV][瑪嘉烈與大衛系列 前度 第20集] [讚] Eric Kwok係咪專登扮黃秋生嘅語氣？好似。扮維珍後生嘅演員盧慧敏都好似廖碧兒喎，講嘢嘅方法就以袁澧林，係咪家陣啲後生女都係咁講嘢，好仙。 浩然上一次就係因為寄咗封信話會結婚，間接令到佢接受咗美玉。今次浩然喺婚前返嚟香港同大衛食布甸，唔知又有冇後續。如果冇，我就覺得呢個位係多咗。 [彈] 又嚟陳奕迅嘅《黑洞》，不過個震撼力就冇上次咁勁，因為今次冇乜鋪排個維珍同在山嘅感情，一嚟就播歌。用得《黑洞》就預咗觀眾拎返《綠豆》比較，個落差就真係好大。 另外，在山在維珍嗰段球讀白，係咪小說原句嚟？本來都奇奇怪怪，但後半集去到大衛同浩然已經唔記得咗，但後來又有林海峰嘅讀白，統一啲好似好啲喎。 [演員表] 劉俊謙 飾 大衛 / 杜小喬 飾 美玉 / 袁澧林 飾 瑪嘉烈 / 馬志威 飾 大輝 / 廖碧兒 飾 維珍 / 夏文汐 飾 淑華 / 黃秋生 飾 在山 / 郭偉亮 飾 年輕沈在山 / 盧慧敏 飾 年輕維珍 / 徐肇平 飾 浩然 -------------------------------------------------- [無綫][同盟 第5集] [讚] …… [彈] 陳展鵬同胡定欣個角色係幾多歲呢？我覺得佢哋好努力咁扮跳脫後生，但係吃力又over。韋爺帶住兩個仔去更衣室打人，真係好搞笑呀，有仇報仇抵唔住頸都可以嘅，但身為一個大幫派嘅高層，咁樣打爛仔交真係有啲小學雞。戴七就話啫，但佢個角色係深謀遠慮喎。 鮑姐扮幫會大家姐，唔係好得，啲眼神唔勁乾淨同凌厲。但一到對住杰仔嗰個慈母又加返分，但咁樣一加一減，好影響觀眾。令熊依家好多時都拎隻手指出嚟指指吓，應該係為咗加強氣勢，但夾落去反而減咗個威嚴。 [演員表] 鮑起靜 飾 令熊、薇姨 / 陳展鵬 飾 杰仔 / 胡定欣 飾 阿欣 / 陳山聰 飾 Kent / 郭峰 飾 韋爺 / 姚子羚 飾 Kate / 梁烈唯 飾 G Force -------------------------------------------------- [無綫][超時空男臣 第20集] [讚] 大妹一開始諗住自己會坐監，同三臣交代鳳鳴居，講心底話嗰part感動喎。但都係演技獨力支撐，冇劇情去推動，神仙都死啦。 [彈] Samuel係大波士就一早知啦，因為佢乜都放晒上臉度，一啲驚喜都冇。 [演員表] 蕭正楠 飾 袁崇煥、大軍 / 曹永廉 飾 左光斗、一波 / 何廣沛 飾 李進忠、小冬 / 王君馨 飾 太子妃、Sandy/ 田蕊妮 飾 方惠芝 / 朱晨麗 飾 方惠玲 / 韋家雄 飾 溫偉泰 / 姜大偉 飾 方天 / 簡慕華 飾 余綺虹 / 蓋世寶 飾 方玉芬 / 姚嘉莉 飾 嬌姨 / 吳業坤 飾 Ivan / 李國麟 飾 大富貴 / 徐榮 飾 Samuel / -------------------------------------------------- #1230隔夜超短劇評 #無綫 #TVB #超時空男臣 #蕭正楠 #曹永廉 #何廣沛 #王君馨 #田蕊妮 #韋家雄 #簡慕華 #蓋世寶 #姜大偉 #朱晨麗 #ViuTV #瑪嘉烈與大衛系列前度 #劉俊謙 #袁澧林 #馬志威 #杜小喬 #廖碧兒 #黃秋生 #夏文汐 #許志安 #姚嘉莉 #同盟 #鮑起靜 #胡定欣 #陳展鵬 #陳山聰

[1230隔夜超短劇評] **歡迎留言討論但唔好劇透** **留言請明示你係講緊邊套劇** -------------------------------------------------- [ViuTV][瑪嘉烈與大衛系列 前度 第15集] [讚] 喺度要同許志安講句對唔住，因為由公布演員名單開始，我已經覺得佢同套劇格格不入，可能係因為拍住袁澧林做一pair。但今集佢做洛奇真係好好，由刷牙、開車、買茄膏、煮麵，我睇到想喊呀。 淑華智者般的存在，經常點醒瑪嘉烈。唔知佢又睇唔睇到自己嘅老公有問題呢？ 本來想棄劇嘅朋友，睇完呢集會唔會留低？ [彈] 瑪嘉烈插花嗰度係咪可以多啲象徵或者戲呀？佢一路插我都唔知佢做乜。嗱讀者你唔好再叫我睇咗本書就明白呀，我再講多次，如果呢套嘢唔可以獨立成為一個作品，就係呢套劇有問題。除非佢一早講明套嘢係小說嘅補完作品。 [演員表] 許志安 飾 洛奇 / 夏文汐 飾 淑華 / 袁澧林 飾 瑪嘉烈 -------------------------------------------------- [無綫][超時空男臣 第15集] [讚] 終於有一集係全集及格。用銀絲帶評審一條橋，可以帶出 (1) 大妹對大軍嘅依靠。(2) 小冬同二妹感動推進。(3) 舅老爺覺得三臣來歷不明。(4) 天朝入鳳鳴居為之後鬥爭鋪路。(4) Samuel同嬌姨被迫聯手。(5) Sandy應該因為天朝入咗鳯鳴居而拍廣告同一波更多接觸。一箭五鵰，咁先係路嘛。 [彈] 煮食評審節目嗰一part，明明好緊張，但係鏡頭一啲氣氛都冇。係拍得好趕連啲機郁嚟郁去都冇時間，定係冇諗過？靠嗰個分畫面嘅剪接真係救唔到好多，仲娘咗。 [演員表] 蕭正楠 飾 袁崇煥、大軍 / 曹永廉 飾 左光斗、一波 / 何廣沛 飾 李進忠、小冬 / 王君馨 飾 太子妃、Sandy/ 田蕊妮 飾 方惠芝 / 朱晨麗 飾 方惠玲 / 韋家雄 飾 溫偉泰 / 姜大偉 飾 方天 / 簡慕華 飾 余綺虹 / 蓋世寶 飾 方玉芬 / 姚嘉莉 飾 嬌姨 / 吳業坤 飾 Ivan / 李國麟 飾 大富貴 / 徐榮 飾 Samuel -------------------------------------------------- #1230隔夜超短劇評 #無綫 #TVB #超時空男臣 #蕭正楠 #曹永廉 #何廣沛 #王君馨 #田蕊妮 #韋家雄 #簡慕華 #蓋世寶 #姜大偉 #朱晨麗 #吳業坤 #冼灝英 #ViuTV #瑪嘉烈與大衛系列前度 #劉俊謙 #袁澧林 #馬志威 #杜小喬 #廖碧兒 #趙學而 #黃秋生 #夏文汐 #許志安 #姚嘉莉