2018.10.19 U Magazine Local Gourmet

多到得人驚嘅三文魚子丼，就係呢度👇🏻

《滿瀉的魚子丼》

上月尾的鑽石公主郵輪之旅，有幸去到很多未曾踏足過的地方，包括聽得多，但未去過的北海道城市釧路。

在船上跟資深香港團友閒聊，對方說釧路沒啥特別，最出名是丹頂鶴，但香港動植物公園也有，在有限的時間建議不用前往觀看，反而一行七人一致同意，到東南沿海的釧路，沒有理由錯過新鮮魚生丼，於是上岸後我們立即召來兩部的士，向魚市場進發。

到過釧路的朋友，一定認識「和商市場」。裡面就像香港的熟食市場，數十個檔口都賣著同一樣東西—海鮮。但跟香港濕納納的魚檔不同，那裡非常整潔，完全沒有腥味。眾多檔口中，只有一家「黃色招牌」的魚生檔最多人排隊，聞說是有傳媒介紹過，因此名氣最大。我們要先在另一檔口買白飯，再到「黃色招牌」檔，像吃自助餐排隊取食物一樣，挑選心儀魚生鋪上飯面，自己丼飯自己整。拖羅超肥美，魚子大又甜，一試難忘。

正當我在回程的郵輪上回味豐富魚生丼時，看到朋友在Instagram上載一條影片，拍攝一碗魚子多到得人驚的飯。看到餐廳的名字叫「北海丼 Hokkaidon 」，還以為她與我在同一國度，查看後才知原來在太古城，我返港後誓要拜訪。

這家餐廳和風味濃，連行政總廚阿輝都有點像日本人。他說，我心儀的那碗三文魚子丼，靈感來自一家日本有名的居酒屋。店員會先奉上一碗白飯，再拿出一個盛滿魚子的大碗，一匙一匙地放到飯上。放的同時一眾店員會用日文高聲呼叫：「落力加多啲...加多啲…」，就好像有些餐廳為客人唱生日歌一樣。我可以用魚子泛濫來形容，因為總共加了四匙，約有170-200克，令你每啖飯都充滿魚子，一咬爆破汁液與白飯充分融和。此時你可別做大嘥鬼，別忘記滿瀉至掉到下面碟子的魚子。

還有「北海道海膽丼」。通常海膽都是一板一板上，這裡則有獨家海膽包裝，以迷你板上陣，一人一板。但由於早前北海道地震兼打風，食肆都要嚴選海膽質素才會入口。顧客可以獨立品嘗海膽，繼而用紫菜包，接著連飯吃。其實不論怎樣吃，海膽都是鮮甜。

餐牌中還有一個很鼎盛的「招牌北海丼」，說鼎盛是因為那隻大蝦及蟹鉗。裡面除了剛才吃過的魚子及海膽，還有鮑魚等十款食物。較特別的是冰頭，即三文魚的鼻樑軟骨位，醃過之後酸酸甜甜很爽脆，與其他魚生的口感很不同。

吃好的魚生飯，不一定到北海道，去北海丼也可。

服裝： Loom Loop

上星期睇Facebook見到小儀介紹佢喺太古城新開嗰間車仔麵店！知道佢第一間喺佐敦，但從來無去過😬 琴日去開太古城咁就去試吓啦！因為我有好耐好耐無食過車仔麵嘞！🍜
我點咗個懷舊辣汁亁撈車仔麵，四款餸+幼麵+冰凍紫背天葵特飲($54)，為咗辣我叫呢個餐，但其實我唔多鍾意乾爭爭嘅麵，呢個餐本身唔跟熱湯，但我一要求靚仔哥哥就話俾碗我，未食已經加晒分🤣🤣
小儀係訪問裏面提過，名人搞飲食有知名度當然好，但消費者相對對食肆嘅要求會特別高，稍一不慎就會收到投訴… … 無可厚非，我對佢係有期望嘅！👩🏻‍🍳👨🏻‍🍳🍜
整體嚟講，我覺得做得好嘅！我食麵好講求麵質同湯底，呢碗車仔麵兩樣都做得唔錯，餸就中規中矩，個人口味唔多鍾意份咖喱魚蛋，因為粒魚蛋好多粉😅 反而配角自家製辣菜甫好得我歡心😄
夠辣🌶菜甫又爽，鍾意辣嘅必試😋😋
可能仲算係新開張/ 定係假期關係，特色小食及部份餸都無供應，如果多啲選擇會更好！
呢個food court 其實坐得好舒服，回憶中食車仔麵都係大排檔或者坐得比較迫嘅鋪頭，大汗踏細汗咁食😂😂係呢個分店食，即使食大辣都唔怕攪到個妝溶晒啦🤣🤣🤣
#麵麵店
#太古城TREATS
#淑女都可以食車仔麵🤣