🏎30年前，風靡唔小青少年嘅 #高智能方程式 面世，想當年仲係小學雞嘅米爸米媽米舅父米姨姨，個個放學就望住風見隼人（以前叫風見車人） 同 #雷神 絕技 #凌空過彎 心心眼，今日，太古城中心將成個場景活現眼前喇🤩

「今天的我．沒有極限」😎講完都覺得自己型咗～ 响太古城中心中庭，就可以見到雷神30週年特別配色—νASURADA AKF-0/G Livery Edition Lifting Turn Mode，仲要係1:1 #神還原！各位fans真係要嚟瘋狂打咭先得！

行前多小小，仲有啱啱响日本飛過嚟嘅《高智能方程式30週年展》設定稿同埋劇照，我彷彿聽到明日香大叫隼人加油呀！🏎除咗劇照外，仲有大量精品，包括隼人嘅頭盔，記得要仔細睇晒每個角落呀～

除咗雷神，又點小得隼人亦敵亦友嘅第二男主角加賀呢？呢度仲可以見到首度登場嘅1:1 Super Aeroboost Mode #凰呀 —OGRE AN-21

最最吸引嘅，一定係全球首創《高智能方程式》X Formula Square RV實體虛擬賽車體驗，配以5G連接系統，坐上去以第一身感受隼人，加賀以及其他角色風馳電掣嘅極速快感！挑戰視覺時速700公里，突破人類最高賽車速度極限！有興趣一齊做車手嘅朋友，記住由9月29日起到 livehappy.cityplaza.com 免費登記預約，响賽道上體驗RV實體虛擬賽車，同雷神號並肩作戰！

話明30週年，點會冇會場限定紀念品先！🛍會場內出售全球首發限量版本高智能方程式紀念產品，包括三位主角風見隼人、新條直輝、布里德·加賀為主題的特別限量版T-Shirt、SUGO ASURADA GSX特別限量版腕錶及香港首賣VAKIT SUPER ASURADA 01 shakedown version模型等，仲有超可愛嘅雷神，隼人，加賀同明日香公仔添～📦

《新世紀GPX高智能方程式世界巡展香港站太古城中心GP》活動詳情
日期： 2021年9月30日至10月27日
時間： 中午12時至晚上9時
地點： 太古城中心2/F中庭及中橋

#高智能方程式世界巡展香港站 #CityplazaHK #LIVEHAPPY快樂識放 #CyberFormula #CyberFormula30 #abovethelinepr
#動漫迷 #comment內有揸車片段

Cityplaza Hong Kong
Above The Line

#出賣年齡系列 #高智能方程式 #童年回憶
【太古城中心特約《新世紀GPX高智能方程式世界巡展香港站太古城中心GP》🏎️🏁】

我要尖叫啦‼️
今次要同老公帶住超興奮嘅心情自肥一下😍😍

因為係我兒時最愛❤️嘅動畫之一《高智能方程式》嚟咗太古城中心呀‼️‼️ 據我所知今次係太古城中心與日本版權方Sunrise合辦，將太古城中心中庭及中橋變身成高智能方程式賽車場🏁❤️❤️

一講起呢套動畫，我馬上就諗起雷神同 #風見隼人 (車人)、#新條直輝、布里德·加賀等主角，今次佢哋仲同太古城中心一同實踐「LIVE HAPPY 快樂識放」理念❤️

呢次嘅展覽仲有首次展出1:1 #30週年特別配色 版嘅雷神 (νASURADA AKF-0/G Livery Edition Lifting Turn Mode)凌空過彎必殺技場景😍😍超型呀‼️‼️

✨✨場內必玩《高智能方程式》X Formula Square RV實體虛擬賽車系統，佢以5G連接讓參加者體驗到賽車手🏎️第一身嘅感覺😍😍

👉🏻立即網上預約:
https://livehappy.cityplaza.com/tc/home/

✨✨ 1:1加賀愛車「凰呀」—OGRE AN-21 Super Aeroboost Mode ❤️❤️

✨✨《高智能方程式》設定稿及經典劇照首次展出，亦有好多車嘅模型展品🏎️🏁

✨✨世界巡展香港限定店，獨家全球首發30週年紀念限量產品
▪️當中包括三位主角風見隼人 (車人)、新條直輝、布里德·加賀為主題的特別限量版T-Shirt、SUGO ASURADA GSX特別限量版腕錶及香港首賣VAKIT SUPER ASURADA 01 shakedown version模型等

我同老公今次都表示相當興奮同開心，臨走前仲買到心頭好❤️❤️你哋都快啲帶老公嚟，尋找童年回憶啦✨✨

☝🏻另外，Ani-One Asia YouTube頻道更於2021年9月23日釋出《高智能方程式30週年紀念特輯》。而2021年9月30日起，各位粉絲亦可重溫《高智能方程式》電視動畫‼️‼️‼️

【新世紀GPX高智能方程式世界巡展香港站太古城中心GP】
活動日期: 2021年9月30日至10月27日
活動時間: 中午12時至晚上9時
活動地點: 香港太古城中心2/F中庭及中橋

Cityplaza Hong Kong Above The Line
#高智能方程式世界巡展香港站 #CityplazaHK #LIVEHAPPY快樂識放 #CyberFormula #CyberFormula30 #AniOneAsia

【半夜三更都要出個短評post，講吓《007：生死有時》到底可以有幾好睇】

1. 首先很重要的事要講三次：
‼請勿留言劇透
‼請勿留言劇透
‼請勿留言劇透
你好難想像睇咗24次007點解要嚴防劇透... 開場前仲煞有介事叫你出文要 #notimeforspoilers（OK除咗整死史上最老果位邦女郎果集😂😂😂）你睇到一半，以為「唔準劇透」原因係咁咋嗎？點知原來真正結局堅會blow your head off，就算你估到都唔會估到佢咁處理，震撼到我呆到當場。呢個hashtag campaign冇誇張，都建議大家盡快睇咗佢，相信好快會轟炸互聯網，知唔知道結局發生咩事，對成套戲觀感會有極大影響！

2. 作為史上第一套用IMAX拍嘅007，雖然IMAX鏡頭唔多，我諗應該大約40分鐘到，但開場古城飛車同中段一場古巴槍戰，好耐冇睇過IMAX機可以拍到咁鬼刁鑽，尤其開場果段古城追逐戰，IMAX鏡頭有一下睇到我有少少離心力。一如《沙丘瀚戰》，呢套都係唔睇IMAX版不如唔好睇，加上實景玩IMAX同CG玩IMAX係唔同嘅。

3. 呢集可能係25集邦片入面最少動作場面一次（因為呢個原因預料實俾人話悶，然後又圍鳩我覺得唔悶一定收咗錢），但僅有幾場拍得幾有張力，重點係即使近乎全文戲，165分鐘入面都冇乜冷場，因為你唔知佢做緊乜？

4. 係，呢套同時都可能係邦片入面最複雜故事之一，頭果兩個鐘你會覺得好緊張，但好多條支節同唔同線索、人人好似各懷鬼胎，係會有少少lost唔知佢做緊乜，但鋪排咗咁多嘢、好多細微伏線去到最後一刻連埋，豁然開朗果吓睇到你毛骨悚然

5. 作為Daniel Craig引退作，亦經歷咗上一集嘅不堪，呢套成功將一切導回正軌之餘，都係對呢個007一場完美總結。深情、衝動、反叛，而呢一切嚟到呢集都有個好好總結。昔日嘅你點樣塑造今日嘅你，你嘅性格原來係你最大弱點，成為咁多代007最有血有肉一位。

6. 事隔近兩年冇睇過嘅3D版本，又冇想像中咁多餘。首先007一貫片頭的確極3D，好多細節位3D都呈現到，如果你太耐冇睇過3D都值得一睇，但個人覺得就不過不失啦，俾我揀就IMAX 2D就夠喇

7. Rami Malek或者唔理解佢點做到影帝，但呢套戲份唔多，個陰濕詭異樣一出場堅有壓場感，都一承到Christoph Waltz、Javier Bardem、Mads Mikkelsen幾位演技派式反派戲路

8. 個人當然繼續大推Ana de Armas，作為一個正常男人你見到佢唔心動應該有少少問題，佢繼續超可愛演出點都成為亮點（果場仲要有IMAX鏡頭），睇時都好緊張... 佢少布到咁，咁樣打法好易會走光架！

9. 作為堪比《新異變人》都市傳說式級數嘅「延期片」，呢套前前後後等咗成六年先睇到，都唔係《黑寡婦》或《F9狂野時速》一類延期片你睇完覺得「Well...」或「ok啦...」，而真心覺得呢段時間係值得等待，係，你要搵犯駁搵漏洞，絕對有，但罪不至礙眼，甚至可以講，係錯有錯著；如果冇延期、命途冇咁坎坷，可能話題性冇咁強，如今反而幫佢做到勢！

10. 最後，再次重申，保持公德心唔好次次都留言劇透，大家咁大個人，唔好成日都要我刪留言啦。如果你真係忍唔住要留言劇透，請用返以下格式，或歡迎你直接同我INBOX吹水
（劇透）
。
。
。
。
。
。
。
。
。
。
你嘅留言

《007：生死有時》觀後感全文可看留言連結。

‼️電影網店全新貨品已上架，低至$5起，快啲嚟搶購啦：https://bit.ly/3qLPkpk

【Patreon加強版】尊享優惠、更多深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei

【IG請follow】www.instagram.com/travelerwithmovie
【MeWe請Follow】mewe.com/p/travelerwithmovie

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

期待已久的Biohazard第八集《Biohazard 8 Village》（生化危機8 村莊）正式推出，承接前作第7集的故事，繼續以男主角Evan的第一身視點，體驗刺激又核突的沈浸式恐怖。女吸血鬼因為預告片而爆紅，就連官方都以她作為遊戲的宣傳角色，但原來這巨大的女吸血鬼並非遊戲的終極Boss。

《Biohazard 8 Village》是承接前作第7集故事，Evan繼續擔當主角。上集他死裏逃生救出妻子Mia，而今集則要勇闖有中古城堡的可怕村莊，拯救自己的女兒Rosemary。數年前的生化危機事件，Evan與Mia雖然大難不死，更誕下女兒，但似乎在心理與生理上都有後遺症。在三人短暫的幸福生活中，前作結局來到救他們的Chris Redfield，今集竟然射殺了Mia，並帶走Evan和其女兒。可惜出了意外，Rosemary被神秘人虜走，Evan追蹤到一個像中世紀的村莊，展開拯救女兒的冒險。

字幕更正：
0:57, 01:13, 01:20, 01:31, 01:48 應為 Ethan

https://hk.appledaily.com/lifestyle/20210507/7KDAMY5IK5C7BANEQNSNQBRTPM/

影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

#生化危機8 #惡靈古堡8 #吸血鬼 #Biohazard #吸血鬼
#果籽 #StayHome #WithMe #跟我一樣 #宅在家

｜香港VS英國馬莎｜罐頭湯香港$22 vs 倫敦$5 港人最愛餅乾倫敦平一半 英國馬莎港幣21蚊買到校服
越來越多香港人選擇移民到英國生活，無論是已經出發抑或仍在計劃當中，最好預先了解當地生活指數、日用品購買點等資訊。在英國，不難見到香港人熟悉的英國品牌馬莎百貨（Marks & Spencer）。不過，英國的馬莎與香港馬莎有何不同？記者前往全港最大的馬莎百貨旗艦店，太古城中心分店，同時邀請了身於英國的「廚職背遊」版主梁芷靈，前往位於倫敦牛津街（Oxford Street）的旗艦店，比較一下兩地馬莎的分別。

約130年前，猶太人Michael Marks從家鄉白俄羅斯的斯洛尼姆（Slonim）前往英格蘭北部，開了一個小販檔謀生，後來，他在由小販檔轉為小型攤檔，並札根列斯（Leeds）。他發現店舖中，只售一便士（One penny）的商品相當好賣，便索性將店舖變成「One penny shop」，概念正如今時今日的12蚊店，全場貨品統統一便士。生意越做越大，隨後他找了朋友Tom Spencer合伙，將二人的名字結合，Marks & Spencer於1894年正式成立。現在馬莎百貨在全球超過62個地區，設有超過1,500間分店。馬莎亦在1988年進軍香港，現今全港總共有18間分店。

https://hk.appledaily.com/lifestyle/20210330/3I5LO7ZEVVCC3GSG3G6CU34YAU/

影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

#香港 #英國 #馬莎 #倫敦 #罐頭湯
#果籽 #StayHome #WithMe #跟我一樣 #宅在家

海南雞飯專門店 有返晚市緊係約下朋友聚下啦太古呢間幾好食,上次食過今次同朋友黎試下其他款式
今期出左新菜式,咖哩雞煲或咖哩豬肋骨煲
配飯和香脆薄餅,另加10蚊包飲品 價錢中上,先付款後安排送餐
仲送雪糕或炸春卷,其實幾抵食既,份量亦多

再黎就係主角,海南雞飯加錢要雞脾,都係去骨,食落竟然同唔係雞脾位差唔多,唔係多好多肉
分別唔大,建議慳返唔洗加錢要脾位,附油飯一碗,清雞湯一碗,三款醬汁,海南雞大約十件左右
油飯不膩,但味偏淡身,唔係泰國個種好濃郁香料味既飯,雞皮薄,肉嫩滑,係幾好食既

咖哩小辣,夠香濃,有D似咖哩湯,香料味濃重,配上雞件同一些蔬菜,薯仔,秋葵,茄子
配埋炸得脆薄既薄餅脆片沾咖哩汁食,白飯配咖哩,雞肉幾嫩滑,賣雞既,雞肉質素有保証
送既炸春卷好脆身,蔬菜絲,沾少少辣醬食好食

K11分店要排隊,呢度唔洗排我覺得OK!
飲品要左杯檸檬意米水埋尾,不過意米唔夠碎,好難用飲管飲,味道係唔錯既
Chatterbox Express
太古太古城建安閣地下G515號舖