浪漫月巴睇2000（166） 【阿卵不靚仔，愈睇愈好睇】 楊偉倫靚仔嗎？不排除有人獨具慧眼覺得他靚仔，但對大部分人來說，他肯定不及霆鋒靚仔，所以楊偉倫父母應該不怕自己個仔自小被寵壞。 1.有理由相信，大部分人未必答到你楊偉倫靚不靚仔——他們根本不知道楊偉倫是誰，自然不會知道這個姓楊名偉倫的人樣子如何。 2.他就是《大叔的愛》的平哥，那個跟Carmen姐野餐食手撕雞髀的平哥。 3.無論幾努力撕雞髀食，依然改變不了平哥命運，平哥在《大叔的愛》由始至終都只是陪襯，陪襯阿牧田田和KK，以一個丑角身份，得閒整些怪菜式叫阿牧試食。有他在，固然得；沒有了他？似乎也一樣得。他存在與否，不會對「大叔的愛Universe」構成問題。 4.阿卵心知肚明自己不會成為主角——他不是欠缺做主角的材料，而是欠缺（在擁抱主流價值的主流世界）做主角的樣子。他曾在訪問中自嘲：若有朝一日開拍《Simpson傳》，自己就可以做主角嘞。 5.你的樣子如何，你的日子也必如何。樣子天生，不夠靚的，固然可以後天執執佢，但回看阿卵，可不是執執佢就搞得掂，一天都光晒，而是要「散版」——這是紙媒行內術語，意指版面砌得太核突，要由頭砌過。 6.似Simpson，還勉強可以說成Cute，但問題是，阿卵個樣同時被認為似黃一飛、廖偉雄、那個壞咗的人（這已是最好的一個類比對象）以及——李X持，就算阿卵真的把心一橫，將自己個樣交由專業人士散版，完成品，也頂籠是一個李X持的比較順眼版。真係不好笑。 7.其實樣子與才華無關。其貎絕對Very不揚的阿卵，早就在劇場展露才華，只是我沒有看劇場的習慣，沒有踏足他存在的領土；是直到2017年，才真正看見他——W創作社《小人國6》，其中一Part單元《Hong Kong『黑的』》，阿卵化身「撚Chan」，一個有點粗魯會講下粗口亦即你同我都總會遇過的Taxi Driver，這個Taxi Driver可不是羅拔迪尼路，沒有因偶然接載未成年的茱迪科士打而變成英雄，命運只安排不幸的「撚Chan」，在銅鑼灣戴了兩個來自America的一男一女乞兒客，這Pair ABC，話要去灣仔會展，期間要求撚Chan兜路，又拆他咪錶自行調校，校到由正常跳錶變成濫收車資；這Pair ABC還即席做FB Live，直播搭乘香港黑的初體驗——我忘了在那短短十分鐘自己笑了幾多十次，只記得一度笑到嚴重氣促，而且，肯定不只我一個。那是還可以隨時大笑笑到氣促忘我的年份，香港地道人和事，還可以濃縮成一場十分鐘玩笑。 8.到了今年看《大MK日》已經笑不出——其實當然有笑，笑到氣促，但同時明白，箇中的笑墊住一層悲，悲但真地，展示了MK正在消逝，阿卵與兩個老死，只能在這場終將來臨的消逝前，一追再追，追回MK和自己種種已過去的；而他的角色，為了老婆（曾經是MK妹），為了個仔，為了有個相對美好的未來，決定離開MK，移民去天水圍。 9.回到現實，1982年出生、先天注定不靚仔的阿卵，在香港走著很多平凡人走過的路：平平凡凡，無心向學，學業失敗Repeat逃避，偶然發現鍾意演戲，一心考入演藝，但入學要求會考五科合格，當中包括英文，他自修重考，剛好合格，成功入讀，讀到懷疑自己，讀到差點想放棄，好彩被老師一言驚醒；畢業，入行做演員，即使明知自己做不成主角。 10.這個沒資格被寵壞的人，毫不靚仔，但愈睇愈好睇。 （原文刊於am730） #浪漫月巴睇2000

Powerful Actor Workshop 10-11月課程 2.1 「演員引力」🧿 🙋🏼‍♂️歡迎任何18歲以上人仕報讀🙋🏼‍♂️ 👌🏿適合有經驗表演者及無經驗人仕報讀👌🏿 「我點先可以吸引觀眾嘅目光？」 「我演出團火去咗邊？」 「我唔享受我嘅演出，點算？」 「我係邊個？點樣喺演出中表現我自己？」 在舞台上、螢幕、銀幕中，看到的往往令我們聯假想投入到如果自己參與當中會如何處理，但當自己真正面對演出情況的時候，我們總是表現得措手不及、感到混亂、令我們的演出暗然失色。 繼2.0「演員原力」後 PAW 2.1 「演員引力」，Angus 將設計一系列劇場練習，並透過即興演出，讓學員了解演出的重要元素，讓學員了解自己、享受成為自己之餘，增強自信及面對演出的能力。 費用：早鳥優惠$3200，優惠期至2021年9月15號（原價$4000） 名額：十名 (額滿即止) *熱愛表演者優先 課堂日期 10月 25、29號 11月 3、5、10、12、17、19號 （共8堂） 課堂時間 2000-2200（2小時） 上課地點：觀塘 *有意參加者須填表報名及填寫報讀原因以作甄選 *本人保留一切權利 報名表格📥 https://forms.gle/WArPzDFSebrNyBxH8 Link in Bio 報名者將收到電郵回覆確認🙆🏻‍♂️ 如有任何有關課程問題，請隨時inbox 私訊📭 Facebook Page : 陳健豪Angus Chan Ig: azangushk —— 導師簡介 陳健豪 Angus CHAN 近期演出 演戲家族x香港舞蹈團 音樂劇《一水南天》 導演作品 演戲家族x香港青年協會 音樂劇《拾光盛宴》 香港演藝學院戲劇學院(榮譽)學士，主修表演。 曾參與校內演出作品：《帝女花》、《哈姆雷特》等。校外演出包括：文化交談 ;海團劇場（創作演員）、(創作演員)；演戲家族x香港舞蹈團《一水南天》；演戲家族《遇上1941的女孩》、《戀愛輕飄飄》；神戲劇場《EQUUS》、《仲夏夜之夢》；英皇娛樂《奪命証人》；同流《心靈病房》；爆炸戲棚《我們的青春日誌》；7A 班戲劇組《7》、《美人魚手記》、《幸福太太》、《灰蘭》、《失戀，我們分手吧！》；一路青空《馬騮俠》；劇場空間《歷史男生》、《勝者為王》、《布拉格·1968》；香港戲劇協會《礦井下的彩虹》； 騎士創作《觸‧一瞬》、《加班吧!絕地任務!》、《江戸無雙》、《紫。迷。藤》、《我愛足球》；香港藝術節《黑天鵝》；鄧樹榮戲劇工作室《泰特斯》、《馬克白》；夢飛行合家歡劇團《阿信的故事》、《長腿叔叔》；A2創作社《火鳳燎原之亂世英雄》；王子制作《天生不是女人》(編劇、導演及主演)；春天舞台《南海十三郎》、《小海白》、《喝彩》；焦媛實驗劇團《心太野》、《野玫瑰之戀》、《我的快樂時代》。 曽參與電影：、、。 音樂錄像: 陳奕迅、張紋嘉、葉宇澄 
 憑《哈姆雷特》及《心靈病房》榮獲2007年香港舞台劇獎最佳男主角(悲/正劇)提名及2017年香港舞台劇獎最佳男配角(悲/正劇)提名。 Photo by： @beanpoon #powerfulactor #戲劇工作坊 #drama #PAW #powerfulactordramaworkshop #Acting #stage #theatre #actors #workshop #student #study #dramaworkshop #hereandnow #2021 #陳健豪

#圍爐廢噏 #Zip噏劇場 農曆7月號 《#死後遇見DrM》 第四回 「心 + 意 = 憶」 *奇幻音樂 Dr.M : 85527，選擇轉世記憶之旅都接近尾聲啦，得返唔係好多個記憶要重睇，同時你都delete 咗好多記憶，睇下呢個Folder 入面嘅人同事，你揀唔揀到？ *按鍵盤聲 *甜蜜音樂 甜蜜回憶 (1) Daisy : 杯咖啡擺咗係度成粒鐘你都唔飲？ 康：你沖得咁靚，我唔捨得飲啊 Daisy : 咁之前係coffee shop 你又飲得咁快？ 康：唔chur多幾杯買多幾杯，你又點會認得我呢？ Daisy : 我極度懷疑你成日用呢招追女仔！ 康：(極速飲完咖啡) 我返工啦！ Daisy : 唔得，唔答我呢個問題你唔準返工！ *甜蜜音樂 甜蜜回憶(2) 康：不如買個焗爐放係屋企囉，我想試下整叉燒啊 Daisy : 嘩，呢鋪真係阿康生性，女友倍感安慰，終於唔駛我下廚啦 康：其實係你整野難食，我為求自保先學哦 Daisy : 你講咩話！？ 康：我係話，我學識咗整叉燒，你就唔會出去食叉燒，咁其他男仔就唔能夠用叉燒選你啲燒鵝啦。 Daisy : 咁我可能食厭咗叉燒，出去食油雞啊燒肉呢 康：嘩，咁我都出去試下其他人嘅咖啡先 Daisy : 你試下！ *Sad 音樂 嗌交回憶 康：你係咪裝咗air tag 係我度 Daisy : 係啊，咁又點啊 康：點解你搞到我係呢度住，好似個犯咁，呢樣又唔做得嗰度又唔去得，所有野你都要check 住晒啫！ Daisy : 你無做虧心事，你怕咩比我check住啊！ 康：呢份同住協議書口口聲聲話要保障雙方嘅關係，講到尾都係你專制啫，Daisy ，愛一個人唔係咁架 *Daisy 一刀插入阿康背後 Daisy : 愛一個人都唔係好似你咁架… 就係回憶呢段我生前被殺片段嘅時候，Dr.M 突然大叫！ Dr.M : 我終於睇到啦！係點解啊！ 康：咩點解啊？ Dr.M : 我之前睇咗成百次，就係為咗睇你死之前講嘅係咩字，今次我終於睇到，係點解啊！85527，點解你死之前要講點解啊！ 康：點解…應該係想問點解佢要咁專制，點解佢唔信我，點解佢唔比自由我，點解要搞成咁…同點解明明愛我但要殺咗我… Dr.M : 真係好多人死之前都成日問點解，其實比你知道點解咁又點啊，你唔死都死咗囉。 康：會死得甘心啲…會死得眼閉…啲…囉… Dr.M : 咁其實呢一刻你愛佢多啲定恨佢多啲？ 康：嗯… Dr.M : 或者呢段記憶幫到你搵答案 *按鍵盤聲 *結婚音樂 Daisy：我Daisy Kwok，願以你為我合法丈夫… *剎停音效 康：停！呢段記憶都無發生過！ Dr. M : 記憶嘅憶字，係樹心邊加個意字組成，即係你嘅心意，轉化成夢，留係你大腦度。記憶好奇幻架，一時虛一時實，有時真係玩謝好多人啊。 Dr.M 打開我發夢嘅folder，同Daisy 有關嘅夢大多數都係好sweet嘅，咁係咪代表我潛意識係愛佢多過恨佢？定係我天生唔係好識發惡夢…到死咗之後都唔係好得到答案。如果要記住Daisy，我應該帶住愛定恨嘅記憶呢？ Song : @kendysuen #孫曉賢 《#無名故事》 作詞：#小克 @diuhak 作曲：Kendy Suen, Brian Yip, Eye Fung 編曲：Kendy Suen, Jeffero Chan, Tomy Ho 監製：Kendy Suen, Adrian Chan Ps. 廣播劇可於港台app / 網頁 search #三五成群 重溫 #要用心品嘗 #無名故事 #嘅歌詞 #因為代表 #主角阿康 #對呢一生嘅睇法 #無常當中徘徊 #緣來又往 #彌留中捉緊 #一切往事 #和回憶 #再一看 #手一放 #竟心安