#荷兰 #Amsterdam , 2016 昨晚莫名其妙梦到了一名男子 一直在那自以为是地吸大麻🙄 吞云吐雾的 我真的很反感别人吸烟 （我不阻止别人吸烟，但身边人肯定不能有这习惯） 然后梦境里的这名陌生男子还要一直炫耀他吸大麻是多么atas的行为 🤦🏻‍♀️ 我就直接回他 那他应该要去 #荷蘭 生活了😐 那兒真的有許多供吸食大麻的店~（合法的） 🇳🇱荷兰🇳🇱 （現已改名為 #尼德兰 ）😁 一个同性婚姻，性交易，吸食大麻等非致命性毒品合法化的国家 走在街上就会看到一些大胆的性器官象征的摆设/手信 还有一些卖大麻的店面 虽然合法化了这一些，荷兰并不会给人一种很乱，治安不好的感觉 ; 相反地这里是欧洲里比较干净而且治安好的地方 在我出发前找资料 看到很多人说荷兰是欧洲里他们最喜欢的国家 嗯 不是没有道理的 🇳🇱 荷兰就是给人一种很悠闲自在的感觉 市内加郊外超过几百条的运河，运河边瘦瘦长长各种款式的房屋 真的蛮有fu 的～ #netherlands #阿姆斯特丹 #explorenetherlands #exploreamsterdam #instaeurope #holland #尼德蘭 #欧洲 #欧洲旅游 #欧洲旅行 #欧洲之旅 #歐洲 #歐洲旅遊 #歐洲旅行 #歐洲之旅 #运河 #canals #canalsofamsterdam #amsterdamcanals #amsterdamcity #exploreeurope #wanderlust #instadaily #malaysiagirl #instamalaysia #igmalaysia

十個住荷蘭嘅理由 （更多歐洲/荷蘭生活資訊，立即到https://www.patreon.com/allyblahblah） 1. 治安好 世界上應該好難搵到100%安全嘅地方，相比起唔少發達國家（如英美等地），荷蘭整體罪案率低，監倉空置率高，有啲市政府更會將監獄改造成房屋添！ 2. 普遍英語程度高 語言溝通係一般人移居海外嘅重要考慮因素。荷蘭人普遍英文程度高，有啲人更自稱英文比 native speaker 更好。事實上，大部份本地人可以輕易轉做英文溝通，連平時喺街市買餸都冇問題！ 3. 普遍教育程度高 除咗英文好，唔少荷蘭人教育程度非常高。「閑閑哋都有個碩士學位」。一嚟係因為當地高等教育費用低、質素高，二來唔少大公司早已將入職門檻提高至碩士畢業。 4. 到歐洲各國超方便 無論係本地定係國際交通，荷蘭呢方面都做得非常唔錯。如果上到鄰近嘅英、法、比、德等國家，坐飛機/火車/自駕遊都好方便。阿姆斯特丹嘅Schipol Airport 即係歐洲重要國際機場之一，基本上飛去邊都冇問題！ 5. 文青福地 荷蘭全國有接近440個博物館，唔少梗係國際知名嘅重點博物館，例如 Van Gogh Museum, Hermitage, Rijksmuseum 等等。各個地方亦都經常有唔同嘅文化藝術活動。 6. 多元化社會 荷蘭係歐洲裏面有最多國籍/種族嘅國家之一。無論你來自邊一個國家，呢度總會有你嘅「同鄉」社群。荷蘭亦都有唔少華人/香港人，海牙更係唔少華人聚居嘅地方！互相照應都容易啲呀嘛。 7. 自由度高 早係2000年，荷蘭已經將紅燈區、吸食大麻、同性戀婚姻等具爭議嘅議題合法化。好多人覺得「新奇」又或者會遭人側視嘅，係呢一邊一早已經見怪不怪。基本上只要你唔好影響到其他人，做咩都冇咩人會理。 8. 健康生活模式 荷蘭人大多數以單車代步，而且差唔多人人都會去健身室鍛鍊。足球、草地曲棍球、划艇等亦係荷蘭人熱愛嘅群體運動。喺呢度受到身邊嘅人耳濡目染，不自覺自己嘅生活模式都健康咗好多！ 9. 生活質素高 Work life balance係荷蘭社會非常重視嘅元素。唔會好似香港咁，工時長、生活壓力大。好多當地人都非常重視運動、社交、娛樂等可以促進身心健康嘅活動。社會整體對心理健康嘅重視同埋意識到比一般亞洲地方強。喺呢邊生活絕對好寫意！ 10. 可以做自己 講完以上九點，其實荷蘭最寶貴嘅地方，就係你可以做自己。相比起傳統亞洲社會，對於唔同嘅人有好多規範、枷鎖，生活喺荷蘭唔會感受到呢方面嘅限制。 今次講住咗多先！下一次就講吓「10個唔住荷蘭嘅理由 」😏 冇地方係完美嘅，有美好嘅嘢，就當然會有令人髮指嘅事情啦！ #荷蘭 #荷蘭生活 #歐洲 #歐洲生活 #海外職場 #香港人在歐洲 #香港人在荷蘭

自由「無價」嗎？ 早前做咗一個非正式嘅統計，如果有兩個選擇：一，係交好重稅，但係就有好多自由；二，係交好少稅，但係有好多「掣肘」。你會點揀？超過九成人都會選擇一，只有小貓三幾隻會選擇二。 稅率同「自由」冇必然嘅關係，但係喺唔少世界上出咗名「自由嘅國家」要交稅都好高。例如2020年「最自由國度」排名裏邊，頭四位包括係新西蘭，瑞士，愛爾蘭同芬蘭，荷蘭同丹麥、盧森堡、加拿大同澳洲並列第五，其他北歐國家如瑞典同挪威，都係排頭十名。 不時會聽到有朋友講，如果可以去呢啲國家生活，寧願交多啲稅。但當喺「自由」旁邊擺一個價錢牌，你會願意俾幾多呢？ 以荷蘭為例，當其他西方國家仲係爭議緊紅燈區、同性婚姻、吸食大麻、墮胎同埋安樂死等話題時，荷蘭早喺2000年頭已經將呢一啲議題陸續合法化，名副其實係一個非常自由嘅國度。 其中主要城市阿姆斯特丹，雖然地方唔係好大，人口亦只有二百幾萬人，但係無論你來自邊一度，呢個城市入邊總有你可以融入到嘅角落。仲有呀，唔似得香港咁，呢度放狗唔用狗繩唔會犯法、狗仔隨便大小二便又可以；甚至帶狗狗去商場/公共交通工具都冇問題。 雖然係非常自由，但係沈重嘅徵稅亦都會令一般打工仔，又或者係中產階層感到「有啲壓力」。假設你一年收入係48000歐元（阿姆斯特丹中位數 ；亦係一般大銀行/跨國公司MT起薪點），平均月薪係4000歐元。假設你冇外國人嘅稅項優惠（30% ruling），稅後每個月你會得返2850歐左右（大約交咗三成稅）。如果冇咩家庭負擔，加上識理財，呢個數都仲夠用。不過，同其他福利國家一樣，荷蘭係用累進稅。如果你人工好啲，一年收入有70000歐元，平均月薪係5830歐元，稅後淨收入得返3780（接近四成稅）。收入再高一啲，就分分鐘有一半俾咗政府。身家超過百萬歐元嘅人，更要額外交多1-2%嘅稅。 我哋成日話自由無價，但當你要交好重稅先至可以享有自由嘅時候，你會點揀呢？又或者，當實實在在喺「自由」隔離放一個價錢牌，你又會點揀？ （呢個排名嘅「自由」定義為the ability for the individual to live their lives as they choose, as long as they do not infringe on the rights of others to do the same，即係喺唔侵犯其他人嘅自由生活權利之下，個人擁有任意生活嘅權利） #移民 #移民歐洲 #移民荷蘭 #荷蘭 #西歐 #出國 #留學 #歐洲讀書 #歐洲工作 #歐洲生活 #荷蘭公司 #歐洲公司 #荷蘭生活知多啲 #香港人在荷蘭 #香港人在歐洲 #香港人加油 #搵工 #自由 #交稅