十個住荷蘭嘅理由 （更多歐洲/荷蘭生活資訊，立即到https://www.patreon.com/allyblahblah） 1. 治安好 世界上應該好難搵到100%安全嘅地方，相比起唔少發達國家（如英美等地），荷蘭整體罪案率低，監倉空置率高，有啲市政府更會將監獄改造成房屋添！ 2. 普遍英語程度高 語言溝通係一般人移居海外嘅重要考慮因素。荷蘭人普遍英文程度高，有啲人更自稱英文比 native speaker 更好。事實上，大部份本地人可以輕易轉做英文溝通，連平時喺街市買餸都冇問題！ 3. 普遍教育程度高 除咗英文好，唔少荷蘭人教育程度非常高。「閑閑哋都有個碩士學位」。一嚟係因為當地高等教育費用低、質素高，二來唔少大公司早已將入職門檻提高至碩士畢業。 4. 到歐洲各國超方便 無論係本地定係國際交通，荷蘭呢方面都做得非常唔錯。如果上到鄰近嘅英、法、比、德等國家，坐飛機/火車/自駕遊都好方便。阿姆斯特丹嘅Schipol Airport 即係歐洲重要國際機場之一，基本上飛去邊都冇問題！ 5. 文青福地 荷蘭全國有接近440個博物館，唔少梗係國際知名嘅重點博物館，例如 Van Gogh Museum, Hermitage, Rijksmuseum 等等。各個地方亦都經常有唔同嘅文化藝術活動。 6. 多元化社會 荷蘭係歐洲裏面有最多國籍/種族嘅國家之一。無論你來自邊一個國家，呢度總會有你嘅「同鄉」社群。荷蘭亦都有唔少華人/香港人，海牙更係唔少華人聚居嘅地方！互相照應都容易啲呀嘛。 7. 自由度高 早係2000年，荷蘭已經將紅燈區、吸食大麻、同性戀婚姻等具爭議嘅議題合法化。好多人覺得「新奇」又或者會遭人側視嘅，係呢一邊一早已經見怪不怪。基本上只要你唔好影響到其他人，做咩都冇咩人會理。 8. 健康生活模式 荷蘭人大多數以單車代步，而且差唔多人人都會去健身室鍛鍊。足球、草地曲棍球、划艇等亦係荷蘭人熱愛嘅群體運動。喺呢度受到身邊嘅人耳濡目染，不自覺自己嘅生活模式都健康咗好多！ 9. 生活質素高 Work life balance係荷蘭社會非常重視嘅元素。唔會好似香港咁，工時長、生活壓力大。好多當地人都非常重視運動、社交、娛樂等可以促進身心健康嘅活動。社會整體對心理健康嘅重視同埋意識到比一般亞洲地方強。喺呢邊生活絕對好寫意！ 10. 可以做自己 講完以上九點，其實荷蘭最寶貴嘅地方，就係你可以做自己。相比起傳統亞洲社會，對於唔同嘅人有好多規範、枷鎖，生活喺荷蘭唔會感受到呢方面嘅限制。 今次講住咗多先！下一次就講吓「10個唔住荷蘭嘅理由 」😏 冇地方係完美嘅，有美好嘅嘢，就當然會有令人髮指嘅事情啦！ #荷蘭 #荷蘭生活 #歐洲 #歐洲生活 #海外職場 #香港人在歐洲 #香港人在荷蘭

自由「無價」嗎？ 早前做咗一個非正式嘅統計，如果有兩個選擇：一，係交好重稅，但係就有好多自由；二，係交好少稅，但係有好多「掣肘」。你會點揀？超過九成人都會選擇一，只有小貓三幾隻會選擇二。 稅率同「自由」冇必然嘅關係，但係喺唔少世界上出咗名「自由嘅國家」要交稅都好高。例如2020年「最自由國度」排名裏邊，頭四位包括係新西蘭，瑞士，愛爾蘭同芬蘭，荷蘭同丹麥、盧森堡、加拿大同澳洲並列第五，其他北歐國家如瑞典同挪威，都係排頭十名。 不時會聽到有朋友講，如果可以去呢啲國家生活，寧願交多啲稅。但當喺「自由」旁邊擺一個價錢牌，你會願意俾幾多呢？ 以荷蘭為例，當其他西方國家仲係爭議緊紅燈區、同性婚姻、吸食大麻、墮胎同埋安樂死等話題時，荷蘭早喺2000年頭已經將呢一啲議題陸續合法化，名副其實係一個非常自由嘅國度。 其中主要城市阿姆斯特丹，雖然地方唔係好大，人口亦只有二百幾萬人，但係無論你來自邊一度，呢個城市入邊總有你可以融入到嘅角落。仲有呀，唔似得香港咁，呢度放狗唔用狗繩唔會犯法、狗仔隨便大小二便又可以；甚至帶狗狗去商場/公共交通工具都冇問題。 雖然係非常自由，但係沈重嘅徵稅亦都會令一般打工仔，又或者係中產階層感到「有啲壓力」。假設你一年收入係48000歐元（阿姆斯特丹中位數 ；亦係一般大銀行/跨國公司MT起薪點），平均月薪係4000歐元。假設你冇外國人嘅稅項優惠（30% ruling），稅後每個月你會得返2850歐左右（大約交咗三成稅）。如果冇咩家庭負擔，加上識理財，呢個數都仲夠用。不過，同其他福利國家一樣，荷蘭係用累進稅。如果你人工好啲，一年收入有70000歐元，平均月薪係5830歐元，稅後淨收入得返3780（接近四成稅）。收入再高一啲，就分分鐘有一半俾咗政府。身家超過百萬歐元嘅人，更要額外交多1-2%嘅稅。 我哋成日話自由無價，但當你要交好重稅先至可以享有自由嘅時候，你會點揀呢？又或者，當實實在在喺「自由」隔離放一個價錢牌，你又會點揀？ （呢個排名嘅「自由」定義為the ability for the individual to live their lives as they choose, as long as they do not infringe on the rights of others to do the same，即係喺唔侵犯其他人嘅自由生活權利之下，個人擁有任意生活嘅權利） #移民 #移民歐洲 #移民荷蘭 #荷蘭 #西歐 #出國 #留學 #歐洲讀書 #歐洲工作 #歐洲生活 #荷蘭公司 #歐洲公司 #荷蘭生活知多啲 #香港人在荷蘭 #香港人在歐洲 #香港人加油 #搵工 #自由 #交稅

13/4-19/4 新聞概要📜 . 13/4 -中聯辦對個別西方媒體偏頗報道禁蒙面法裁決表示遺憾 -港澳辦中聯辦斥郭榮鏗濫權，或構成公職人員行為失當 -新生花三個月Minecraft建虛擬中大校園，讓畢業生回校戴豬咀與「段校長」合照 -30藍絲「自發」悼中磚亡羅伯 警疑偏私扮盲唔執法 -楊潤雄：文憑試24日開考機會很高，擬再加強防疫措施 -鄭若驊料最快6月推「新型冠狀病毒網上爭議解決計劃」 -李嘉誠拍片感謝醫護「香港醫護，好嘢」 -本港新增5宗確診個案，連續第2日新增個案個位數，累計1009宗，4人死亡 14/4 -23歲男子理大衝突期間被控管有武器，判囚十個月 -男子涉淘大商場去年衝突事件被控襲擊，提堂後獲准保釋 -撐警劉亦菲《花木蘭》挪威上映，最新票房收874美元 -警破歷來最大毒品大麻花案，相信與加國大麻合法化有關 -當局將公開申請保就業計劃企業，市民可舉報 -調查稱逾9成受訪考生反對文憑試於本月24日開考 -有個案完成家居檢疫後確診，當局正積極考慮對策 -本港新增3宗確診個案，連續第3日新增個案個位數，累計1012宗，4人死亡 15/4 -11.11黎明行動，17歲學生認攜汽油彈及鐵錘判入勞教中心 -21歲兼職咖啡師認侮辱國旗，今判240小時社會服務令 -科大編委IG被入侵專頁遭刪除，後備電郵變「@qq.com」 -泰國男星和女友對話，引中國網軍以台獨之名出征，泰國網民輕鬆回應「擊退」對手 -3月訪港旅客按年下跌99% -考生三次度體溫過38度不准考試，去廁所要分批，政府籲僱主彈性上班方便考生 -職工盟促堵塞保就業計劃漏洞，津貼期不能任意減薪 -消委會測試24款消毒酒精6款含甲醇，或致慢性中毒 -特朗普宣布停向世衛交經費，授權各州自行決定重啟經濟活動時間 -本港新增4宗確診個案，全部有外遊紀錄，累計1016宗，4人死亡 16/4 -元旦遊行前涉管有鎚仔等被控，飛機維修學員今獲撤控，庭外指「保持沉默好有用」 -做義務急救遭趕出家門，大學生疫情下入病房兼職籌生活費 -裁判官發手令予警查閱手機及社交專頁，黃之鋒周庭覆核 -稱形容「曱甴」僅針對暴徒，小風波被炒作，候任消防處長：應止暴制亂，但暴徒都要救 -梁國雄於中聯辦外遇襲無大礙，涉案男子當場被捕 -高院裁定監警會審視大型示威活動無越權 -酒吧負責人違禁令被判囚，官斥被告抱僥倖心態營業 -萬寧替公立醫院專科門診病人取藥，每次收費50元 -本港新增1宗確診個案，患者是英國留學生，在完成14日家居檢疫才確診，累計1017宗，4人死亡 17/4 -20歲學生認攜燃燒彈今判入更生中心 官：盡可能避免坐監 -餐廳「保護傘」開業在即手足工作證獲批，台北牧師：他們等得很辛苦 -聯辦：「兩辦」不受基本法廿二條限制，可在香港行使監督權，警告議員要為損香港利益「埋單」 -記協指警方阻採訪司法覆核案開審 -內會仍未能選出主席，立法會主席梁君彥表失望和遺憾 -立法會審議防疫基金撥款料逾十小時，政府冀即日表決 -徐德義：疫情或波動，不能以短期數字決定是否放寬措施 -再多五宗本地口罩生產資助獲批，逾期未向政府供貨 -新型冠狀病毒疫苗有望最快今年秋季面世 -本港新增4宗確診個案，全部由英國返港，連續第6天錄得個位數增長，累計1021宗，4人死亡；532人康復出院，隔離病床壓力有所紓緩 18/4 -屯門海事處碼頭驚現青年浮屍無身分證 -去年逾8千屍體發現創3年新高，法醫人類學家由遺體到戰爭罪行，解剖「無可疑死因」 -警拘李柱銘、吳靄儀、黎智英等15名民主派人士，涉去年反送中遊行集會 -民主派人士被捕，彭定康指北京港府埋葬一國兩制 -吳靄儀同被捕，岑子杰：已申請七一遊行港人會再上街頭 -政府：基本法第22條適用於中聯辦 -拖足廿年旺角行人天橋凌晨接駁組件，區議員：民主派上場有助加快峻工 -千億抗疫基金獲通過，民主派20項臨時動議全遭否決 -入境人數減，亞博館醫管局檢測中心明午起停止運作 -多所大學校長及副校長捐薪一成，為期一年 -本港新增2宗確診個案，累計1023宗，4人死亡 19/4 -政府一晚三度出稿，稱中聯辦按基本法22條設立後推翻 -陳文敏稱特區政府一而再改新聞稿只為中聯辦干預合理化 -陳弘毅：中聯辦非按《基本法》第22條成立 -一群休班警清晨在元朗打鬥，一女警被同事扑穿頭 -警方接獲投訴指6至8名青年在西洋菜南街聚集擺賣 -蓬佩奧和英國外交部發聲明，促中港遵守中英聯合聲明 -本港新增2宗確診個案，包括1宗本地個案，患者是維珍航空地勤人員，累計1025宗，4人死亡