雖然這篇大靚仔意思鄉民發文沒有被收入到精華區:在大靚仔意思這個話題中,我們另外找到其它相關的精選爆讚文章
在 大靚仔意思產品中有817篇Facebook貼文,粉絲數超過0的網紅,也在其Facebook貼文中提到, 《第一次搭叮叮》 ♂:早晨 ♀:早晨 ♂:岑雪兒,我好掛住你啊…… ♀:掛住我乜 ♂:好多喎,你想我逐點講你知? ♀:免喇,肯定無好野講,你成日都蝦我 ♂:今日係唔係又見你唔到啊? ♀:乖,唔好咁痴身啦你,呢d野應該係我做先係嘛! ♂:我有冇同你講過我都幾女人 ♀:睇你寫野都感覺...
同時也有51部Youtube影片,追蹤數超過4萬的網紅李根興 Edwin商舖創業及投資分享,也在其Youtube影片中提到,哈佛知識分享: 做生意,七大困難選擇! 七條策略問題 Seven Strategy Questions《第六: How Committed Are Your Employees To Helping Each Other? 同事們之間有幾願意互相幫助?》 從前有三個工人砌磚頭: 第一個,做...
「大靚仔意思」的推薦目錄
- 關於大靚仔意思 在 GirlStyle 女生日常 Instagram 的最佳解答
- 關於大靚仔意思 在 Hins Cheung 張敬軒 Instagram 的最讚貼文
- 關於大靚仔意思 在 ?????? Instagram 的最佳貼文
- 關於大靚仔意思 在 Facebook 的精選貼文
- 關於大靚仔意思 在 Kaso Kitchen 家嫂小廚房 Facebook 的最佳解答
- 關於大靚仔意思 在 Facebook 的最佳解答
- 關於大靚仔意思 在 李根興 Edwin商舖創業及投資分享 Youtube 的最佳貼文
- 關於大靚仔意思 在 MPWeekly明周 Youtube 的最佳貼文
- 關於大靚仔意思 在 MEeeep More Youtube 的精選貼文
大靚仔意思 在 GirlStyle 女生日常 Instagram 的最佳解答
2021-09-16 01:31:09
【@girlstyle.mag】「遮遮」勤學廣東話,張敬軒傳拼音信息助她極速學外語? . 張敬軒不時在 IG 分享外傭「遮遮」為他炮製的早餐,當中笑料十足!近日,軒仔又分享與「遮遮」之間的趣事,惹來網民大笑!原來「遮遮」近日走去學講廣東話,仲寫廣東話拼音紙條跟軒仔溝通~百厭的軒仔竟以其人之道還治其人...
大靚仔意思 在 Hins Cheung 張敬軒 Instagram 的最讚貼文
2021-09-17 12:06:36
我終於忍唔住,同我嘅髮型師 @ritzlam 同化妝師 @cyruslee1018 喺片場大打出手,我頂唔順佢哋成日都令到我咁精靈 #本身諗住寫靚仔嘅其實就 #相傳 有一種眼藥水只要滴一滴就即刻睇到平時睇唔到嘅嘢,我嗰日滴完,望到塊鏡入面,竟然係玉樹林風 #林峯 嘅自己,真係太神奇了😌 #喂喂...
大靚仔意思 在 ?????? Instagram 的最佳貼文
2021-09-10 06:58:24
#swipeleft⬅️ SD Showcase 2021• Regent Team😎 呢班人係我咁多個小圈子入面 能夠用最短時間變到超級團結既一班人🤡❤️ 由幾乎每次排舞都齊人 到後來決定costume 再到處理慶功 甚至自己book房練舞 所有野都好順利 感謝每個人都願意參與同討論🤫❤️ 辛...
-
大靚仔意思 在 李根興 Edwin商舖創業及投資分享 Youtube 的最佳貼文
2021-06-02 12:40:05哈佛知識分享: 做生意,七大困難選擇!
七條策略問題 Seven Strategy Questions《第六: How Committed Are Your Employees To Helping Each Other? 同事們之間有幾願意互相幫助?》
從前有三個工人砌磚頭:
第一個,做又36唔做又36, 梗係砌得又慢又冇心機,等收工工。
第二個同佢講,係每嚿磚頭畀多佢兩毫子, 動力梗係加倍!
第三個同佢講砌磚頭原來係喺起間教堂,等村民可以同神溝通,令人民心靈/世界更加美好。 我估第三個砌曬自己嗰啲之後 ,都可能幫埋側邊個人砌。
以上故事帶出咩理念?
Business is about making tough choices. 上五集就講咗 Who is your primary customer? 公司股東、顧客、員工,邊個行先? 追數,應追邊三條數? 公司應有邊「十誡」? 同埋如何令員工在適當壓力下發揮創意。
今集我會同你探討第六個策略問題: How Committed Are Your Employees To Helping Each Other? 同事們之間有幾願意互相幫助?
根據哈佛教授 Bob Simons 呢本書 Seven Strategy Questions,上面提及嘅砌磚頭, 就好似公司管理咁, 做又36,唔做又36,肯定唔啱。 無曬推動力!
想畀員工多啲獎賞鼓勵?
有啲公司, 行 trading strategy: you eat what you kill ... 每個人係 more self-interested, 可能行 commission 佣金制度。
有啲嘅公司,行 solution-based strategy: more teamwork approach, 流程較複雜,可能行 bonus pool 花紅制, 甚至乎有埋 stock options 或 ownership plans.
無話對與錯,最緊要搞清楚。
好似做地產經紀咁,如果你顧客唔幫襯你,好輕易可以幫襯其他人,即係客戶有 low switching costs, 餐搵餐食餐餐清,公司內部又同一時間可以有好多人以一樣產品跑數,內外競爭較激烈, 做到做到,做唔到就做唔到,好輕易用錢去量度嘅話, 你係行緊個 trading strategy,行佣金制度去鼓勵員工較適合。有得「經紀」兩隻字,基本上都係咁。 以前我係「生意經紀」, 買賣過千單生意仔, 同事們都係行佣金制。 做到 deal 就出佣。
但佣金制亦有利有弊,利嘅就係簡單直接,you eat what you kill. 弊嘅,就係同事們可能會變得較短視、自私、 同埋未必從公司/顧客利益層面著想, 總之就先袋佣金先。 因此你間地產經紀個盤好唔好,佢一定話好。 話唔好,都只係因為有另一個想介紹你買。因此 ....No offense ... 俗語有云: 「經紀靠得住、豬乸會上樹!」
有啲公司,好似投資銀行咁, 攞咗單 deal 返嚟要成 team 人一齊做 (i.e. 一齊搞上市或收購合併), 客戶嘅關係係較長久、 成條價值鏈 value chain 比較 複雜,唔係賣咗就算, 好難簡單地用錢去量度邊單一個人做得好或差, 反而同事們嘅 willingness to help each other 係更重要,咁就可能行一個定期嘅花紅 bonus 制度更佳。
因此有啲公司,除了有人工老底 、bonus 以外,又有其他 deferred compensation, stock grants and stock options. 集團、公司、團隊、個人表現各佔15%至35%。
呢本書話,根據MIT 教授Douglas McGregor 1960年 Paper "The Human Side of Enterprise", 鼓勵人嘅行為有兩種理論 Theory X and Theory Y.
Theory X 就係話人嘅本性係唔鍾意做嘢㗎,天生惰性。管理就係話要依賴上司叫下屬做乜,需要 extrinsic reward and threat of punishment 畀條蘿蔔或者用條鞭打,外來嘅獎勵或懲罰,人才會有推動力做嘢。即係出佣金或者派花紅。
Theory Y 就係話人可以從工作得到滿足感,intrinsic reward 發自內心嘅回報, 例如個人嘅出色表現,同埋自己對工作嘅認同,咁就是大推動力。
Theory X and Theory Y 並不是 mutually exclusive (互相排斥)的。如果你能夠好好運用 X 同 Y, 同事們從工作得到滿足感 (Y) ,又能夠得到外來回報 (錢 - X),相信佢哋推動力會更大。
我自己做商舖基金,除咗純粹炒炒賣賣, 都希望為社會做啲正面嘅事。我哋公司嘅 Mission : Creating Shared Value for Shops 為商舖創造共享價值。即係即使我們買入間舖1000萬,希望沽出2000萬以外, 我都更希望投資者、租客、同事們、公司同個社會都賺到錢, 個雪球才會越滾越大。自己袋晒無意思。
Theory Y - 同事們都先要 buy in 以上信念, Take Pride in the Purpose, 工作才有更大滿足感及推動力。
但只係 Theory Y 嘅 Intrinsic Reward 唔夠,要配合 Theory X 啲 Extrinsic Reward, 例如升職、加薪、出佣、出花紅,才會推動力更大。
因此我自己公司,獎罰都要好分明。我每季每半年都會出exactly 三成嘅商舖基金管理費收入,放落個 bonus pool,以花紅形式派發畀同事們。有派息就派,咁同事們先同投資者利益一致。但唔係分餅仔,係參考每個同事表現嘅 scorecard, 即係對公司嘅 value chain 貢獻程度: 集資、入貨、執靚間舖、招租、出貨、售後服務,按個人表現同團隊合作性分花紅。 My favorite song ... 大家坐埋同一條船,大家水漲船高。
你呢? 你嘅 Theory X and Theory Y 又點啦? 好似一開頭個故事咁,點令同事們更有動力砌磚仔同互相幫忙呢?
有興趣聽多啲,就來我六月份最後兩場星期六嘅早餐會啦! 下一集,最後一集,同你分享下,What Strategic Uncertainties Keep You Awake At Night? 公司有冇變數令你夜晚瞓唔著呢?
。。。。。
五/六月份早餐分享會 Topic: The Seven Strategy Questions by Harvard Professor Robert Simons
哈佛分享: 七條做生意策略問題
2012至2014間,我連續三年在哈佛上了 Robert Simons 的堂,畢生受用。我自己成間商舖基金公司都是建基於這本書。
有興趣 sign up la ? 每次限四位 (包括我)。 人多傾唔到計。
5月1日或8日或15日或22日或29日或6月5日或12日,星期六早上9時開始,約三小時。地點中環。
對象: 管理層/生意經營者/創業者,連我限4位。
有興趣參加的話,請 whatsapp 你的名片給 Suki (我助手) (+852) 5566 1335。
大家交流做生意最重要的幾條問題。
我唔係靠呢行搵食,免費,我請食早餐 ? Be friends ..... 有機會到時見你。李根興 Edwin
www.edwinlee.com.hk
聯絡李根興 whatsapp (+852) 90361143
。。。。。。。。。。
購買李根興的【李根興的生意哲學】(最新2020年6月出版 - 定價$198),或【買舖 要買得 PRO】(定價$198),連親筆簽名,可 whatsapp Suki (+852) 5566 1335。各大書局也有售。 -
大靚仔意思 在 MPWeekly明周 Youtube 的最佳貼文
2021-05-18 17:00:14#何浩文 (Dominic)從小對 #小型犬 沒興趣,但自從兩年前從女友手中接養了松鼠狗(Teddy)後,一養就愛上了,今年六歲的Teddy更被他封為「全宇宙最可愛的 #松鼠狗」,兩人一起生活了兩年,令他對小型犬改觀,「我相信牠自己都知道這稱號,因為我花了一年時間不停在牠耳邊洗腦,根本上每日都告訴牠,你好靚仔及你是全宇宙最可愛的松鼠狗,坦白講,我以前從來都不會喜歡細狗,其實牠原本是由我女朋友養的,但因為某些原因,兩年前就跟了我,以前覺得松鼠狗或芝娃娃這一類細狗很嘈很煩,相當討厭,完全不知道牠們在想什麼?但Teddy則相反,牠很乖,相處之後發覺牠是全宇宙我唯一可以接受得到的松鼠狗,因平時瞓覺我不喜歡身邊有東西郁動,但牠上為牀瞓完全無問題,即使有時候我因為工作,到早上才瞓,牠八點半食完早餐後再上牀,會躺在我心口或者用手摑醒我,我又沒問題喎,完全沒有想殺牠的意思。而且牠跟我是同月同日生日,我們可以一個生日兩份慶祝,慳錢,慳時間,這就是一種緣份。」
全文︰https://bit.ly/3hDTuOK
-----------------------------------------------------------------------------------------
立即訂閱《明周》電子版:
https://bit.ly/3t1Jmmx
明周娛樂 Web/ https://www.mpweekly.com/entertainment/
Instagram/ https://www.instagram.com/entertainment.mpw
Mewe / https://bit.ly/39s8vgS
明周文化 https://www.mpweekly.com/culture/
想食明周 https://www.facebook.com/foodiempw/
INNER https://www.facebook.com/innermpw/
https://www.instagram.com/in__ner -
大靚仔意思 在 MEeeep More Youtube 的精選貼文
2021-05-10 13:52:29好多朋友都問我,如果想緊湊啲玩新加坡嘅景點,有無乜野好介紹? 今日就同大家推介呢個三小時用腳行盡新加坡嘅路線啦!
今日就會同大家喺三個鐘入面,行晒魚尾獅、Fullerton Hotel、Marina Bay Sands同埋Gardens by the Bay幾個景點,而且仲會同唔同嘅角度睇到新加坡濱海一帶嘅優美景色。首先我哋要搭地鐵紅線或者綠線,去到Raffles Place站,搵H出口 / Merlion Park,上到地面之後,轉右,去到海邊再轉右,見到前面嘅古老建築物就啱喇!呢度就係 The Fullerton Hotel喇!噫!停一停先!千祈唔好錯過呢個檔口,佢係新加坡其中一款地道甜品 - 雪糕三文治! 一睇咁多人排隊就知要試啦! 用麵包夾住又厚又硬嘅冰凍雪糕,唔知你又試過未呢?
食完甜品,未去到魚尾獅之前,就不如入一入呢間超五星酒店 The Fullerton Hotel過一過冷河先喇!原來呢度係新加坡以前嘅郵政總局。嚟到就梗係要睇睇呢度嘅歷史啦!原來喺大堂落一層,就搵到呢個介紹前呢度歷史嘅展廳,睇下!同香港回歸前嘅郵筒一樣樣架!仲可以寫封信寄番俾自己… 不過記住… 要貼郵票俾錢架!
過完冷河,之後出嚟就要過橋喇!過到一半,點解見到咁多人影相嘅? 嘩!有人跳海呀!
其實要影到我後面呢個跳海公仔靚嘅話,當然就要搵多個朋友喺對面岸影啦,不過如果你無嘅話,拎支自拍棍好似我宜家咁呢,都算係一個唔係好差嘅選擇嚟嘅,三、二、一、笑!
影完相就要行快兩步過橋喇,如果唔係太陽都就快落山喇!過到橋,就會見到呢個文化味好重嘅地方!呢度就係Victoria Theatre & Concert Hall!停步影幾張相,感受一下文化氣息之後,跟住搵呢條隧道,之後過橋,再向前行,大約三至五分鐘,就嚟到呢個世界聞名嘅景點 - 魚尾獅喇!呢度除咗可以睇到背後繁華嘅商業區之外,另一邊又可以見到Marina Bay Sands嘅宏偉建築,絕對係一個值得留影嘅地方!
原來我身後面呢座魚尾獅1972年已經係新加坡嘅旅遊標誌嚟,不過呢個位置就係2002年配合旅遊區發展先至搬嚟。
望去另一邊 - 噫,點解有個榴槤咁樣嘅建築? 原來呢度就係新加坡嘅濱海藝術中心!影張相,之後就向呢個榴槤進發喇!呢條Jubilee Bridge為行人接通咗魚尾獅同埋濱海藝術中心,亦都可以見到新加坡政府為發展旅遊業所花嘅心思。5分鐘左右就嚟到呢邊喇,遠望番頭先身處嘅魚尾獅同埋商業區,又係另一個唔可以唔影嘅靚景!
好多朋友都問我點樣可以用最靚嘅方法影到金沙酒店嘅全景,咁梗係唔係去到金沙酒店旁邊啦,喺呢個歌劇院對出嘅海濱長廊,就係一個又少人,又易影嘅地方喇!好似我宜家後面咁,你話幾靚!
好啦,唔好掛住影相喇!小休一陣之後,就繼續向前進發!行完呢條海濱長廊之後,就會嚟到呢個好似看台咁嘅地方!究竟呢度係乜嚟?原來每年9月,呢度會係一年一度嘅賽車大賽看台,而平日亦會用嚟做軍隊畢業典禮嘅看台架!
大約10分鐘左右,我哋就開始上橋,準備去 Marina Bay Sands嘅方向喇!Marina Bay Sands集酒店、商場、展覽中心同埋賭場於一身,亦係新加坡嘅地標之一,唔只外形靚,頂樓仲係一個無邊際泳池!橋嘅另一邊就係Marina Bay Sands嘅商場入口,等我哋參觀一下呢個商場先啦!
快行完商場,我哋就跟住 Gardens By the Bay牌,向呢個景點進發。一路沿路行,再穿過 Marina Bay Sands酒店,再推門,就嚟到Gardens by the Bay! 等我哋一齊睇下呢度嘅靚景啦!
大靚仔意思 在 Facebook 的精選貼文
《第一次搭叮叮》
♂:早晨
♀:早晨
♂:岑雪兒,我好掛住你啊……
♀:掛住我乜
♂:好多喎,你想我逐點講你知?
♀:免喇,肯定無好野講,你成日都蝦我
♂:今日係唔係又見你唔到啊?
♀:乖,唔好咁痴身啦你,呢d野應該係我做先係嘛!
♂:我有冇同你講過我都幾女人
♀:睇你寫野都感覺到,但估唔到你真係咁女人
♂:喂我有個哲學題想問你,一個男人,佢鍾意一個好似男人既女人係同性戀,定係一個好似女人既男人先係同性戀呢?
♀:定義黎講應該係後者
♂:但佢對於男人係完全無好感,要佢都覺得外表好女人既先會鍾意喎
♀:咁應該唔算掛
♂:我尋日睇左篇新聞,有個男人扮係TB去溝一個Les既,然後入左房先知佢真係男人,呢d真係新聞,完全係聞所未聞,我寫故事都唔夠膽咁寫
♀:證明你份人仲唔夠天馬行空,欠缺想像力囉
♂:咁我檢討下……
♀:其實呢……以前都有女仔鍾意過我
♂:唔出奇啊,你咁靚,男女通殺都好合理
♀:係嫁,以前我讀書係街都成日比人搭訕嫁
♂:我以為你係個種唔喜歡人地話你靚既人
♀:有段時間我都真係想人睇多少少我既內在美,個陣我特別唔打扮自己添,依家諗返真係覺得好傻
♂:靚咪靚囉,好客觀既事,我對於一個天生就靚既人強調自己唔係靚呢件事,會覺得好虛偽,謙過頭就係假喇
♀:我覺得人地只係講靚,只不過係內在美唔夠,當你內在美強到人地要讚嘆,覺得你再靚都無內在咁有講既意思時,先係最成熟既做法
♂:之前我睇過一套漫畫,有個平凡人好努力,佢問如果遇到一個同自己一樣咁努力既天才會點,答案係無解,依家我面對你就好似面對一個永遠都追唔到既目標一樣
♀:咁你有冇諗過,有醫生有律師有富二代有富一代溝我,但點解我最後都揀左你
♂:我有諗過,但我諗唔到答案,連我都說服唔到自己
♀:因為你比到我好需要但又從來搵唔到既野我
♂:咁係咩呢
♀:自己參透啦,如果你自己搵唔到個答案既話,我會好失望
♂:其實我覺得自己好平凡
♀:係,你個人睇落好自信,但心底裡好自卑,雖然你無講出口,但我感覺到,頭先你講既天才問題,唔係無解,每個人都有長處,呢樣你未必鬥得過佢,但可能係另一方面你比佢更有天份,人生唔係只有一條路,大家一定要賽跑嘛,做人要開心,最緊要係搵到自己適合既位置
♂:適合既位置……呢句講得幾好,等我記低佢先
♀:收你版稅啊!
♂:喂,咁今日係咪真係見你唔到
♀:我係中環收十一點
♂:我過黎搵你
♀:搵我做乜先,我有野要返屋企拎,聽日要帶去做野
♂:咁我送你返屋企啦
♀:真係送我返屋企?一陣返到去你又叫我去你度啊,我睇通左你喇!衰人!
♂:真係送啊,我對天發誓!
♀:好啦,你唔介意陪我一段路就可以
♂:等我安排,我十一點前到中環啦
♀:喂,我收工喇,你係邊?
♂:置地對出
♀:行緊過黎
♂:點啊,今晚呢個第一次特唔特別
♀:真係估你唔到……不過真係幾特別
♂:有人第一次見,特別唔搭電梯拖長個見面時間,咁我揀個龜速交通工具都係學你姐
♀:入秋喇,今晚無咁熱,我聞到秋天既味道
♂:如果太熱我唔會同你搭電車囉……一陣成身汗就難搞
♀:你覺得我地可以有幾多個第一次呢?
♂:理論上係無限既,有些微變化都會變成新既第一次嘛
♀:係,就算做同一件事,只係當中講左一句好特別既野,呢段記憶都可以好新鮮
♂:同你一齊我唔怕會厭,做乜都好開心咁
♀:你個衰人,做乜要發誓呢!
♂:等你今晚會掛住我囉,有時唔見比見到更令人難忘
♀:我真係鍾意同你send msg多d
♂:或者我長處就係打字喇
♀:其中之一
♂:原來我有咁多長處!!
♀:讚壞左你!唔講喇,晚安!
♂:晚安,我都好掛住你啊岑雪兒
♀:都……用得好
第二部的最終回見面版已上載Patreon,連結
https://www.patreon.com/....../chang-qing-bu-di......
四條仔去Staycation的上篇都在patreon可以觀看
中篇 響30 晏少少更新
#長傾不見 #蔣薇 #小說 #故事 #好久不見
未睇過既重頭睇:
https://www.patreon.com/maydreaming/posts?filters[tag]=長傾不見&sort=published_at
大靚仔意思 在 Kaso Kitchen 家嫂小廚房 Facebook 的最佳解答
每年嘅中秋節,都係家嫂廚房嘅生日!
做完庇護工場女工就總結下三歲生日嘅感想啦😂
今年家嫂廚房嘅目標,就係要開團整野俾大家食~搵咗新嘅共享廚房,地方大啲設備好啲,做嘢的確係爽手啲!超開心大家都鍾意食我嘅曲奇、芝士蛋糕、月餅、蘿蔔糕同埋糭,雖然開團比出食譜或者教班更加辛苦,但知道大部份嘅朋友仔都欣賞我嘅嘢,滿足感都係最多嘅😭❤️
好鐘意Turbo哥嘅金句: 每次開團會整唔同野,會遇到唔同嘅技術問題,但係一定會重複面對嘅,就係自己嘅缺點。
我真係一個超級冇記性、好唔細心嘅人,所以做admin嘢我係極差,要同大家講聲唔好意思,之前嘅團可能出現過入錯貨、漏單嘅情況,今次中秋團呢兩樣嘢都改善咗好多啦,要讚自己嘅 (雖然進步空間仲係好大好大) 希望我會經一事長一智,同埋要學仔細啲,唔使下下錯完先識改返啱啦😩
另外因為寄賣店始終唔係自己地方冇咁free,大家遲咗去攞貨真係要收返存放費㗎,我會再諗吓可以點樣改善,都希望大家早啲去拎嘢食,早拎早享受啊😚
第二就係發現自己嘅抗壓能力都幾低🙈
研究呢個生酮月餅嘅時候,遇到好多問題,
大豆渣版本嘅月餅要由零開始研發啦,個皮一開始好油好濕,起碼改咗10次先做到而家咁微脆乾身! (要多謝 HM Gnap建議我可以點樣加快研究嘅速度! )
奶皇餡口味嘅配搭、用咩牌子嘅茶粉,又實驗咗一大輪。 (每粒月餅有多過10克茶粉㗎,試食譜嘅時候都用咗好多粉。。真係好揼本,多謝每一個試味嘅你❤️)
月餅印模,一開始嘅時候不停印爛,當我以為要用周街都係嘅兔仔模,超傷心嘅時候,turbo哥俾咗建議我,令我可以用返字模,但係追求完美嘅我,訂月餅模都訂咗三次先滿意😂
到finalise 咗食譜,試大量製作嘅時候,又再崩潰🤣流心好容易溶要不停開雪櫃拎啲流心出嚟包,包完印模可能印得唔靚,靚嗰啲拎去焗,焗又可能會焗爆咗或者啲字唔出,每整衰咗一個月餅都好心痛(有整過流心月餅嘅人就會明白🙃😂)
咁多問題同時出現,令到我個人超大壓力,覺都瞓唔到,勁想偷食carbs,加上次次整完失敗咗嘅月餅我都會自己食咗大半,所以呢幾個月肥咗勁多🥲🥲🥲
嚟緊呢幾個月我真係會好好休息吓,同努力改善自己嘅缺點,諗吓啲物流行政野點樣可以再smooth啲,咁個人應該就冇咁緊張㗎啦!!
年尾會有新project,會出我自己嘅低醣食譜書,希望可以幫到大家享受生酮🥰所以如無意外應該新年先會再開團,到時再整多啲又好味又健康嘅嘢俾大家食!
𝗕𝗲 𝘁𝗵𝗲 𝗯𝗲𝘀𝘁. 𝗡𝗼𝘁 𝗷𝘂𝘀𝘁 𝗮 𝘀𝘂𝗯𝘀𝘁𝗶𝘁𝘂𝘁𝗲.
#多謝睇哂全文嘅你❤️
#多謝支持家嫂嘅你❤️
大靚仔意思 在 Facebook 的最佳解答
屈機文字.厚積薄發的女科學家 By 阿暖
各位好,我係阿暖。我想喺度同大家分享一個『屈機』嘅故仔。
咁屈機有好多種。
今次呢種屈機呢,如果有睇阿暖嘅小說,應該都好熟悉⋯⋯叫『厚積薄發』。
話說有位女科學家啦,大家如果鍾意,可以幻想到佢又靚女又性感咁(邊個無後生過?)
呢條女係一個好固執嘅人。
佢好後生就決定咗一生嘅研究方向,覺得呢樣嘢,最終係對世人有用嘅。
咁『呢樣嘢』呢,當時科學界曾經認為好有前途,但後來技術無咩突破,卡住喺個瓶頸度,令好多同行都中途放棄咗⋯⋯
但呢條女一啲都唔珍惜青春,係都要研究落去。
咁佢讀完博士之後,就喺研究所全職研究啦,點知後來間嘢倒閉埋。咁佢係匈牙利人嚟,見喺國內再無研究機會啦,就變賣家產,舉家搬去美國,繼續追夢!
但去到美國之後啦,佢四圍走去申請研究基金,都唔批。
後來或者佢個領域真係太冷門,佢論文發表不足,仲俾大學降職減人工。嗰時好多同行勸佢唔好咁執著,以佢料子,轉去啲熱門題目,好容易攞到資助。
但佢唔肯。
結果連佢返工嗰間大學,都關埋佢水喉。
後來佢終於搵到人合作,研究有咗突破性成果,終於有資金可以繼續研發落去,但始終無法達成佢嘅心願:就係用呢樣嘢去廣泛造福呢個世界。因為無公司肯吼佢個成果。
幾年後,佢終於搵到三十年來第一份穩定嘅工作:入咗一間叫BioNTech嘅公司做嘢。
然後到2020年,新冠肺炎大爆發。
佢個團隊用咗幾個鐘頭,就用咗自己已有技術,研發咗而家被稱為『復必泰』嘅疫苗出來。
啊唔記得講,條女個研究題目,叫『信使核糖核酸』即mRNA技術。
當我睇到呢個故事時,我心諗:
佢肯定唔會喺30年前,就預言到會有新冠肺炎吧?
呢啲就叫做厚積薄發。唔係有30年不懈積累,點可以幾個鐘頭就研發到個疫苗出來?如果無呢條女,可能到呢一刻,都未出到第一隻mRNA疫苗呢。
最後利申:
阿暖無意喺本文建議你打或唔打疫苗,我想講嘅係關於一位坐咗30年冷板嘅科學家,最終影響世界嘅『屈機』故事。
呢下屈機,係用咗30年時間去準備。
我覺得好值得寫落嚟,對嗰啲一直堅持自己做啱,但仲未見到成果嘅人嚟講,呢個係好大嘅鼓舞。
最後呢位科學家叫Katalin Karikó,我叫佢『條女』只係想口語化啲,絕對無不敬意思。反正大家都唔會記得呢個名,佢自己都唔指望你記得,但佢會希望你記得mRNA疫苗。
就係咁。
多謝大家收睇。我係阿暖,以後有值得一講嘅『屈機』故事,再同大家分享。
#屈機文字 #暖島出版 #阿暖 #BioNTech #復必泰