有不少讀者在問：「最近你好似無咩寫嘢，無咩update？」 我聽了總是不知如何回答才好。以前即使我工作到凌晨兩點，我也願意寫文寫到凌晨三點。明顯我現在的工時比以前輕鬆了，但我卻提不起任何興致去寫作。 腦海中有idea， 但就是提不起勁下筆寫。 感覺像人生所有熱情也沒有了， 只留下空空的軀殼。 有一種心累是說不出口…… 那為何一個字也寫不出來呢？ 我想主要因為我不快樂， 我想也有數個月的事。 每天睜開眼， 看到同一個financial statement， 我找不到一點的樂趣。 我悶啦。 Provision 每月不同， 真的要每時每刻都mention 嗎？ 報表裡Net loss， 如何將net loss 變成net profit？ 大佬， 你make loss 係你能力的問題， 由accounting做成的profit， 根本不是真正的profit。 到底如何將net loss 變成net profit。 Scan through 整個ledger， 我還是找不到可以adjust 的地方。 我明看到這裡，你一定在想不如放飛機？ Auditor 放飛機無傷大雅， 但做Client 放飛機會坐監。 但net loss 代表咩？ finance team 垃圾囉！ 咁垃圾好啦！無所謂…… Auditor 總是渴望可以做到client， 但做client 不是你想像中美好的。如果你在細公司做， 當然好做。 但如果你在大公司做， 你做的每一個大決定， 都要過到compliance and risk department， 當有還有其他regional team and global team， 每一個決定都受着不同dept 的掣肋， 就不再是這樣說。 你以為你做錯一個決定， 只需要跟你老闆回報嗎？ 不是！ 這個錯誤要report 去regional and global level，所有事都不再單單是你老闆可以決定。 這個錯誤又如何跟regional CFO 上報呀？ 開會開到燥， 到底為何每次開會的對象都不同， 到底呢個印度人又邊個嚟？ 呢個又話自己係韓國FC， 邊個嚟？ 果邊又話自己係台灣manager， 我mix up 晒所有人， 連印度人嘅名都唔識讀。 我以為逼科都算global 的公司， 但原來，逼科即使多globalisation， 你contact 嘅人嚟嚟去去都係啲大陸team，或者大陸人， 或者group team， 咪得幾個人only。原來我從未明白到底咩叫真正的globalisation。 Interview 講到自己的communication skills有幾勁，我現在覺得自己跟shit 沒有兩樣。 原來工時短了，不代表你覺得快樂…… 看到這裡， 希望你明白為何我的作品數量下降了…… IG: Fakemanching1607