【龔成問答信箱】（Q22021-Q22040）

Q22021：

上了你的初班，我已明白唔好追逐平貴，而是睇企業的質素。

但因我太過集中，特別是669，而上次大升時，無把握沽貨，到大跌市，我真有d驚，所以問問咩價位沽貨比較合適，我持有一定比例。

你教的內容真係好有質素，深入淺出，但至於我，我覺得透過實際操作比較易上心，或許這就是我需要活學活用，不停用同一方法去理一些事，然後才能進步。

就好似小孩寫字，一點一筆一畫，做線條練習先。

因為當時我仲未掌握到平貴的計算法，所以有此一問。

龔成老師︰

其實，我係地係決定買入一隻股時，會考慮到佢質素、當時平貴水平、是否適合自己和組合配置等因素，去下決定。

但當買入後，我地著眼點，就會只放係質素和組合平衡性上。

創科實業（0669）有質素，有品牌，有銷售網絡，長遠有發展，這股值得長線投資。

但由於佢已佔你組合不少，個別企業和行業，不要佔組合15%和30%以上，否則會有過度集中性風險。

因此，就算現時係任何價格，你都應該開始分段沽出部份持股，去平衡這個風險。

此股現價已略貴，你已可以分段沽出部份持股。但緊記係分段，調整唔好一次過做，以減低股價波動造成之影響。

------------------------------------------------

Q22022：

早晨老師 18年開始學你投資理財...現已進賬了少許需然離目標還有很遠 不過會用長線投資方法繼續

現在月供緊 2800（$4000）0066（$3000）0012（$2000）

以上組合須要更改嗎？

另持有︰
700 700股
0066 1000股

現金150萬 希望等大跌市入貨 不過等了很久。本人和先生月入約70k 供樓11k 扣除所有開支月儲30k

我現金放在戶口用按揭戶口有2厘 但係好似有啲浪費 我想問如何令資產增值會快些？

另外700越跌越低 我平均價$601.5 應該繼續溝貨定可繼續持有 可否比些意見呀

龔成老師︰

你月供組合都可以，但以你們每月可以儲$30000計，建議再加大多少少月供供款，至每月$15000。

而新加資金，可以投入一些潛力股，去加大你個組合的增長潛力。

潛力股︰中生(1177)、福壽園(1448)、小米(1810)、安碩恒生科技(3067)、港交所(0388)、阿里（9988）、騰訊（0700）、ＧＸ中國電車基金（2845）、三星FANG ETF（2814）。

現時大市只係合理水平，現金佔比重大約3-5成。餘下資金，就等大跌市出現，才加大力度掃貨。

雖然放係度等，好似浪費左一些投資時間。但由我地唔知幾時會出現機會，故必需保留一些流動性高的資產，去把握這些時間。

現時騰訊（0700）在合理區，你本身持資佔近組合全部，比重過高。就算再跌，你都唔好再加注，因為只會增加你過度集中性風險。

記住，我地唔好成個組合，只集中係1,2隻股票身上。

最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能高於組合30%，同一股不能高於組合15%。要平衡，建立後長期持有，不是買賣賺差價，而是成為你財富組合一部分。

------------------------------------------------

Q22023：

Hello啊Sir，其實我報左你股票班，不過都想盡早比你睇下我現有既Profile同埋我既諗法正確與否？

1. 我應將中國鐵塔換至港交所嗎？因為我見啊Sir你極力推薦。而如果本身我未有費，第一注應幾錢左右入呢？

2. 5月見比亞迪回落了不少，在$142左右開始月供，但現在又回升了，那我應該停止月供嗎？

3. 我目標每年額外投放$100萬至組合，我的策略應該是如何？

4. 阿里巴巴雖然已佔組合約12%，但我見潛力股黎講佢既值博率幾高，我應再在那個價位入市。

5. 福壽園我只得少量貨(佔組合3.01%左右)，我應在那個價位再加注呢？

6. 最後，就是啊Sir你覺得現有組合對於年紀30歲左右的我可以嗎？

問題多，麻煩哂啊Sir你

現有股票組合

優質股:
1. 煤氣x3,000@$14.5
2. 銀娛x1,000@$52.25
3. 港鐵x3,204@$38.93
4. 領展x2,137@$62.83
5. 金沙x5,322@$28.78
6. 盈富x2,[email protected]

-潛力股
1. 鐵塔x90,[email protected]
2. 小米x5,400@$25.89
3. 舜宇x600@$135.9
4. 雅生活x3,250@$31.92
5. 中生製藥x12,[email protected]
6. 福壽園x6,000@$7.67, 4.96%
7. 阿里巴巴[email protected]
8. 3067x4,900@$18.78

龔成老師︰

1) 港交所(0388)有質素，你預回多1,2成才到合理區頂，才可分注。而中國鐵塔(0788)都質素，但增長力就弱左，長線持有價值依然係有，只係無以往增長咁快。

如果你想部份，換至港交所(0388)係可以。但建議都保留部份，畢竟此股都係有投資價值。

2) 比亞迪(1211)現價略貴，如果你已經儲到一定貨，你可以停一停。但若果你持貨只有好少，你暫時可以照供，但只可小注。

3) 以現價計，大市算係合理區，你可以先將50萬，分注買入「平穏增長股」 + 「潛力股」。餘下一半，就等大跌市機會。

平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

或潛力股︰比亞迪(1211)、中生(1177)、福壽園(1448)、小米(1810)、安碩恒生科技(3067)、港交所(0388)、阿里（9988）、騰訊（0700）、ＧＸ中國電車基金（2845）、三星FANG ETF（2814）。

由於「潛力股」係一定波動性，以你30歲計，大約佔組合5成左右。若你經驗較淺，只宜投資約3成比重。

你現時持股，過半數係「潛力股」類。因此，新資金應優先投入「平穏增長股」，去平衡翻個組合。

4) 阿里(9988)有質素，你預每回10-15%，就可以加注。但你要留意，再優質股票，都不可以過量持有(個別企業﹐不可超過組合15%)。否則，會有過度集中性風險。

5) 福壽園(14488)現價合理，可以加多少少。之後都是，每回10-15%就再加注。

6) 現有組合過於進取，因為潛力股佔比重偏高。當然，你還年輕，想進取點係可以，但你要明白當中風險。

最理想，潛力股係維持3-5成左右，會較穏當。

股票班見!

------------------------------------------------

Q22024：

老師，想問下京東物流同攜程。 呢2隻股票分別前者系43.3 買入， 後者是303.6買入。 兩隻都只是買了一手。 請問現價是否繼續持有？

本身睇好呢2隻股票，但買完就系咁跌。

是否未跌出5%就放番止蝕？

龔成老師︰

記住，不要用自己的買入價作為何時沽出的指標，也不要以回本後沽貨作為策略，同時，更加不要抱著「賺了多少就沽貨」這心態去投資。

坊間經常用買入價作為何時沽出的標指，這是極度錯誤的。沽出是基於這股已偏貴，又或沒有前景，質素有問題，而絕非由買入價決定。

因此，若你分析該企業的前景一般，就可沽出。

京東物流（2618）都有質素的。

京東物流係中國領先的技術驅動的供應鏈解決方案及物流服務商。通過科技賦能提供全方位的覆蓋各個業務領域的供應鏈解決方案和優質物流服務，從倉儲到配送，從製造端到終端客戶，涵蓋普通和特殊物品。

根據一些調查報告，按總收入計，這企業係中國最大的一體化供應鏈物流服務商。

2018、2019 及 2020 年，京東物流營收分別為人民幣 379 億元、人民幣 498 億元和人民幣 734 億元。

京東物流於 2018、2019 及 2020 年產生的虧損淨額分別為人民幣 28 億元，人民幣 22 億元及人民幣 40 億元，不過，如果扣除一些非現金流的開支，又未算太差。

佢表示，上市集資所得，部分將用於升級和擴展該企業的物流網絡；部分將用於開發與供應鏈解決方案和物流服務相關的先進技術。

企業有優勢的，長遠發展正面，但中短期股價未必有好強的表現，這股都有投資價值，但現階段未必值得大額投資。

攜程集團（9961）有質素。

佢係全球領先的一站式旅行平台，可提供一套完整的旅行產品、服務及差異化的旅行內容。

用戶可以通過平台進行任何類型的旅行預訂，從目的地內活動、週末短假及短途旅行，到跨境旅遊及商務旅遊。

產品及服務組合涵蓋經濟、高端、定制化及精品產品。集團經營一系列品牌，包括攜程(Ctrip)、去哪兒(Qunar)、Trip.com及天巡(Skyscanner)。

根據報告，以商品交易總額（或 GMV）口徑統計，佢係過去10年內一直為中國最大的在線旅行平台，近年更為全球最大的在線旅行平台。

財務數據方面，收入都有不差的增長，但盈利就比較波動，有時會出現虧損，反映企業仍處於投資期。

這企業有獨特性，長遠有投資價值，但估值難，未能確定這刻的平貴度。只可以話，潛力度是有的，但預期股價都會波動，因此投資要控制注碼。這股宜長線，等企業成長。

由於這2隻股票，你都係得1手。我建議你超長線持有，咁就可以。同時間，你要明白這2隻股票，都係有一定不確定性，若你資金唔算充裕的話，暫時不要考慮加注。

------------------------------------------------

Q22025：

老師，我在分析3 號煤氣，我留意到公司在2020 年的收入及毛利都比2019年高，但盈利就大幅下跌。

查看損益表及附註發現，對比2019 年，2020年在 " 投資（虧損）／收益淨額 " 一項有數目變化，而該變化是來自 "上市證券" 的虧損。

我想問:

1. 從何得知這些虧損及盈利是否一次性?

2. 有考慮有代表盈利時，是否不需要計算此項?

3. 在那裡可以看到 " 國際金融中心投資物業之重估減值" 的數值?

龔成老師︰

1) 其實這部份，是一些集團持有的金融工具，其帳面價值的變化。

這部份基本上，每年都係會出現，唔算係一次性因素。但由於當中部份只係帳面值變化(有點似物業重估)，故這個項目，不用睇得太重。

2) 對，要調整。

因為佢主要受市場影響，令佢每年數字都好波動。只要你拿較長期數據作參考，就可以將這個部份，對分析盈利所造成的偏差淡化。

3) 你將年報中(P.6-7)，"集團稅後溢利（未計集團所佔國際金融中心投資物業之重估減值）為港幣64億8千4百萬元" ，

減去"計入該投資物業重估減值後，本年度集團股東應佔稅後溢利為港幣60億零7百萬元"，就會知道大約個重估數字是多少。

------------------------------------------------

Q22026：

龔sir，你好！我最近看了你那本《財務自由行》，明白持有越多資產越有利，借取越多現金越有利，本人最近思考如何實踐。

本人情況：租住朋友一間三房物業，月租$7000，有一層第一城物業放租。雖然本人是銀行職員，尚未使用員工優惠，享用低息高貸款額。現在面對以下兩選擇：

1. 繼續租住朋友屋及放租第一城，但儲了很多現金，又沒有名額買第二層資產，但細單位升值潛力高，又可以盡快財務自由。

2. 賣出第一城，用公司員工優惠，買入更大單位自住，可實踐借取越多現金越有利，但大單位升值潛力較細。

謝謝龔sir

龔成老師︰

我較建議用方法1，因為香港買賣物業成本，都比較高。一來一回，會唔見左好多錢。而且，你現時朋友屋租金好平。可以為你節省更多現金流，去進行投資增值。

除非你個單位質素好差，租金回報率好弱，否則你照放租，用"以租養樓"的模式。

再用現有資金，去投資優質股增值，集中以股票，作為財富增值的核心。之後，如果日後有人名，才再思考怎樣用你員工優惠，去加入第二個物業，咁會較好。

------------------------------------------------

Q22027：

老師，想問問你對於保單融資的意見

龔成老師︰

保單融資，其實就係透過借貸，去以槓桿形式放大回報。相比傳統儲蓄保險，佢增長潛力會相對較大，同時風險會相對較高。

而且，回報和利率都係不保證。因此，最終回報未必是預期中咁理想，你要明白這個風險。

其實比較建議，"保險"只用作防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。

但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想。

------------------------------------------------

Q22028：

老師，A股隻002352順豐.買唔買得過？

龔成老師︰

順豐控股 (002352.SZ)為內地快遞物流綜合服務的提供商，主要提供倉儲管理、銷售預測、大數據分析和結算管理等綜合物流服務。

此股有質素，集團在內地有領先規模。在電商近年高速發展下，集團長遠發展正面。

但此股現價不平，過往佢股票波動都比較大。此股有投資價值，但現時值博率唔算高，同時要控制注碼。

------------------------------------------------

Q22029：

龔SIR, 你好呀,又要請教你供股既問題喇, 因為我老公唔識股票, 所以佢係每月比5K我供股, 我就幫佢供緊3K 2800 + 2K 66, 黎緊佢可以再加多3K, 呢3K放響邊類股票好呢?

我係用自己個中銀AC同佢一齊供既, 成個AC供緊既野如下,

2800 6K 我地一人一半
66 4K 我地一人一半
823 2K 我自己
1810 1.5K 我自己
1211 1.5K 我自己

佢果3K好唔好放去2隻科技股 , 每隻1.5呢? 你認為將佢放埋入1810 同1211好定再揀過2隻幫佢供會好D呢? THX

龔成老師︰

你現時計劃，已經係可以。

由於現大市只在合理區，你唔好每月全部儲蓄都動，要留有部份，等大跌市機會，才出手入平貨。

另外，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

銀行業營運模式較特別，風險會比一般行業為高。必需堅守30%這個準則，如果可控制在20%以內，會更好。

而盈富(2800)係不受此限，因為它是一個包含58間優質企業的基金，這些企業來自不同行業。因此，盈富(2800)就算在組合中佔較大比重，都唔會造成過度集中性風險。

你現時組合，領展(0823)和港鐵(0066 - 算半隻地產股)都係地產相關行業，雖然都尚在合格水平，未有超過標準。

但未來有機會再加新股票，就要先避開地產相關行業，以免有過度集中性風險。

------------------------------------------------

Q22030：

龔成老師你好，我係你股票班舊生。小妹今年28歲，月入九萬可存6-6.5萬，有車，無家庭負擔。

3年前上完股票班開始投資，多數係月供股票以及少量低位買入。85萬成本賺左60萬左右，真係衷心多謝您。

有個問題想請教下。

較早前購入1750萬物業樓花（建期），套現左部分股票，支付左訂金，印花稅及律師樓雜費等，用左240萬。

樓花期2年，家人承諾會幫忙支付部分首期（還剩樓價40%）。我都希望在2年內盡量存錢，希望可以達到270-300萬，上會前分擔部分首期。

本身月供24k，分別係

12 @3000
27@3000
66@3000
788@2500

1177@2500
1810@2000
2388@3000
2800@5000

另外套現後宜家剩翻股票如下，大約63萬

66/691股 @42
590/1000股@16.7
788/15000股@1.17
1177/8500股@7.3
1211/2100股@41.5

美股15萬左右，現金35萬

想問下應該加大月供計畫金額，定係存現金好。

龔成老師︰

你現時持股和月供計劃，都係適合你的。

以你每月可儲6-6.5萬計，你應該再加大少少個月供金額，去到每月可儲資金一半。

假設投資回報有10%（連股息再投資），你每月投資$60000 + 現有資產(約115萬)，2年後大約會增值至280-290萬。

但問題是，2年係一個好短架時間。就算再優質的股票，中短期都會出現波動，影響你最終回報，你要明白這個風險。

因此，你加大的月供部份，我建議集中係收息股類。而餘下資金，除非大市有明顯回調，否則不要出手。

收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）。收息基金(3110)

當然，如果你想再穏陣D，唔想2年後太多變數。這個新增月供部份，可以由收息股，更改為定期。同時間本身月供組合，都可以將部份股票轉為收息股。

但這樣，你個組合增長性，就會減弱左，你要從風險與回報間，取個平衡點。

------------------------------------------------

Q22031：

老師你好，自從認識到你的Facebook後，開始看你的書籍，了解自己的習慣，比較適合月供股票，目前31歲。

目前已經開始月供半年左右。在整個組合中，盈富4000 ，比亞迪3000 ，海螺3000 ，中電3000 ，騰訊3000 ，安踏2000。

1）個人希望以穩定為主，慢慢累積財富，少量投資增值股。目前組合需要調整嗎？符合我的年齡？

2）當中海螺水泥，目前虧損比較多，長遠水泥股發展老師的看法是如何？需要先暫停月供還是繼續？

謝謝老師指導。

龔成老師︰

1) 我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你31歲，應以增值為主。你現時月供組合，都係有質素的股票，大致都適合你年紀。

但有2點要留意，中電(0002)主要係收息，增長力唔高，唔係太適合你年紀。(當然，你想個組合穏陣少少，留佢係度都可以。)

比亞迪(1211)有質素，但現價略貴。暫時不宜月供太大注，最好暫時將供款，下調至$1500-2000，到佢回到$17X左右，才慢慢大加。

現時大市只在合理區，每月資金唔好盡用。最好留有部份，等大跌市出現時，可以用來掃貨。

2) 安徽海螺（0914）有質素，有增長力。

佢主要從事生產和銷售熟料和水泥製品，業務地區包括中國東部、南部、西部、中部及海外。而安徽海螺是水泥行業中，全球最大的單一品牌供應商。

水泥屬於基礎原材料行業，對建築行業有很高的依賴性，同時亦會與經濟增長速度有較高的相關性，特別與固定資產投資相關。即是說，當中國基建及房產市場不景，水泥行業會比一般行業處較大的不利狀態。

另外，水泥企業在生產過程中，燃料成本佔總生產成本中約佔了超過一半。若能源價格出現較大變動，就會對企業成本造成較大影響。因此，當能源價格出現較大上升時，將引致安徽海螺的成本增加，影響其中毛利。

綜合來講，佢擁有相當規模、生產能力，有一定的質素及賺錢能力，而水泥行業長期將因中國城鎮化以及一帶一路的建設，仍然會增長，但不會像過往般快速，而是進入較平穩的時期，在本質上此企業不差。

現價勉強合理的，但要留意盈利有潛在波動。

你要明白一個概念，我地持有一隻股票與否，關鍵位是企業質素、前景，不要被買入價(或者買入成本)影響。買入價只是一個心理因素，如果企業核心因素未被影響，我地係唔需要理，照持有就可以。

------------------------------------------------

Q22032：

龔成老師你好，本人剛結婚，現有有關買樓一事想請教。

我和老公三十頭，二人月入共十一萬、冇計劃要小朋友，打算過多十年移民外地。老公買左土瓜灣一手私樓自住(300呎)，打算日後過了禁售期再售出圖利。

我們現金約有一百萬，外幣一百萬(之前唔識投資，只會買外幣放銀行但冇息)。但其實賣出後我們還有自住需要，所以我在想以下那個方法比較好

1) 要否以我的名再買一層居屋/二手私樓自住，等待大約十年後移民外地前再賣出。如果買第二間，啟德跑道的一手樓花好定大圍二手居屋會易點升值呢?

2) 定係用買第二層樓的首期來投資股票會更好?但我們都不太懂買股

3) 定係現在用土瓜灣一手私樓換另一間大點的私樓會更有升值空間?

另外，我在$249買左1手9988, 你覺得現在@205可再買點嗎?謝謝老師

龔成老師︰

其實香港買賣物業成本唔細，加上你們之後都會移民(相信不會保留本地物業)。除非現有物業非常不適合你們需要，或者質素好差，長線計無乜升值能力，否則唔建議沽出換樓。

反而，你用現有資金，去買入一些優質股作增值，咁會較好。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你3X歲，應以增值為主，建議你用「平穏增長股」 + 「潛力股」作組合，去創造一個增值平台。

你可以用每月空閒資金，做月供股票。每月先用5成儲蓄做月供。其餘先儲起，用一邊月供一邊儲蓄的策略。

由於「潛力股」係需要一定經驗和有一定波動性，如果你經驗較淺，可以先小注，大約佔組合3成左右。若你係有一定經驗，你可以投資到約5成比重。

現時大市只是合理區，你現有萬資金可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。

至於外幣，唔係一個好的增值渠道。貨幣係可以無限印制，長線只會一直貶值。除非你有明確用途，否則應換回港元，去做投資。

阿里巴巴(9988)適合你年紀，現價合理，加上和你上一注有一定距離，故現價加1注係可以。

------------------------------------------------

Q22033：

午安，龔成，經常有留意你頻道，所以入左小米和中生製藥，小米27時入了一萬股，中生製藥在8.6時入了三萬股，但一直唔明為什麼業績好，公司有潛力，

但股價一直下跌，這幾日還連續開八連陰，現在還有廿萬現金，應再補貨，後續應如何部署

龔成老師︰

我地投資股票，其實等同投資一間企業。希望透過其自然增長，以達至財富增值的目的。

所以，我地投資一定係長線，而唔係短期炒賣，去賺差價。

你唔好用股價升跌，作為判斷一隻股票優劣的標準。你應著眼佢本身有無質素，如果有，中短期價格波動，令到出現帳面虧損，係無問題，照可以長線持有。

但如果係無質素，就算而一刻是賺定蝕，你都要將佢沽出。重點分析的地方，係企業質素，而非股價上。

你現時持有這2隻股票，都係有質素的潛力股。若你係年青至中年人士，這類潛力股，你照持有就可以。

但我地唔好成個組合，只集中係1,2隻股票身上。

最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能高於組合30%，同一股不能高於組合15%。要平衡，建立後長期持有，不是買賣賺差價，而是成為你財富組合一部分。

未來時間，現分散投資多幾隻不同行業股票，去平衡風險。

現時大市只在合理區，未到好平，不宜盡用資金。餘下廿萬現金就先儲下，等大跌市動用。

------------------------------------------------

Q22034：

你好 龔成老師！由2018年開始幫家人（現時50歲）投資幾隻房產信托基金-主要收息 由於當時投資知識不足 所以組合比例分配的唔好

而且投資的幾隻現時都跌左好多 最近幾個月開始認真閲讀老師的幾本書同專頁 開始對股票組合有少少頭緒並作出調整 在此萬分感激老師！

有以下問題想請教老師︰

家人年紀約50 預計5-10年後退休，有醫療保險 強積金約50萬 ，現金30萬

現持有股票：

越秀房產信托基金 11000股 平均價$5.23
置富產業信托2000股 平均價$8.93
匯賢產業信托 23729股 平均價人民幣2.64
煤氣 1000股 $11.38
香港電訊 4000股 平均$10.82
粵海 4000股 平均$11.77

6月開始月供$3000盈富基金 $2000港鐵 $2000金沙

每月可儲現金$6000

1.請問以上組合比例適當嗎？有需要再調整嗎？

2.房產信托越秀同匯賢質素如何？ 應繼續持有或趁低增持嗎？ 因為87001 自疫情開始就跌近半 一直都上唔返去維持人民幣1.76左右 本來打算收息 但現時賺息蝕價

以往一直選擇以股代息增持 但現時擔心這股質素已改變 請問係暫時受大環境經濟影響定真係質素變差 唔會再上返去？

3.若果越秀上返買入價 應該賣出再增持置富嗎？

另外請問呢個年紀小注加入3067適合嗎？股價幾多係便宜至合理？

粵海 煤氣現價係合理區 到幾多先係便宜？
感激老師解答！

龔成老師︰

1) 以上月供組合和資金分配，都係可以。但這組合，不是用至退休。

由於你家人開始要為退休準備，你要慢慢將一些收息股，換入月供組合中。到退休時，收息股都應佔100%。

另外，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

你現時房託和部份股票，都有超標情況。你要用新資金，慢慢將個比例拉翻平衡。

2) 匯賢產業信託（87001）雖然是不錯的房託，但這房託比其他房託有點特別，可長線持有收息的。

匯賢現時主要資產：包括於2011年收購的北京東方廣場之零售、寫字樓及服務式公寓業務；以及兩家酒店（北京東方君悅大酒店及瀋陽麗都索菲特酒店）。

加外有新增投資，於2015年才收購的重慶大都會東方廣場。

但要留意，根據北京市人民政府於2006年6月26日發出的國有土地使用證（京市東港澳臺國用（2006出）第10128號），該發展項目總土地面積為7萬7千平方米的土地使用權已授予北京東方廣場公司作綜合用途，到期日為2049年4月21日。

從整體及本質上，這房託是不錯的，適合長線投資。雖然有上述所講的潛在風險，但高股息率，可說能抵償當中風險，同時反映部分物業有「到期」因素。

簡單來說，就是佢的股價，會慢慢長期向下，因為有些資產會到期。不過，如果佢餘下的資產在這段時間增值，咁股價就不會向下。

簡單而言，越秀(0405)和匯賢(87001)都係可以持有。由於你目的係用來收息，你係唔洗太在意個股票變動。

3) 你可以將部份換碼，現價計置富(0778)值博率係高少少。同時間，你都可以將2隻股票比例，變得更平衡。

50歲以上，我唔建議買安碩恒生科技(3067)，因為波動性太大。若真係好想買，都係好小注好了。

粵海(0270)和煤氣(0003)現價合理，你預回多1,2成，才開始算係初步平宜區。

------------------------------------------------

Q22035：

老師您好:本人今年50, 因為做得唔開心, 所以打算辭職, 進入半退休。我持有:

1. 現金$400萬
2. 公積金$200萬
3. 股票$80萬, 包括:
a. 1398: 100000股
b. 808: 20000股
c. 435: 10000股
d. 0006: 2000股
e. 1038: 1000股

4. 自住物業: 未供完, 每月供5千。

除工行, 都係近排買入, 會再分注買入。

辭職後收入大減, 希望透過投資維持每月20-30K收入 (包括供樓支出)。

龔成老師︰

如果你希望8年後每月有2-3萬蚊現金流，以股息率6%計，你需要本金400-600萬。

以你現時資產規模，是可以做到你的目標。

現有持股，你長線持有就可以。你可以再將這$400萬現金，分成4部分。

第一部分投資收息股，你可以建立一個收息股組合，你可考慮港燈(2638)、香港電訊(6823)、工行(1398)、建行(0939)、置富(0778)、陽光(0435)等，大多有5%股息或以上(你可睇下我本《50穩健收息股》當中仲有好多)。

你可以用"分注"形式，慢慢儲貨。平均的投資這些股，除了可以得到穩健的收息收，同時可有效的分散風險。這部分可佔你財富$100萬-$200萬。這些股票唔洗理佢股價波動，只要一直持有收息就可以。

但由於工行(1398)已經佔你組合很大比重，暫時不要加注。

任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

但要留意，銀行業營運模式較特別，風險會比一般行業為高。必需堅守30%這個準則，如果可控制在20%以內，會更好。

第二，投資債券，你可以選擇A評級的債券，年期較長都可以，但利息卻不高。你可以到銀行問問。

第三，投資年金，你可以睇睇，這是適合你們的產品，零風險，可以有穩定回報。另外，你亦可投資銀行低風險類的產品，你可自行到銀行了解下，總之是「低風險，持續現金流」的。

第四，持有現金，這可以為你的後盾，以備不時之選。同時可以等投資機會。

你可以將資金，平衡地分配在上述的項目上，對你來說是最好平衡風險，同時有穩定的現金流。

------------------------------------------------

Q22036：

龔sir 你好, 我今年31歲發覺自己儲錢好慢+投資初哥, 股票比例輸多 想請教你投資方法同&意見

我月入HKD20,000, 每月可儲HKD8,000左右

現持有以下資產

Cash :HKD85,000
股票 : 9988 (291.55買入) X 400 股
941 (48.5買入) X 500股
1928 (35.6買入) X 800股

Q1: 9988見你話佢潛力都大 但我好高位入左, 有需要止蝕/加注 由得佢擺住先 ?

Q2. 941 同1928 值得長期持有/加注/ 咩位就要放呢?

Q3. 小米可以入手嗎?

Q4. 另外, 想請教我呢個年齡有咩投資方法/組合可以儲錢有效率啲. 我見你推介供股為主

多謝您的解答

龔成老師︰

1) 阿里巴巴(9988)係有質素的潛力股，你買入價係貴左，但此股有增長潛力。當企業盈利上升，佢股價再回向上，你照長線持有就可以。

但由於佢已經佔你組合，一個好高架比重。就算股價再回調，你都唔好再加注。

2) 我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你31歲，應以增值為主，建議你用「平穏增長股」 + 「潛力股」作組合，去創造一個增值平台。

阿里巴巴(9988)和金沙(1928)都適合你，但中移動(0941)只係收息股，增長力好一般，唔適合你。但你只係有1手，照持有都得，就唔好再加注。

3) 小米（1810）有潛力的，佢的產品性價比高，相信在全球好多個國家都會有市場，佢長遠只會進一步增長。

同時，佢建立的平台是佢長遠的增長動力，先賣手機，再利用手機的平台延伸銷售小米家電。長遠正面的。

這股可長線，現價合理區頂位至略貴，小注分注可以，但唔好入得太急，預佢股價仍波動。回多1-2成更有投資值博率。或者月供都得。

4) 你現時無投資知識和經驗，對企業估值，點去定平貴未必會太了解。所以你先利用月供模式，去做增值，可以減低買貴貨風險，對你而言會較理想。

目標係一些「平穏增長股」 + 「潛力股」，現在你每月先用5成儲蓄，即$4000做月供。其餘先儲起，用一邊月供一邊儲蓄的策略。

由於你投資知識不高，因此可較集中在平穩增長類股，至於潛力股，只宜小小注(不多於3成)。最好是你先提高投資知識，等到你有一定知識和經驗，才慢慢增加潛力股比例(大約5成)。

大市現處於合理水平，那8.5萬現金和每月儲蓄，就等大跌市機會出現，才大力度掃貨，並長線投資。

------------------------------------------------

Q22037：

龔成老師你好！本人34歲，月入20000，月儲2500，因過往實在缺乏規劃理財，零投資經驗，單純地以為買了份儲蓄保險就足夠（供25年,每月1200），

於是便成為月光族了，因最近結識女朋友，當開始為未來籌劃時，實在十分旁惶，驚覺一切已太遲！想向你請教一下，如果我想3年內儲20萬，我該如何做呢？萬分感激！！

龔成老師︰

其實34歲，未算遲，只要你用正確方法去做財富增值，一樣可以有唔錯效果。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

其實"保險"主要係用來防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。

但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想。

現時份儲蓄保險，若已供了一定時間，我建議你保留會較好。但就最好不要再加大這方面投入，以免拖低財富增長力度。

你34歲，應以增值為主，建議你用「平穏增長股」 + 「潛力股」作組合，去創造一個增值平台。

由於你係初學者，對企業估值，點去定平貴未必太了解。我建議你先利用月供模式，去建立一個股票組合，以減低買貴貨風險。

現在你每月先用$1500做月供，其餘$1000先儲起，用一邊月供一邊儲蓄的策略。

餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

我假設投資回報有10%（連股息再投資），你每月投資$2500，3年後大約會增值至10萬。故要達成目標，你最少要加大供款1倍。

而且3年唔係一個長時間，最終回報有機會受股市波動所影響，你要明白這個風險。

------------------------------------------------

Q22038：

老師你好,本人現在收入不穩定, 有大概九萬幾現金, 市值十一萬港股加美股.另外有一小型saving account, 再加五萬六左右在基金投資.

現在有一創富難題:

想盡快儲首期買到一層650萬或以下的樓來投資

如果想創造穩定被動收入來供樓, 唔駛驚自己收入唔穩定供唔到樓.

老師你會有甚麼建議?正在閱讀"80後"中不過還是想麻煩老師你, 真不好意思

龔成老師︰

有兩個方向，第一，你將物業出租，利用租金去供樓，但如果你造高成數按揭，有機會租金少過供款，就會出現負現金流，因此，如果你想較有保障，就不能以高按揭成數去進行這動作。

當然，這就要求你有較多首期，因此，你要在這方面，自己取平衡。

第二，如果你想創造被動收入去供樓，你只要將投資一些收息股，用佢地去創造現金流，咁就可以。

假設你每月要有2萬蚊現金流，以股息率6%計，你需要本金400萬。因此，你現時重點，就係要去累積這400萬。

但一般我地會建議讀者，運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

若你係年青至中年人的話，你現時應把握時間優勢，先做財富增值部份。除非你預買樓時，你年紀都已較近退休之年，你才好考慮原先被動收入的計劃。

至於儲置業資金，你可以投資「平穏增長股」和「潛力股」。你每月5成儲蓄做月供。其餘先儲起，用一邊月供一邊儲蓄的策略。

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。

現時大市只是合理區，你現有9萬資金和每月所儲倒的資金，就等大市出現一定程度的下跌，才大力度掃貨，然後長線投資。

至於基金，你可以衡量基金的投資策略，所投資的資產類別、投資策略、風險程度、市場、費用成本、以及過往的表現(可以睇佢過往5-10年)。

如果整體係優於大市，你都可以投資。

------------------------------------------------

Q22039：

龔成，我想請教一下怎樣實現財務自由，夫婦二人打算明年帶小朋友移居英國。丈夫現已辭去工作，本人兼職收入約每月$8000，每月開資約兩萬。

打算用400萬元在英置業後，餘下資產應該投資甚麼可以製造每月30,000元的現金流呢？

資產：

香港有3個物業：

1.銀行估價480萬元，打算明年賣出用來購英國物業，現每月收租$13000)

2. 市場價約330萬，沒有按揭，現奶奶及老爺收租作生活費。

3. 市場價約330萬，有100萬按揭，收租可cover 供樓費用。

強積金：夫婦共100萬元（移居5年後獲取）

儲蓄保險：24萬本金

藝術品投資 : 現時價值大概 80萬

流動現金: $50萬

虛擬貨幣: $5萬

月供基金: 現價值約40萬，上月已提取其中20萬作為流動現金，並已申請延期供款，餘下20萬會滾存到20年後方可再次提取。

龔成老師︰

若你希望移居英國後，每月有3萬蚊現金流，以股息率6%計，你需要本金600萬。

你可以考慮將部份資產賣出，再轉換成收息股，去創造這筆現金流。例如部分原本無現金流類別的項目如藝術品投資，以及剩餘現金。

收息股︰你可考慮港燈（2638）、香港電訊（6823）、恆生（0011）、工行（1398）、置富（0778）、陽光（0435）、深高速（0548）等，大多有5%股息

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

（你可睇下《50穩健收息股》當中仲有好多）。

但由於英國對股息，係會收取一定稅項，故實際回報會係低少少，你要自己了解翻。

英國稅制比香港複雜，你最好了解清楚。要沽出的資產，就盡早處理，以免受英國稅項影響，令你資產價值被打上折扣。

另外，你移居到一個新地方，生活不確定會大增。建議係投資同時，都留有一定現金，以備不時之需。

------------------------------------------------

Q22040：

龔SIR, 可不可以對我的股票 portfolio 比些意見? 以下大概總值三百多萬, 應該繼續持有, 還是套現買樓?

股票#(買入價)
3988 (3.20)
6 (42.7)
8(4.22)
883 (8.2)
17 (36)

19 (40)
1113(41)
1044 (55.5)
308(1.23)
52(17.)
175(29)

THANKS!

龔成老師︰

你現時持股，質素上都可以，算係一個平穏增長組合。若你係較中年人士，算適合。

香港中旅（0308）、中海油(0883)質素較中等，不宜持有太多。

若你係較年青人士，我建議你加入一些潛力股，去增升組合的增長能力。

潛力股：安碩恒生科技(3067)、阿里（9988）、 騰訊（0700）、港交所（0388）、舜宇光學（2382）、小米（1810）、中生製藥（1177）、ＧＸ中國電車基金（2845）、三星FANG ETF（2814），但就要明白波動性比上述會高左，同時風險大左，你要自己平衡。

至於是否置業，要睇你本身有無實際需要。若係自住樓，你可以套現，但緊記要嚴守"供得起"這個大原則。另外，在置業同時，必須確定尚有一定股票，可以保持增值，以免成個財富組合，偏重晒係物業上。

若你置業目的係為左投資，我就唔太建議。因為現時租金回報率，唔算好高。相比股市，值博率係較低。故暫時將資金投資優質股，會較好。

當然，你此期間找到旬盤，租金回報率高，升值潛力又唔錯，你都可以入市。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q20061-Q20080）

Q20061：

老師那你覺得繼續持有外幣前景好嗎？
英鎊3萬多（12.8-12.9元買入）
澳元4萬多（7.2-8元買入）
再一次感謝您

老師晚安，另請問摩根亞洲總收益債券基金值得買嗎？

龔成老師︰

在投資的角度，外匯不是最好的投資項目，因為說到尾，這些都只是一些貨幣，即是「政府借據」，貨幣中期會以週期的模式運作，但長期來說，都是貶值收場，因為貨幣只有「交易價值」，並無真正的財富價值。

而我地進行財富增值時，應該集中將資金投放在真正的資產，如物業、車位、優質股等。

如果你外幣無實際用途，建議換回港幣去進行投資會較好。

另外債券其實只是「產品」，物業、優質股是「資產」，所以從財富本質上，我地應較集中持有「資產」，才對我地最有利（你可以睇睇《財務自由行》一書，我從財富本質上，講述了當中原理）。同時，現時息口低，但未來有機會重回加息週期，債券未必是最好的投資工具。

至於債券基金，坊間分好多種，你要小心睇，因為有d風險低，無乜問題，有d則有潛在的風險，絕對不是保本的產品，有機會出現了「賺息蝕價」的情況。

第一，有些基券基金，會投資「高收益債券」，即是「垃圾債券」，你一定要睇睇佢所佔的比率。

第二，債券基金往往不是單純地持有債券，而是可以作買賣，以及利用衍生工具作對沖等策略，即是可能有價格上的波動。

第三，不少銀行都會提供借貸，以槓杆去放大回報，以平息借貸去賺取息差。低息環境時間題不大，但進入加息週期，不止借貸成本增加，同時債券價格往往在加息期下跌，雙從打擊下，投資價值成疑。當然，若然加息步伐不快，息差利潤就可觀。

我不是說債券基金有問題，只是說明當中的風險，因為市面上的基券基金好多，你要仔細分析。

------------------------------------------------

Q20062：

Hello啊sir,我係你之前的學生，我上年237蚊買入港交所，一直揸到宜家冇放，現暴升到500蚊

記得你有話話升一倍放一半，但如果係優質嘅，又唔係急用錢可以唔放，所以480幾我都冇放。

但去到今日個市好熱，成交大，其實我反而有啲驚，唔知應該放定係繼續持有，想問下啊sir你意見！Thanks!

龔成老師：

現時大市的確有點熱，特別是新經濟股，所以如果入市要好小心。

至於港交所（0388），是值得長線持有的股票。如果你持貨較多，可以賣部分，如不多，就持有。

總之，點都要有基本的貨在手。

------------------------------------------------

Q20063：

龔sir, 之前同你提過我諗住今年開始用分注模式買2800 ，諗住每個月出糧嗰日就草錢，2個月固定入一手

但係我上星期想入都入唔到，因為佢係咁升，無人放，咁我繼續排佢，定係點樣入可以呀？（聽日開市會再試吓）

龔成老師：

你唔好同排隊買入，可以試下同「市價盤」即刻買入。

月供或自行分注模式，只要你長期做，同時留現金，就可以平均買入價，唔需要太著重現價平與貴。好處是減少人為主觀的分析。

------------------------------------------------

Q20064：

老師你好，有幾個關於市盈率嘅問題想請教你？

1. 如何找岀歷市市盈率？每股盈利可從年報得知，但股價每日都會變動

是否應該用平均數/中位數作計算？我知不少財經網站都有提供相關數據

但當中不少都會納入部份特殊收益，影響了準確性。

2. 財經網站的預測市盈率是否可信？

3. 有無邊類形嘅行業，市盈率並不適合作為估值工具？

感謝老師

龔成老師︰

1） 其實有些網站，都有提供每年市盈率數據，佢地可能會用唔同計法。一般都是用年末的。

只要你用作比較時的市盈率，都係用同一準則去計，咁就可以。

若當年有出現特殊收益，你就要自行去扣除才計算。

2） 我建議你作為一個參考，但唔好盡信。

3） 主要係地產類，因為佢有盈利中包含了"物業重估"。這個只係會計數字，而非真正收益，會令市盈率出現誤導。

其實有些行業，盈利的代表性不強，又或企業仍在發展階段，用市盈率都未必適合。

------------------------------------------------

Q20065：

龔Sir, 首先多謝你一直以黎無私的付出, 穫益良多。想問幾樣野嫁:

1. 819天能動力, 近排分拆業務喺A股科創版, 想問下對於佢H股會有乜野變化呢? 因為我睇佢呢幾年的業積其實係唔錯的, 近排仲發盈喜, 第一唔明點解今日跌得咁誇張?

第二唔明點解佢呢幾年O既市盈率都係喺5-10之間?因為業績咁好O既股, 理應市盈率會保持住比較高O既水平。我覺得唯一風險係呢隻股O既會計師記錄麻麻地...請問你點睇呢?

2. 點睇951超威動力?

3. 其實我幾年前上過你D course嫁喇, 喺尖沙咀同銅鑼灣, 而家想報番個進階課程, 還可以有折扣嗎? 幾年前的入數單我已沒有keep了, 我有notes做證嫁....haha....唔該哂你

龔成老師：

1）你唔好太理會短期股價上落，最重要睇長期。佢在國內上市可以集資，有利佢發展。

天能動力（0819）有質素的，同時業務仍在增長中，不過，增長力由過往的高增長，轉為平穩增長。

佢主要係中國從事研發、生產和銷售新能源鋰動力電池、特殊用途鉛動力電池、電動自行車鉛動力電池；廢舊電池回收處理；以及智慧能源解決方案業務。

佢業務都正面的，但盈利就比較波動，因為幾年前曾出現過虧損，這是扣分的地方。近幾年已無這問題，見佢生意同盈利都有理想增長。

不過，這股業務始終有潛在波動，股價上落大，現價合理區頂，但不能大注。

2）超威動力（0951）為鉛酸動力電池製造商，產品主要用於電動自行車，亦生產風能與太陽能儲能電池，以及一直與吉利及江淮等汽車製造商合作，開發電動車用鉛酸動力電池原型。

佢的銷售及分銷網絡覆蓋一級（向電動自行車製造商供應產品）及二級市場（電動自行車的替換電池市場）。

質素都有少少，但增長力不強，見佢之前盈利無乜增長，反映企業在大環境向好下，都不是特別好賺。投資價值中等，現價合理的。

3）只要是舊生，就可以有進階班優惠價，你可以whatsapp 55457212我同事，比翻D基本資料佢，只要證明你上過堂就得，同事會跟進的。

龔成課程：【倍升股進階課程】（共30小時）
費用：$18800（新學員）
費用：$12800（讀過「龔成投資倍升股課程」學員）
報名：https://www.80shing.com/register.php?id=3

------------------------------------------------

Q20066：

老師想請教下
我一直都想合理價買
但而家牛三

每天看見想買的只升不跌
又怕一下子大跌
入市會得不常失

因為我都不過聽老師提的
12
14
823
吧了
而1928，我等到32入一手，點知又再跌，但我知長遠無問題

又如3067，又是天天升，都不知如何是好

謝謝老師解答

龔成老師：

我地最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

你上述買入舊經濟股，無問題，現價合理。

但都不能完全無新經濟。

安碩恒生科技（3067）可長線。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

不過，現價都唔平，大約在合理區頂至略貴，因此，這刻不能大注投資。最好的策略，就是月供，或自行分注小注慢慢收貨（例如每月買一次、或2個月買可次），總之慢慢入，不能用盡現金，原理如同不斷儲貨，這樣就能平均買入價，減少風險。然後就長線持有。

------------------------------------------------

Q20067：

龔sir, 我上過您既堂, 供股票已經2年, 現在暫時停了, 因為將會買樓, 但暫時股票倉亦很穩實。

呢2年個過程有很大體會, 我持有接近10隻股票, 當中有賺有蝕, 唔係隻隻賺$, 但組合已有接近10%利潤, 其實已經很滿足, 因為明白欲速則不達, 相信經年後會慢慢有複息效益。

就算有些股票仍是蝕少少都不會擔心, 因為來年收息已能達致平衡。

同時, 現在個市既上落, 對我來說, 已經無乜感覺, 現在我對股票的看法, 除非它不再是優質股, 我才會售出。

尤記得以前每買入一隻優質股票, 當佢下跌的時候, 根本無想過會加注, 同時買入每一隻股票, 都希望每隻都會有利潤

但今天回想, 市場上落, 坦言不可能每隻都必定能有利潤的, 但能取之平衡才是皇道吧。最後, 最開心的是我以呢種投資方法, 感染了2位朋友, 同時加入供股行為了。

其中1位朋友已供股1年, 她今天多謝我令她擁有資產的感覺, 所以我覺得應該跟您說聲多謝才是呀。

龔成老師：

太好了！

一般散戶認為買買賣賣是最賺錢方法，雖然有時短期有回報，但其實背後有風險，反而月供股票這種長期儲貨的模式，更穩陣。

我稱為「穩中求勝」的方法。所以，對很多投資者，其實這方法都適合的。

這是長期戰，保持規律進行啦！

------------------------------------------------

Q20068：

龔sir,我是你的學生，有個問題關於配置想請教

家人準備退休，現有700萬cash + 100萬基金退休用

手持一細單位，現在有打算再買650萬左右的樓,因唔夠住。現持有個度可以放租

請問是否應該一口氣full pay嗎？定還是擺落水桶3 到做收息差既組合？

如果做水桶3,應該擺資金幾多落去？做返個穩定資金流，謝謝解答

龔成老師︰

由於你家人已準備退休，投資上要保守些，唔建議再增持物業。如果現時細屋唔足夠應付生活所需，你可以利用部份資金，去將佢換成大屋。

之後，餘下資金可以分成5部分。

第一部分投資收息股，你可以建立一個收息股組合，你可考慮港燈（2638）、香港電訊（6823）、恆生（0011）、工行（1398）、置富（0778）、陽光（0435）、深高速（0548）等，大多有5%股息

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

（你可睇下《50穩健收息股》當中仲有好多）。

你平衡的投資這些股，除了可以得到穩健的收息收，同時可有效的分散風險。

第二，投資債券，你可以選擇A評級的債券，年期較長都可以，但利息卻不高。你可以到銀行問問。

第三，投資年金，你可以睇睇，這是適合你們的產品，零風險，可以有穩定回報。

第四，你亦可投資銀行低風險類的產品，你可自行到銀行了解下，總之是「低風險，持續現金流」的。

第五，持有現金，除了可做定期外，現金亦可以為你的後盾，以備不時之需。同時，若投資市場大跌，你可以在這時買到更多的收息股，股息率會進一步上升。

你可以這筆資金，平衡地分配在上述的項目上，對你來說是最好平衡風險，同時有穩定的現金流。

------------------------------------------------

Q20069：

龑成老師，請問滙賢87001和首程控股697可仍持有嗎？它們合理價應是多少？

龔成老師︰

匯賢產業信託（87001）雖然是不錯的房託，但這房託比其他房託有點特別。

匯賢現時主要資產：包括於2011年收購的北京東方廣場之零售、寫字樓及服務式公寓業務；以及兩家酒店（北京東方君悅大酒店及瀋陽麗都索菲特酒店）。

佢過往都有新增投資，例如2015年才收購的重慶大都會東方廣場。

但要留意，根據北京市人民政府於2006年6月26日發出的國有土地使用證（京市東港澳臺國用（2006出）第10128號），該發展項目總土地面積為7萬7千平方米的土地使用權已授予北京東方廣場公司作綜合用途，到期日為2049年4月21日。

從整體及本質上，這房託是不錯的，適合長線投資。雖然有上述所講的潛在風險，但高股息率，可說能抵償當中風險，同時反映部分物業有「到期」因素。

簡單來說，就是佢的股價，會慢慢長期向下，因為有些資產會到期。不過，如果佢餘下的資產在這段時間增值，咁股價就不會向下。

你其實可以咁樣理解，你收到的股息，有少少是包括了本金的部分，所以就算日後賣出價低了少少，也不會因此而虧損。

整體來說，這股現價有投資價值，現價可分注投資。

首程控股（0697）主要在中國從事停車場經營管理，以及私募基金管理業務。

佢由過往鋼材製造、礦物開採及加工業務，轉型至現時業務。其業務會比較波動，甚至出現過虧損。

整體質素只屬一般，見佢最近有盈利改善的情況，如果你持股不多，可以睇下企業的業務係唔係真正有改善，才決定處理方法。

------------------------------------------------

Q20070：

龔sir，你好，我981係$25.11入貨，你認為目前可以止盈未？還是可以上望$32？

另外，968目前算唔算可入貨價位？

我仲持有2208，$17.25入3萬股，呢幾日都跌得好勁，你認為佢前景樂觀嗎？

龔成老師︰

中短期走勢，我估唔倒。我地投資唔應該睇咁短線，而係應從佢長線質素，去決定是否值得投資。

中芯國際（0981）本質不過不失，雖然仍每年的生意都有增長，但盈利就有波動，反映雖然大環境的市場在增長中，但佢的成本與售價，就未必在佢掌握的範圍，最後造成盈利波動的結果。

雖然這股都有前景，但以佢面對的情況，但好難將佢定義為好優質的股票，只屬中等。再加上中美問題，令不確性增加左。因為有些舉措，未知會否對集團發展，造成長線影響。

此股質素和吸引力只屬一般，如果佢佔你組合比重唔高，可長線持有。

信義光能（0968）有質素，環保能源會係大勢所趨，未來光伏行業，在中國以至全球發展都係正面。

業務上保持一定增長，股本回報率處高水平，加上現金流強勁，是有一定質素。

現價計略貴，如果想入，要回翻D先可以慢慢分注。這股上落比較大，故投資時要控制注碼。

金風科技（2208）主要從事製造並銷售風力發電機組及風電零部件，佢有提供風電相關諮詢，風電場建設、維護服務；建立及經營風力發電場；以及提供污水處理業務及融資租賃服務。

整體算不差，但股價有點波動。睇佢近年股東回報率都有下跌，代表佢賺錢能力弱左。加上此股負債不輕，都係一個風險因素。

此股可投資，但只宜小注。若佔你組合比重唔高，可以守住先。

------------------------------------------------

Q20071：

老師你好， 我30 歲附近， 收入一個月20000 幾， 本身一個月供4000

2000 供2800同2000 供0012, 已有11xx 股2800 同 1000股多d 0012, 另外都持有一手0012

兩手0066, 一手恆生。 想問月供建議應轉下供領展/ 港鐵？ 定係keep 住供恆基好？ thanks, 想儲錢

同埋宜加月供成日有碎股問題， 供夠一手後會突多左。 建議點樣解決？

龔成老師︰

月供係一個長線計劃，短期出現架碎股，唔洗太在意。同埋碎股都可以照賣，只是價位略略低，其實不用擔心。

現時你組合都有質素，至於是否轉領展（0823）或港鐵（0066），視乎你投資喜好，質素上都跟恆基（0012）相近。

但以你年紀，若相轉換組合，我會建議你加入一隻潛力股。因為你組合有增長力，但唔算十分高。以下都是合適潛力股，供你參考。

潛力股︰安碩恒生科技（3067）、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）。

------------------------------------------------

Q20072：

龔SIR你好，想問問什麼是市價盤及增強限價盤買盤是否一定會在指定價格或以下才會執行

而增強限價盤賣盤是否一定會在指定價格或以上才會執行，謝謝

龔成老師：

市價盤就是同你在市場，立刻同任何價入貨。

增強限價盤買入就是在指定價位或以下，就會同你入貨。

增強限價盤賣出就是在指定價位或以上，就會同你出貨。

------------------------------------------------

Q20073：

你好老師想問吓268金蝶國際適合現投資及長遠持有嗎？
買了小米及雅迪，想再買隻一些進取嘅股票有甚麼建議？謝謝

龔成老師︰

金蝶國際（0268）其實是不錯的股票，近年的發展快速，生意同盈利都有明顯的增長，而且行業仍處增長階段。

不過，這股的股價太高，現價處貴水平，對這刻投資有所保留。要等有明顯回調，才可以開始小注入市，會較好。

雅迪控股（1585）主要在中國以「雅迪」品牌從事電動兩輪車（包括電動踏板車及電動自行車）。

此股有增長力，但現價唔算平。過往股價甚為波動，而且佢負債都唔輕，都係扣分地方。

只可以話現價的值博率，中等。若你持貨不多，係可以的。

較有潛力股票︰安碩恒生科技（3067）、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園（1448）。

現時只有安碩恒生科技（3067）、阿里（9988）、中生製藥（1177）、福壽園（1448）算係在合理區頂部，可分注入貨，其餘都略貴，想買就要等一等。

但你要知道，我地唔可以只講求增長，而都要考慮組合平衡性。若你係年青人，這些潛力股，也只能佔你組合最多一半，否則個波動性風險會好過高。

------------------------------------------------

Q20074：

老師你好! 我24歲, 月入22K, 每月可儲10K. 目標3年後可以儲70萬或以上結婚.

去年已經做了10萬定期, 現時銀行有13萬存款. 半年前開始低風險的投資,

有買小額的股票（如小米, 美團）, 但現時已沒有持有.
想了解更全面和合適的投資方法. 謝謝!

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你可以用"平穏增長股" + "潛力股"，去創造一個增值的組合。定期這類定息產品，在財富增值上唔係咁適合。

現在你可用每月5成儲蓄去做月供，其餘先儲起，用一邊月供一邊儲蓄的策略。

月供方面，你可以選擇投資在平穏增長股︰盈富（2800）、金沙（1928）、恆基（0012）、平安（2318）、中銀（2388）、港鐵（0066）、煤氣（0003）、長建（1038）、領展（0823）、希慎（0014）、太古地產（1972）或潛力股︰中生（1177）、福壽園（1448）、安碩恒生科技（3067）、港交所（0388）、阿里（9988）、騰訊（0700）。

大市只在合理區，你現有23萬資金可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨。

以每年回報10%計，3年係可以增值到70萬。但留意，3年唔算長時間，會有機會出現波動，令你最終回報的不確定性增加，你要知這個風險。

------------------------------------------------

Q20075：

龔老師, 你好，本人手上持有多隻股票, 佔全部資產約9成, 現想整理組合, 增加現金流,
請問以下那些可繼續持有, 那些可以賣出?

0001 @ 71
0005 @ 50
0066 @ 40.3
0388 @ 236
0700 @ 240
0883 @ 8.35
0939 @ 6.2
1288 @ 3.47
1299 @ 76
1339 @ 5.32
1810 @ 16.32
2800 @ 26
2823 @ 12.9
3988 @ 3.23
6886 @ 16.35
6993 @ 13.5
9987 @ 418

謝謝指教

龔成老師︰

我地投資會運用「先增值，後現金流」作方法，初期應投資較多增值類資產，較後期則應投資較多保守類項目。所以係分配投資項目時，會因應番你的人生階段。

若果你年青，應用"平穏增長股"+"潛力股"。中年人士，可以較集中翻係"平穏增長股"。當你已近退休之年，就應集中在"收息股"，去創造平穏現金流。

你以上組合，基本上幾種股票都有。而且組合股票，最好維持10隻左右，否則較難管理。你可以因應你股票類別，去作出調整。

潛力股︰港交所（0388）、騰訊（0700）、小米（1810）

平穏增長股︰長和（0001）、港鐵（0066）、中海油（0883）、友邦（1299）、中國人民保險集團（1339）、盈富（2800）、安碩Ａ５０（2823）、ＨＴＳＣ華泰證券（6886）、藍月亮（6993）、百勝中國（9987）
收息股︰匯控（0005）、建行（0939）、農行（1288）、中行（3988）、

當中，中海油（0883）、中國人民保險集團（1339）、ＨＴＳＣ華泰證券（6886）質素較一般，不宜持有太多。、而藍月亮（6993）上市不久，都有一定不確定性，同樣只可小注。

另外，我發現你都比較集中銀行股。緊記相同行業不可佔組合多於3成，而單一企業不要高過15%，否則會有過度集中架問題。

現時大市只在合理區，現金和股票最好各一半。你可以係調整時，多留一點現金，用來等大跌市機會。

------------------------------------------------

Q20076：

老師 708和2333哪個增長力較高？
現價是合理區嗎？

龔成老師︰

恆大汽車（0708）是有風險，有回報的類別。佢業務增長的確快速，雖然前景正面，但係估值方面，就好困難。佢而家仲係燒銀紙的狀態，幾時先有較具體的盈利？無人知。

往後的盈利，有幾大？又無人知，市場只是估估下。而佢現時的市值去到成2800億，只是估出來，好難用具體的財務數據支持。加上佢自己同母公司，仍然處於高負債的水平，令人較難放心投資。

近期推出新能車，這部份會發展成點，尚係未知之數。此股潛力雖然有，但風險並存，如果你是小注的話，都可以。

長城汽車（2333）都正面的，中國汽車市場龐大，加上仍有增長力，這公司都有品牌，所以長線發展不會太差。

但你要留意翻未來車市焦點會落在新能源汽車，比亞迪（1211）這類新能車龍頭，前景相信比長城為佳。

近期佢回左唔少，但都仲係貴。

------------------------------------------------

Q20077：

你好，請問持有以下股票，對以下前景有咩睇法？

#9928 $12.9 10000股
#489 $7.3 18000股
#762 $4.8 14000股
謝謝

龔成老師︰

時代鄰里（9928）於2019年12月由時代中國控股（1233）分拆上市，主要在中國從事提供物業管理服務及相關服務。

上市年期唔算耐，可參考數據相對會較少，要分析較難。只能說，時代鄰里是有質素的。但由於較新，不確定性會較高，不宜大注。

東風集團股份（0489）主要從事商用車、乘用車及汽車發動機、零部件的生產和銷售業務，裝備製造業務，金融業務以及與汽車相關的其他業務。

此股都算有質素，可長線投資。

中國聯通（0762）本質不差的，但賺錢能力比過往有減弱情況，只算是平穩增長類別。

但佢始終是中國3大電訊商之一，點都有一定實力。但股本回報率長期處於較低水平，反映企業賺錢能力不足。現價合理，可分注。

因為中國政府想人民用電話費上網費較平，所以佢只能賺合理，而不過多的利潤。因此，你唔好預佢是高增長。

------------------------------------------------

Q20078：

老師，想問市區樓窩打老道8號同土瓜灣傲雲峰那個優勝。

油麻地區沒什麼大發展，舊區，勝在地鐵站就在旁邊，地點方便，市區海景不錯，價錢大約$800萬，尺價正常，大概$18500/尺。新鴻基樓，圖則比較實用。

傲雲峰，土瓜灣舊區，交通不太方便，但將來有地鐵站開通，景觀也開陽，不過海景比較少。也有合適的450尺，呎價18,000，圖則也可以。

左想右想還是九龍西比較好
老師，我有選擇困難症
不知道應選擇那一區

龔成老師：

兩個都差不多，其實你都大致講出了兩個地方的重點。

如果講發展，傲雲峰會較好，因為啟德長遠的發展較大，對佢都有利。

如果你自住，其實睇你自己喜好就得。

------------------------------------------------

Q20079：

老師，我一年前開始接觸股票，當時咩都識，跟你推薦的買，如領展，金沙等等，第一次賺錢係金沙，果時賺左3千就立賣左，之後再買金沙 823 ，曾經一輪跌好多，好驚，唔敢溝唔敢放，好彩之後有升返同賺錢

然後又賣左，之後一直入唔返，試過幾次經驗都係咁，特別是700同美團，一賣左就直升，經驗下來後

我開始更深信老師你所教的，優質有潛力的股票真的不怕佢跌，而且有耐性長渣才是重點，眼看身邊朋友常大手吃差價，有時候真的會眼紅，所以很佩服你

股票最大的阻礙其實是心態，感謝你願意分享經驗想法。

現在想買書研究搵幾隻股長渣，但不知看那本先，而且不知何時止蝕，或是咩位跌要溝，咩位賺時可以再入注，這些知識我可以由邊幾本書入手了解。

龔成老師：

你見到人賺錢，最重要是平常心，每個人承受風險能力不同的，同埋有些方法短期可能好賺錢，但長遠可以蝕翻。心理質素好重要的。

正如我買比亞迪（1211），持貨十幾年，過往多年回報一般，無乜升幅，我知出面有唔少人笑左我幾年，但我地最緊要是做好自己，唔好理人，最後比亞迪比左我10倍回報！

我地最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

你睇《股票勝經》《50優質潛力股》。

------------------------------------------------

Q20080：

龔老師，我有一個問題，我有個儲蓄保險大約10萬蚊
如果唔拎，頭一年可能有多$1800
兩年可能有$4000

還是應該拎出嚟投資股票

龔成老師：

要睇兩樣點，第一，你本身的財富組合情況。你可以將這些產品，視為財富組合的一充分，因為我地進行理財，攻守兼備是需要的，但你預這部分的增長力不會強。因此，都可以保留。

但如果你本身已有一些防守性的產品，就不要再持有，應投資其他更高增長力的項目。

第二，你本身的投資實力。

如果你投資實力不差，自行投資一定較好，買股票回報較高。

但如果你實力不足，與其買股票虧損，不要投資上述產品。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

#ʜᴇʟʟᴏʙᴇᴀʀ網購分享 🛒
疫情下 大家都盡量留在家中
自然會活動少左 但零食又食多左
作為吃貨的我😛 係唔會放棄零食
當然 要揀好食又健康少少的零食啦
-
遇上今年9月1日 🧸ʜᴇʟʟᴏ ʙᴇᴀʀ 5歲生日慶祝優惠 🎈
成個9月都有大量優惠，包括最新"啤Club會員計劃" ‼️
9月的 5號/ 15號/ 25號會有超荀的閃購日，推出限量🛍$5/$15/$25 產品俾大家搶購，低至5折💖
-
趁咁抵的優惠 我試左幾款健康小食/零食
⭕️日本若翔 奇亞籽蘋果味啫喱 🍎
加入super food的奇亞籽，高纖又高營養價值，果腹感🔝 配合清甜的蘋果味，食完都唔會好大罪疚感😜
⭕️ 日本味之素 低卡懶人即食紅鮭魚粥/ 韓國不倒翁 低卡粉絲杯麵
工作需要輸班工作，每次返通宵要食宵夜都好怕肥🥺 呢兩款低卡美食完全打動我的心💕 可以滿足我的肚餓感又唔怕太肥
⭕️日本Kracie 向日葵精油豐盈健髮護理洗髮露
每次壓力大都會有脫髮問題，呢個品牌口啤好，含優質葵花籽油幫助減少脫髮同扁塌問題 🌸用後仲會有香水級層次的芳香
-
🧸 ʜᴇʟʟᴏ ʙᴇᴀʀ仲有其他特色同新奇有趣嘅潮流美妝、生活百貨及零食。除了網站亦於觀塘設有門市。
‼️ 使用我的個人專屬優惠碼：𝐇𝐁𝐊𝐚𝐊𝐰𝐚𝐧 ‼️
即享有9折扣優惠 (1/9 - 10/9 🛒指定貨品及優惠貨品除外)
為大家送上 🧸ʜᴇʟʟᴏ ʙᴇᴀʀ官網連結 https://www.hellobear.com.hk/
-
一齊happy shopping 🛍
Stay home, Stay healthy and pretty 💯
-
🧸Hello Bear 潮流．美妝
#hellobear #hellobearhk #hellobear5週年

► Facebook: https://goo.gl/e5hX4E
► Instagram: https://goo.gl/3uAtr4
► 合作邀約：liveaninsight@gmail.com

#mL出走 #紐約 #VLOG

－旅程相關資訊 －
📍 kkday 美國30日網卡 👉🏻 https://www.kkday.com/zh-tw/product/8305?cid=6469
網路很順！

📍 kkday 紐約市探險旅遊卡 👉🏻 https://www.kkday.com/zh-tw/product/3866?cid=6469
這次在紐約去的各大博物館＆行程體驗，都是使用這張紐約市探險旅遊卡，有超過70個景點＆體驗可以從中選擇，購買這張卡會比單買各個景點的門票更划算喔！訂購之後會收到確認信，並且獲得一個專屬的QR Code。大部分的行程都可以直接使用QR Code當做入場卷，部分則要先到櫃檯使用QR Code換票喔！

△Bagel Pub
紐約真的沒有什麼當地的特色食物，硬要說Bagel應該是少數的特色食物！這間位於的布魯克林的咖啡廳，櫃檯後的牆上就放著滿坑滿谷不同口味的Bagel，Min編然完全沒發現是Bagel，傻眼喵喵～ 大家還可以選擇要加什麼餡料來搭配Bagel呦！是價錢很合理的美食～

△ Guggenheim Museum 古根漢美術館
古根漢美術館位於曼哈頓上東區，建築非常有特色，就算不進去看展看建築也很值得呦！使用『New York City Explorer Pass 紐約市探險旅遊卡』要先使用QR Code到櫃檯換票呦！

△Central Park 中央公園
來紐約一定要來中央公園走走，可以帶一點小食來野餐呦～

△The Met 大都會博物館
使用『New York City Explorer Pass 紐約市探險旅遊卡』要先使用QR Code到櫃檯換票呦！如果有看過美劇Gossip Girl外面樓梯就是經典場景，裡面真的超級霹靂無敵大，不過Lianne對於文物類的東西真的是興致缺缺，個人比較推薦MoMA~

△HARBS
去日本一定要吃一波HARBS，每天在台灣都心心念念它來台灣開店，沒想到紐約也吃的到，他們家的奶油真的怎麼吃都吃不膩啊～

△Bhatti Indian Grill
到美國就是每天吃各國料理，很推薦這家的海鮮咖哩！

△Time Square
建議大家找晚上的時間大Time Sqarue走走，感受被各大看板包圍的感覺！

△Han Bat
想吃傳統韓食推薦這家位於35街的Han Bat，在國外像念熱熱的食物可以來這裡，小菜無限吃，大推人參雞湯吃完整個人都暖起來了！

△Dumbo Flea Market
來布魯克林一定要記得來Dumbo逛逛，喜歡逛跳蚤市場跟復古小物的朋友，可以趁週末來逛Dumbo的跳蚤市場！在在去河岸邊走走拍照呦！

△Front Street Pizza
來美國就是瘋狂進食Pizza，吃到現在每一家幾乎都是薄皮! 這家有賣單片比臉還大的Pizza，餅皮一樣超級Q，在Dumbo走累推薦可以來這裡！

△Cho Dang Gol
推薦這家位於35街的Cho Dang Gol，最有名的就是他們家的自製豆腐料理，他們的豆腐比較像是豆腐花，如果跟我們一樣愛吃豆腐可以試試看！意外點的炸雞也非常酥脆多汁，重點是小菜一樣無限吃！

△Amorino Gelato Italiano
這家來自義大利的冰淇淋店，我們從歐洲吃到美國，最有特色的就是會把冰淇淋做成玫瑰花瓣的形狀！Min編私心推薦～

△Chelsea Market 雀兒喜市場
沒想到竟然被Google Map的營業時間騙！下次回紐約再帶大家來一次～

△The Empire State Building 帝國大廈
使用『New York City Explorer Pass 紐約市探險旅遊卡』不需要換票，直接使用QR Code就可以上官景台！
推薦白天來看很值得！

△Top of the Rock Observatory 洛克斐勒中心觀景台
使用『New York City Explorer Pass 紐約市探險旅遊卡』需要使用QR Code到櫃檯換票，建議大家事先到櫃檯預約日落時間上觀景台，很貼心他們也有提供換票服務！

△Barn Joo 35
這家位於35街的Barn Joo 35算是韓食結合美式風格料理，當天去也是全場爆滿！人超多，很推薦喜歡fusion食物的朋友們！

△The Ride
紐約行動巴士劇場，巴士會帶著大家遊歷紐約各大景點，並在不經意的時候搭配街頭表演，更有趣的是車上有兩位主持人會以幽默詼諧的方式大領大家體驗這趟旅程，就像是在看脫口秀一樣有趣！使用『New York City Explorer Pass 紐約市探險旅遊卡』需要使用先到The Ride的官方網站預約時間，每天都有限制名額，記得要早點預約喔！

－我們穿什麼 －
📍 Lifestyle NT$100折扣卷：Q7O4NTZI
►黑色小腳褲 https://lihi.cc/yPRf4
►黑色圓領針織 https://lihi.cc/5WyWE

📍REESE 折扣碼：URKGLRND ►不限金額，現折NT$100
►柔軟V領兔絨針織毛衣 杏 https://goo.gl/MNReSg
►寬鬆針織條紋上衣 黑 https://goo.gl/fQU4eE

►5050彈性過膝靴 #4.5公分黑色R版 https://click.alibaba.com/rd/pr8q38f2
►綁帶過膝靴 #4.5公分黑色中跟 https://click.alibaba.com/rd/jn3c5qsq
►飛躍藍休閒鞋　https://click.alibaba.com/rd/m03d8iqb

－你應該會喜歡 －
△ 紐約mL出走#1 | 大嗑Shake shack、漫步布魯克林大橋、紐約街頭
美食
https://goo.gl/fqTG5U
△ 波士頓mL出走#3 | 龍蝦整隻拿起來吃、偽哈佛學生體驗、絕美波士
頓「楓」景、MIT校園、第一次見超可愛姪女
https://goo.gl/oX7FSY
△ 奧斯汀mL出走#4｜德州美食: BBQ＆炸雞好吃到跳舞、超過10種口
味的鬆餅吃起來、與表 妹重逢、Graffiti Park噴漆塗鴉初體驗
https://goo.gl/wxvbkL

－優惠碼專區－
△Vecs Gardenia 嘉丹妮爾 85折優惠碼：LIVE15 ►https://goo.gl/cT9CHa

－Music－
Song: Simon More - Relax (Vlog No Copyright Music)
Music promoted by Vlog No Copyright Music.
Video Link: https://youtu.be/can7JV2OEms

Title: Oh La La
Artist: dyalla
Download: https://goo.gl/GmBDr3

Song: Joakim Karud - Make a Wish (w/ GurtyBeats) (Vlog No Copyright Music)
Music provided by Vlog No Copyright Music.
Video Link: https://youtu.be/VQfxcx9mH10

Finch Fetti ►https://soundcloud.com/chidomya/sets/no-time-to-spare

Chido Mya ► https://www.youtube.com/chidomya/videos

► Facebook: https://goo.gl/e5hX4E
► Instagram: https://goo.gl/3uAtr4
► 合作邀約：liveaninsight@gmail.com

#mL出走 #紐約 #VLOG

－你應該會喜歡 －
△ 紐約mL出走#2 | 帶你們看紐約全景＆夜景、吃遍紐約韓食、大都會
博物館、中央公園、行動巴士劇場 The Ride
https://goo.gl/HuKMju
△ 波士頓mL出走#3 | 龍蝦整隻拿起來吃、偽哈佛學生體驗、絕美波士
頓「楓」景、MIT校園、第一次見超可愛姪女
https://goo.gl/oX7FSY
△ 奧斯汀mL出走#4｜德州美食: BBQ＆炸雞好吃到跳舞、超過10種口
味的鬆餅吃起來、與表 妹重逢、Graffiti Park噴漆塗鴉初體驗
https://goo.gl/wxvbkL
△ 洛杉磯mL出走#5 | 穿xxx也要神同步、好逛又好拍Abbot Kinney文青
街、Santa Monica海灘、IN-N-OUT、Griffith天文台夜景
https://goo.gl/XCaLg3
△ 洛杉磯mL出走#6 環球影城、精品街假日竟然變成市場、全世界最
美書店、超愛聊天Uber司機
https://goo.gl/WfuLRS

－旅程相關資訊 －
📍 kkday 美國30日網卡 👉🏻 https://www.kkday.com/zh-tw/product/8305?cid=6469
網路很順！

📍 kkday 紐約市探險旅遊卡 👉🏻 https://www.kkday.com/zh-tw/product/3866?cid=6469
這次在紐約去的各大博物館＆行程體驗，都是使用這張紐約市探險旅遊卡，有超過70個景點＆體驗可以從中選擇，購買這張卡會比單買各個景點的門票更划算喔！訂購之後會收到確認信，並且獲得一個專屬的QR Code。大部分的行程都可以直接使用QR Code當做入場卷，部分則要先到櫃檯使用QR Code換票喔！

△ Shake Shack
在紐約到處都有分店，必點『Double ShackBurger 雙層口感吃起來更滿足』＆『Fifty - Fifty 一半檸檬水一半有機冰茶』

△ Westfild World Trade Center
建築物很美，室內室外都非常好拍，拍完照還可以順便逛街，跟參觀旁邊的911紀念博物館！

△ Van Leeuwen Ice Cream
朋友推薦的必吃冰淇淋，跟MIN編一樣喜歡吃『伯爵茶 Earl Grey』口味的朋友，不要錯過喔 : )

△Brooklyn Bridge
強烈推薦來紐約一定要走兩次，一次從曼哈頓走，一次從布魯克林走！晚上＆早上走也是不一樣的感受，在上面拍照美到翻～

△Juliana’s Pizza
位於布魯克林的火紅Pizza店，雖然是薄皮Pizza但是餅皮竟然很Q彈！特別提醒他們沒有單片賣，一次都要點一整片，有分大＆小，小的2人吃就滿飽的，如果人比較少去吃可以點classic把兩種口味拼在一起！

△ Blue Bottle Coffee
舊金山來的咖啡，近期非常火紅，真的很！好！喝！我們都愛冰拿鐵，就算紐約很冷還是想喝冰的，哈哈哈哈！

△ Halal Guys
在53街和第6大道上的清真快餐車，有賣Lianne最喜歡的『希臘烤肉卷餅』軟軟的餅皮加上特調醬絕配，前幾年去希臘玩的時候每天都要來一卷，超！級！愛！有去MoMA一定要吃呦～

△ MoMA
使用『New York City Explorer Pass 紐約市探險旅遊卡』要先使用QR Code到櫃檯換票，裡面的藝術品看的很過癮，我們逛了3小時都還看得很趕，建議大家多排一點時間給MoMA！而且手機就可以直接下載MoMA免費導覽的APP，超級值得！

△ BIG BUS - Night Tour
紐約BIG BUS總共有5條路線，路線都會繞著主要的觀光景點開，其中有幾個路線可以在一天之間不限次數上下車，但是我們這次選擇的路線『 Yellow Route - Night Tour』，全程將近2個小時不能中途下車，全程會有工作人員介紹紐約各大景點，很特別的是這是唯一會開過布魯克林大橋的路線，所以想要看曼哈頓夜景的朋友建議選這一個路線喔！這次也是使用『New York City Explorer Pass 紐約市探險旅遊卡』，直接到集合地點給工作人員掃QR Code就可以上車囉，超級方便！

－我們穿什麼 －
📍Lifestyle NT$100折扣卷：Q7O4NTZI
►黑色小腳褲 https://lihi.cc/yPRf4
►黑色圓領針織 https://lihi.cc/5WyWE

📍REESE 折扣碼：URKGLRND ►不限金額，現折NT$100
►無領排釦綁帶襯衫裙 卡莫褐 https://goo.gl/9wc7iG
►柔軟V領兔絨針織毛衣 杏 https://goo.gl/MNReSg

－優惠碼專區－
△Vecs Gardenia 嘉丹妮爾 85折優惠碼：LIVE15 ►https://goo.gl/cT9CHa

－Music－
Song: Simon More - Relax (Vlog No Copyright Music)
Music promoted by Vlog No Copyright Music.
Video Link: https://youtu.be/can7JV2OEms

Finch Fetti ►https://soundcloud.com/chidomya/sets/no-time-to-spare

Title: Oh La La
Artist: dyalla
Download: https://goo.gl/GmBDr3

Song: Joakim Karud - Make a Wish (w/ GurtyBeats) (Vlog No Copyright Music)
Music provided by Vlog No Copyright Music.
Video Link: https://youtu.be/VQfxcx9mH10